Papa Françesku shprehet i turpëruar për shkallën e abuzimit seksual të fëmijëve nga klerikët në Francë, transmeton UBT News.
Papa Françesku sot u shpreh “i turpëruar” për veten dhe Kishën Katolike Romake për shkallën e abuzimit seksual të fëmijëve brenda kishës në Francë dhe pranoi dështimet në vënien në radhë të parë të nevojave të viktimave.
Papa foli gjatë auditorit të tij të rregullt në Vatikan për një raport të lëshuar dje që vlerësonte se rreth 330,000 fëmijë francezë ishin abuzuar nga klerikët dhe figura të tjera të autoritetit të kishës që datojnë që nga viti 1950.
“Ka, për fat të keq, një numër të konsiderueshëm. Unë do të doja t’u shpreh viktimave ngushëllimin dhe dhimbjen time për traumat që pësuan”, tha ai. “Ky është gjithashtu turpi im, turpi ynë, turpi im, për paaftësinë e kishës për një kohë të gjatë për t’i vënë ato në qendër të shqetësimeve të saj”.
Ai u bëri thirrje të gjithë peshkopëve dhe eprorëve fetarë që të ndërmarrin të gjitha veprimet e nevojshme“kështu që drama të ngjashme të mos përsëriten”.
Papa gjithashtu shprehu “afërsinë dhe mbështetjen e tij atërore” ndaj priftërinjve francezë përballë një “prove të vështirë” dhe u bëri thirrje katolikëve francezë të “sigurojnë që kisha të mbetet një shtëpi e sigurt për të gjithë”.
Raporti tha se rreth 3,000 priftërinj dhe një numër i panjohur i njerëzve të tjerë të lidhur me Kishën Katolike abuzuan seksualisht me fëmijë. Kishës franceze i është dashur të përballet me sekrete të turpshme që ishin fshehur prej kohësh.
Presidenti i komisionit të pavarur që lëshoi gjetjet, Jean-Marc Sauvé, nënvizoi të martën se autoritetet katolike kishin mbuluar abuzimin në një “mënyrë sistematike” për 70 vjet.
Raporti tha se numri i 330,000 viktimave përfshin rreth 216,000 njerëz të abuzuar nga priftërinjtë dhe klerikë të tjerë, dhe pjesa tjetër nga figurat e kishës.
Vlerësimet u bazuan në një hulumtim të gjerë të Institutit Kombëtar Francez të Shëndetit dhe Kërkimit Mjekësor mbi abuzimin seksual të fëmijëve në vend.
Komisioni i kërkoi kishës të ndërmarrë veprime të forta, duke denoncuar “gabimet” dhe “heshtjen” e saj. Ata gjithashtu i bënë thirrje Kishës Katolike të ndihmojë në kompensimin e viktimave, veçanërisht në rastet që janë shumë të vjetra për t’u ndjekur penalisht në gjykatat franceze./UBTNews/
Kryetari i PDK-së, Memli Krasniqi, ka reaguar pas dështimit të seancës, ku ka akuzuar Lëvizjen Vetëvendosje se po e zvarrit me qëllim konstituimin e Kuvendit të Kosovës, duke theksuar mungesën e përpjekjeve serioze nga ana e saj.
“Janë edhe 35 kandidatë të tjerë që i ka VV, që po të viheshin në votim, ndoshta sot do të kishim të zgjedhur edhe kryetarin edhe konstituimin e Kuvendit,” tha Krasniqi.
Sipas tij, është bërë e qartë se VV po vjen në seanca vetëm për të humbur kohë dhe për të shtyrë afatin 30-ditor, duke e thelluar krizën institucionale.
“Janë edhe 35 kandidatë të tjerë që ka VV që po të viheshin në votim, ndoshta sot do të kishim të zgjedhur edhe kryetarin edhe konstituimin e Kuvendit. Nëse dikush ka pasur dyshimin më të vogël që VV-ja ka pasur përpjekje të vërtetë, u bë e qartë se një gjë e tillë u vërtetua. Vetëm po vijnë në seancë për të humbur kohë dhe për të zvarritur këtë 30-ditësh, për të hyrë në thellim të krizës. Me vetëdije nuk po dëshirojnë të konstituojnë ministrat. Nuk kanë shansë të marrin vota.”, tha Krasniqi.
Policia e Kosovës njofton se sot është arrestuar një person shtetas i Kosovës, i kërkuar me gjashtë urdhëresa gjykate.
Sipas policisë, R.G, 30 vjeçar, shtetas i Kosovës, i kërkuar ishte me gjashtë (6) urdhër arreste nga Gjykata dhe tri (3) kërkime policore për veprat penale “Tentim vrasje e rëndë, Grabitje, Kanosje, Shkaktim i rrezikut të përgjithshëm, Lëndim i rëndë trupor”.
I njëjti pas arrestimit nga ana e policisë është dërguar në vuajtje të dënimit.
“Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj në një operacion të befasishëm që ndërmorën njësitë e stacionit policor Qendra dhe Njësia e Reagimit të Shpejt është arritur arrestimi i personit”, thuhet në njoftim.
Anëtari i kryesisë së Lidhjes Demokratike të Kosovës, Besian Mustafa tha se qëndrimi i tyre nuk ka ndryshuar duke potencuar se nuk do të votojnë për asnjë kandidat të partive, me të cilat nuk kanë marrëveshje politike.
Mustafa tha se mbetet të shihet nëse Lëvizja Vetëvendosje do të mund të bëjë kompromis me partitë e tjera parlamentare për të proceduar më tutje në kuvendin e Kosovës.
“Qëndrimi i LDK-së është ai që ka qenë gjithnjë. LDK nuk voton ndonjë kandidat me të cilin, ose me partinë që nuk ka një marrëveshje politike paraprake…Do të shohim nëse Lëvizja Vetëvendosje është e gatshme që të gjejë një kompromis një rrugë të përbashkët me partitë tjera parlamentare për të proceduar kuvendin, për të votuar kryetarin dhe kryesinë e kuvendit”, tha Mustafa.
Deputeti Besian Mustafa tha se vetëm ata që kanë mbetur gjithmonë besnikë ndaj LDK-së kanë të drejtë të quhen LDK-istë apo rugovistë. Këtë e tha Mustafa pasi u pyet nga gazetarët lidhur me deklarimin e ministrit në detyrë të Bujqësisë, Faton Peci, ku ka kritikuar paritë opozitare për mos votimin e Donika Gërvalles për kryeparlamentare.
Gjykata Kushtetuese e publikoi aktvendimin për ngërçin politik, aktgjykim i cili përcakton një afat 30 ditor për konstituim të Kuvendit të Kosovës. Sipas po këtij aktgjykimi një kandidat apo kandidate nuk mund të votohet më shumë se tri herë.
Janë përditësuar të dhënat mbi fluksin në kufi, nga Qendra Kombëtare për Menaxhim Kufitar. Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra, kurse daljet më të gjata.
Pritjet në hyrje raportohen nga 3 deri në 5 minuta, kurse pritjet për të dalë nga Kosova janë më të gjata.
Raportohen pritje deri 1 orë e gjysmë te Dheu i Bardhë, 60-90 minuta në Merdarë dhe 20 deri 30 minuta në Jarinjë.
Përditësimi i fundit ishte në ora 09:12 të mëngjesit.