Lajmet

​Osmani e Kurti zotohen për luftimin e diskriminimit racor në Kosovë

Osmani tha se ky samit është platforma e duhur kundër diskriminimit racor dhe lirive të barabarta të secilit qytetar.

Published

on

Krerët institucionalë janë zotuar për të luftuar diskriminimin racor në Kosovë në hapjen e Samitit të Ballkanit Perëndimor kundër diskriminimit racor të mërkurën.

Presidentja Vjosa Osmani tha se ky samit është platforma e duhur kundër diskriminimit racor dhe lirive të barabarta të secilit qytetar.

“Është platformë e duhur për të ngritur zërin tonë kundër diskriminimit të çfarëdo lloji, por të njëjtën kohë edhe për të ri-forcuar përkushtimin tonë institucional kundër diskriminimit racor në veçanti. Njohja e dinjitetit të lindur njerëzor të të drejtave dhe lirive të barabarta dhe të patjetërsueshme sublimohet më së miri në deklaratën universale për të drejtat e njeriut qysh nga viti 1948. Andaj në këtë linjë duhet të ecim vazhdimisht pasi ky është drejtimi që garanton barazi, gjithëpërfshirje dhe respekt të ndërsjellë. Gjithëpërfshirja, respekti dhe dialogu janë parakusht për një shoqëri të barabartë dhe të drejtë”, tha ajo.

Përkushtim për luftim të kësaj dukurie negative ofroi edhe kryeministri Albin Kurti.

“Jemi sot këtu me përkushtimin për të mos lejuar që diskriminimi të rrezikojë një të ardhme më të mirë për të gjithë qytetarët tanë pa dallim. Pabarazia dhe diskriminimi shfaqen në forma të ndryshme…Për të luftuar këto dhe forma të tjera të pabarazisë, ne jemi këtu sot dhe do të flasim nesër dhe çdo ditë. Për të mbështetur shkollimin kemi investuar 200 mijë euro si qeveri në qendrat mësimore për komunitetet rom, ashkali dhe egjiptian dhe po ofrojmë 500 bursa për nxënësit e këtyre komuniteteve në shkollat e mesme”, tha ai.

Në anën tjetër, ushtruesi i detyrës, ambasadori i Zvicrës në Kosovë, Christoph Fuchs, përgëzoi ekzekutivin për zotimin që të adresojë çështjen e diskriminimit racor, veçmas në komunitetet ashkali, rom dhe egjiptian.

“Kemi përqindje të lartë të papunësisë kemi kushte shumë të këqija të banimit për ta po ashtu edhe shërbime të dobëta, sidomos për gratë që i përkasin këtij komuniteti janë subjekt i diskriminimit të shumëfishtë, po ashtu dhuna në familje është shumë e përhapur te këto komunitete sesa të tjerat. Dua të përgëzoj qeverinë për zotimin e saj që të adresojë diskriminimin racor”, theksoi ai.

Ndërkaq, drejtori ekzekutiv, Zëri i Romëve, Ashkalinjve dhe Egjiptianëve, Isak Skenderi, tha se tani është koha ta pranojmë se diskriminimi racor nuk është problem i pakicave por një problem shoqëror.

“Kjo formë e fshehtë e racizmit vazhdon të eksitojnë në shoqëritë tona për shkak të mungesës së kuptimit të historisë dhe kulturës së këtyre komuniteteve. Është koha të pranojmë se kjo nuk është problem i këtyre pakicave, por një problem shoqëror që kërkon vëmendjen dhe veprimin tonë”, theksoi ai.

Bota

​Përmbytje në Kinën jugore

Published

on

Të paktën pesë persona kanë vdekur nga përmbytjet në provincën Guangdong të Kinës jugore. Incidenti ndodhi në një zonë të egër të qarkut Huidong, ku viktimat u zhdukën të premten pasi u përmbytën nga ujërat e trazuara.

Autoritetet lokale organizuan menjëherë operacione shpëtimi, të cilat, megjithatë, u përballën me vështirësi për shkak të terrenit kompleks dhe rrjedhës së trazuar të ujit.

Dukshmëria e ulët gjatë natës, rrymat e shumta nëntokësore të lumit dhe reshjet e vazhdueshme të dendura në ditët e fundit gjithashtu përkeqësuan sfidat e shpëtimit.

Të pesë personat e zhdukur u gjetën të dielën pasdite pa shenja jetësore. Një total prej mbi 1.300 personeli shpëtimi morën pjesë në operacionet e kërkim-shpëtimit

Continue Reading

Bota

​Tragjike: Vdes një grua nga një tufë qensh endacakë, një pit bull u qëllua nga policia në Kaliforni

Published

on

Një grua ka humbur jetën pasi u shqye nga një tufë qensh endacakë pranë një parku në Kaliforninë Jugore, thanë autoritetet.

T.M, 51-vjeçare, u dërgua me urgjencë në spital me lëndime të rënda në fytyrë dhe më vonë vdiq pas sulmit që përfshinte më shumë se dhjetë qen të enjten, raporton LA Times.

Një grua tjetër u plagos në sulmin e tmerrshëm pranë Parkut Perris Hill në San Bernardino rreth orës 5 pasdite, sipas LA Times.

Ndërsa policia po kujdesej për dy viktimat e shtrira, një pit bull, u sul drejt një oficeri, i cili hapi zjarr dhe vrau kafshën.

“Ai qëlloi dy herë për ta mbrojtur atë dhe femrën që po i jepte ndihmë,” tha zëdhënësja e Departamentit të Policisë, Araceli Mata, për CBS News.

“Në fillim ishte një skenë paksa kaotike sepse kishte shumë qen atje,” tha rreshteri Chris Gray i Departamentit të Policisë së San Bernardino për LA Times.

Shumë nga të pastrehët që jetojnë në zonën ku ndodhi sulmi mbajnë qen të lëshuar për mbrojtje, thanë fqinjët.

 

Continue Reading

Bota

​Mijëra mushkonja po lëshohen nga dronët mbi ishujt në Havai

Published

on

Dikur kishte mbi 50 lloje të njohura të mushkonjave që zvarriten në Havai, por sot kanë mbetur vetëm 17, shumica e të cilave janë të kërcënuara. Ato janë jashtëzakonisht të ndjeshme ndaj malaries së shpendëve, dhe në ishuj si O‘ahu dhe Moloka‘I, të cilët janë kryesisht në lartësi të ulët, kanë mbetur vetëm popullata të vogla.

‘I‘iwi i kuq i mrekullueshëm gjendet mbi 1,250 metra në ishujt e Havait, Mauit dhe Kaua‘i-t.

Mushkonjat janë pushtuese në Hawaii dhe mendohet se kanë ardhur në anijet e gjuetisë së balenave në fillim të shekullit të 19-të, duke shkaktuar valë zhdukjeje midis specieve vendase. Por, meqenëse u pëlqejnë habitatet tropikale më të ngrohta, për vite me radhë popullata të vogla të mjaltit që zvarriten gjetën strehë në malet më të ftohta të ishujve si Maui dhe Kauai. Por ndryshimi i klimës ka lejuar që mushkonjat të ngjiten në lartësi më të larta.

Një plan është në vend për të kontrolluar popullatat e mushkonjave, i udhëhequr nga organizata jofitimprurëse American Bird Conservancy dhe partneriteti Birds, Not Mosquitoes.

Ai përfshin hedhjen nga qielli me dron dhe helikopter të kapsulave të biodegradueshme të mbushura me mijëra mushkonja meshkuj.

Këto mushkonja të rritura në laborator mbajnë një bakter që do të thotë se vezët nuk çelin kur meshkujt çiftëzohen me femra të egra.

Me kalimin e kohës, me lëshime të përsëritura, popullata e egër duhet të bjerë si rezultat.

Continue Reading

Bota

​Tragjedia në Novi Sad, masë arresti për ish-ministrat dhe të dyshuarit e tjerë

Published

on

Gjykata e Lartë në Beograd ka se ka lëshuar masë paraburgimi prej një muaji për 13 të dyshuarit për korrupsion në rastin e rindërtimit të stacionit hekurudhor në Novi Sad, dhe modernizimin e hekurudhës nga Novi Sadi deri në kufi me Hungarinë.

Në mesin e të arrestuarve që po mbahen në mbajtje janë ish-ministrat: Tomisllav Momiroviq dhe Goran Vesiq.

Vendimi për paraburgim nuk është përfundimtar, dhe avokatët e të dyshuarve mund ta apelojnë vendimin brenda tre ditëve. Ish-ministri i Ndërtimit, Tomislav Momiroviq dhe 11 të dyshuar tjerë që janë marrë në pyetje, kanë mohuar çdo keq bërje në lidhje me rastin e korrupsionit në projektin e rindërtimit të hekurudhës.

Goran Vesiq, i cili ka qenë ministër i Ndërtimit në kohën e rrëzimit të strehës në stacionin hekurudhor nuk është marrë në pyetje, sepse në dokumentet mjekësore që janë dorëzuar, është thënë se ai ka qenë për trajtim mjekësor në spital, ka bërë të ditur Zyra e Prokurorit më 2 gusht.

Të gjithë të arrestuarit dyshohen se e kanë dëmtuar buxhetin e shtetit në vlerë prej 115 milionë dollarësh në projektin për rindërtim dhe modernizim të linjës hekurudhore prej Novi Sadit deri te kufiri me Hungarinë.

Në mesin e të arrestuarve që janë në mbajtje përfshihen edhe ndihmësja e Goran Vesiq në ministri Anita Dimoski dhe ish-drejtori i Infrastrukturës Hekurudhore të Serbisë, Nebojsha Shurlan.

Katër muaj pas rindërtimit dhe hapjes zyrtare, në stacionin hekurudhor të Novi Sadit u rrëzua streha duke lënë të vdekur 16 persona. Incidenti i 1 nëntorit 2024 ka nxitur protesta masive kundër Qeverisë në gjithë Serbinë në tetë muajt e fundit, duke bërë thirrje për përgjegjësi politike dhe penale për aksidentin. Në fokus të protestave janë supozimet se korrupsioni ka rezultuar me rrëzim të strehës në stacionin hekurudhor.

Continue Reading

Të kërkuara