Lajmet

Osmani: Asociacioni për anëtarësim në KiE nuk është kusht në këtë fazë

Sot do të mblidhet Komiteti për Politikë dhe Demokraci të Këshillit të Evropës, ku pritet të votohet raporti i Dora Bakojanis.

Published

11 months ago

March 27, 2024

Betim Gashi

Presidentja Vjosa Osmani ka thënë se raporti i Dora Bakojanis, raportuese për Kosovën në Këshill të Evropës, është pozitiv dhe se përmbajtja e raportit rekomandon që Kosova të bëhet anëtare e plotë e KiE.

Sot do të mblidhet Komiteti për Politikë dhe Demokraci të Këshillit të Evropës, ku pritet të votohet raporti i Dora Bakojanis.

Osmani ka thënë se ajo që pritet që të ndodh sot është procedurë dhe se nuk mund të paragjykojnë rezultatin. Ajo ka theksuar se vendi ka ndërmarr të gjitha hapat e nevojshëm në mënyrë që shtetet ta përkrahin këtë anëtarësim.

“Raporti tashmë është pozitiv, përmbajtja e raportit rekomandon që Kosova të bëhet anëtare e plotë e Këshillit të Evropës me të drejta të barabarta sikurse të gjithë anëtaret tjerë të KiE. Ajo çfarë do të ndodh sot është procedurë, kjo është një mbledhje e jashtëzakonshme e Komitetit e cila është ftuar në mënyrë që ky raport të miratohet dhe pastaj të procedohet për Asamblenë Parlamentare të KiE. Ne nuk mundemi të paragjykojmë rezultatin, kjo është në vullnetin e deputetëve individualë të shteteve që marrin pjesë sot në Komitet. Mirëpo çfarë mund të them është se Kosova ka bërë çfarë do që është pritur nga ajo dhe ka ndërmarrë të gjitha hapat e nevojshme në mënyrë që shtetet ta përkrahin këtë anëtarësim dhe deputetët e këtyre shteteve ta përkrahin këtë anëtarësim. Në qoftë se sot gjithçka kalon me sukses atëherë në mes të prillit do të jetë mbledhja e gjithë Asamblesë Parlamentare të KiE ku edhe në qoftë se i marrim votat e nevojshme aty rekomandohet anëtarwsimi dhe ky rekomandim kalon prapë në Komitetin e Ministrave për muajin maj të këtij viti dhe aty vendoset për anëtarësimin përfundimtar. Janë disa hapa që kanë mbetur por ajo që mund të them është se të gjitha nivelet e institucioneve janë angazhuar me deputetët e Asamblesë Parlamentare por edhe jemi duke biseduar me shtet veq e veq si presidente në veçanti jam e angazhuar me liderët e shteteve. Presim sot rezultatin shpresë që do të mbështetë kjo kauzë e qytetarëve të Kosovës, të cilët mbesin të vetmit evropianë pa çasje në Gjykatën Evropiane për të Drejtat e Njeriut. Kushdo që është pro të drejtave të njeriut, pro sundimit të ligjit dhe pro demokracisë si tri shtylla kryesore të Evropës i thotë po anëtarësimit të Kosovës në këtë organizatë”, ka thënë ajo.

Osmani ka thënë se Asociacioni i Komunave me shumicë Serbe është kusht për anëtarwsim por jo në këtë fazë në KiE dhe se në raportin e Bakojanis, sipas Osmanit, për asociacionin flitet si një prej detyrimeve pos anëtarësimit.

“Interpretimet që i jep zonja Bakojanis apo interpretimet që i japin deputetë individualë janë interpretimet e tyre. Mirëpo në qoftë se lexoni letrën e saj në veçanti paragrafi 11-të i raportit e qartëson që kur flitet për asociacionin flitet si një prej detyrimeve pos anëtarësimit, pra nuk flitet për këtë fazë për themelim të Asociacionit. Mos të harrojmë që për themelimin e Asociacionit është dhënë përkushtimi i plotë në vitin 2013 nëpërmjet ratifikimit por ky është përsëritur në marrëveshjen e fundit, marrëveshjen bazike të 27 shkurtit 2023. Pra ky nuk është përkushtim i marsit 2024, është përkushtim i marrëveshjes bazike të viti 2023. Ajo çka është më rëndësi që ka qenë edhe kërkesë e imja në letrën që e kemi dërguar e ka përfshirë një pjesë ku kërkohet që çdo detyrim i Kosovës të zbatohet në përputhje me të drejtën Kushtetuese, ligjet e Kosovës me Kushtetutën e Kosovës dhe aktgjykimet e Gjykatës Kushtetuese kjo është korniza jonë dhe nuk dalim kurrsesi jashtë saj”, ka thënë ajo.

Related Topics:Këshilli i Evropës KiE presidentja Vjosa Osmani

Up Next

Vdes gruaja që u plagos mbrëmë në Prishtinë

Don't Miss

Tajlanda afër legalizimit të martesës ndërmjet personave të gjinisë së njëjtë

Lajmet

Supremja rrëzon gjobën e PZAP-së ndaj Koalicionit për Familjen

Published

8 minutes ago

February 5, 2025

UBTnews

Gjykata Supreme e Kosovës ka aprovuar ankesën e Koalicionit për Familje, pas gjobës prej 7 mijë eurosh, pasi organizata Dylberizm ushtroi ankesë në Panelin Zgjedhor për Ankesa dhe Parashtresa.

“Pranohet si e themeltë ankesa e subjektit politik Koalicioni për Familje, me seli në Prishtinë, ndryshohet vendimi i Panelit Zgjedhor për Ankesa dhe Parashtresa (PZAP) A.nr.183/2025 i datës 27.01.2025, dhe vendoset ashtu që: Refuzohen të pathemelta ankesat e organizatës joqeveritare Dylberizm dhe Qendra për Barazi Gjinore (CEL Kosova), me seli në Prishtinë, A.nr.183/2025 e datës 24.01.2025 dhe A.nr.196/2025 e datës 25.01.2025”, thuhet në vendimin e Supremes.

Në vendimin e Supremës, konfirmohet se shprehjet “Turp ju qoftë”, “Mbrojtja e dinjitetit njerëzor dhe vazhdimësisë së jetës, si dhe e ardhmja e fëmijëve nga degjenerimi dhe prishja”, si dhe “Anomali sociale dhe dukuri degjeneruese”, janë brenda kufijve të lirisë së shprehjes.

Pas këtij vendimi, ka reaguar edhe Koalicioni për Familjen, duke e cilësuar këtë si një fitore të madhe për lirinë e shprehjes.

“Kjo është një fitore e madhe për lirinë e shprehjes dhe një precedent i rëndësishëm për të drejtat themelore demokratike. Ankesa u pranua si e bazuar, e ligjshme dhe e drejtë, duke vulosur një standard të ri në mbrojtje të vlerave dhe të drejtës për të mbrojtur familjen!” thuhet në reagimin.

Lajmet

Arrestohet i dyshuari që komprometoi mbi 300 mijë kartela bankare në një shtet të BE-së

Published

31 minutes ago

February 5, 2025

UBTnews

Policia e Kosovës, në bashkëpunim me Prokurorin e Shtetit të Kosovës dhe autoritetet e një shteti të BE-së, ka zhvilluar një operacion të suksesshëm hetimor në Prishtinë dhe Ferizaj, ku është arrestuar një i dyshuar për hyrje të paautorizuar kompjuterike në një bankë të një shteti të BE-së.

Ky veprim ka rezultuar në komprometimin e të dhënave të mbi 300 mijë kartelave bankare, duke shkaktuar dëm të konsiderueshëm.

I dyshuari dyshohet se i ka postuar për t’i shitur këto të dhëna në një platformë online për përfitime të kundërligjshme, njofton Policia e Kosovës.

Gjatë realizimit të operacionit të kontrollit janë sekuestruar katër kompjuterë, tre telefona, një USB dhe dokumente të rëndësishme.

Bashkëpunimi i ngushtë ndërkombëtar dhe profesionalizmi i lartë i Policisë së Kosovës kanë qenë kyç në këtë operacion.

Me vendim të prokurorit, i arrestuari është ndaluar për 48 orë, për procedura të mëtejme.

Hetime tjera janë në proces në bashkërendim me autoritetet për të zbardhur rastin.

Lajmet

Komuna e Prishtinës me njoftim të rëndësishëm për pagesat e mbeturinave

Published

33 minutes ago

February 5, 2025

UBTnews

Komuna e Prishtinës njofton qytetarët se faturat për grumbullimin e mbeturinave të lëshuara nga Ndërmarrja KRM “Pastrimi” nga data 1 janar 2025 nuk janë të obliguar t’i paguajnë.

Kjo vjen pas pezullimit të plotësim-ndryshimit të rregullores për menaxhimin e mbeturinave.

“Njoftojmë të gjithë qytetarët e Komunës së Prishtinës se faturat për grumbullimin e mbeturinave të lëshuara nga Ndërmarrja “Pastrimi” nga data 1 janar 2025 nuk janë të obliguar t’i paguajnë. Nga tani e tutje, pagesat për këtë shërbim duhet të realizohen përmes Komunës së Prishtinës deri në një vendim të ri”, thuhet në njoftim.

Lajmet

Turqia zhvillon stërvitjet dimërore ushtarake, merr pjesë edhe Kosova

Published

35 minutes ago

February 5, 2025

UBTnews

Në afërsi të qytetit Kars, që ndodhet në verilindje të Turqisë, afër kufirit me Armeninë, po vijon “Stërvitja Dimërore 2025”, një stërvitje ushtarake ku marrin pjesë edhe trupa nga Kosova.

Në kuadër të aktiviteteve, nën kontrollin dhe menaxhimin e Forcave të Armatosura Turke, pjesëmarrësit zhvilluan më shumë detyra, përfshirë manovra me zbritje me helikopter, stërvitje me mortaja, operacione kërkimi dhe shpëtimi, koordinim të operacioneve të përbashkëta, testim të aftësive luftarake të njësive, sinkronizim në të shtëna si dhe detyra tjera.

Gjithashtu, stërvitja përfshin edhe pushimin e trupave brenda një strehe dëbore, duke nxjerr në pah teknikat ekstreme të mbijetesës në mot të ftohtë.

Një personel prej gjithsej 12.199 personash pjesë në “Stërvitjen Dimërore 2025”, përfshirë 12.000 nga Turqia dhe 199 nga 20 vende të tjera, në mesin e të cilave janë Kosova, Maqedonia e Veriut, ShBA-ja, Azerbajxhani, Bahreini, Bangladeshi, Britania e Madhe, Bosnjë e Hercegovina, Franca, Gjeorgjia, Italia, Kazakistani, Mongolia, Pakistani, Bullgaria, Libia, Nigeri, Taxhikistani dhe Jordania.

Stërvitja u organizua nga Ministria e Mbrojtjes Kombëtare, Shtabi i Përgjithshëm, Forcat Tokësore Turke, Forcat Detare, Forcat Ajrore dhe Komanda e Forcave Speciale, në bashkëpunim me institucionet publike civile.