Kulturë

Para se t’i mbushi 30 vjet këto gjëra hiqni përgjithmonë nga dollapi!

Bluzat me dedikime që datojnë që nga koha e gjimnazit.

Published

on

Me kalimin e viteve ndryshojnë shijet, zgjedhjet, trupi dhe sigurisht stili ynë në të veshur. Jeni të vetëdijshëm që pavarësisht nostalgjisë, s’mund të vishemi njësoj si 17 ashtu dhe 27 apo jo? Koha është elementi thelbësor që ndryshon çdo gjë, madje edhe garderobën tuaj. Nga ç’veshje duhet të hiqni dorë para se të hyni në të 30-at?

1. Këpucët e lira! 

Konsumohen në më pak se 3 muaj dhe duken po aq të lira sa ç’ju kanë kushtuar. Investoni në një palë këpucë të mira që mund t’i vishni edhe gjatë fundjavës. Më mirë pak e saktë! 

2. Bluzat me dedikime që datojnë që nga koha e gjimnazit

Jeta vazhdon.

3. Të brendshmet e vjetra

Gjithçka që ka humbur elasticitetin ose duket keq nën rroba duhet të largohet. Investoni në disa të brendshme të mira që do t’ju bëjnë të ndiheni seksi kur dilni përpara pasqyrës.

4. Çdo këmishë që nuk është e bardhë

Ti meriton një këmishë të bardhë që të të ndrijë sa herë ta veshësh!

5. Ai fustani një masë më i vogël

E bleve me ulje dhe vazhdon t’i mbushësh mendjen vetes që do dobësohesh për ta veshur. Vera erdhi dhe iku dhe ai vazhdon të qëndrojë me etiketë brenda në dollap. Bëj diçka të zgjuar, shite atë vogëlushe.

6. Ajo veshje që ti e do kaq shumë, por ka një njollë

Sado e vështirë mund të jetë, nëse njolla nuk largohet, gjejeni kush duhet të largohet?

7. Veshja ‘boho’, që nuk e keni veshur kurrë

Dhe nuk keni për ta veshur kurrë.

8. Fustani i ngushtë pas trupit

Edhe Kim Kardashian e ka kaluar periudhën e fustaneve të ngushta. Provoni fustanet tip ‘korse’. Janë më praktike dhe do t’i fshehin kilogramët e tepërt.

9. Takat shumë të larta

Takat duhet të jenë aq të larta sa ju të ndiheni rehat me to. Asnjë milimetër më shumë!

10. Fustanet ose fundet që janë shumë të shkurtra

Çelësi është që ju të ndiheni rehat dhe të dukeni plot vetbesim, por nuk do ta arrini diçka të tillë nëse ulni fundin dhe fustanin gjatë gjithë kohës.

11. Veshje moderne, por që nuk ju shkojnë

Të qenit të vetëdijshëm është thelbësor për të kuruar garderobën tuaj. Nëse jeni 1.50 e gjatë, mos blini pantallona me shtrat të gjatë deri në fund të këmbëve, vetëm sepse dukeshin bukur tek modelet e Stella Mcartney.

12. Blerjet e shpejta që kanë humbur shkëlqimin

Të tilla blerje mund të jenë një ide e mirë për të qenë në të njëjtin ritëm me modën, por duhet të dini që cilësia e dobët, ka jetë të shkurtër. Nëse ka hyrë në ujë ose ka marrë atë shkëlqimin e çuditshëm pas disa larjeve, mos e vishni më.

Burimi: Bright Side

Continue Reading

Kulturë

“Ëndrra pa kufi, Opera pa mure” – publikohen datat e Ramë Lahaj International Opera Festival

Published

on

Festivali Ndërkombëtar i Operës Rame Lahaj (RLIOF), do mbahet nga 23 korriku deri më 2 gusht 2025, duke sjellë edicionin e tij të pestë, me temën “Ëndrra pa kufi, Opera pa mure” një thirrje për tejkalimin e barrierave dhe për fuqinë transformuese të artit.

Festivali konsiderohet jo vetëm si një festë e muzikës por një dëshmi e forcës së ëndrrave dhe vizionit për Kosovën.

Më poshtë gjeni njoftimin e plotë të festivalit:

Në një vend ku mungon një shtëpi opere, ne nuk pamë një pengesë, por një mundësi për të ndërtuar diçka më të madhe. Me pasion dhe përkushtim, kemi kthyer çdo hapësirë në një skenë tingujsh që përkëdhelin zemrat e publikut.

“Ëndrra pa kufi, Opera pa mure” është më shumë se një moto, është fryma që do të na udhëheq në këtë edicion. Artistë nga çdo cep i botës na janë bashkuar, duke treguar se muzika është gjuha universale. Ajo nuk njeh barriera, nuk njeh kufi. Kosova është gati. Është e denjë, dhe ka nevojë për një shtëpi ku arti të marrë frymë, ku talenti të lulëzojë, ku brezat e ardhshëm të besojnë se ëndrrat bëhen realitet.

Në këtë 5-vjetor, ne nuk ndalemi. Ne ëndërrojmë më fort, krijojmë më lart dhe ndërtojmë themelet e së ardhmes.

Arti nuk ka nevojë për kufi, ai ka nevojë për zemra që besojnë.  Në këtë edicion jubilar, një rrugëtim që ka shënjuar historinë e artit operistik në vend, RLIOF ka ndërtuar tashmë një traditë, duke vendosur çdo vit një tullë më shumë për shtëpinë e ardhshme të artit muzikor në Kosovë.

Continue Reading

Magazinë

Dua Lipa në mesin e 300 personaliteteve që kërkojnë të mos përkrahet Izraeli

Published

on

Këngëtarja shqiptare me famë botërore, është në mesin e 300 figurave publike që i kanë bërë thirrje kryeministrit britanik, Keir Starmer, të ndërpresë bashkëpunimin me Izraelin, për sulmet e kryera ndaj civilëve në Gaza.

Në letrën drejtuar kryeministrit, ka raportuar Sky News, emra të famshëm nga bota e medias, artit, mjekësisë, akademikë, kanë akuzuar qeverinë se po vazhdon të lejojë shitjen e armëve nga Britania e Madhe në Izrael, e ofron licenca për armë.

Letra, e iniciuar nga organizata bamirëse për refugjatë, “Choose Love”, ka kërkuar të pezullojë menjëherë shitjen e armëve për Izraelin, si dhe të ketë qasje të menjëhershme humanitare në Gaza.

“Ju bëjmë thirrje të ndërmerrni veprime të menjëhershme për t’i dhënë fund bashkëfajësisë së Mbretërisë së Bashkuar në tmerret në Gaza”, thuhet në letër.

Aty u potencua edhe që “fëmijët në Gaza po vdesin nga uria, ndërsa ushqimi e ilaçet janë vetëm pak minuta larg”, duke iu referuar bllokadës 11-javore të Izraelit për ushqimin dhe furnizimet e tjera.

Kryeministri Keir iu bashkua udhëheqësve francezë dhe kanadezë, duke paralajmëruar Izraelin se do ndërmarrin “veprime konkrete” nëse kryeministri izraelit, Benjamin Netanyahu, vazhdon zgjerimin e operacioneve ushtarake në Gaza.

Continue Reading

Magazinë

30 vite “Mission: Impossible”, Tom Cruise ndan emocionet para finales së madhe

Published

on

Filmi ikonik Mission Impossible, i cila kulmon këtë vit me të shumëpriturin The Final Reckoning, ka qenë një aventurë jetësore për Tom Cruise.

Në një postim emocionues në rrjetet sociale, aktori 62-vjeçar bëri një reflektim të ndjerë mbi rrugëtimin e tij si yll dhe producent i serisë së suksesshme filmike. Ai shprehu mirënjohjen për të gjithë ata që kanë qenë pjesë e këtij rrugëtimi.

“Më shumë se 30 vjet më parë, fillova udhëtimin e prodhimit të filmit tim të parë, Mission: Impossible,” shkruan Cruise.
“Që atëherë, këto tetë filma më kanë udhëhequr në aventurën e jetës. Faleminderit regjisorëve, aktorëve, artistëve dhe teknikëve të jashtëzakonshëm nga e gjithë bota që ndihmuan t’i jepnim jetë këtyre historive. Ishte një privilegj të punoja me ju. Më e rëndësishmja, dua të falënderoj publikun. Jemi të emocionuar të ndajmë Llogarinë Finale me ju.”

Me këtë mesazh të ngrohtë dhe personal, Cruise ndan jo vetëm historinë e një suksesi kinematografik, por edhe ndjeshmërinë e një artisti që vlerëson çdo hap të këtij udhëtimi 30-vjeçar.

Continue Reading

Magazinë

Bebe Rexha thyen rekord në Billboard – “Meant To Be” shpallet kënga më e dëgjuar ‘country’ e shekullit 21

Published

on

Bebe Rexha, ka shënuar një tjetër sukses të madh në karrierën e saj ndërkombëtare. Këngëtarja, e cila ka pushtuar skenat më të mëdha të muzikës në botë, ka ndarë me ndjekësit në Instagram një arritje historike.

Gjiganti muzikor Billboard ka publikuar në rrjet istën e 100 këngëve më të dëgjuara në historinë e muzikës country në shekullin 21 – dhe në krye të kësaj liste renditet pikërisht kënga e Bebe Rexhës, “Meant To Be”.

“Grafikët country të shekullit 21. Hidhni një sy listës së Billboard për këngët më të mira country të shekullit 21 në @billboardcharts, bazuar në 25 vitet e para të këtij shekulli. Renditja me 100 pozicione është përpiluar sipas performancës në tabelën javore Top Country Songs, nga fillimi i 2000 deri në fund të vitit 2024. Lëvizni fotot për të parë renditjen e plotë e klikoni linkun në bio për më shumë detaje” – shkruhet në njoftimin zyrtar të Billboard.

“Meant To Be”, e publikuar më 2017 në bashkëpunim me Florida Georgia Line, ka njohur sukses të jashtëzakonshëm në mbarë botën. Ajo numëron mbi një miliard dëgjime në Spotify, mbi një miliard shikime në YouTube dhe ka marrë nominime për çmime prestigjioze si Grammy, MTV VMA, MTV EMA dhe CMA.

Ky hit është i certifikuar me çmimin “Diamond” në Shtetet e Bashkuara, një arritje që pak këngë kanë mundur ta prekin.

 

 

Continue Reading

Të kërkuara