Lajmet

Opozita vazhdon kritikat ndaj Kurtit: Veprimet e ardhshme të jenë në koordinim me aleatët

Për de-eskalimin e situatës në veri kërkuan nga institucionet e vendit bashkërendim me bashkësinë ndërkombëtare.

Published

3 years ago

on

Partitë opozitare në Kosovë kanë vazhduar akuzat ndaj kryeministrit, Albin Kurti, për situatën në veri të vendit. Sipas PDK-së dhe AAK-së, Kurti me veprime të pamatura dhe eksperimentuese krijoi kaos në katër komunat veriore dhe reduktoi sovranitetin e vendit vetëm në oborret e katër objekteve komunale.

Megjithatë për de-eskalimin e situatës në veri kërkuan nga institucionet e vendit bashkërendim me bashkësinë ndërkombëtare, qoftë edhe për organizimin e zgjedhjeve të reja, por gjithmonë që të njëjtat të jenë në përputhje me kushtetutshmërinë dhe ligjet e vendit.

Kjo u premtua nga partia në pushtet, të cilët potencuan se zgjedhjet e reja në veri mbahen vetëm në përputhje me legjislacionin në fuqi dhe jo mbi shantazhin e kërcënimet.

Gjithashtu, pas mbledhjes së Kryesisë së Kuvendit të hënën, përfaqësuesit politikë të LVV-së, PDK-së dhe AAK-së, i quajtën absurde kushtet e Listës Serbe për pjesëmarrje në zgjedhje, të cilët kërkuan largim të tërësishëm të Njësive Speciale të Policisë së Kosovës nga veriu dhe formimin e Asociacionit.

Shefi i Grupit Parlamentar të PDK-së, Abelard Tahiri, tha se çfarëdo zgjidhje që bëhet në veri të jetë në kuadër të Kushtetutës dhe ligjit të Kosovës. Sidoqoftë, ai nuk tregoi nëse dy kryetarët e komunave veriore nga radhët e PDK-së do të japin dorëheqje për organizimin e zgjedhjeve të reja atje.

“Krejt çka ka bërë është se e ka reduktuar sovranitetin e shtetit të Kosovës në oborret e objekteve të katër komunave. Cili është roli i policisë në objektin e një komune, ai është për të siguruar rend dhe ligj në tërë komunën. Ndërsa, sa i përket kushteve absurde të Listës Serbe, nuk ka ku me shkua Policia e Kosovës përtej territorit të Kosovës. Njësia Speciale nuk ka shkuar në Serbi, Nish apo Kralevë, por janë në territorin e Kosovës dhe duhet të jenë prezentë gjithmonë…Të kemi një angazhim të përbashkët, veçmas me ShBA-në sa i përket problemeve në veri. Është e dhimbshme dhe papranueshëm të na vijnë sanksione si rezultat veprimeve të pamatshëm të kryeministrit të Kosovës. Cilindo veprim që do të ndërmarrin institucionet tona është shumë e rëndësishme që të jetë në përputhje me rendin tonë kushtetues. Nëse krijojmë precedent të rrezikshëm të cilat e tejkalojnë kushtetutshmërinë, atëherë po e cenojmë në thelb shtetësinë e vendit tonë”, tha ai.

Kritik u shpreh edhe shefi i Grupit Parlamentar të AAK-së, Besnik Tahiri, i cili tha se eksperimenti i Kurtit në veri dëmtoi Kosovën në rrafshin e brendshëm dhe të jashtëm. Ai tha se për këtë arsye do të vazhdojnë konsultat me dy partitë të tjera opozitare për hartimin e mocionit të mosbesimit ndaj Qeverisë së Kosovës.

“Lista Serbe nuk është në pozicion të kushtëzojë Kosovën dhe as Vuçiq. Ne kemi shtet dhe institucione. Ajo që dua të them se ne si AAK kemi qenë tepër të sinqertë me këtë qeveri, kemi qenë të vetmit që kemi dal në foltore dhe kemi thënë zotëri kryeministër mos hyn në zgjedhje që po hyn në një eksperiment që nuk mund del mirë. Ndodhi ajo që u tha, tash qeveria a duhet prej gjepit të vet të paguaj për zgjedhjet e reja? Ka qenë një eksperiment që e ka dëmtuar Kosovën si në rrafshin e brendshëm ashtu edhe në atë ndërkombëtar”, theksoi ai.

Ndërkaq, nënkryetari i Kuvendit nga radhët e PDK-së, Enver Hoxhaj tha se për shkak të veprimeve të gabuara të kryeministrit Kurti, veriu i Kosovës lëvizë në vendosjen e një protektorati ndërkombëtar.

“Veriu i Kosovës po lëviz, duke shtuar praninë e madhe të KFOR-it, duke shtuar praninë e madhe të organizatave ndërkombëtare, duke pa qëndrimet çdo ditë të UNMIK-ut, po lëvizë drejtë vendosjes së një protektorati i cili po funksionon në teren. Kjo situatë është shqetësuese për PDK-në dhe mua…Prej asaj si organizohen dhe menaxhohen zgjedhjet do të varet edhe realiteti i cili do të krijohet në veri të vendit. Shqetësimi im është se krejt çka ka ndodhur prej nëntorit të vitit të kaluar nga ana e zotëri Kurti, i cili para se me ardhur ka premtuar një dialog me serbët e Kosovës, kurse tash po shihet se nuk ka politikë në raport me komunitetin serb në Kosovë”, deklaroi Hoxhaj.

Mirëpo, shefja e Grupit Parlamentar të Lëvizjes Vetëvendosje, Mimoza Kusari-Lila, tha se zgjedhjet në veri mund të mbahen vetëm në kuadër të ligjit dhe kushtetutshmërisë, jo shantazhit dhe kërcënimit. Ajo tha se Lista Serbe nuk është në pozitë të adresoi kushte, pasi e njëjta më instruksione nga Beogradi ka dhënë dorëheqje nga institucionet e Kosovës dhe po ashtu nuk ka marrë pjesë në zgjedhjet e prillit.

“Dihen procedurat sesi përsëriten zgjedhje, njëra është me dorëheqjeje të kryetarëve, tjetra është me mbledhjen e nënshkrimeve të listës së votueseve. Gjithsesi në cilëndo formë mbetet të shihet, por do të jetë në forma demokratike dhe të parapara me ligj…Në frymën e funksionimit të mirëfilltë të institucioneve dhe të demokracisë, të gjitha vendimet do të jenë në atë vazhdë. Por, jo në mënyrën apo formën ku kërcënohen apo shantazhohen kryetarët e zgjedhur të komunave në veri…Ata(Lista Serbe) i kanë prezantuar si kushte për pjesëmarrje në zgjedhje, gjithashtu po e ritheksoj se largimi i tyre nga institucionet nuk është bërë nga askush në Kosovë, por me kërkesën e Beogradit. Njëjtë, mospjesëmarrja e tyre në zgjedhje në Kosovë nuk u bë nga askush në Kosovë, por u bë pengesë nga Beogradi. Thirrje e drejtpërdrejtë e presidentit Vuciq për mospjesëmarrje dhe kërcënime për komunitetin tjetër serb që mos të marrin pjesë në procesin zgjedhor”, tha ajo.

Për zgjidhjen e situatës në veri, gjatë mbrëmjes së sotme pritet të qëndrojnë në Kosovë, përfaqësuesi i BE-së për dialogun, Miroslav Lajçak dhe emisari i ShBA-së për Ballkanin Perëndimor, Gabriel Escobar.

Related Topics:
Continue Reading

Lajmet

United Hospital në shërbim të shëndetit të meshkujve – diagnostikimi i hershëm i kancerit të prostatës, prioritet i mjekësisë moderne

Published

2 hours ago

on

November 9, 2026

By

Në një kohë kur diagnostikimi i hershëm përbën një nga faktorët më të rëndësishëm në luftën kundër sëmundjeve malinje, United Hospital, si një nga institucionet më të mëdha private shëndetësore në Kosovë, po promovon rëndësinë e kujdesit parandalues, diagnostikimit profesional dhe qasjes bashkëkohore ndaj shëndetit të pacientëve.

Në kuadër të fushatës ndërgjegjësuese Nëntori Blu, të dedikuar shëndetit të meshkujve, United Hospital vë në pah rëndësinë e kontrolleve të rregullta urologjike dhe zbulimit në kohë të kancerit të prostatës, një ndër sëmundjet malinje më të përhapura te meshkujt në nivel global. Sfida kryesore e kësaj sëmundjeje qëndron në faktin se në fazat fillestare mund të zhvillohet pa simptoma të dukshme, duke e bërë kontrollin parandalues një domosdoshmëri dhe jo thjesht një rekomandim shëndetësor.

Një rol të rëndësishëm në vlerësimin e shëndetit të prostatës ka analiza e PSA-së (Antigjeni Specifik i Prostatës), e cila realizohet përmes një analize të thjeshtë gjaku. Vlerat e rritura mund të sinjalizojnë ndryshime të ndryshme në prostatë, përfshirë zmadhimin beninj, inflamacionin apo mundësinë e një procesi malinj. Megjithatë, PSA-ja nuk përbën e vetme një diagnozë të kancerit, por është një instrument i rëndësishëm në vlerësimin e mëtejshëm nga specialisti i urologjisë.

Sipas rekomandimeve të Shoqatës Evropiane të Urologjisë (EAU), diskutimi për testimin e PSA-së mund të fillojë nga mosha 50-vjeçare te meshkujt me rrezik mesatar, ndërsa te ata me histori familjare të kancerit të prostatës rekomandohet të fillojë më herët, zakonisht nga mosha 45-vjeçare.

Me infrastrukturë moderne, teknologji bashkëkohore dhe staf profesional, United Hospital synon të ofrojë standarde të avancuara të shërbimeve shëndetësore, duke e vendosur pacientin, sigurinë dhe cilësinë e kujdesit në qendër të angazhimit institucional.

Mesazhi i këtij nëntori është i qartë: shëndeti nuk duhet të presë shfaqjen e simptomave. Kontrolli në kohë mund të bëjë dallimin vendimtar. Kujdesi për veten është përgjegjësi, ndërsa diagnostikimi i hershëm është një hap i rëndësishëm drejt trajtimit më të suksesshëm.

United Hospital – profesionalizëm, teknologji dhe përkushtim për shëndetin tuaj.

Nëntori Blu në United Hospital: Kontrolle të specializuara urologjike me paketa promocionale për zbulimin e hershëm të kancerit të prostatës

Në kuadër të fushatës ndërkombëtare “Nëntori Blu”, e cila i kushtohet ndërgjegjësimit për shëndetin e meshkujve dhe luftës kundër kancerit të prostatës, United Hospital ka ndërmarrë një iniciativë sensibilizuese dhe shëndetësore, duke ofruar dy paketa të veçanta kontrollesh urologjike me çmime promocionale.

Duke qenë se kanceri i prostatës mund të zhvillohet për një kohë të gjatë pa shfaqur simptoma të dukshme, diagnostikimi i hershëm dhe kontrollet periodike përbëjnë një element thelbësor në identifikimin e ndryshimeve patologjike dhe në përcaktimin e trajtimit të duhur. Në këtë drejtim, United Hospital synon të rrisë ndërgjegjësimin publik dhe të lehtësojë qasjen e qytetarëve në shërbime profesionale diagnostikuese.

Nën kujdesin e Dr. Ardit Nelës, specialist i Urologjisë, pacientëve u ofrohen dy paketa të dedikuara për vlerësimin e shëndetit urologjik, të cilat përfshijnë vizitën specialistike, ekzaminimin ultrasonografik dhe analizat përkatëse laboratorike.

Paketa e parë urologjike, e cila nga çmimi i rregullt prej 70.50 euro ofrohet me çmim promocional prej vetëm 30 eurosh, përfshin:

Vizitë te specialisti urolog dhe ECHO (ultratingull).

Hemogram.

Ure dhe kreatininë.

Glikemi.

Analizë të urinës.

Analizën PSA.

Paketa e dytë urologjike, nga 72 euro në vetëm 30 euro, përfshin:

Vizitë te specialisti urolog dhe ECHO (ultratingull).

Hemogram.

Sedimentacion.

Analizë të urinës.

Urinokulturë me antibiogram.

Përmes kësaj oferte, United Hospital synon të ndërthurë ekspertizën profesionale, diagnostikimin bashkëkohor dhe qasjen më të lehtë të pacientëve në shërbimet shëndetësore, duke e vendosur parandalimin dhe kujdesin për shëndetin në qendër të vëmendjes.

Mesazhi i kësaj fushate është i qartë: mungesa e simptomave nuk nënkupton domosdoshmërisht mungesën e sëmundjes. Prandaj, kontrollet periodike dhe konsultat me specialistët mbeten hapa të rëndësishëm për mbrojtjen e shëndetit.

📞 Terminet dhe informatat: 046 60 70 70

📍 United Hospital – M2 Prishtinë–Ferizaj, kilometri i 7-të, Prishtinë

Për informata dhe termine:

Tel: 046 60 70 70

Lokacioni: M2, Prishtinë–Ferizaj, Km 7, Prishtinë./rajonipress/

Continue Reading

Lajmet

Pranim-dorëzimi i raporteve për vrasjen e Arlinda Zekajt përplas anëtarët e Komisionit Hetimor Parlamentar

Published

5 hours ago

on

November 9, 2026

By

Komisioni Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt ka mbajtur mbledhjen e radhës në Kuvendin e Kosovës, e cila pas diskutimeve publike ka vijuar punimet prapa dyerve të mbyllura.

Kryesuesi i komisionit, Burim Ramadani, njoftoi se Zyra e Kryeministrit i ka dorëzuar zyrtarisht raportet e kërkuara nga Ministria e Drejtësisë dhe Ministria e Punëve të Brendshme, duke hapur kështu rrugën për bashkëpunim institucional rreth përgjegjësive në këtë rast.

Mirëpo, dorëzimi i dokumenteve ka nxitur reagime të ashpra nga opozita. Anëtari i komisionit nga radhët e PDK-së, Eman Rrahmani, akuzoi ekzekutivin për pengim të hetimit dhe tentim të mbulimit të dështimeve të shtetit.

“Është situata që angazhimi edhe i Zyrës së Kryeministrit në vend që të duhet t’i ndihmojë këtij komisioni që të zbardhim gjithë dështimin e zinxhirit, po bëhet pengesë dhe manipulator i procesit… Unë e shoh se qasja e këtij grupi parlamentar, në përgjithësi, është për t’i mbuluar të metat dhe për të mos zbardhur dështimin e zinxhirit të shtetit për mbrojtjen jetën e një gruaje”, tha Rrahmani.

Nga ana e tij, kryetari Burim Ramadani është zotuar para mediave se procesi hetimor do të zhvillohet me transparencë të plotë dhe mbi bazën e fakteve zyrtare. /E.A/

Continue Reading

Lajmet

LDK reagon ndaj Presidencës: Largimi i fotos së Rugovës dhe Deklaratës së Pavarësisë është i papranueshëm

Published

7 hours ago

on

November 9, 2026

By

Lidhja Demokratike e Kosovës (LDK) e ka cilësuar si të papranueshëm vendimin e Presidentes Shiroka-Pula për largimin e fotografisë së Presidentit Ibrahim Rugova dhe të Deklaratës së Pavarësisë nga vendet e nderit në hapësirat e Presidencës.

Përmes një reagimi zyrtar, LDK-ja theksoi se Presidenca është institucion shtetëror ku duhet të nderohen themeluesit e shtetit dhe aktet mbi të cilat është ndërtuar Republika. Sipas kësaj partie, trajtimi i simboleve të tilla historike si thjesht elemente dekorative që mund të zëvendësohen me vepra arti është i gabuar dhe cënon vazhdimësinë institucionale.

LDK-ja ka kërkuar rishikimin e menjëhershëm të këtij vendimi dhe rikthimin e fotografisë së Presidentit Ibrahim Rugova të vendosur nga ish-Presidentja Osmani si dhe të Deklaratës së Pavarësisë të vendosur nga ish-Presidenti Sejdiu në vendet e tyre zyrtare të nderit. /E.A/

Continue Reading

Lajmet

Kriza në MAGA: Pas humbjes në zgjedhje, republikanët fajësojnë Trumpin

Published

8 hours ago

on

November 9, 2026

By

Humbja e rëndë e Partisë Republikane në zgjedhjet e mesmandatit ka hapur një valë pakënaqësie dhe pyetjesh të shumta brenda lëvizjes “Make America Great Again” (MAGA), ku shumë mbështetës kanë filluar ta shohin presidentin Donald Trump më shumë si barrë se sa si aset politik.

Fitorja bindëse e demokratëve, të cilët siguruan shumicën në të dyja dhomat e Kongresit, erdhi si rrjedhojë e pakënaqësisë së votuesve me rritjen e çmimeve të karburantit, luftën në Iran dhe pretendimet për korrupsion në Washington.

Në vend të ndryshimit të kursit politik, Trump ka reaguar duke emëruar Stephen Miller, arkitektin e politikave të ashpra kundër emigracionit, në postin e shefit të stafit në Shtëpinë e Bardhë në vend të Susie Wiles. Ndërkohë, vetë Trump i hodhi poshtë përgjegjësitë duke deklaruar se po të kishte qenë ai vetë në fletëvotim, republikanët do të kishin fituar.

Debati ka përfshirë edhe pretendimet e mëparshme për manipulim zgjedhjesh, të cilat pothuajse janë shuar tërësisht mes figurave kryesore të së djathtës. Në vend të tyre, vëmendja është zhvendosur te premtimet e mbajtura, kostoja e lartë e jetesës, përfshirja në luftën me Iranin si dhe mospublikimi i plotë i dosjeve hetimore për Jeffrey Epstein.

Ndërsa figura si Steve Bannon bëjnë thirrje për një rikthim te politikat më radikale populiste dhe nacionale, aktivistë të tjerë dhe liderë fetarë shprehen se lëvizja duhet të shkëputet nga ndikimi i një njeriu të vetëm për të mbijetuar në të ardhmen./Reuters/

 

Continue Reading

Të kërkuara