

Shëndeti
Osteoporoza – Shtohet një tjetër faktor rreziku
Osteoporoza njihet si shkatërruesja e heshtur e kockave në organizmin njerëzor.
Published
3 years agoon
By
UBT newsOsteoporoza të bën të mendosh për një sëmundje të rrallë. Fatkeqësisht nuk është aspak e vërtetë!
Në mjekësi, osteoporoza njihet si shkatërruesja e heshtur e kockave në organizmin njerëzor.
Kohët e fundit është vënë re një rritje e rasteve të diagnostikuara me osteoporozë, një sëmundje që 10 vjet më parë përmendej rrallë.
Shtimi i rasteve vihet re jo vetëm në Shqipëri dhe Kosovë.
Megjithatë, sipas të dhënave të AgroWeb.org prevalenca e kësaj sëmundjeje po përhapet në mbarë globin.
Shkencëtarët thonë se stili i jetesës dhe i ushqyerjes kanë ndryshuar dramatikisht në dhjetë vitet e fundit duke shkaktuar një epidemi të vërtetë të osteoporozës që përkthehet lehtë si kocka të shpërbëshme.
Faktori i ri i rrezikut të sëmundjes së kockave
Studiuesit së fundmi kanë zbuluar se ndotja e ajrit është një faktor tjetër rreziku i kësaj sëmundjeje.
Studimi në fjalë është kryer në Indi, një vend që vitin e shkuar u përball me një nivel alarmant të ndotjes në ajër.
Sipas tyre, ekspozimi i vazhdueshëm i njeriut ndaj ajrit të ndotur shkakton probleme jo vetëm në mushkëri por edhe tek kockat.
Ekspertët kanë vënë re një lidhje të fortë mes ajrit të ndotur dhe rënies së masës kockore të njeriut.
Kjo e fundit i hap rrugën dhe përshpejton shfaqjen e osteoporozës.
Ndotja e ajrit është faktor rreziku edhe për kancerin e mushkërive, sëmundjet e rrugëve të frymëmarrjes, abortet dhe rënien e flokut.
Suplementët më të mirë kundër Osteoporozës
Më poshtë do të gjeni informacion për dy suplementët më të mirë që mund të përdorni për parandalimin dhe trajtimin e sëmundjes.
Këtu duhet të lexoni për ushqimet që ju duhen për kocka të forta.
Kalciumi
99 përqind e kalciumit në organizëm gjendet tek kockat. Pamjaftueshmëria e këtij minerali shkakton shumë probleme përfshirë osteoporozën.
Produktet e bulmetit kanë shumë kalcium, por edhe ato bimorë janë një alternativë më e mirë për këtë mineral.
Për shembull, një filxhan me bajame (150 gramë) përmban të njëjtën sasi kalciumi si një filxhan me kos.
Sardelet dhe brokoli janë një tjetër sugjerim ideal.
Për të përmirësuar përthithjen e kalciumit, sigurohuni që po merrni mjaftueshëm vitaminë D dhe ruani nivelet e aciditetit në stomak.
Disa drithëra, arrorë dhe fara përmbajnë substancën fitate. Spinaqi, patatja e ëmbël dhe panxhari përmbajnë oksalate. Të dyja këto substanca pengojnë përthithjen e kalciumit nga organizmi.
AgroWeb.org ju rekomandon që të mos hani ushqime që përmbajnë fitate dhe oksalate në të njëjtën kohë me ushqime të pasura me kalcium.
Merrni Vitaminë D
80-90% e vitaminës D përfitohet nga ekspozimi në diell. Kjo vitaminë ndihmon në përthithjen e kalciumit në zorrë dhe e orienton atë drejt kockave.
Vitamina D ndihmon edhe kundër çrregullimeve autoimunitare, depresionit e të tjerë.
Këtë mineral mund ta gjeni në sasi të vogla në disa ushqime siç janë e verdha e vezës, mëlçia e lopës dhe viçit, disa kërpudha, peshku dhe disa djathëra./AgroWeb.org
Shëndeti
Rastet kur diabetikët duhet të shkojnë në urgjencë
Published
8 hours agoon
June 23, 2025By
UBT News
Një nga sëmundjet më të përhapura të globit është pa dyshim diabeti, e sidomos diabeti i tipit 2.
Diabeti është cilësuar nga Organizata Botërore e Shëndetësisë si sëmundja e shekullit. Për personat me probleme të mbipeshës, histori të sëmundjes së diabetit në familje apo ata që vuajne nga paradiabeti kujdesi duhet të jetë shumë i madh.
Ka raste, kur sëmundja përkeqësohet dhe shkakton pasoja të rënda që nënvizojnë nevojën urgjente për të shkuar tek mjeku, ja rastet kur diabetikuj duhet të shkojë menjëherë në urgjencë.
Hiperglicemia
Ndodh kur nivelet e sheqerit janë të larta, nëse ky problem nuk trajtohet, gjaku bëhet acidic dëmton qelizat. Njeriu rrezikon të bjerë në koma ose të humbasë jetën.
Simptomat e hiperglicemisë janë:
Etje e madhe
Urinim i shpeshtë
Të përziera ose të vjella
Mjegullim i shikimit
Frymëmarrje e shpejtë
Humbje e ndjenjave
Lëndimet në këmbë
Diabeti dëmton nervat e shkakton mpirjet e këmbëve, kësioj një diabetik nuk është i vetëdijshëm për lëndimet që pëson, gjë që do i detyrojë mjekët ta amputojnë atë. Sigurohuni të kontrolloni shëndetin e këmbëve çdo ditë.
Ataku në zemër
Diabeti i katërfishon gjasat e atakut në zemër.
Dështim të veshkave
Diabeti është i lidhur me sëmundjet e veshkave, përveç analizave të urinës, një diabetik duhet të tregojë kujdes ndaj këtyre simptomave.
Tension i lartë i gjakut;
Urinim i shpeshtë;
Enjtje të kyçeve dhe këmbëve;
Nevojë e pakët për insulinë.
Shëndeti
Shkenca: Gratë e moshuara që duken të reja kanë një karakteristikë të përbashkët!
Published
10 hours agoon
June 23, 2025By
UBT News
Një tipar i përbashkët që i bën të duken më të reja. Gratë kanë më shumë gjasa të jetojnë deri në një moshë të pjekur sesa gratë e së njëjtës moshë që duken më të vjetra e kanë më shumë rrudha.
Kështu pohojnë shkencëtarët nga Baltimora të Universitetit Johns Hopkins, pas kryerjes së hulumtimeve në të cilat ata kërkuan arsyet për plakje më të ngadaltë dhe më të shpejtë.
Duke analizuar pamjen e rrudhave, lëkurën e fytyrës dhe gjendjen shëndetësore të të anketuarave me një moshë mesatare 63 vjeç, zbuluan se gratë që janë më pak të prira ndaj sëmundjeve kardiovaskulare duken dy vjet më të reja se moshataret e tyre që janë të ndjeshme ndaj sëmundjeve të lartpërmendura.
“Ne konkluduam se femrat e reja në përgjithësi nuk kanë probleme me tensionin e lartë, gjë që i bën ato më rezistuese ndaj sëmundjeve kardiovaskulare dhe mundësisë për të pasur atak në zemër,” theksoi Dr. Dejvid Grin, anëtar i ekipit kërkimor, transmeton Telegrafi.
Për herë të parë është gjetur një lidhje mes presionit të ulët të gjakut e pamjes rinore, e cila varet në një masë të madhe nga një mënyrë jetese e shëndetshme.
Një mënyrë e shëndetshme jetese, duhet të bëhet një domosdoshmëri për çdo person të rritur, veçanërisht për shkak të tensionit të lartë të gjakut, i njohur si ‘vrasësi i heshtur’, pasi nuk jep simptoma të dukshme që do të mundësonin reagimin në kohë.
Shëndeti
Dylli i veshit mund ta parashikojë sëmundjen e Parkinsonit
Published
2 days agoon
June 21, 2025By
UBT News
Studiuesit nga “American Chemical Society” po pretendojnë se kanë zhvilluar një sistem të ri që ndihmon në zbulimin e hershëm të sëmundjes neurologjike, Parkinson.
Ky zbulim lidhet me erën e veçantë të sebumit, përbërës kryesor i dyllit të veshit, është substancë yndyrore që trupi e prodhon për të mbrojtur dhe lubrifikuar lëkurën. Studiuesit kanë deklaruar se te personat me Parkinson, sebumi mund të marrë një erë karakteristike dhe paksa të rëndë, pasi sëmundja ndikon në mënyrën se si trupi prodhon komponimet organike që lëshohen përmes sebumit, ka raportuar The Independent.
Çdo vit, rreth 90,000 persona diagnostikohen me Parkinson në Shtetet e Bashkuara, dhe numri i vdekjeve të shkaktuara nga kjo sëmundje është rritur dukshëm në dekadat e fundit. Lidhja në mes të erës së sebumit dhe sëmundjes së Parkinsonit është vërejtur edhe në studime tjera, tani ekspertët kanë arritur të identifikojnë disa komponime specifike që mund të shërbejnë si shenja biologjike të Parkinsonit.
Morën mostra nga kanalet e 209 personave, ku më shumë se gjysma ishin të diagnostikuar me Parkinson, mostrat u analizuan me teknika të avancuara të:
-Kromatografisë së gazit (analizë që tregon se cilët përbërës janë të pranishëm në një mostër dhe ndihmon të kuptohet saktësisht se çfarë substancash përmban dylli i veshit), si dhe
-Spektrometrisë së masës (analizë që ndihmon të identifikohen me saktësi se cilat janë përbërësit kimikë që gjenden në mostër dhe në çfarë sasie janë).
Studiuesit kanë zbuluar se te personat me Parkinson, katër komponime organike ishin të ndryshme krahasuar me ata që nuk kishin sëmundjen. Këtu përfshihen komponimet e quajtura Ethylbenzene, 4-ethyltoluene, Pentanal, 2-pentadecyl-1 dhe 3-dioxolane.
Këto komponime shërbejnë si shenja për diagnostikimin e Parkinsonit, krijuan sistem që përdoret si metodë praktike për zbulimin e hershëm të Parkinsonit, studiuesit ndërtuan sistem të inteligjencës artificiale që simulon nuhatjen njerëzore, model robotik që mund të “ndiej” aromën duke përdorur të dhënat nga dylli i veshit. Sistemi ishte në gjendje të dallonte me 94 për qind saktësi mostrat e njerëzve me Parkinson nga ata pa sëmundjen.
Aktualisht, rreth 1.1 milionë amerikanë jetojnë me Parkinson.
Ekspertët kanë bërë të ditur se zbulimi i hershëm është shumë i rëndësishëm, sepse shumica e trajtimeve ekzistuese vetëm e ngadalësojnë përparimin e sëmundjes, por nuk e shërojnë. Sipas tyre, metodat aktuale të diagnostikimit janë të kushtueshme dhe ndonjëherë të paqarta.
Studiuesit kanë deklaruar se ky sistem me inteligjencë artificiale mund të përdoret si mjet i shpejtë dhe i parë për të zbuluar sëmundjen në fazat e hershme.
“Kjo metodë është në fazë fillestare, është testuar vetëm në një qendër kërkimore në Kinë. Hapi i radhës është të zhvillojmë studime në faza të ndryshme të sëmundjes, në qendra dhe grupe të ndryshme etnike, për të vlerësuar nëse kjo metodë ka vlerë praktike më të gjerë”, ka shpjeguar autori Hao Dong.
Shëndeti
Aktiviteti fizik i rregullt ndihmon trurin të harrojë kujtimet traumatike
Published
2 days agoon
June 21, 2025By
UBT News
Një studim i ri i realizuar nga Universiteti i Kyushus në Japoni dhe Universiteti i Torontos ka zbuluar se aktiviteti fizik i vazhdueshëm mund të ndihmojë në zbehjen e kujtimeve traumatike apo të lidhura me varësinë.
Studiuesit testuan këtë teori te minjtë, të cilëve u ishin dhënë tronditje elektrike, duke shkaktuar tek ta sjellje të ngjashme me çrregullimin e stresit post-traumatik, si frikë, ankth dhe shmangie të mjediseve që lidhen me traumën.
Kur minjtë u lanë të ushtronin, filluan të prodhonin më shumë neurone në pjesën e trurit të quajtur hipokampus, zonë kyçe për kujtesën dhe simptomat e traumës u pakësuan ndjeshëm.
Edhe ndërhyrja gjenetike për të përshpejtuar prodhimin e neuroneve dha rezultate pozitive, ndonëse jo aq efektive sa aktiviteti fizik.
E njëjta metodë u aplikua edhe për sjellje të lidhura me varësinë. Minjtë që më parë shfaqnin preferencë për një dhomë të lidhur me përdorimin e kokainës, pas rritjes së neurogjenezës, nuk tregonin më të njëjtën tërheqje ndaj saj.
Sipas studiuesve, rezultatet hapin rrugën për trajtime të reja ndaj PTSD-së dhe varësive, duke u fokusuar në riformësimin e lidhjeve në tru.
Por deri atëherë, aktiviteti fizik mbetet një mënyrë e fuqishme dhe lehtësisht e arritshme për të ndihmuar trurin të çlirohet nga e shkuara.

Llapi “blindon” yllin e skuadrës

Pas 18 vitesh martesë, çifti i njohur i showbiz-it i jep fund martesës

Putini: Përfshirja e fuqive të huaja në Lindjen e Mesme e ka sjellë botën në një pikë të rrezikshme

Shishe plastike apo qelqi në punë? Ja çfarë thonë faktet!

Kancelari gjerman: Nuk ka “arsye për ne” të kritikojmë Izraelin ose SHBA-në për sulmet ndaj Iranit

Brad Pitt: Do të punoja përsëri me Tom Cruise me një kusht

Rutte: S’do lejojmë Iranin të zhvillojë armë bërthamore

Rektori Hajrizi për Albanian Post: Metaversi është përgjigjja e njerëzimit për të rritur produktivitetin dhe zhvillimin

Darwin Nunez jep sinjale pozitive për kalimin te Napoli
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore