

Lajmet
Osmani diskuton me zëvendëssekretarin Landau për bashkëpunimin ekonomik Kosovë – SHBA
Published
3 months agoon
By
UBTnewsPresidentja e Kosovës, Vjosa Osmani është takuar më 10 korrik me zëvendëssekretarin amerikan të Shtetit, Christopher Landau në Uashington për t’i diskutuar fushat potenciale për bashkëpunimin ekonomik mes dy vendeve në të ardhmen.
Zëdhënësja e Departamentit amerikan të Shtetit, Tammy Bruce, ka thënë se palët kanë shprehur bindje që “prosperiteti ekonomik dhe bashkëpunimi do t’i ndihmojnë Ballkanit Perëndimor që të largohet nga ndasitë e së kaluarës dhe të promovojë paqe të qëndrueshme dhe stabilitet në rajon”.
Osmani ka thënë përmes një postimi në Facebook se “Kosova qëndron krah për krah me Shtetet e Bashkuara për të ndërtuar kapituj të rinj të bashkëpunimit strategjik, në përputhje me vizionin e fortë të Presidentit Trump”.
Më 9 korrik, Osmani është takuar edhe me zyrtarin e lartë të Departamentit amerikan të Shtetit për Çështje Evropiane, Brendan Hanrahan, i cili pritet të vizitojë Kosovën në ditët në vijim.
Përmes një postimi tjetër në Facebook, Osmani ka thënë se bashkë me diplomatin amerikan kanë diskutuar për “thellimin e partneritetit strategjik midis Kosovës dhe Shteteve të Bashkuara”.
“Kosova është e gatshme ta avancojë bashkëpunimin me SHBA-të në fusha kyç si mbrojtja, ekonomia, si dhe investimet strategjike me interes të ndërsjellë”.
Në kuadër të vizitës së saj në Uashington, Osmani ka mbajtur edhe një ligjëratë në një institut, përgjatë së cilës ka thënë se ka “informacione të besueshme” se presidenti amerikan, Donald Trump, ka parandaluar së voni mundësinë e një përshkallëzimi të mundshëm të situatës nga Serbia në Kosovë.
“Ai (Trump) është shumë i qartë në deklaratën e tij se po flet për javët e fundit“, ka thënë presidentja Osmani, duke theksuar se nuk bëhet fjalë për zhvillime të vitit 2023 apo 2020, por “për zhvillime shumë, shumë të vona”.
“Ndaj, nuk duhet ta mohojmë mundësinë, sepse ka ndodhur më parë“, ka thënë Osmani, duke iu referuar sulmit të armatosur në Banjskë të Zveçanit më 2023, kur një grup serbësh patën sulmuar Policinë e Kosovës, duke vrarë rreshterin Afrim Bunjaku.
Në fjalën e saj, presidentja Osmani paralajmëroi se rreziqet nga Serbia janë të vazhdueshme dhe se ato nuk duhen nënvlerësuar.
Sipas saj, presidenti Trump ka bërë gjithçka që është në fuqinë e tij deri tani, për të siguruar ruajtjen e paqes në gjithë rajonin e Ballkanit Perëndimor.
Duke folur për takimet që po zhvillon në SHBA dhe marrëdhëniet ndërmjet Kosovës dhe SHBA-së, Osmani ka thënë se administrata e presidentit Trump ka ide të reja për t’i forcuar më tej ato.
“Ne duam të ulemi me partnerët në këtë administratë për t’u shpjeguar se si Kosova ka këtë potencial. Kjo, natyrisht, është në interes të popullit tonë, në interes të vendit tonë dhe në interes të rajonit tonë. Por, në të njëjtën kohë, kjo përputhet me prioritetet e administratës Trump për ta bërë Amerikën më të sigurt, më të fortë dhe më të begatë”.
Sipas saj në takime me zyrtarët amerikanë, nuk është diskutuar për dialogun për normalizimin e marrëdhënieve me Serbinë – “për herë të parë pas shumë vitesh”.
“Kemi folur për Kosovën dhe Shtetet e Bashkuara. Për herë të parë, nuk kemi folur për Serbinë. Perfekt. Ishin biseda perfekte”, ka deklaruar Osmani, pa hyrë në shumë detaje.
Shtetet e Bashkuara kanë ndarë mbi 2 miliardë dollarë për Kosovën prej vitit 1998.
Udhëheqës shtetërorë kosovarë e përsërisin shpesh që Amerika është partnerja më e rëndësishme e Kosovës dhe se mbështetja e saj është jetike./REL
Lajmet
Suedia publikon listën për ndeshjen kundër Kosovës
Published
1 minute agoon
October 1, 2025By
UBT News
Kombëtarja e Suedisë do t’i luajë dy ndeshjet e radhës të kualifikimeve për Kupën e Botës ndaj Zvicrës dhe Kosovës. Pas dy ndeshjeve jashtë fushe, një barazim ndaj Sllovenisë dhe një humbje 0-2 ndaj Kosovës, Suedia rikthehet në shtëpi për të kërkuar rikuperimin.
Trajneri Jon Dahl Tomasson shprehet i fokusuar se do të rikthehen fuqishëm.
“Duhet të rikthehemi te parimet tona dhe të luajmë si ekip i mirë. Ndeshja kundër Kosovës është një mundësi për të treguar forcën tonë”, tha ai.
Skuadra do të përfshijë disa lojtarë të rinj dhe të afirmuar, ndër ta debutuesin Roony Bardghji nga Barcelona.
Në përbërje do të rikthehen edhe Victor Nilsson Lindelöf, Carl Starfelt dhe Emil Holm, ndërsa mungon Sebastian Nanasi. Portieri Robin Olsen ka vendosur të tërhiqet nga kombëtarja.
Përveç sfidës me Kosovën, Suedia gjithashtu pret Zvicrën në Strawberry Arena, duke kërkuar të rigjejë ritmin dhe rezultatet pozitive në këtë fazë të kualifikimeve.
Në fokus janë lojtarët që po rikthehen në formë pas lëndimeve dhe ndryshimeve të klubit, si Viktor Gyökeres, Alexander Isak, Yasin Ayari dhe Lucas Bergvall, të cilët pritet të japin një kontribut të rëndësishëm në ndeshjet e tetorit./S.K/KP/
Botë
Ambasada Amerikane në Kosovë kufizon përditësimet në Facebook
Published
5 minutes agoon
October 1, 2025By
UBT News
Ambasada Amerikane në Prishtinë ka kufizuar përditësimet në Facebook, për shkak të krizës buxhetore në Shtetet e Bashkuara të Amerikës.
Për herë të parë pas shtatë vitesh, qeveria amerikane është mbyllur pasi liderët e Partisë Demokratike dhe asaj Republikane nuk arritën të bien dakord për një financim të përkohshëm.
Si rrjedhojë, mijëra punonjës që paguhen nga buxheti shtetëror do të jenë në pushim pa pagesë, derisa të arrihet një marrëveshje mes partive.
Në njoftimin e Ambasadës amerikane thuhet se llogaria në Facebook nuk do të përditësohet rregullisht derisa të rifillojnë operacionet e plota. Kjo, për shkak të mungesës së fondeve të alokuara, thuhet në njoftimin në Facebook.
“Kjo llogari në Facebook nuk do të përditësohet rregullisht derisa të rifillojnë operacionet e plota, me përjashtim të informacionit urgjent të sigurisë. Në këtë kohë, shërbimet e planifikuara të pasaportave dhe vizave në Shtetet e Bashkuara dhe në Ambasadat dhe Konsullatat e SHBA-së jashtë vendit do të vazhdojnë gjatë mungesës së fondeve të alokuara, sipas situatës. Ne nuk do ta përditësojmë këtë llogari derisa të rifillojnë operacionet e plota, me përjashtim të informacionit urgjent të sigurisë”, thuhet po aty.
Kjo është mbyllja e parë e qeverisë pas shtatë vitesh, që nga mandati i parë i presidentit aktual./S.K/KP/
Botë
Trump tërheq kandidaturën për të drejtuar agjencinë amerikane të të dhënave të punësimit
Published
8 minutes agoon
October 1, 2025By
UBT News
Presidenti i SHBA-së, Donald Trump, ka tërhequr nominimin e ekonomistit konservator EJ Antoni si kreu i Byrosë së Statistikave të Punës (BLS).
Nominimi erdhi menjëherë pasi Trump shkarkoi komisioneren e BLS, Erika McEntarfer në mes të mandatit të saj, pas një raporti të dobët të punësimit që ngriti shqetësime në lidhje me ekonominë amerikane.
Nominimi i Antonit u vlerësua nga konservatorët, por disa ekonomistë të pavarur thanë se ai nuk ishte i kualifikuar për këtë punë dhe se konfirmimi i tij mund të dëmtonte besueshmërinë e BLS-së.
Një zyrtar i Shtëpisë së Bardhë nuk dha një arsye për tërheqjen, por tha se presidenti planifikon të nominojë një kandidat të ri për këtë rol së shpejti.
Ndërkohëm, Presidenti ka hedhur poshtë vazhdimisht shqetësimet në lidhje me politikat e tij ekonomike, duke argumentuar se tarifat që ai ka vendosur mbi partnerët tregtarë globalë do të rrisin vendet e punës dhe prodhuesit në SHBA./S.K/KP/
Aktualitet
Qelaj: Partneriteti me aleatët i nevojshëm për fuqizimin e të drejtave të njeriut
Published
16 minutes agoon
October 1, 2025By
UBT News
Për nder të përvjetorit të 25-të të themelimit të institucionit të Avokatit të Popullit u organizua një takim me partnerët ndërkombëtarë nga vetë avokati i popullit.
Avokati i Popullit, Naim Qelaj, shprehu nevojën që partneriteti me aleatët të fuqizohet dhe të vazhdojë edhe më tej në drejtim të respektimit të të drejtave të njeriut.
Ai përmendi edhe sfidat që kohëve të fundit janë përballur, ndër të tjera edhe me mungesën e konstituimit të Kuvendit të Kosovës.
Pjesë e kësaj tryeze ishte edhe shefi i Zyrës së Bashkimit Evropian në Kosovë, Aivo Orav, i cili tha se institucioni i Avokati të Popullit shënon arritje të mëdha në drejtim të respektimit të drejtave të njeriut dhe barazinë në Kosovë.
“Ruajtja e pavarësisë së këtij institucioni do të thotë rritje e besimit publik”, tha Orav./S.K/KP/

Suedia publikon listën për ndeshjen kundër Kosovës

Ambasada Amerikane në Kosovë kufizon përditësimet në Facebook

Trump tërheq kandidaturën për të drejtuar agjencinë amerikane të të dhënave të punësimit

Qelaj: Partneriteti me aleatët i nevojshëm për fuqizimin e të drejtave të njeriut

Arrestohen dy persona të dyshuar për posedim të armës dhe deklarim të rremë

Ministria polake e Mbrojtjes detajon përgatitjet kundër dronëve rus

Ndeshje e zjarrtë sonte në Pallatin e Rinisë në Basketboll

Chicago Fire rikthehet në playoff pas fitores ndaj Inter Miamit

Osmani: Protestat studentore të vitit 1997, ishin lajmëtari i lirisë
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega