Aktualitet

Pal Lekaj: Mosndërtimi i Autostradës së Dukagjinit, gabim fatal nga Qeveria Kurti

Publikuar

3 vjet më parë

më

Qeveria e Kosovës të premten miratoi programin e saj 2021-2025. Programi prej 57 faqe është i organizuar në 18 fusha të qeverisjes, ndërsa identifikon dy prioritetet afatshkurtëra, menaxhimin pandemisë Covid-19 dhe rimëkëmbjen ekonomike, si dhe dy prioritetet afatmesme, luftën kundër korrupsionit dhe reformat ekonomike.

Ajo që vërehet është se Qeveria Kurti nuk do të jetësojë planin e ish-kryeministri Ramush Haradinaj për ndërtimin e një Autostrade në zonën e Dukagjinit.

Nëse jetësohet plani i paraqitur, ajo autostradë nuk do të mund të ndërtohet në një periudhë të afërt, për shkak se të zotimet e qeverisë është paraparë vetëm zgjerimi i rrugës nacionale Istogu –Pejë-Deçan-Gjakovë-Prizren. projekt ky që do të marrë disa miliona euro nga korniza afatmesme buxhetore.

Partia e cila ka dashur ta jetësojë Autostradën e Dukagjinit, AAK-ja e Haradinajt e quan gabim të madh mos ndërtimin e kësaj autostrade, për çka thonë se do ta pësojnë jashtëzakonisht shumë qytetarët.

Ish-ministri i Infrastrukturës, Pal Lekaj, ka thënë për Reporteri.net se ndërtimi i kësaj autostrade ishte alternativa e vetme për zhvillimin e këtij rajoni.

“Nga përspektivz ime ky është një gabim fatal, posojat të cilajt do t’i vuajnë banoret e Dukagjinit. Rajoni i vetëm në Kosovë që nuk ka lidhje me korridoret ndërkombëtare përmes rrugëve të shpejta është ky rajon. Dhe Autostrada e Dukagjinit është alternativa e vetme për zhvillimin e këti rajoni, nga Istogu në veri deri në malet e Sharrit në jug, qytetarët duhet t’i bëjnë për diku 90 kilometra rreth dy orë rrugë, dhe shkurtimi i kësaj kohe të humbur arrihet vetëm përmes autostradës që do rriste mundësit për investime dhe turizëm”, ka thënë Lekaj.

“Zgjerimi i rrugës kërkon shpronësime më të kushtueshme dhe rruga kalon përmes zonave bujqësore e të dërgon përmes qendrave të qyteteve dhe nuk arrihet objektivi për një udhëtim të shpejtë dhe të sigurtë”, ka thënë Lekaj.

Deputeti i AAK-së thonë se partia e tij do ta ngritë zërin në Kuvend për stopimin e projektit të Autostradës së Dukagjinit.

Kujtojmë se Qeveria Kurti me të ardhur në pushtet e ka gjetur në tavolinë hartimin e projektit për Autostradën e Dukagjinit, për realizimin e këtij projekti janë shpenzuar mbi 1 milion euro.

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

6 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

2 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

4 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

2 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara