Lajmet

Osmani i quan trishtuese statistikat e dhunës ndaj grave: Kryesit e veprave duhet të dënohen

Osmani thotë se kryesit e veprave duhet të dënohen dhe të mos tolerohet asnjë lloj dhune.

Published

4 years ago

on

Në hapjen e “Javës për mbrojtjen e viktimave të krimit” presidentja Vjosa Osmani tha se obligim i shtetit është mbrojtja dhe garantimi i së drejtës për jetë. Ajo shtoi se statistikat rreth dhunës janë trishtuese, e sipas saj dhuna tashmë është bërë sfidë e madhe për vendin. Osmani thotë se kryesit e veprave duhet të dënohen dhe të mos tolerohet asnjë lloj dhune.

“Obligimi i shtetit në raport me të drejtat dhe lirive të njeriut nuk janë vetëm obligime negative por edhe obligime pozitive që nënkupton t’i mbrosh ato kur janë në rrezik, e qoftë ajo e mbrojtjes për jetë. Deri në shtator të këtij viti janë edhe tre gra viktima të dhunës në familje dhe statistikat janë trishtuese, kryesit e veprave duhet dënohen”, deklaroi ajo.

Osmani tha se përkundër punës që po bëhet në luftimin e dhunës në familje dhe dhunës ndaj grave, ftoi institucionet të vazhdojnë të punojnë në këtë drejtim. Madje ajo ka ofruar edhe mbështetjen e saj në mbrojtje të viktimave.

“Më vjen mirë që po punohet pozitivisht nga profesionistët që të fitohet besimi në këto institucione. Dua të ri konfirmoj angazhimin tim personal që të bashkëpunoj me të gjitha institucionet ku integritetin dhe respektimin e ligjit e kanë parësore dhe bashkërisht të luftojmë krimin e t’i mbrojmë viktimat. Mbi të gjitha të zbatohet ligji duke siguruar një të ardhme më të mirë për qytetarët pa frikë, ne vetëm bashkë mund të sigurojmë qetësi për qytetarët. Heshtja ime ndaj padrejtësive kurrë nuk do të jetë një alternativë, sepse kështu i nxisim kryesit e veprave dhe dhunës që të vazhdojnë tutje, andaj ta ngrejë zërin sa më shumë”, deklaroi Osmani.

Nën patronatin e Kryeprokurorit të Shtetit, Aleksandër Lumezi, ka nisur “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. Kurse gjatë ditëve në vijim do të mbahen sesione online me tema të ndryshme.

Related Topics:
Continue Reading

Lajmet

​25 të vdekur në Haiti ndërsa lumi del nga shtrati

Published

4 minutes ago

on

October 30, 2025

By

Kryebashkiaku Jean Bertrand Subrème ka njoftuar se Uragani Melissa vrau 25 persona në Haitin jugor kur një lumë i përmbytur doli nga shtrati.

Njerëzit mbeten të bllokuar në disa shtëpi që u shembën në portin e Petit-Goâve, tha kryebashkiaku.

“Jam i tronditur nga situata,” tha ai, duke shtuar se kishte kërkuar ndihmë nga qeveria në vendin e trazuar ndërsa përballet me dhunë të përhapur të bandave, raporton CNN.

Zona është goditur nga shiu i rrëmbyeshëm si pasojë e uraganit Mesliss, herë pas here për shtatë deri në tetë ditë, me totale të vlerësuara të reshjeve mbi 30 centimetra.

Që nga ora 11:00, Melissa është e përqendruar pranë bregut verior të Kubës dhe ka hyrë zyrtarisht në Oqeanin Atlantik për herë të parë, sipas Qendrës Kombëtare të Uraganeve.

Melissa është shndërruar në uragan të kategorisë 2 me erëra prej 170 km në orë, por mbetet e frikshme pasi po gjeneron shira e erëra të rrëmbyeshme duke vazhduar rrugën e saj drejt ishujve Bahama.

Uragani parashikohet të kalojë midis ose potencialisht mbi Long Island dhe Crooked Island sonte më vonë. Paralajmërimet për uragane janë në fuqi për Bahama, ndërsa Ishujt Turks dhe Caicos janë nën paralajmërim për stuhi tropikale./S.K/KP/

Continue Reading

Lajmet

Mblidhet kryesia e Kuvendit, diskutohet buxheti i tri komunave

Published

10 minutes ago

on

October 30, 2025

By

Kryesia e re e Kuvendit do të mblidhet sot, ku në rend të ditës do të diskutohet për dy çështje të rëndësishme.

Në agjendë pikat kryesore janë, funksionalizimi i trupave punuese të Kuvendit si dhe diskutimi rreth miratimit të buxheteve komunale për vitin 2025 për komunën e Prishtinës, Gjilanit, si dhe atë të Zubin-Potokut.

Mbledhja pritet të nis me fillim nga ora 14:00./S.K/EO/

Continue Reading

Lajmet

Parashikimi i motit

Published

14 minutes ago

on

October 30, 2025

By

Moti sot mbi vendin tonë do të jetë kryesisht me diell dhe vranësira të shpërndara.

Sipas Institutit Hidrometeorologjik të Kosovës, temperaturat minimale do të lëvizin nga -1 -2 gradë Celsius, derisa ato maksimalet e ditës pritet të jenë ndërmjet 15 e-18 gradë Celsius.

Do të fryjë erë nga juglindja me shpejtësi prej 1 e deri 3 metra për sekond./S.K/EO/

Continue Reading

Lajmet

​Paga minimale, Murati thërret në takim përfaqësuesit e bizneseve

Published

15 hours ago

on

October 29, 2025

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Të kërkuara