Film & TV

Osmani i ndau ‘Medaljen Presidenciale të Meritave’ regjisores Blerta Basholli

Publikuar

Ushtruesja e detyrës së presidentes së Kosovës, Vjosa Osmani i ka ndarë ‘Medaljen Presidenciale të Meritave’ regjisores Blerta Basholli, pas suksesit të filmit “Zgjoi”.

Lajmin e ka kumtuar regjisorja Basholli, e cila vlerësoi se është nder i shumëfishtë nga Osmani.

“Nderin që na e ka bërë Presidentja Osmani është nder i shumëfishtë. Jo vetëm për mua dhe ekipin e filmit ZGJOI, por është nder për shkak të tematikës të cilën trajton, për zonjën Fahrije Hoti dhe zonjat e tjera inkurajuese si ajo, për Presidenten, Grua e suksesshme si në fushën akademike ashtu edhe ate politike, për komunitetin artistik, i cili ka nevojë për më shumë vëmendje nga shteti, për vet Kosovën.  Këtë medalje të meritave ia dedikojmë zonjës Fahrije Hoti, e cila është edhe simbol i të gjitha grave të Kosovës, të cilat përkundër humbjeve që pësuan nga lufta e fundit në Kosovë, përkundër paragjykimeve e pengesave serioze nga shoqëria, përkundër mbështetjes aspak të mjaftueshme nga shteti, ato me kokën lartë vazhduan, punuan, edukuan fëmijë dhe patën sukses në çdo aspekt. Na dhanë shembull model se si duhet të vazhdojmë të punojmë edhe ne të tjerët, qofshim gra apo burra”, shkroi ajo mes tjerash.

Basholli përmes një shkrimi në Facebook e falënderoi zonjën Fahrije Hoti, tregimi i së cilës u përcoll nga ky film që bart shumë emocion te publiku. Ajo ia dedikoi këtë medalje Fahrijes.

“Këtë medalje të meritave ia dedikojmë zonjës Fahrije Hoti, e cila është edhe symbol i të gjitha grave të Kosovës, të cilat përkundër humbjeve që pësuan nga lufta e fundit në Kosovë, përkundër paragjykimeve e pengesave serioze nga shoqëria, përkundër mbështetjes aspak të mjaftueshme nga shteti, ato me kokën lartë vazhduan, punuan, edukuan fëmijë dhe patën sukses në çdo aspekt. Na dhanë shembull model se si duhet të vazhdojmë të punojmë edhe ne të tjerët, qofshim gra apo burra. Tregimi i zonjës Fahrije Hoti është një tregim inkurajues për secilin prej nesh, andaj e falenderoj edhe publikisht për shembullin që na e ka dhënë për fuqizimin e gruas në vend edhe kur ai fuqizim duket i pamundur, përcillet me pengesa e me shumë dhimbje. Faleminderit znj. Fahrije Hoti që ndave këtë pjesë të jetës tënde me ne! Je dhe do të jesh inspirimi im, por edhe i shumë të tjerëve përherë”, shkroi ajo më tej.

Regjisorja e filmit falënderoi edhe kastën e aktorëve dhe personave të tjerë që dhanë kontribut në realizimin e këtij filmi.

MEDALJE PRESIDENCIALE E MERITAVE Për kontributin e dhënë në fushën e kulturës Nderin që na e ka bërë Presidentja Osmani…

Posted by Blerta Basholli on Friday, February 19, 2021

Filmi “Zgjoi” ka shënuar histori në festivalin e filmit në Sundance. Ky film mori tri çmimet kryesore në këtë festival: Filmi më i mirë, Regjisorja më e mirë, dhe çmimin e vlefshëm të publikut të festivalit më të madh të filmit të pavarur në Shtetet e Bashkuara të Amerikës./UBTNews

Film & TV

Rikthehet “Frasier”

Publikuar

nga

Shfaqja e njohur amerikane e viteve ’90, “Frasier” do të rikthehet. Në këtë shfaqje shkëlqeu Kelsey Grammer, si një psikiatër me një emision në radio.

Lajmin e konfirmoi Grammer, teksa u shpreh se mezi po pret të vazhdojë rrugëtimin e tij sikurse Dr Frasier Crane.

Nuk ka ndonjë konfirmim nëse kasta tjetër e aktorëve do të rikthehet./UBTNews

Vazhdo të lexosh

Film & TV

Filmi i regjisorit shqiptar në listën e ngushtë për çmimin “Oscar”

Publikuar

nga

Filmi i metrazhit të shkurtër “The Van”, i regjisorit shqiptar, Erenik Beqiri, ka hyrë në listën e ngushtë të nominimeve për “Oscar”, në kategorinë “Filmi më i mirë i metrazhit të shkurtër”.

Në këtë film shkëlqejnë dy aktorët nga Kosova, Arben Bajraktaraj dhe Afrim Muçaj.

“The Van” që është bashkëprodhim mes Shqipërisë dhe Francës, në listën e ngushtë për çmimin prestigjioz garon krahas filmave: “Bitu”, “Da Yie”, “Feeling Through”, “The Human Voice”, “The Kicksled Choir”, “The Letter Room”, “The Present”, “Two Distant Strangers”, “The Van” dhe “White Eye”.

15 marsi është data kur do të shpallen nominimet për çmimin “Oscar”./UBTNews

Vazhdo të lexosh

Film & TV

Shtyhet data e lansimit të filmit “Marry Me”

Publikuar

nga

Teksa studiot dhe ekspozuesit e filmave po përballen me pasiguri rreth asaj se kur do të hapen masivisht kinematë, edhe data e lansimit të një filmi u shtye.

Bëhet fjalë për filmin “Marry Me”, ku shkëlqejnë Jennifer Lopez, Maluma dhe Owen Wilson. Ky film do të lansohet më 11 shkurt 2022, ndonëse ishte paraparë të lansohej më 14 maj 2021. Ndërsa data fillestare e këtij filmi ishte fillimi i shkurtit të vitit 2021, megjithatë u shtye deri në maj për shkak të pandemisë.

Ky film bazohet në romanin e Bobby Crosby, teksa shfaq yllin e popit, Lopez. “Marry Me”, gjithashtu do të përfshijë muzikë origjinale, të realizuar nga dyshja Lipez dhe Maluma./UBTNews

Vazhdo të lexosh

Film & TV

Dokumentar mbi jetën e Britney Spears

Publikuar

nga

Kritikët dhe fansat e kanë mirëpritur dokumentarin e ri të titulluar “Fraiming Britney Spears”, që u shfaq në Shtetet e Bashkuara të Amerikës.

I prodhuar nga The New York Times, ky film shfaq ngritjen e këngëtares drejt famës dhe polemikat rreth jetës së saj.

Babai i këngëtares ka qenë kujdestari i saj për 12 vite, për shkak të problemeve me shëndetin mendor.

Në nëntor, Spears e humbi një betejë ligjore për të hequr kontrollin e babait mbi pasurinë e saj.

Shumica e fansave e mirëpritën dokumentarin si evidencë e mëtejshme për atë se si është trajtuar këngëtarja gjatë viteve, derisa disa të famshëm i shprehën mbështetje./UBTNews

Vazhdo të lexosh

Të kërkuara