Lajmet

Paris Hilton bën thirrje për një projektligj që mbron të rinjtë

Ka më shumë se një vit që ajo po trajton këtë problematikë.

Published

5 years ago

on

Pasi foli për përvojat e saj me abuzimin, Paris Hilton po përpiqet të ndalojë abuzimin e të rinjve në institutcionet e kujdesit, transmeton UBT News.

Përveç kthimit të saj në televizion me“Cooking With Paris”, Hilton ka paralajmëruar një seri dokumentare“Paris In Love”, e cila do ta ndjekë atë ndërsa ajo planifikon dasmën me të fejuarin e saj, Carter Reum.

Tani pas aktivizimit të saj, duke folur për The Washington Post në një op-ed, Hilton po i bën thirrje Presidentit amerikan Joe Biden dhe kongresit të miratojnë ndryshime legjislative për të mbrojtur të rinjtë nga “industria e trazuar e adoleshentëve”.

Hilton gjithashtu kërkoi financim nga shteti për të krijuar praktika më të sigurta dhe trajnime të stafit, dhe për një përmirësim në trajtimin e raporteve të abuzimit, përcjell UBT News.

“Sigurimi që fëmijët, përfshirë fëmijët në rrezik, të jenë të sigurt nga abuzimi institucional, neglizhenca dhe detyrimi nuk është një çështje republikane apo demokratike”, shpjegoi Hilton. “Kjo është një çështje themelore e të drejtave të njeriut që kërkon veprim të menjëhershëm. Ata në pushtet kanë një detyrim për të mbrojtur të pafuqishmit”.

Në artikull, Hilton iu referua përvojave të saj me “rrëmbimin e miratuar nga prindërit” kur ishte 16 vjeç.

Ajo tregoi kohën e saj në shkollën Provo Canyon të Jutas, ku sipas saj, duroi abuzime fizike dhe psikologjike nga stafi. “Më goditën në fytyrë, më spiunuan gjatë dushit dhe [isha] e privuar nga gjumi. Më thirrën me emra vulgarë dhe u detyrova të merrja ilaçe pa diagnozë”, tha ajo.

“Çdo fëmijë i vendosur në këto objekte duhet të ketë të drejtën për një mjedis të sigurt, njerëzor, pa kërcënime dhe praktika të izolimit, dhe kufizime fizike sipas dëshirës së stafit”, tha Hilton për The Washington Post. “Sikur të ekzistonin dhe zbatoheshin të drejta të tilla, unë dhe të mbijetuarit e tjerë të panumërt mund të ishim kursyer nga abuzimi dhe traumat që na kanë ndjekur edhe në moshën madhore”.

Marsin e kaluar, Hilton dha një dëshmi të fuqishme në mbështetje të një projektligji amerikan i cili ndalon qendrat e trajtimit të të rinjve të ndëshkojë studentët. Nga ajo kohë, legjislacioni është miratuar në Utah, Oregon, Maine, Missouri dhe Irlandën Veriore./UBTNews/

Related Topics:
Continue Reading

Lajmet

IKShPK: Në Kosovë janë regjistruar 203 raste me fruth, mbi 95% e të prekurve të pavaksinuar

Published

12 minutes ago

on

October 12, 2026

By

Instituti Kombëtar i Shëndetësisë Publike të Kosovës (IKShPK) ka bërë të ditur se gjatë periudhës 16 prill – 11 tetor 2026 janë konfirmuar 203 raste me fruth, prej të cilave 17 raste u regjistruan gjatë javës së fundit.

Sipas të dhënave zyrtare, mbi 95 për qind e personave të prekur janë të pavaksinuar me vaksinën MMR. Për të parandaluar përhapjen e sëmundjes, IKShPK ka intensifikuar fushatën e vaksinimit të vonuar (catch-up), me ç’rast gjatë këtij viti janë vaksinuar mbi 3,265 fëmijë të grupmoshës 2 deri në 5 vjeç.

Instituti u ka bërë thirrje prindërve të vazhdojnë vaksinimin e rregullt të fëmijëve sipas kalendarit kombëtar, duke e vlerësuar vaksinimin si masën më të sigurt dhe më efikase për mbrojtjen e shëndetit publik. /E.A/

Continue Reading

Lajmet

Gjendet vetura e të dyshuarit për vrasjen e 29-vjeçarit në Pogragjë të Gjilanit

Published

1 hour ago

on

October 12, 2026

By

Policia e Kosovës ka gjetur veturën e të dyshuarit për vrasjen e 29-vjeçarit që ndodhi të dielën në fshatin Pogragjë të Gjilanit.

Lajmin e ka konfirmuar zëdhënësi i Policisë së Kosovës për rajonin e Gjilanit, Ismet Hashani.

Ndërkaq, i dyshuari për kryerjen e kësaj vrasjeje gjendet ende në arrati, teksa njësitë hetimore po vazhdojnë punën për lokalizimin dhe kapjen e tij.

Continue Reading

Lajmet

Maqedonci merr pjesë në Forumin e Sigurisë në Varshavë

Published

2 hours ago

on

October 12, 2026

By

Ministri i Mbrojtjes, Ejup Maqedonci, po merr pjesë në “Warsaw Security Forum 2026”, që po mbahet më 12 dhe 13 tetor në Poloni, ku do të diskutohet për të ardhmen e NATO-s, forcimin e kapaciteteve mbrojtëse evropiane dhe luftën në Ukrainë.

Gjatë këtij forumi ndërkombëtar të sigurisë, i cili bashkon liderë ushtarakë, diplomatë e përfaqësues shtetërorë, Maqedonci pritet të zhvillojë takime me homologë e partnerë ndërkombëtarë për fuqizimin e kapaciteteve mbrojtëse të Kosovës.

Continue Reading

Lajmet

Kuvendi mblidhet të enjten: Në rend dite zgjedhja e anëtarëve të BQK-së dhe Bordit të RTK-së

Published

2 hours ago

on

October 12, 2026

By

Seanca e radhës plenare e Kuvendit të Kosovës do të mbahet të enjten, më 15 tetor, me fillim nga ora 10:00.

Vendimi u mor gjatë mbledhjes së sotme të Kryesisë së Kuvendit me kryetarët e grupeve parlamentare, të udhëhequr nga kryetarja Albulena Haxhiu.

Në rend të ditës të kësaj seance, përveç deklarimeve jashtë rendit të ditës dhe pyetjeve parlamentare, përfshihen një sërë pikash me rëndësi:

  • Bordi i BQK-së: Zgjedhja e dy anëtarëve joekzekutivë të Bordit të Bankës Qendrore të Kosovës.
  • Bordi i RTK-së: Formimi i Komisionit Ad-Hoc për përzgjedhjen e kandidatëve për anëtarë të Bordit të Radiotelevizionit të Kosovës (dy nga komuniteti shqiptar, një nga komuniteti serb dhe një nga komunitetet tjera joshumicë).
  • Projektligje dhe komisione: Shqyrtimi i dytë i Projektligjit për Parandalimin e Pastrimit të Parave dhe Luftimin e Financimit të Terrorizmit, si dhe propozimi i Listës Serbe për emërimin e deputetëve në komisionet parlamentare.

Përveç caktimit të seancës, Kryesia mori vendim edhe për shpalljen e konkursit për anëtarë të Këshillit të Pavarur Mbikëqyrës për Shërbimin Civil të Kosovës (KPMSHCK).

 

Continue Reading

Të kërkuara