Blake Lively ka shkaktuar reagime të shumta nga fansat e “Game of Thrones” pasi e krahasoi veten me Khaleesi, personazhin ikonik të serialit, në një mesazh për Justin Baldonin.

Ajo shprehu se si ka “dragonj”, të cilët mbrojnë ata që ajo do, duke aluduar në rolin e Daenerys Targaryen, e njohur për fuqinë dhe lidhjen me dragonjtë. Megjithatë, shumë fansa të serialit nuk ishin të kënaqur me krahasimin, duke e konsideruar atë si një referencë të pasaktë, pasi Khaleesi përfundoi si një personazh që ra në çmenduri dhe hakmarrje, shkruan DailyMail.

Në mesazhin e dërguar, Blake theksoi se edhe ajo ka “dragonj”, por për të “mirë”.

Kjo shkaktoi kritika nga ndjekësit, të cilët kujtuan se Khaleesi në fund të serialit u bë një figurë kontestuese, duke shkatërruar një qytet të tërë. Krahas kësaj, mesazhi i Blake ishte pjesë e një beteje ligjore me Baldonin, i cili e ka akuzuar për ngacmim seksual dhe krijimin e një mjedisi të tensionuar në setin e filmit “It Ends With Us”.

Baldoni pretendon se Blake, bashkë me bashkëshortin e saj Ryan Reynolds dhe një mik të famshëm, ushtroi presion mbi të për ndryshimet në skenar. Kjo ka çuar në tensione të mëdha dhe ndryshime të shpeshta në skenar, duke shkaktuar vonesa dhe stres për ekipin e prodhimit.

Ylli i Holliwood-it, Margaret Qualley, ka zbuluar se protezat që ajo mbajti në filmin horror të vlerësuar shumë nga kritikët, “The Substance”, shkaktuan aq shumë dëmtime në lëkurën e saj saqë iu desh rreth një vit për t’u rikuperuar.

“Fytyra ime ishte fëlliqur aq shumë atë kohë, “ i tha Qualley Josh Horowitz-it në podcast-in “Happy Sad Confused”.

“Ata nuk mund të më më kapnin më pamje të fytyrës në fund të filmit,” tha ajo në episodin e publikuar të hënën.

Qualley shtoi se protezat shkaktuan puçrra të cilat zgjatën edhe kur ajo po xhironte filmin e saj të radhës “Kinds of Kindness”.

“E njihni personazhin që ka gjithë ato puçrra? Ato ishin vetëm puçrrat e mia nga protezat, “ tha Qualley.

“Dhe unë thashë, ‘Oh, kjo është në të vërtetë disi e përsosur. Unë jam duke luajtur të gjithë këta personazhe të ndryshëm [në ‘Kinds of Kindness’]. Për njërën prej tyre, ne do të përdorim të gjitha aknet e mia të çmendura.’ Po, më është dashur ndoshta një vit për t’u rikuperuar fizikisht nga e gjithë kjo.”

Duke përdorur protezën dhe efekte tjera praktike, “The Substance” përshkruan historinë e aktores së njohur dhe gurusë së fitnesit Elisabeth Sparkle, e luajtur nga Demi Moore, që shkarkohet nga puna nga shefi në ditëlindjen e saj të 50-të. Ajo mëson për një drogë të tregut të zi të njohur si Substanca, që i premton asaj një version më të ri të quajtur Sue, të luajtur nga Qualley, me disa paralajmërime.

Filmi hyn në zhanrin horror-trupor, kështu që Sue del në mënyrë të llahtarshme nga një e çarë në shtyllën kurrizore të Elisabeth dhe, marrëdhënia e tyre bëhet shkatërruese, të dy trupat e tyre prishen në një shëmbëlltyrë për grackat e ndjekjes së rinisë së përjetshme.

Pa dhënë shumë detaje zbuluese, gjithçka arrin kulmin në një akt përfundimtar që i jep kuptim të ri termit “banjë gjaku”.

Në fund të filmit, Qualley veshi një kostum protezë që ajo e përshkroi si “një dhomë torture” për ‘LA Times’.

“Ne do ta vazhdonim këtë derisa të pësoja ndonjë sulm paniku,” tha ajo. “Dhe gjëja joshëse është që ti dëshiron ta heqësh protezën, por sigurisht që nuk mund ta bësh këtë, sepse do të merrte dhe lëkurën tënde me vete.”

Proteza mund të zgjasë “diku nga gjashtë deri në nëntë orë e gjysmë”, tha Moore për Access Hollywood në Golden Globe Awards. Ajo shtoi se u deshën “të paktën një orë e gjysmë për t’i hequr të gjitha”.

Filmi, i cili është filmi i dytë i shkrimtares dhe regjisores franceze, Coralie Fargeat, u konsiderua një sukses për kritikët. Veçanërisht shfaqjet e Moore dhe Qualley po marrin shumë çmime, me Moore që mori një Golden Globe për interpretimin më të mirë nga një aktore femër në një film muzikor ose komedi.

Një nga emrat më të mëdhenj të kinematografisë, skenaristi dhe regjisori David Lynch ka ndërruar jetë në moshën 78-vjeçare.

Familjarët njoftuan lajmin e trishtë, pasi Lynch kishte zbuluar në gusht të vitit 2024 se vuante nga emfizema, një sëmundje kronike e mushkërive si pasojë e duhanpirjes.

I lindur në Missoula, në vitin 1946, Lynch kaloi pjesën më të madhe të fëmijërisë së tij në Idaho.

Ai ishte martuar katër herë dhe kishte një lidhje afatgjatë me yllin e Blue Velvet, Isabella Rossellini.

Pas një viti të vështirë për të, princesha e Uellsit, Kate Middleton ka ndarë përditësim të rëndësishëm për betejën me kancerin. Ajo tregoi se ka kuruar sëmundjen në spitalin ku u trajtua vitin e kaluar, megjithatë kjo nuk do të thotë se është zhdukur përgjithmonë.

Si është tani Kate Middleton?

“Është një lehtësim që tani jam e kuruar dhe mbetem e fokusuar në rikuperimin tim,” ndau Kate në Instagram së bashku me një imazh të vizitës së saj me një pacient në Spitalin Royal Marsden në Londër më 14 janar.

“Siç mund ta dijë kushdo që ka përjetuar një diagnostikim me kancer, duhet kohë për t’u përshtatur me një normalitet të ri. Megjithatë, pres me padurim një vit të ri përpara. Ka shumë për të pritur.”

Gjatë vizitës emocionale, Kate u takua me stafin e përfshirë në trajtimin e saj për t’i falenderuar ata për kujdesin ndaj saj dhe pacientëve tjerë me kancer. Vizita erdhi ndërsa Kate po vazhdon ngadalë kthimin në detyrat publike pasi mori pjesën më të madhe të vitit 2024 për t’u fokusuar tek shëndeti dhe familja e saj.

Hera e fundit që ajo u pa në publik ishte në ditën e Krishtlindjeve teksa iu bashkua familjes mbretërore për festime në Sandringham.

Pjesa më e madhe e fokusit të saj në prapaskenë që nga mbarimi i trajtimeve të kimios është rikthyer në gjendjen e duhur, me një biograf mbretëror që zbuloi se ajo po shkonte dhe në palestër.

“Me sa kuptoj, Catherine po ecën shumë mirë. Ajo po stërvitet në palestër dhe po bën të gjitha gjërat që donte të bënte”, tha Robert Jobson për revistën “Hello” në fund të vitit 2024.

A është rikthyer Kate Middleton në detyrë?

Lajmi i mirë vjen pasi Kate ka nisur një rikthim gradual në detyrë pasi zbuloi se ka përfunduar trajtimin e kimioterapisë. Pjesëmarrja e saj në vizitën spitalore shënon fillimin e kthimit të planifikuar të princeshës në punë dhe angazhimet publike gjatë muajve të ardhshëm.

Pas gati një viti spekulimesh, ndërsa ajo merrej me probleme serioze shëndetësore, Princesha e Uellsit më në fund ndau disa lajme pozitive me fansat anembanë globit më 9 shtator.

“Vera po mbaron, nuk mund t’ju them se çfarë lehtësimi është që më në fund përfundova trajtimin tim të kimioterapisë,” tha Kate shoqëruar me një video të ëmbël duke dhënë një vështrim të sinqertë dhe të paprecedentë në jetën e saj private në shtëpi.

Kate njoftoi se ishte diagnostikuar me një formë të pazbuluar të kancerit në mars të vitit 2024 pas një operacioni të mëparshëm serioz në bark dhe do t’i nënshtrohej disa seancash “kimioterapie parandaluese”.

Ajo është mbështetur shumë gjatë betejës së saj me sëmundjen nga princi William, 41 vjeç, i cili e vuri familjen në vend të parë pasi ata u përballën me këtë kohë të vështirë. Princi ndërpreu detyrat e tij për të qenë aty për gruan dhe fëmijët e tyre.

Kate shpjegoi se udhëtimi kishte qenë “kompleks, i frikshëm dhe i paparashikueshëm”, i kishte lënë çiftit “perspektivë të re për gjithçka”.

Burimi: Who Magazine