Aktualitet
Papunësia në Kosovë, rezultat i të pakualifikuarve
Shqetësimi kryesor është në gjetjen e punëtoreve të kualifikuar.
Bizneset e Kosovës janë në krizë pasi dhjetëra të rinj ikin çdo ditë drejt vendeve të Bashkimit Evropian.
Ata janë në kërkim të një perspektivë më të mirë, por tregu vendas ka mbetur pa krah pune.
Shqetësimi kryesor është në gjetjen e punëtoreve të kualifikuar.
“Kjo vërehet në bazë të konkurseve që ne i hapim dhe çdo vit po ulet numri i konkurrentëve dhe çdo vit dhe aty vërehet mangësia e fuqisë punëtore”, thotë Trëndafile Salihu nga Meister Training Center.
Nje rrezik të tillë e kane paralajmëruar edhe organizatat që trajtojnë çështjen e migrimit. Megjithatë, sipas agjencisë së punësimit të Kosovës, situata është krejt ndryshe.
“Agjencia e punësimit ka të regjistruar mbi 80 mijë punëkërkues në të gjitha zyrat e punësimit. Të gjithë ata janë punëkërkues aktivë të cilët në mënyrë aktive kërkojnë punë. Kemi edhe punëkërkues të kualifikuar”, tha Shpëtim Kalludra nga Agjencia Kosovare e Punësimit.
Sipas tyre për gjithë këta punëkërkues në nivel vendi aktualisht agjencia ka në dispozicion pak më shumë se 10 mijë vende pune.
Megjithatë, bizneset thonë se e kanë të vështirë të bashkëpunojnë me shtetin, duke thënë se kjo agjenci nuk ofron punëtorë në profilet që ata kërkojnë.
Të papunët, sytë drejt BE-së
Mungesën e punëtorëve të kualifikuar e pranojnë edhe organizatat që trajtojnë çështjet e papunësisë.
“Kosovës i mungon fuqia punëtore që ka kapacitet profesional sipas kërkesave të tregut të punës. Pra, e gjithë fuqia punëtore është me shkollim formal, që nuk është relevant në kërkesat e vërteta të tregut”, thotë Rinor Qehaja nga Ed Guard.
Nga Agjencia e Punësimit thonë se problemi real është se në shumicën e rasteve, vetë të papunët, nuk kanë pikësynim që të punësohen në Kosovë.
Ekspertët thonë se mekanizmi i vetëm për ndaljen e ikjes së fuqisë punëtore nga Kosova, shihet afrimi i bizneseve të huaja, si dhe orientimi i rinisë drejt profesioneve, që nga bankat e shkollës./Euronews.al
Avioni i nisur nga Turkish Airlines ka ulur për herë të parë në Aeroportin Ndërkombëtar të Damaskut pas një pauze 13-vjeçare. Fluturimi, i ardhur nga Stambolli, mbante 345 pasagjerë dhe ndihma humanitare, dhe mes tyre ishin CEO i Turkish Airlines, Bilal Eksi, dhe zyrtarë turq.
Ky është fluturimi i parë pas shumë vitesh, dhe Eksi ka njoftuar se kompania do të realizojë tre fluturime në javë për në Siri, duke synuar forcimin e marrëdhënieve midis vendeve. Ky hap vjen pas rifillimit të fluturimeve nga Qatar Airways më 7 janar dhe një fluturimi të Sirisë Airlines më 8 dhjetor./UBTNews/
Presidenti Donald Trump ka emëruar Andrew Puzder ambasador i Shteteve të Bashkuara në Bashkimin Evropian.
Puzder, i cili ka shërbyer drejtor ekzekutiv i rrjetit të restoranteve fastfood ‘CKE Restaurants’, u propozua sekretar i Departamentit të Punës gjatë administratës së parë Trump, por u tërhoq pas shqetësimeve se ai nuk do të mund të siguronte vota të mjaftueshme në Senat për t’u konfirmuar.
Kur u emërua si sekretar i Punës gjatë administratës së parë Trump, Puzder ishte në qendër të një vorbulle polemikash, ankimesh e konfliktesh të mundshme.
Në vitin 2017 ai pranoi se ai dhe bashkëshortja e tij kishin punësuar një person pa dokumente.
Ai u përball gjithashtu me një mori ankesash dhe çështjesh ligjore të ngritura nga punonjës kundër bizneseve të tij.
Në Hungari, 121 shkolla u mbyllën përkohësisht pas një kërcënimi me bombë që u dërgua përmes email-eve në shumë institucione arsimore. Policia ka njoftuar se deri tani nuk është gjetur asnjë bombë, ndërsa hetimet janë në zhvillim.
Kërcënimi është bërë nga një person i paidentifikuar, i cili ka pretenduar se ishte një komplot ekstremist, por autoritetet dyshojnë se mund të jetë një individ me probleme mendore. Kryebashkiaku i Budapestit ka deklaruar se autobusët po përdoren si strehimore për studentët derisa autoritetet të përfundojnë kontrollin. Autoritetet hungareze kanë kërkuar ndihmë nga Sllovakia, pasi kërcënime të ngjashme janë raportuar edhe atje./UBTNews/
Tajlanda ka bërë histori duke u bërë vendi i parë në Azinë Juglindore që legalizon martesat mes personave të së njëjtës gjini. Ligji i ri, i cili do të hyjë në fuqi më 25 janar 2025, u jep të drejta të plota për marrëdhënie ligjore, financiare dhe mjekësore për çiftet e së njëjtës gjini, duke përfshirë mundësinë për menaxhimin e pasurive të përbashkëta dhe përfitime nga sigurimet shëndetësore. Vetëm Nepali dhe Tajvani kanë ligje të ngjashme në Azinë Juglindore.
Megjithatë, ende mbeten shqetësime për zbatimin e duhur të këtij ligji, pasi disa mendojnë se duhen zhvilluar trajnime për autoritetet që të shmangin diskriminimin ndaj çiftëve të së njëjtës gjini. Edhe pse ligji është një hap i rëndësishëm, ka ende sfida për të siguruar të drejtat për të gjithë individët LGBTQ+, veçanërisht kur bëhet fjalë për ligje që mbështesin njohjen e identitetit gjinor dhe mbrojtjen e të drejtave të transgjinorëve.
Në pjesën tjetër të Azisë, mbështetja për martesat mes të njëjtës gjini është ende e ulët, me disa shtete që kanë bllokuar ndryshimet ligjore dhe ndalime të ndryshme ndaj komunitetit LGBTQ+, ndërsa disa vende si Brunei i shohin këto marrëdhënie si të papranueshme, duke vendosur ndëshkime ekstreme për to./UBTNews/
Aktakuzë për vrasjen e rëndë në Gjilan
Reagimet e shumta për zgjedhjen e Besnik Berishës, KPM jep sqarime
Avioni i nisur nga Turqia ulet në aeroportin e Damaskut për herë të parë pas 13 vitesh
Greqi: Regjistrohet vdekja e parë nga gripi në Volos
Trump emëron ambasadorin amerikan në BE
KQZ: Fillon shtypja e 1,752,650 fletëvotimeve për zgjedhjet e 9 shkurtit
Inaugurohet nënstacioni Ferizaj 3, Rizvanolli: Ky investim siguron furnizim të rregullt me rrymë
BERZH, 25 milionë euro kredi për impiantin e ri për trajtimin e ujërave të zeza
Biblioteka e UBT-së: Oazë për të gjithë ata që janë të pasionuar pas librit, dijes dhe kërkimit shkencor
-
Bota3 months agoTrump premton paqe në Liban nëse rikthehet në Shtëpinë e Bardhë
-
Bota3 months agoKoreja e Veriut rrit frikën në botë, lëshon raketën e re balistike ndërkontinentale
-
Bota2 months ago“Ethet” e kthimit të Trump! Takohen Macron e Starmer, zbardhet fokusi i diskutimeve
-
Lajmet2 months agoRektori Hajrizi: Çdo sukses i joni është një sukses për Kosovën!