Lajmet
Paralajmërohet fushata për luftën kundër dhunës me bazë gjinore
Ministria e Drejtësisë dhe Ambasada e Britanisë së Madhe do të organizojë fushatën për luftën kundër dhunës me bazë gjinore.
Fushata flet në mënyrë specifike për moshat 18-34 vjeç, pasi hulumtimi ka treguar, se ata ishin më të përshtatshëm për mesazhet e barazisë gjinore, dhe ata kishin më shumë gjasa të konsideronin raportimin dhe ndërhyrjen.
Në konferencë për media ministrja e Drejtësisë Albulena Haxhiu dhe ambasadori britanez Jonathan Hargreaves, shprehën mirënjohjen e tyre për bashkëpunim.
Ministrja e Drejtësisë, Albulena Haxhiu tha se kjo qasje ndërmjet ministrisë dhe ambasadës e ka bërë të mundur krijimin e kësaj fushate, e cila shfrytëzon energjinë e brezit të ri.
“Krijimi i kësaj fushate është një shembull i shkëlqyer i bashkëpunimit tonë. Kjo qasje ka bërë të mundur krijimin e kësaj fushate që nuk është vetëm motivuese por edhe frymëzuese. Fushata shfrytëzon energjinë dhe hapjen e këtij brezi”, tha Haxhiu.
Ndërsa, Hargreaves shtoi se ministria e Drejtësisë është e fokusuar në prioritetet e përbashkëta.
“Dhuna ndaj të tjerëve ta llogarisim si problem që duhet luftuar. Mbretëria e Bashkuar dhe Kosova krejt i kanë parë këto kriza. Shërbimi ka qenë në gjendje të punoj me ministrinë e Drejtësisë e cila është e fokusuar në prioritetet tona të përbashkëta”, shtoi ai.
Sheshet e Prishtinës janë stolisur me flamuj kuq e zi për nderë të festës së 28 Nëntorit, Ditës së Pavarësisë së Shqipërisë. Në sheshet e Prishtinës u panë edhe flamujt e shtetit të Kosovës.
Shqiptarët më 28 nëntor festojnë Ditën e Pavarësisë dhe Ditën e Flamurit.
Presidentja e Kosovës, Vjosa Osmani ka uruar Ditën e Forcës, duke thënë se pjesëtarët e Forcës së Kosovës janë gardianë të paqes.
Nëpërmjet një postimi në Facebook, Osmani ka shtuar se ushtarët e FSK-së janë mbrojtës të pakompromis të sovranitetit dhe integritetit territorial të Kosovës.
Osmani ka shtuar se heronjve dhe dëshmorëve që hodhën themelet e ushtrisë, u takon lavdia e përjetshme.
“Në Ditën e ushtrisë sonë, nderojmë zemrën dhe shpirtin e mbrojtjes së atdheut – Forcën e Sigurisë së Kosovës. Ju jeni gardianë të paqes dhe mbrojtës të pakompromis të sovranitetit e integritetit territorial të Kosovës. Heronjve dhe dëshmorëve që hodhën themelet e Ushtrisë sonë, u takon lavdia e përjetshme”, ka shkruar Osmani.
Kulturë
Doli nga shtypi libri “Tranzicioni i medies në Kosovë” i profesorit të UBT-së, Safet Zejnullahu
Profesori i Fakultetit të Mediave dhe Komunikimit në UBT, Safet Zejnullahu, ka botuar librin e tij të ri, titulluar “Tranzicioni i medies në Kosovë”. Libri është një kontribut i rëndësishëm në fushën e studimeve mediatike dhe i dedikohet studentëve të gazetarisë, gazetarëve hulumtues dhe redaktorëve të profesionalizuar, duke ofruar një pasqyrë të thelluar mbi zhvillimet dhe sfidat e medias kosovare gjatë periudhave të ndryshme historike.
Sipas autorit, ky libër përbën finalizimin e një procesi të gjatë hulumtues që ka zgjatur disa vite dhe që ka pasur për qëllim të hulumtojë një fushë të pa studiuar mjaftueshëm në Kosovë. Ai theksoi se ky studim synon të ofrojë një pamje të detajuar dhe të hollësishme të funksionimit të medias në Kosovë, duke trajtuar periudha të ndryshme historike, nga regjimi totalitar, periudha e pushtimit dhe apartheidit, ajo e kohës së luftës, dhe rrethana të tjera që lidhen me ringritjen e sistemit mediatik pas përfundimit të luftës.
“Jam përpjekur të sjell para publikut të dhëna për funksionimin e medias në Kosovë, duke nisur nga periudha e sistemit totalitar, funksionimi në kushte pushtimi e aparteidi, në kohë lufte, si dhe në rrethanat e ringritjes së sistemit mediatik pas luftës”, tha profesori Zejnullahu, duke shpjeguar përmbajtjen dhe qëllimet e këtij libri.
Ky botim është një nga studimet e para që hulumton me detaje zhvillimin dhe tranzicionin e medias në Kosovë, duke e analizuar atë si një proces unik dhe sui generis, që ka kaluar përmes transformimeve të thella dhe sfidash të mëdha, të cilat janë të lidhura ngushtë me ngjarjet politike, shoqërore dhe historike të vendit. Libri ofron një analizë të thelluar të përpjekjeve për të krijuar një sistem mediatik funksional pas periudhës së luftës dhe sfidat e gazetarëve kosovarë në këtë periudhë të ndërlikuar të tranzicionit.
Me këtë botim, Zejnullahu i ofron një burim të pasur informacioni dhe një këndvështrim kritik për ata që janë të interesuar të kuptojnë më mirë përparimin dhe përpjekjet për zhvillimin e medias në Kosovë pas periudhës së pasluftës. Ky libër shërben gjithashtu si një mjet i vlefshëm për studentët e gazetarisë dhe ata që duan të shohin më tej ndikimet e tranzicionit në profesionin e gazetarisë në një shoqëri në zhvillim./UBTNews/
Lajmet
Studenti i UBT-së, Liburn Shaqiri, fiton vendin e parë në garën studentore të Dizajnit në Konventën e 7-të të Industrisë së Drurit
Liburn Shaqiri, student i UBT-së, ka arritur një sukses të jashtëzakonshëm duke fituar vendin e parë në garën studentore të dizajnit, e cila u zhvillua në kuadër të Konventës së 7-të të Industrisë së Drurit. Ky event prestigjioz, i organizuar nga Shoqata e Përpunuesve të Drurit të Kosovës, mblodhi studentë, profesionistë dhe ekspertë nga fusha e dizajnit të drurit, duke u ofruar një mundësi unike për të ekspozuar idetë inovative dhe zgjidhjet kreative që lidhen me këtë industri.
Në këtë ngjarje, Liburn Shaqiri i shfaqi aftësitë e tij të jashtëzakonshme kreative dhe teknike, duke krijuar një produkt që përshtatet perfekt me nevojat e industrisë së drurit dhe duke ruajtur një estetikë moderne dhe tërheqëse. Ai u dallua për qasjen e tij të veçantë, duke kombinuar me sukses funksionalitetin dhe estetikën, dhe për arritjen e një dizajni që përmbushte kërkesat praktike, por që gjithashtu tërhiqte vëmendjen përmes linjave dhe formave të tij unike.
Ky çmim është një dëshmi e nivelit të lartë të edukimit dhe përgatitjes që ofron UBT, dhe po ashtu një tregues i mundësive të shumta që ky institut ofron për zhvillimin e talenteve dhe ideve kreative. Liburn Shaqiri ka treguar se është një shembull frymëzimi për studentët e tjerë të UBT-së, duke u bërë një ambasador i denjë i cilësisë së arsimit dhe përgatitjes praktike që ofrohet në këtë institucion.
UBT është krenar për këtë sukses dhe e vlerëson lart angazhimin e studentëve të saj në zhvillimin e aftësive të tyre profesionale dhe krijuese. Universiteti vazhdon të mbështesë studentët e tij në arritjen e mundësive dhe suksesit, duke u siguruar atyre mundësi për të rritur potencialin e tyre dhe për të bërë hapa të mëdha në tregun global të punës./UBTNews/ 
Krenari kombëtare: UBT feston 28 Nëntorin me performancë artistike dhe kulturore
Eksperti i komunikacionit Nol Dedaj ndau këshilla për raportimin e aksidenteve në trafik me studentët e Fakultetit Media dhe Komunikim
Prishtina ngjyroset kuq e zi për 28 Nëntor
Osmani: FSK-ja, mbrojtëse e pakompromis e sovranitetit dhe integritetit territorial
Doli nga shtypi libri “Tranzicioni i medies në Kosovë” i profesorit të UBT-së, Safet Zejnullahu
Studenti i UBT-së, Liburn Shaqiri, fiton vendin e parë në garën studentore të Dizajnit në Konventën e 7-të të Industrisë së Drurit
Konfirmohet përbërja e re e Komisionit Evropian – mandati nis më 1 dhjetor
Aktakuzë ndaj 10 personave për shitblerje të narkotikëve
Gjenden eshtra në Suhodoll, dyshohet se mund të jenë të ndonjë viktime të luftës
-
Bota4 weeks agoTrump premton paqe në Liban nëse rikthehet në Shtëpinë e Bardhë
-
Bota4 weeks agoKoreja e Veriut rrit frikën në botë, lëshon raketën e re balistike ndërkontinentale
-
Lajmet3 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë2 months agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman