Lajmet

​Osmani: Familja Jashari është themeli mbi të cilën u ngrit liria e Kosovës

Published

2 days ago

on

Presidentja e Kosovës, Vjosa Osmani për nderë të shtatëmbëdhjetë vjetorit të Pavarësisë së Kosovës ka ndarë të martën dekorata presidenciale, për personalitete të shquara vendore dhe ndërkombëtare që kanë kontribuar për lirinë dhe pavarësinë e Kosovës.

Presidentja e Kosovës, Vjosa Osmani, në një ceremoni të veçantë i ndau titullin hero i Kosovës, Shaban Jasharit, kryefamiljarit të familjes legjendari Jashari nga Prekazi, si dhe dekoratën “Urdhri i Lirisë” për familjen Jashari.

Osmani ndau urdhrin hero dhe heroin e Kosovës edhe për Fehmi dhe Xhevë Lladrovcin, derisa tha se lufta nuk ka qenë vetëm e burrave por grave.

“E tillë është familja Jashari e cila është themeli mbi të cilën u ngrit liria e Kosovës. Një moment i gjallë i sakrificës dhe heroizmit të pashoq. Historinë e njerëzimit rrallë herë ka ndodhur që një familje e tërë të flijohet për idealin e shenjt të lirisë duke u bërë simbol i qëndresës dhe dinjitetit kombëtar, si dhe motiv për mijëra ushtarë të UÇK-së. Nga plumbi i parë e deri te qëndresa heroike e marsit 1998 Jasharët nuk u thyen asnjëherë dhe nuk u zmbrapsen asnjëherë. Ata përqafuan pavdekësinë….Sot titullin hero do t’ia ndajmë Shaban Jasharit. Atij që inspiroi familjen e tij, kryefamiljarit të familjes Jashari dhe kryefamiljarit të të gjithë familjes së madhe të quajtur Kosovë. Deri më sot familja Jashari si emblemë e lirisë dhe simbol i sakrificës sublime nuk ishte dekoruar në tërësi për heroizimin, sakrificën dhe qëndresën e saj të pashembullt. Prandaj kam nderin që në emër të popullit të Kosovës do të dekoroj familjen Jashari në tërësi….Lufta nuk ishte vetëm e burrave ajo ishte betejë e përbashkët ku gratë si Xhevë Llavdrovci, Yllka Domi, Lumnije Rakaj, Jehona Rakaj, Emsale Franku, Mukadeze Muhaxheri dhe shumë gra të tjera sakrifikuan po aq sa edhe burrat, prandaj edhe sot po marrin vendin që i takon në histori duke iu ndarë urdhrin heroinë e Kosovës”, tha ai.

Dekoratën në emër të familjes Jashari e pranoi Besarta Jashari, vajza e Hamzë Jasharit, e cila ishte dëshmitare e sulmit të forcave serbe mbi familjen e saj më 5, 6 dhe 7 mars 1998.

Ajo fillimisht ndau një thënie të Adem Jasharit, axhës së saj dhe heroit të vendit, derisa bëri thirrje që shqiptarët mos të pranojnë kurrë përçarjen.

“Jam e nderuar që sot jam në mesin tuaj, për nder të 17 vetorit të Pavarësisë, festën e madhe për gjithë shqiptarët. Duke qenë se prezenca ime lidhet me atë që përfaqësoj, më lejoni ta lidhë këtë fjalim me një thënie të axhës Adem: ‘Ndoshta edhe fitohet liria me laps, por neve në Kosovë na mungojnë varrezat e dëshmorëve’. Këtë ia kishte thënë profesorëve të Akademisë Ushtarake në Shqipëri në vitin 1991, pas vizitës që ia kishte bërë kompleksit të dëshmorëve dhe monumentit ‘Nëna Shqipëri’ në Tiranë. Kjo thënie i jep kuptim dhe dedikim si komb për çlirimin e Kosovës…Po e përfundoj këtë fjalim me thënien e axhës Rifat, që shumë shpesh e thotë: Kur kombi shqiptar është i bashkuar, neve na flladitet zemra. Andaj sot, në festën e 17-vjetorit të pavarësisë së Kosovës dhe në prag të 27-vjetorit të Epopesë së UÇK-së më lejoni të ju përshëndes të gjithë shqiptarëve kudo që jeni dhe t’ua përcjell kërkesën time personale: Mos pranoni kurrë përçarje, jemi një! Zoti e bekoftë Kosovën dhe Shqipërinë! Zoti e bekoftë kombin tonë!”, tha ajo.

Pjesë e kësaj ceremoni ishte edhe presidenti i Shqipërisë, Bajram Begaj, i cili tha se Kosova e pavarur është një realitet që s’ka kthim prapa.

“Kosova e pavarur është një realitet që nuk kthehet pas. Është një realitet që është fituar me gjak dhe sakrificë. Liria e Kosovës nuk është vetëm liri për qytetarët e saj, ajo është një garanci për paqen dhe stabilitetin në rajon. Historia ka treguar se shqiptarët nuk ka qenë asnjëherë agresor, por dashuria jonë për paqe nuk i bën shqiptarët të dobët dhe pafuqishëm. Shqiptarët gjithmonë kanë mbrojtur lirinë dhe vlerat euro-atlantike. E ardhmja jonë është e përbashkët. S’ka Shqipëri të fuqishme pa Kosovën e fortë. S’ka Kosovë të sigurt pa një Shqipëri të qëndrueshme dhe zhvilluar. Ne ecim bashkë drejt Evropës sepse jemi evropian”, theksoi ai.

Krahas këtyre, presidentja Osmani ndau dekorata presidenciale edhe për personalitete nga Shqipëria dhe ndërkombëtarë që kanë kontribuar për lirinë, pavarësinë dhe fuqizimin e Kosovës

Related Topics:
Continue Reading

Lajmet

Mendime të ndara në debatin për Serbinë në Parlamentin Evropian

Published

1 hour ago

on

February 20, 2025

By

Ndërsa disa kritikojnë qeverinë në Beograd, të tjerë pretendojnë se ajo ka bërë më shumë sesa tregon raporti vjetor. Draft raporti vjetor i Parlamentit Evropian për Serbinë u prezantua në një takim të Komisionit për Punë të Jashtme në Bruksel.

Raportuesi i Parlamentit Evropian për Serbinë, Tonino Picula, ka folur për protestat e studentëve, reagimet e qeverisë, si dhe për dëbimin e qytetarëve të Bashkimit Evropian nga Serbia për mbështetje të protestave.

Ai paralajmëroi se së shpejti një udhëtim në Serbi, ku do të zhvillojë një takim me përfaqësues të qeverisë dhe opozitës./UBTNews/

 

Continue Reading

Bota

Futja e sistemit ETIAS për udhëtime në Shengen shtyhet deri në 2025

Published

1 hour ago

on

February 20, 2025

By

Futja e sistemit ETIAS (European Travel Information and Authorization System) për qytetarët e 50 vendeve që nuk kërkojnë vizë për të hyrë në zonën Shengen është shtyrë për në fillim të vitit 2025, njofton agjencia Beta.

Ky sistem do të ishte një hap i parë drejt rregullave të reja për hyrjen në vendet e Shengenit. Sipas informacionit të dhënë nga Komisioni Evropian, aktualisht nuk kërkohet asnjë veprim nga pasagjerët.

ETIAS do të përdoret për qytetarët e vendeve si Bosnja dhe Hercegovina, Serbia, Kosova, Mali i Zi dhe Maqedonia e Veriut, të cilët mund të udhëtojnë pa vizë në Shengen. Së pari, duhet të implementohet sistemi EES (sistemi i daljes dhe hyrjes) për regjistrimin e shtetasve jashtë BE-së, i cili ishte planifikuar për nëntor 2024, por gjithashtu është shtyrë për këtë vit./UBTNews/

Continue Reading

Bota

Ministri danez: Evropa duhet të armatoset masivisht

Published

1 hour ago

on

February 20, 2025

By

Ministri i Jashtëm danez, Lars Lokke Rasmussen, ka theksuar se Evropa duhet të përgatitet të armatoset masivisht përballë kërcënimeve të rritura, sidomos pas periudhës së pasigurisë që ka sjellë administrata Trump. Ai ka thënë se jemi në një periudhë shumë kritike të historisë botërore dhe se Evropa duhet të bëjë më shumë për të mbrojtur veten dhe për të mbështetur Ukrainën. Komentet e tij pasuan një njoftim nga Kopenhaga, që do të rrisë shpenzimet e mbrojtjes me 7 miliardë dollarë për të përballuar kërcënimet nga Rusia.

Rasmussen ka përmendur se Rusia mund të vazhdojë luftën në Ukrainë, ndonëse ka pësuar humbje të mëdha, për shkak të mbështetjes nga Irani, Koreja e Veriut dhe Kina. Ai gjithashtu ka shtuar se duhet të shikohet lufta në Ukrainë si një pjesë e një konflikti më të gjerë dhe se bota perëndimore duhet të qëndrojë e bashkuar.

Danimarka ka dhënë ndihma të mëdha për Ukrainën që nga fillimi i pushtimit rus, duke përfshirë rreth 7.5 miliardë dollarë për ndihma ushtarake dhe civile. Në lidhje me sigurinë evropiane, Rasmussen ka theksuar se Rusia mund të rrezikojë edhe shtetet fqinje dhe anëtarët e NATO-s nëse lufta përfundon pa sukses./UBTNews/

Continue Reading

Lajmet

​Qeveria mirëpret kërkesën e PE-së për largimin e menjëhershëm të masave

Published

1 hour ago

on

February 20, 2025

By

Kërkesa e Parlamentit Evropian ndaj vendeve anëtare të Bashkimit Evropian për heqjen e masave ndëshkuese ndaj Kosovës po mirëpritet në Qeverinë e Kosovës.

Sipas ekzekutivit kosovar, kjo kërkesë tashmë i shtohet edhe rekomandimit të ish- përfaqësuesit të lartë të BE-së, Josep Borrell për largimin e masave në verën e vitit 2024.

Megjithatë, njohës të integrimeve evropiane thonë se përkundër vullnetit të parlamentarëve evropianë, vendimmarrja kryesore për heqjen e masave i takon vendeve të unionit.

Të enjten, në Komisionin e Politikës së Jashtme të PE-së, raportuesi për Kosovën Riho Terras paraqiti draft-raportin e tij vjetor për situatën në Kosovë dhe përparimin e saj drejt BE-së, ku mes tjerash u kërkua nga blloku evropian të heqë masat ndëshkuese ndaj Kosovës.

Në lidhje me këtë, zëdhënësi i qeverisë së Kosovës, Përparim Kryeziu, në një përgjigje për KosovaPress, thotë se masat janë vendosur padrejtësisht dhe po vazhdojnë të mbahen padrejtësisht, andaj të njëjtat duhet të hiqen sa më parë.

“Ne e mirëpresim draft raportin e raportuesit për Kosovë në Parlamentin Evropian, Riho Terras në të cilën kërkohet largimi i menjëhershëm i masave të Bashkimit Evropian ndaj Kosovës. Kjo kërkesë tash i shtohet edhe rekomandimit të ish-Përfaqësuesit të Lartë të BE-së Josep Borrell për largimin e tyre. Me këtë rast, ritheksojmë gjithashtu kërkesën tonë për largimin e masave ndaj Kosovës të cilat u vendosën padrejtësisht, dhe po vazhdojnë të mbahen padrejtësisht”, thekson ai.

Kërkesën e PE-së ndaj vendeve të BE-së po e konsideron pozitive edhe analisti politik, Arbnor Sadiku. Megjithatë, sipas tij, për shkak të kompleksitetit të vendimmarrjes së Bashkimit Evropian është vështirë të besohet se masat ndaj Kosovës do të hiqen shpejt.

Ai kërkon nga Qeveria e Kosovës që të jetë më aktive dhe t’i bind vendet skeptike të BE-së për nevojën e heqjes së masave ndëshkuese.

“Është një lloj trysnie pozitive në kuptimin që Kosovës t’i largohen masat. Sa kemi pa në të kaluarën shtetet anëtare e kanë rolin kryesor në unionin evropian. Ato bazohen në bazën dy gjërave kur marrin vendime të tilla. E para është interesat e shteteve anëtare dhe gjeopolitika e BE-së… Lehtë është me ia vendos masat BE-ja një shteti, mirëpo është shumë vështirë me ia largu pasi vendimet janë koncensuale dhe bukur të komplikuara. Pasi nëse vetëm një anëtare e unionit është kundër atëherë bie poshtë… (Angazhimi i Qeverisë së Kosovës për largimin e masave) Sigurisht ndoshta është tentuar një formë ose tjetër, por ata që kemi pa publikisht ka qenë vendime në kundërshtim në kërkesat e BE-së dhe SHBA-së në raport me veriun. Ata kanë kërkuar që përmes dialogut të zbatohet sovraniteti atje por qeveria ka shkaktuar në mënyrë unilaterale dhe kjo ka shkaktuar probleme”, deklaron Sadiku.

Në takimin e ministrave të Bashkimit Evropian në fund të vitit 2024 është thënë se masat do të hiqen paralelisht me hapat që duhet të ndërmarrë Kosova për t’i ulur tensionet në veri.

BE ka vendosur masa ndëshkuese ndaj Kosovës në qershor të vitit 2023, për shkak të rritjes së tensioneve në veri të vendit. Përderisa masat ndëshkuese janë në fuqi përgjatë 1 viti e gjysmë, dëmi është konsideruar rreth 500 milionë euro, ku përfshihen ngrirja e disa fondeve të BE-së ndaj Kosovës.

Continue Reading

Të kërkuara