Lajmet

Opozita serbe në Kosovë paralajmëron mobilizimin e serbëve në ‘mbrojtje’ të Vuçiçit

Published

on

Organizatat dhe politikanë opozitarë serbë në Kosovë kanë paralajmëruar se serbë nga ky komunitet do të udhëtojnë në Beograd javën e ardhshme për të krijuar një “mur njerëzor” përballë Presidencës së Serbisë dhe për të “mbrojtur” presidentin Aleksandar Vuçiç nga një “revolucion me ngjyra”. Ky revolucion është lidhur me protestat që po zhvillohen në Serbi, ku qytetarët kërkojnë përgjegjësi për tragjedinë e Stacionit Hekurudhor në Novi Sad, ku humbën jetën 15 persona në nëntor 2023.

Politikani dhe organizatat opozitare serbe pretendojnë se ky mobilizim është i mbështetur nga Lista Serbe, partia më e madhe serbe në Kosovë, e cila ka mbështetje të drejtpërdrejtë nga Beogradi dhe Vuçiç. Disa nga këto grupe sugjerojnë mundësinë e incidenteve gjatë këtij organizimi, që synon mbështetje për Vuçiç, por nuk është konfirmuar ende në mënyrë të pavarur nga burime të tjera.

Sipas informacionit të këtyre organizatave, rreth 500 serbë nga Kosova planifikojnë të udhëtojnë në Beograd për të ngritur tenda para Presidencës dhe për të penguar protestën e paralajmëruar për 15 mars. Ata do të mbështeten me ushqim, pije dhe një shpërblim për pjesëmarrësit.

Ky mobilizim erdhi mes protestave në Serbi, ku studentët dhe qytetarët kërkojnë përgjegjësi për incidentin tragjik në Novi Sad, dhe Vuçiç e ka cilësuar këto protesta si një “revolucion me ngjyra” që synon përmbysjen e tij. Protestat e studentëve dhe qytetarëve kanë vazhduar, dhe një tjetër tubim është parashikuar për 15 mars në Beograd.

Organizatat serbe në Kosovë kanë denoncuar përdorimin e serbëve për qëllime politike dhe kanë shprehur shqetësimin për mundësinë e një provokimi që mund të sjellë dhunë, duke përmendur ngjarjet e vitit 2023 në veri të Kosovës, ku protestat për kontrollin e komunave shpërthyen në përleshje të dhunshme./UBTNews/

Lajmet

Skema piramidale dhe bixhoz ilegal në Vushtrri, Policia bastis një lokal

Published

on

Policia e Kosovës ka ndërmarrë një aksion në qytetin e Vushtrrisë, duke zbuluar një lokal ku zhvillohej veprimtari e jashtëligjshme e bixhozit dhe skemave piramidale.

Sipas njoftimit zyrtar, hetuesit e Sektorit Rajonal të Hetimeve, në bashkëpunim me Njësinë për Reagim të Shpejtë (NJRSh), kanë realizuar bastisjen në rrugën “Blerim Zuqaku”, gjatë së cilës janë gjetur dhe sekuestruar mjete të ndryshme që përdoreshin për lojëra fati dhe bixhoz.

“Nën dyshimin e bazuar për veprimtari të dyshimta, hetuesit e Sektorit Rajonal te Hetimeve në mbështetje të Njësisë për Reagim të Shpejtë (NJRSh) në orët e mbrëmjes se datës 23 tetor 2025, në rrugën “Blerim Zuqaku“ në Vushtrri , kanë realizuar bastisje në një lokal ku zhvillohej veprimtari e kundërligjshme ‘Organizim i skemave piramidale dhe bixhozit të paligjshëm’, thuhet në njoftim.

Gjatë kontrollit në cilësi të provave materiale janë gjetur dhe janë sekuestruar aparate dhe mjete të ndryshme që shërbejnë për lojëra fati e bixhozi. Gjësendet e sekuestruara do të shërbejnë si dëshmi materiale dhe janë proceduar në rastin në fjalë.

Lidhur me rastin në cilësi të të dyshuarit është intervistuar pronari i lokalit i cili pas intervistimit është liruar ne procedurë te rregullt.

Ndaj të dyshuarit është iniciuari rasti për dyshimin e kryerjes së veprës penale ’’Organizim i skemave piramidale dhe bixhozit të paligjshëm”, thuhet më tej./S.K/PK/

Continue Reading

Lajmet

Policia shqipton rreth 2 mijë e 400 gjoba trafiku brenda 24 orëve të fundit

Published

on

Policia e Kosovës ka shqiptuar 2394 gjoba për kundërvajtësit e trafikut brenda 24 orëve të fundit.

Vetëm në 24 orët e fundit janë raportuar 34 aksidente trafiku me dëme materiale, ku 16 nga këto aksidente trafiku kanë përfunduar me të lënduar.

Policia e Kosovës ka arrestuar 21 persona, 10 janë dërguar në mbajtje, kurse 2 persona janë në vuajtje të dënimit./S.K/PK/

 

 

Continue Reading

Lajmet

Dita Botërore e Informimit për Zhvillim

Published

on

24 Tetori është Dita Botërore e Informacionit për Zhvillim, duke u konsideruar si një pjesë thelbësore e punës për zhvillimin e cila konsiston në mobilizimin e opinionit publik në mbështetje të objektivave dhe politikave të përcaktuara.

Në vitin 1972, Asambleja e Përgjithshme krijoi Ditën Botërore të Informacionit për Zhvillimin për të tërhequr vëmendjen e botës ndaj problemeve të zhvillimit dhe nevojës për të forcuar bashkëpunimin ndërkombëtar për zgjidhjen e tyre.

Asambleja vendosi që data e Ditës të përkojë me Ditën e Kombeve të Bashkuara, 24 tetor, e cila ishte edhe data e miratimit, në vitin 1970, të Strategjisë Ndërkombëtare të Zhvillimit për Dekadën e Dytë të Zhvillimit të Kombeve të Bashkuara.

Qeveritë e vendeve më të përparuara duhet të vazhdojnë dhe të intensifikojnë përpjekjet e tyre për të thelluar kuptimin publik të natyrës së ndërvarur të përpjekjeve për zhvillim dhe të nevojës për të ndihmuar vendet në zhvillim në përshpejtimin e progresit të tyre ekonomik dhe social.

Në mënyrë të ngjashme, qeveritë e vendeve në zhvillim duhet të vazhdojnë të ndërgjegjësojnë njerëzit në të gjitha nivelet për përfitimet dhe sakrificat e përfshira, dhe të marrin pjesë të plotë të tyre në arritjen e qëllimeve dhe objektivave të zhvillimit.

Mobilizimi i opinionit publik duhet të jetë kryesisht përgjegjësi e organeve kombëtare.

Qeveritë mund të marrin në konsideratë krijimin e organeve të reja kombëtare ose forcimin e atyre ekzistuese të krijuara për të mobilizuar opinionin publik, si një masë afatgjatë, për t’i dhënë një orientim zhvillimor në rritje kurrikulave arsimore.

Duke pasur parasysh se lidershipi mund të japë një kontribut të rëndësishëm në mobilizimin e opinionit publik, formulimi i synimeve konkrete nga autoritetet kompetente është i domosdoshëm.

Roli i organizatës së Kombeve të Bashkuara ka qenë të ndihmojë mediat e ndryshme kombëtare të informacionit, në veçanti duke ofruar informacion adekuat bazë nga i cili këto media mund të marrin substancë dhe frymëzim për punën e tyre.

Teknologjitë e informacionit dhe komunikimit kanë potencialin për të ofruar zgjidhje të reja për sfidat e zhvillimit, veçanërisht në kontekstin e globalizimit./S.K/KP/

Continue Reading

Lajmet

Arrestohet i dyshuari për vrasje në Podujevë

Published

on

Zyrtarë të Stacionit Policor Veriu në Prishtinë kanë lokalizuar dhe arrestuar një person i dyshuar i kërkuar për vrasje, në rastin e ndodhur më 6 shtator, në Llapashticë e Epërme e Podujevës.

Njësitet policore kanë ndërmarrë këtë operacion në Prishtinë, i cili ka rezultuar me arrestimin e A.H., (31).

I dyshuari është shtetas i Kosovës, i shpallur në kërkim nën dyshimin e bazuar për përfshirje në veprën në fjalë.

“Veprimet e mëtejme lidhur me personin e dyshuar do të merren në koordinim me Prokurorin e Shtetit”, thuhet në njoftim nga Policia e Kosovës./S.K/KP/

Continue Reading

Të kërkuara