Lajmet

​Orav: Fëmijët janë fillimi, mesi dhe fundi i çdo tregimi

Published

on

UNICEF në partneritet me Bashkimin Evropian në Kosovë shënuan sot Ditën Botërore të Fëmijëve, për çka u theksua rëndësia e mbrojtjes së të drejtave të fëmijëve.

Ambasadori i BE-së në Kosovë, Aivo Orav tha se data 20 nëntor është shumë e rëndësishme sepse para shumë vitesh sipas tij janë miratuar dokumente të rëndësishme për të drejtat e tyre në Kombet e Bashkuara.

Ai tha se këto dokumente kanë rol të rëndësishëm për të gjithë fëmijët mbarë botës.

Orav u shpreh se “fëmijët janë fillimi, mesi dhe fundi i të gjitha tregimeve”.

Ai potencoi se Kosova ka përfunduar kornizën legjislative për mbrojtjen e fëmijëve, derisa shtoi se tashmë fokusi duhet të jetë në zhvillimin e skemave financiare të cilat mbështetin politikat e mbrojtjes sociale për fëmijët e cenueshëm dhe familjet që kanë nevojë për mbrojtje sociale.

“Sot me 20 nëntor është një datë shumë e rëndësishme për të gjithë ne, pasi para shumë vitesh janë miratuar shumë dokumente të rëndësishme në Kombet e Bashkuara. Mund të duket si diçka jo e rëndësishme por këto dokumente janë së pari deklarata e të drejtave të fëmijëve dhe konventa e të drejtave të fëmijëve. Marrëveshje të tilla ndërkombëtare kanë rol për të gjithë ne të cilët jemi sot këtu, por edhe për të gjithë fëmijët anë e mbanë botës. Ne jemi këtu sot për ju, fëmijët janë fillimi, mesi dhe fundi i të gjitha tregimeve. Më është thënë gjithashtu se Kosova ka përfunduar kornizën legjislative për mbrojtjen e fëmijëve që paraqet një hap shumë të rëndësishëm para. Tani fokusi duhet të kalohet në zhvillimin e skemave financiare të cilat mbështetin politikat e mbrojtjes sociale për fëmijët e cenueshëm dhe familjet që kanë nevojë për mbrojtje sociale”, tha Orav.

Ndërkaq, ministrja e Arsimit, Shkencës, Teknologjisë dhe Inovacionit, Arbërie Nagavci në Ditën Botërorë të Fëmijëve riafirmoj përkushtimin për të mbrojtur të drejtat e fëmijëve. Ajo tha se tematika e zgjedhur këtë vit në kuadër të kësaj dite tregon rëndësinë e dëgjimit të zërit të fëmijëve sot dhe çdo ditë.

Në kuadër të kësaj dite, Nagavci tregoi se MASHTI ka hapur zyrtarisht javën kundër braktisjes së shkollimit.

Ministrja e Arsimit, Arbërie Nagavci tha se në këto aktivitete të mbajtura sot kujtojnë përgjegjësinë e të gjitha institucioneve për mbrojtjen e tyre.

“Në këtë ditë të madhe të rëndësishme, jo vetëm për më të vegjlit tanë por edhe për të gjithë ne, në Kosovë zhvillojmë një numër të madh aktivitetesh duke e ditur rëndësinë e padiskutueshme që ne duhet t’i kushtojmë qenies dhe garantimit të drejtave të fëmijëve sot dhe çdo ditë. Ne e riafirmojmë përkushtimin tonë për të mbrojtur të drejtat dhe mirëqenien e të gjithë fëmijëve në Kosovë…Në këtë ditë MASHT-i hap zyrtarisht edhe fushatën ‘Java kundër braktisjes së shkollimit’, i cili synon që me aktivitete e shumta vetëdijësuese që do të ndodhin gjatë gjithë javës të shpërndahen dhe aktivizohen të gjitha institucionet, organizatat komuniteti i prindërve në aktivitete vetëdijësuese. Fëmijët janë ëndrra që aspirojnë të realizojmë si shoqëri, udhëheqësit që shpresojmë t’i rrisim në mënyrën më të mirë të mundshme”, potencoi Nagavci.

Ministrja e Drejtësisë, Albulena Haxhiu tha se është punuar me prioritet në hartimin e politikave sociale të përgjithshme, të cilat fuqizojnë familjen duke e mbrojtur atë dhe duke i avancuar sipas saj të drejtat e fëmijëve.

Haxhiu theksoi se është zhvilluar një reformë e thellë e cila në fokus ndër të tjera ka kujdesin, mbrojtjen dhe mirëqenien sociale të fëmijëve, në veçanti të kategorisë së cenueshme.

Ndër të tjera, ajo përmendi se Qeveria e Kosovës ka ndarë rreth 1 milionë euro më shumë se këtë vit nga buxheti i Kosovës, për organizatat që merren me çështje familjare.

“Përderisa si Ministri e Drejtësisë kemi zhvilluar një reformë të thellë të politikave të shërbimeve sociale, duke siguruar që pjesë e kësaj reforme të jetë edhe kujdesi, mbrojtja por po ashtu edhe mirëqenia sociale e fëmijëve. Në veçanti të fëmijëve pa kujdes prindëror, fëmijëve me nevoja të veçanta, fëmijëve së situatë rruge, fëmijët që janë viktima të përdorimit të substancave psikoaktive, fëmijët e abuzuar të neglizhuar të keqtrajtuar dhe kategoritë e tjera të fëmijëve të cenueshëm. Ne kemi hartuar ligjin e ri për shërbime sociale dhe familjare dhe jemi duke punuar për hartimin e akteve nënligjore që dalin nga ky ligj që përcakton kompetenca të qarta për secilin institucion në raport me çështjet sociale dhe familjare”, u shpreh Haxhiu.

Ndërkaq, drejtori në Zyrën për Qeverisje të Mirë, Habit Hajredini tha se përkundër arritjeve në këtë fushë, ka shumë punë të bërë për të drejtat e fëmijëve.

Në kuadër të kësaj ngjarje, fëmijët e pranishëm patën mundësinë t’iu bënin pyetje drejtuesve të institucioneve në Kosovë dhe jo vetëm, lidhur me kërkesat dhe ankesat e tyre.

Asambleja e përgjithshme e Kombeve të Bashkuara në vitin 1954 e shënoi 20 nëntorin si Ditën Botërore të Fëmijëve, që ka për qëllim të sigurojë mirëqenie për të gjithë fëmijët në botë dhe t’i rikujtojë të rriturit se fëmijët, si anëtarë të barabartë të çdo shoqërie, kanë të drejtat e tyre dhe ato duhet të respektohen.

Asambleja e Përgjithshme e Kombeve të Bashkuara në vitin 1959 e miratoi Deklaratën për të Drejtat e Fëmijëve, ndërsa në vitin 1989 u miratua edhe Konventa për të Drejtat e Fëmijëve.

Lajmet

​ATK kërkon nga këto kategori t’i deklarojnë dhe paguajnë tatimet

Published

on

Administrata Tatimore e Kosovës (ATK) ka rikujtuar të gjithë personat që ofrojnë shërbime si “freelancer”, “influencer”, “out-source” dhe aktivitete të ngjashme se janë të detyruar të deklarojnë dhe paguajnë tatimet dhe kontributet pensionale në përputhje me legjislacionin tatimor të Kosovës.

ATK ka njoftuar se aktivitetet e saj do të përqendrohen te personat që nuk deklarojnë të ardhurat dhe nuk paguajnë tatimet dhe kontributet përkatëse. Të gjithë ata që krijojnë të ardhura, si nga Kosova ashtu edhe jashtë saj, nga aktivitetet si freelancer, influencer, dhe out-source, janë të obliguar të deklarojnë dhe paguajnë tatimet sipas rregullave tatimore të Kosovës.

Në rast se shërbimi ofrohet si i punësuar, të ardhurat nga paga i nënshtrohen tatimit të mbajtur në burim nga punëdhënësi vendor. Ndërkohë, nëse punonjësi punon për një punëdhënës jashtë Kosovës, ai është i detyruar të paguajë vetë tatimin dhe kontributin pensional.

Personat që ofrojnë këto shërbime mund të deklarojnë dhe paguajnë tatimin përmes Sistemit Elektronik EDI. Ata mund të zgjedhin që ta bëjnë deklarimin dhe pagesën në periudhë mujore ose vjetore. Në rastin e deklaratës vjetore, periudha për deklarim dhe pagesë është nga 01.01 deri më 31.03 të vitit pasues, për vitin paraprak. Për deklarimin dhe pagesën mujore, afati është nga 01 deri më 15 të muajit pasues për muajin paraprak.

Kur shërbimet e ofruara nga këto kategori konsiderohen aktivitete ekonomike të pavarura, është e detyrueshme regjistrimi i këtyre aktiviteteve përmes Agjencisë për Regjistrimin e Bizneseve të Kosovës (ARBK). Të ardhurat nga këto aktivitete duhet të deklarohen sipas normës 9% për shërbimet, ose sipas rregullave ligjore për të ardhura reale. Po ashtu, të ardhurat duhet të trajtohen edhe për qëllime të Tatimit mbi Vlerën e Shtuar (TVSH), nëse është e nevojshme.

ATK ka njoftuar se do të ndërmarrë masa ndëshkuese për ata që nuk përmbushin detyrimet tatimore sipas legjislacionit në fuqi. Administrata ka inkurajuar të gjitha kategoritë përkatëse që të deklarojnë dhe paguajnë tatimet siç kërkohet, për të shmangur sanksionet e mundshme.

ATK ka kërkuar që të gjithë freelancer, influencer dhe individë që punojnë në mënyrë të pavarur të respektojnë detyrimet tatimore, duke deklaruar dhe paguar tatimet për të shmangur pasojat ligjore./UBTNews/

Continue Reading

Lajmet

Kosova tronditet nga vrasjet, Kurti: Duhen veprime të menjëhershme!

Published

on

Kosova është tronditur nga një seri vrasjesh të ndodhura në tre ditët e fundit, ku katër persona kanë humbur jetën si pasojë e të shtënave me armë zjarri në tri raste të ndara. Ky zhvillim ka shkaktuar një reagim të fortë nga Kryeministri i Kosovës, Albin Kurti, i cili ka shprehur shqetësimin e tij për situatën alarmante të sigurisë në vend.

Në mbledhjen e Qeverisë të mërkurën, Kryeministri Kurti theksoi se gjithë vendi ka qenë i tronditur dhe i lënduar nga këto vrasje të cilat janë një goditje e rëndë për shoqërinë. Ai e ka quajtur vrasjen jo vetëm një humbje të individëve, por gjithashtu një dëm për shoqërinë në tërësi.

“Vrasje është jo vetëm vrasje e njeriut, por e shoqërisë ku ai njeri bën pjesë, pra shoqërisë sonë”, ka deklaruar Kurti, duke shtuar se ky është një moment që kërkon reflektim të thellë dhe veprime të menjëhershme nga institucionet për të siguruar drejtësi.

Kryeministri ka bërë thirrje për një angazhim të menjëhershëm dhe të fuqishëm të institucioneve të sigurisë dhe drejtësisë për të adresuar këtë situatë të rëndë. Ai ka kërkuar që organet e rendit të trajtojnë me seriozitet të lartë këto raste dhe të sigurojnë se ata që janë përgjegjës për këto krime do të përballen me drejtësinë.

Kurti gjithashtu ka theksuar se Kosova duhet të angazhohet në nivel institucional për të parandaluar çdo lloj krimi të tillë në të ardhmen dhe për të siguruar një mjedis të sigurt për qytetarët e saj.

Vrasjet ndodhën në një periudhë ku Kosova shënon 26-vjetorin e ndërhyrjes së NATO-s, një moment që i kujton shqiptarëve masakrat dhe përpjekjet për shfarosjen e popullatës shqiptare nga regjimi serb gjatë luftës. Kryeministri Kurti lidh këtë situatë me periudhën historike, duke theksuar se vrasjet e fundit ndodhin në një kohë të ngjashme me kujtimet e dhimbshme të luftës dhe vuajtjeve të mëdha.

Ai ka shprehur ngushëllimet më të sinqerta për familjet e viktimave dhe ka bërë thirrje për një angazhim maksimal nga institucionet e sigurisë dhe drejtësisë për të siguruar që asnjë krim i tillë të mos mbetet pa pasuar pasojë.

Në fund të deklaratës së tij, Kryeministri Kurti ka përsëritur thirrjen për veprime të shpejta dhe të koordinuara nga autoritetet kosovare për të ndaluar këtë valë të krimeve dhe për të mbrojtur qytetarët nga rreziqet e tjera. Ai e ka konsideruar këtë situatë si një sfidë të rëndësishme për shtetin e Kosovës dhe ka nënvizuar se nuk do të ketë asnjë tolerancë për krimin dhe dhunën./UBTNews/

Continue Reading

Bota

OKB shkurton stafin ndërkombëtar në Rripin e Gazës

Published

on

Për shkak të shqetësimeve për sigurinë në Rripin e Gazës pas rifillimit të sulmeve nga Izraeli, Organizata e Kombeve të Bashkuara ka vendosur të reduktojë stafin e saj ndërkombëtar. Kjo masë parashikon tërheqjen e rreth 30 punonjësve ndërkombëtarë nga zona, duke përfshirë punonjës të Programit Botëror të Ushqimit (WFP), Organizatës Botërore të Shëndetësisë (OBSH), dhe UNICEF.

Izraeli ka nisur përforcime të thirrjeve për evakuimin e banorëve të disa qyteteve kufitare, si Jabalia, Beit Lahija, Beit Hanun dhe Sheyaia në veri, dhe Khan Yunis e Rafah në jug, për shkak të sulmeve me raketa që janë kryer nga Gaza drejt Izraelit. Po ashtu, Izraeli ka krijuar një institucion të ri për të mundësuar largimin vullnetar të banorëve të Gazës në vende të treta, në përputhje me ligjet ndërkombëtare dhe ato izraelite.

Ndërkohë, ministria izraelite e Mbrojtjes ka njoftuar se do të mundësohet largimi i qytetarëve që duan të largohen nga Gaza, por vetëm në përputhje me një plan të miratuar nga autoritetet izraelite./UBTNews/

Continue Reading

Bota

Kroacia: Nisma ushtarake me Shqipërinë dhe Kosovën, e hapur edhe për partnerët!

Published

on

Kroacia, Shqipëria dhe Kosova kanë nënshkruar një deklaratë për bashkëpunim në fushën e mbrojtjes dhe sigurisë, e cila është e hapur edhe për aleatët dhe partnerët e Bashkimit Evropian dhe NATO-s, që janë të gatshëm të kontribuojnë për stabilitetin dhe sigurinë në Evropën Juglindore. Ky bashkëpunim, i cili synon të rrisë gatishmërinë ushtarake dhe të përmirësojë shkëmbimin e informacioneve, ka si qëllim forcimin e stabilitetit rajonal dhe përmbushjen e angazhimeve evropiane dhe euroatlantike të tri vendeve.

Qeveria kroate e ka theksuar se qëllimi i nismës nuk është krijimi i një aleance ushtarake, duke theksuar se një aleancë e tillë nuk është e nevojshme përveç anëtarësimit në NATO. Kjo nismë është pasuar nga disa reagime, përfshirë ato të presidentit serb Aleksandar Vuçiq, i cili ka konsideruar këtë si një “garë armësh” në rajon dhe një shkelje të marrëveshjes ndërrajonale të vitit 1996, që rregullon kuotat e lejuara të armatimit.

Ndërkohë, profesori Daniel Serwer nga Universiteti Johns Hopkins ka vlerësuar nismën si një “lëvizje që kontribuon në stabilitet, jo në destabilizim”. Ai ka shtuar se Kosova ka vepruar “mençur” duke lidhur partneritet me Shqipërinë dhe Kroacinë, dy vende anëtare të NATO-s.

Serbia ka shprehur kundërshtime të forta ndaj këtij bashkëpunimi, duke theksuar se nisma është një “provokim” dhe se Kosova është ende një “krahinë autonome brenda Serbisë”, një qëndrim që pasqyron vazhdimin e mosnjohjes së pavarësisë së Kosovës nga Beogradi.

Ministri i Mbrojtjes së Serbisë, Bratisllav Gashiq, ka akuzuar Kroacinë dhe Shqipërinë për përpjekjet për të futur Kosovën në NATO “përmes derës së pasme”, duke e konsideruar Ushtrinë e Kosovës të paligjshme. Ai ka theksuar se kjo është një mundësi që nuk është e pranueshme për Serbinë.

Në anën tjetër, Qeveria e Kroacisë ka theksuar se kjo deklaratë ka për qëllim forcimin e bashkëpunimit mes ministrive të mbrojtjes të tri vendeve dhe përputhjen e politikave të sigurisë me ato të institucioneve evropiane dhe euroatlantike, si NATO dhe Bashkimi Evropian.

Vuksanoviq, një studiues në Qendrën e Politikat e Sigurisë në Beograd, e sheh këtë iniciativë si një përpjekje për të larguar vëmendjen nga çështjet e brendshme të Serbisë, si protestat për ndodhinë tragjike të një rënie të një ndërtese në Novi Sad. Ai gjithashtu e përshkruan këtë si një nismë që ka për qëllim të krijojë tensione në rajon.

Në kontrast, Daniel Serwer mendon se ky bashkëpunim është një hap pozitiv, që përmirëson stabilitetin rajonal dhe nuk përbën një kërcënim për Serbinë, duke theksuar se qëndrimi i Beogradit për të përmbajtur ndikimet e jashtme, si ato të NATO-s, është një pengesë për paqen dhe stabilitetin në rajon.

Përfundimisht, nisma e nënshkruar nga Shqipëria, Kroacia dhe Kosova mund të ketë ndikim të rëndësishëm në sigurinë rajonale, duke kontribuar në forcimin e qëndrueshmërisë dhe integrimin e mëtejshëm të këtyre vendeve në strukturat evropiane dhe atlantike./UBTNews/

Continue Reading

Të kërkuara