

Lajmet
Pakistani thotë se “nuk dëshiron” përshkallëzimin e tensioneve me Iranin
Avionët luftarakë të Pakistanit kryen sulme ajrore ndaj caqeve të supozuara militante në Iran.
Published
2 years agoon
By
Betim GashiMinistri i Jashtëm i Pakistanit, Jalil Abbas Jilani, tha se vendi i tij “nuk ka interes apo dëshirë” për përshkallëzimin e tensioneve me Iranin, vendin fqinj, pas përleshjeve ndërkufitare të kësaj jave ku mbetën të vrarë të paktën 11 persona nga të dyja palët.
Avionët luftarakë të Pakistanit kryen sulme ajrore ndaj caqeve të supozuara militante në Iran, mëngjesin e 18 janarit, një sulm për të cilin Teherani tha se vrau të paktën nëntë persona, përfshirë gjashtë fëmijë dhe dy gra.
Jilani i tha homologut të tij turk, Hakan Fidan, gjatë një telefonate më 19 janar, se Pakistani kishte në shënjestër “kampet terroriste” që i përkisnin separatistëve baluçë “brenda Iranit”.
“Pakistani nuk ka interes apo dëshirë për përshkallëzim”, tha Jilani, sipas një deklarate të shkurtër që Ministria e Jashtme pakistaneze e lëshoi pas telefonatës.
Sulmet në provincën Sistan-Baluçestan erdhën pasi Garda Revolucionare Islamike e Iranit sulmoi provincën jugperëndimore pakistaneze të Baluçestanit më 16 janar, duke vrarë dy fëmijë.
Teherani tha se kishte në shënjestër grupin militant sunit, Jaish al-Adl, i cili është përcaktuar si një entitet terrorist nga Irani dhe Shtetet e Bashkuara.
Komenti i Jilanit vjen ndërsa Komiteti i Sigurisë Kombëtare i Pakistanit, i cili mbledh figurat më të larta civile dhe ushtarake të vendit, ka vendosur të mbajë një takim më 19 janar për të diskutuar ngecjen me Iranin.
Më 18 janar, Fidan foli me ministrin e Jashtëm iranian, Hossein Amir-Abdollahian, i cili shprehu dëshirën e vendit të tij për të “zgjeruar marrëdhëniet me vendet fqinje”.
Në Zahedan, kryeqyteti i provincës Sistan-Baluçestan të Iranit, protestuesit dolën në rrugë pas lutjeve të së premtes më 19 janar, për të dënuar atë që ata e përshkruan si “spastrim etnik” të popullit baluç.
Videot e shpërndara në mediat sociale nga Halvsh, një grup që monitoron shkeljet e të drejtave në provincën e varfër, treguan protestuesit duke brohoritur kundër udhëheqjes iraniane, IRGC-së dhe Pakistanit.
Sulmet kanë futur në krizë marrëdhëniet midis Iranit dhe Pakistanit të armatosur me armë bërthamore si dhe kanë kërcënuar ndezjen e një lufte në shkallë të plotë në rajonin e paqëndrueshëm, thonë ekspertët.
Pakistani tërhoqi ambasadorin e tij pas sulmeve të Iranit më 16 janar dhe i tha ambasadorit iranian, i cili ishte në Teheran në atë kohë, të mos kthehej në Islamabad.
Ndërsa kritikonte Islamabadin për shkallën e sulmit, Ministria e Jashtme e Iranit më 18 janar u duk se u përpoq të qetësonte shqetësimet për rritjen e tensioneve, me një ton pajtues në deklaratën e saj duke iu referuar Pakistanit si një “mik dhe vëlla”.
Kufiri poroz 900 kilometra midis Iranit dhe Pakistanit ka rezultuar i vështirë për t’u kontrolluar, duke lejuar të veprojnë grupe të ndryshme militante.
Më 16 janar, Iraku gjithashtu tërhoqi të dërguarin e tij nga Teherani pasi u vranë civilë në një sulm raketor të IRGC-së në rajonin autonom të Kurdistanit të Irakut.
Irani sulmoi me raketa atë që pretendoi se ishte “seli e spiunëve izraelitë” afër Konsullatës amerikane në Irbil të Irakut, dhe shënjestroi caqe të lidhura me grupin militant, Shteti Islamik, në veri të Sirisë./REL
Aktualitet
Ambasadori francez: Manipulimi i informacionit po bëhet sistematik
Published
21 minutes agoon
July 30, 2025By
UBT News
Politizimi i dërgimit të njësiteve të kërkim-shpëtimit të FSK-së në Liqenin e Ujmanit për të ndihmuar në gjetjen e një personi të zhdukur ka nxitur reagime të forta nga ambasadorët ndërkombëtar.
Ambasadori francez, Olivier Guerot, dënoi ashpër veprimin e qeverisë në detyrë. Ai shtoi se Franca do t’i ofrojë mbështetjen e nevojshme misionit paqëruajtes në Kosovës “në një kontekst ku dezinformimi dhe manipulimi i informacionit po bëhen sistematike.”
Geurot shprehu gjithashtu respekt për mediat “që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.”
“Franca e mbështet plotësisht KFOR-in dhe Komandantin e tij. Që nga krijimi i tij, KFOR-i ka luajtur dhe vazhdon të luajë një rol të pazëvendësueshëm në sigurimin e sigurisë për të gjithë. Ai meriton respektin dhe mirënjohjen e të gjithë aktorëve në rajon. Franca do të vazhdojë t’i ofrojë atij gjithë mbështetjen e nevojshme në një kontekst ku dezinformimi dhe manipulimi i informacionit po bëhen sistematike. Po ashtu, i bëj nder mediave që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.” – tha Geurot.
Aktualitet
Oda Ekonomike: Tregu i papërgatitur për liberalizim, s’kemi marrë as faturat nga KEK-u
Published
26 minutes agoon
July 30, 2025By
UBT News
Kryetari i Odës Ekonomike të Kosovës, Lulzim Rafuna, ka bërë thirrje sërish që të pezullohet deri më 1 shkurt të vitit të ardhshëm vendimi i Zyrës së Rregullatorit të Energjisë për daljen e bizneseve në treg të hapur të energjisë.
Rafuna thotë se ka shumë pasiguri te bizneset dhe se nuk janë kundër daljes në treg të lirë të energjisë, por thotë se tregu nuk është i përgatitur ende për këtë. Ai ka shtuar se bizneset ende nuk i kanë marrë faturat për dy muaj sa janë furnizuar nga furnizuesi i fundit KEK-u.
“Asnjë biznes ende s’ka pranuar faturën e KEK-ut. Na është thënë se KEDS-i i lëshon pasi i shikon orët. KEDS ende nuk i ka lëshuar. Është gjuajtje ZRRE me KEDS derisa gjejnë rrugën, mënyrën e kalkulimit. Ka lloj-lloj kalkulimi. Është çmimi i rrymës që blihet, transmisionit, marzhës, shpenzime administrative etj. Kjo është ajo që kemi thënë nga fillimi. Duhet të përgatitet tregu. Nuk është përgatitur as në kuptim të furnizuesve”, ka thënë Rafuna.
Ai ka potencuar se shumë biznese janë detyruar të lidhin kontrata, pasi ZRRE-ja ka njoftuar se nga 1 gushti bizneset që plotësojnë kushtet për të kaluar në treg të hapur e që s’kanë lidhur marrëveshje do të shkëputen nga rrjeti energjetik.
Rafuna ka thënë se është shqetësuese pasi po goditet prodhimi dhe se për të shtyrë vendimin deri më 1 shkurt, ZRRE-ja ka thënë se duhet subvencionuar 50 milionë euro.
Kreu i Odës Ekonomike ka treguar se në takim që kishin pasur me kryeministrin në detyrë Albin Kurti, para 1 qershorit, ai u kishte thënë biznese se është me to. Ai ka treguar se bizneset kishin dëshmuar se si dëmtohen dhe se ka monopol.
Aktualitet
Dita Botërore kundër Trafikimit të Personave
Published
28 minutes agoon
July 30, 2025By
UBT News
E miratuar nga Asambleja e Përgjithshme e Kombeve të Bashkuara në vitin 2013 me anë të rezolutës A/RES/ 68/192, 30 korriku u caktua si Dita Botërore kundër Trafikimit të Qenieve Njerëzore.
Në rezolutë thuhet se një ditë e tillë ishte e nevojshme për të rritur ndërgjegjësimin mbi gjendjen e viktimave të trafikimit njerëzor dhe për promovimin, mbrojtjen e të drejtave të tyre.
Simboli i kësaj dite është ”Zemra blu”, e cila përfaqëson trishtimin e atyre që trafikohen duke na kujtuar zemrën e ftohtë të atyre që blejnë dhe shesin qeniet njerëzore.
Trafikimi i personave është një krim i rëndë dhe një shkelje e rëndë e të drejtave të njeriut. Çdo vit, mijëra burra, gra dhe fëmijë bien në duart e trafikantëve, në vendet e tyre dhe jashtë vendit. Pothuajse çdo vend në botë është i prekur nga trafikimi, qoftë si një vend i origjinës, tranzit apo destinacion për viktimat.
UNODC, si kujdestar i Konventës së Kombeve të Bashkuara kundër krimit të organizuar transnacional (UNTOC) dhe protokolleve të tij, ndihmon shtetet në përpjekjet e tyre për të zbatuar Protokollin për Parandalimin, Frenimin dhe Ndëshkimin e Trafikimit të Personave (Protokolli i Trafikimit të Personave).
Protokolli për parandalimin, shtypjen dhe ndëshkimin e trafikimit të personave përcakton trafikimin e personave si rekrutimin, transportin, transferimin, strehimin ose pranimin e personave, me anë të kërcënimit ose përdorimit të forcës ose formave të tjera të shtrëngimit, rrëmbimit, mashtrimit, abuzimit të pushtetit ose i një pozicioni të cenueshmërisë ose i dhënies ose marrjes së pagesave ose përfitimeve për të arritur pëlqimin e një personi që ka kontroll mbi një person tjetër, me qëllim të shfrytëzimit.
Bota
Tërmet i fuqishëm godet Rusinë, cunami rrezikon shtetet rreth Oqeanit Paqësor
Published
30 minutes agoon
July 30, 2025By
UBT News
Një tërmet i fuqishëm me magnitudë 8.8 ballë ka goditur Gadishullin Kamchatka në Lindjen e Largët të Rusisë, duke shkaktuar një cunami deri në katër metra të lartë, duke dëmtuar ndërtesat dhe duke shkaktuar alarme dhe evakuime në të gjithë Oqeanin Paqësor.
Disa persona u plagosën në rajonin e largët rus, dhe banorëve të pjesës më të madhe të bregdetit lindor të Japonisë.
“Tërmeti i sotëm ishte serioz dhe më i forti në dhjetë vitet e fundit”, tha guvernatori i Kamchatka në Telegram.
Ministri Rajonal i Situatave të Emergjencave Sergei Lebedev raportoi se pas tërmetit u regjistrua një cunami prej 3 deri në 4 metrash. “Të gjithë duhet të largohen nga bregu”, tha Lebedev në një video të postuar në rrjetet sociale.
Instituti Amerikan i Sizmologjisë njoftoi se tërmeti ishte në një thellësi prej 19.3 km, rreth 125 km nga Petropavlovsk, një qytet me 165,000 banorë në bregdetin e Gjirit të Avaçës.

Ambasadori francez: Manipulimi i informacionit po bëhet sistematik

Oda Ekonomike: Tregu i papërgatitur për liberalizim, s’kemi marrë as faturat nga KEK-u

Dita Botërore kundër Trafikimit të Personave

Tërmet i fuqishëm godet Rusinë, cunami rrezikon shtetet rreth Oqeanit Paqësor

Taravari zyrtarizon kandidatët për kryetarë komunash

Chobanova: Bullgaria ka potencial të bëhet model për kujdesin efektiv të fëmijëve refugjatë

Vetëvendosje i reagon Ambasadës Gjermane në Kosovë

BQK: Apple Pay tani e disponueshme edhe në Kosovë

FMN-ja parashikon rritje ekonomike globale 3% në vitin 2025
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit