Lajmet

Osteoartriti i gjurit – Si ta lehtësoni me ushqimet e duhura?

Osteoartriti i gjurit prek rreth 10% të burrave dhe 13% të grave mbi moshën 60 vjeç.

Published

on

Osteoartiti është një nga format më të përhapura të artritit tek të rriturit. Njihet si sëmundje reumatizmale e cila prek kyçet dhe gjunjët.

Osteoartriti i gjurit prek rreth 10% të burrave dhe 13% të grave mbi moshën 60 vjeç.

Kjo sëmundje mund të shkaktohet nga faktorë të jashtëm siç janë dëmtimët ashtu edhe nga deformimet e kockave apo plakja.

Nuk ka ende një kurë specifike për kurimin e kësaj sëmundje e cila shkakton fryrje, vështirësi në lëvizje dhe dhimbje të vazhdueshme.

Mjekët shpesh rekomandojnë qetësues për të ndaluar dhimbjen apo edhe zëvëndësimin e gjurit me anë të operacionit.

Gjithsesi këto trajtime mund të kenë efekte anësore apo kërkojnë një kohë të gjatë shërimi.

Ndikimi i ushqimeve

Një studim i ri të cilit i referohet AgroWeb.org, krahasoi dy lloje dietash, një me pak karbohidrate dhe një me pak yndyrë.

Rezultatet e studimit treguan se personat të cilët ndoqën një regjim ushqimor me pak karbohidrate patën më pak simptoma dhimbjesh gjatë ditës.

Studimi u fokusua në 21 të rritur mes moshave 65-75 vjeç të cilët vuanin nga osteoartriti i gjurit.

Pjesmarrësit në studim ndoqën njërën nga dy dietat për 12 javë rresht.

Ekspertët zbuluan se niveli i hormoneve që pakësojnë dhimbjen ishin më i madh tek personat që konsumuan më pak sheqerna dhe karbohidrate të tjera.

Kështu rekomandohet një bazë e caktuar ushqimesh që ndihmojnë në lehtësimin e kësaj sëmundje.

Ushqimet që duhet të konsumoni

AgroWeb.org ju këshillon të konsumoni mish të bardhë si mishi i pulës.

Peshku dhe vezët janë gjithashtu janë ushqime me shumë pak karbohidrate.

Tek perimet mund të zgjidhni mes perimeve jeshile, kryesisht spinaq, lakra, sallata jeshile, lulelakra dhe brokoli.

Farat dhe arrorët, vaji i ullirit janë po ashtu të pastra nga sheqernat, njësoj si molla, boronicat apo luleshtrydhet.

Konsumoni rregullisht kosin, qumështin e freskët dhe prodhimet e djathit duke bërë kujdes me sasinë e kripës në to./AgroWeb.org

Lajmet

Dështimi i 53-të, deputetët mblidhen sonte prapë në orën 22:00

Published

on

By

As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.

Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.

Kryesuesi i seancës konstituive, Avni Dehari, tha se seanca do të mbahet sonte në orën 22:00.

Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.

Continue Reading

Lajmet

​Zemaj: Nuk pres të ketë diçka as pas dy javësh

Published

on

By

Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.

Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.

Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.

Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.

Zemaj tha se nuk pret ndryshim as pas dy javëve.

Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Continue Reading

Lajmet

Limaj: S’po shoh ndonjë mundësi për ndryshim sot

Published

on

By

Kryetari i Nismës Socialdemokrate, Fatmir Limaj, është pyetur sot nëse pret të kandidohet për kryetar të Kuvendit të Kosovës, në kuadër të zhvillimeve rreth seancës konstituive.

Në një deklaratë të shkurtër dhënë para fillimit të seancës, Limaj u përgjigj shkurtimisht: “S’po shoh ndonjë mundësi për ndonjë ndryshim sot.

Kjo deklaratë vjen në një moment të tensionuar, kur partitë opozitare dhe Lëvizja Vetëvendosje ende nuk kanë arritur një konsensus për konstituimin e Kuvendit. Mospajtimet e vazhdueshme kanë penguar zgjedhjen e kryetarit të Kuvendit, ndërsa afati kushtetues për këtë proces përfundon sonte në mesnatë.

Continue Reading

Lajmet

Murati: Nuk është problem që të sigurohen votat për të tejkaluar këtë ngërç

Published

on

By

Deputeti i Lëvizjes Vetëvendosje (LVV), Hekuran Murati tha se nuk është problem që të sigurohen votat për tejkalim të ngërçit politik.

Ai para fillimit të seancës konstituive, e cila është përpjekja e fundit para vendosjes së masës së Gjykatës Kushtetuese, tha se pret që të ketë vullnet nga partitë opozitare për konstituim të kuvendit.

Po shpresoj që meqë është seanca e fundit apo vazhdimi i fundit që do të mbahet para pezullimit nga Gjykata Kushtetuese, shpresoj dhe uroj që të gjendet vullneti nga partitë opozitare, por edhe tek deputetët individualisht që më në fund të kemi konstituimin e kuvendit. Na duhet që patjetër që të formohen institucionet. Ne tashmë siç e keni parë jemi te numri 57 në vazhdimësi, me votat e NISMA-s bëhemi 60, jemi shumë afër 61. Me votat e Veton Berishës dhe Duda Baljes bëhemi 62, me votën e Lutfi Hazirit që ka thënë do të bëhesha vota 61 bëhemi 63, e madje edhe me votën e Bekë Berishës bëhen 64. Nuk është problem që të jenë dhe të sigurohen votat për të tejkaluar këtë ngërç, vetëm duhet vullnet politik qoftë i subjekteve opozitare, qoftë edhe i deputetëve individualisht”, deklaroi Murati.

Continue Reading

Të kërkuara