Lajmet

Opozita s’do të ftojë seancë për Dick Marty-n, konsiderohet ndërhyrje në punën e Speciales

Kjo po konsiderohet të jetë ndërhyrje në rastet me të cilat po merret Gjykata Speciale.

Published

3 years ago

on

Opozita po kërkon nga krerët e institucioneve që të trajtojnë me seriozitet rastin e ish-senatorit zviceran Dick Marty, por ata nuk kanë plan të ftojnë seancë plenare për trajtimin e kësaj çështjeje, pasi kjo është përgjegjësi institucionale. Përfshirja e organit më të lartë legjislativ në këtë rast, po konsiderohet të jetë ndërhyrje në rastet me të cilat po merret Gjykata Speciale.

Institucionet e vendit, sipas deputetit të Partisë Demokratike të Kosovës (PDK), Hajdar Beqa nuk janë të interesuara të merren me këtë çështje.

“Unë mendoj që është përgjegjësi institucionale. Ne nuk e pamë asnjë fjalë nga ministrja e Drejtësisë, nuk e pamë asnjë fjalë nga kryeministri. Besoj që në këtë rast nuk janë të interesuar të merren me këtë çështje. Partia Demokratike e Kosovës në vijim do t’i bëjë veprimet e saj kushtetuese në raport me këtë rrethanë. Mendoj që është shumë e rëndësishme që Kosova ka qëndrim në këtë rast, pasi që ne e dimë çfarë dëmi i ka krijuar Dick Marty Kosovës me dosje të fabrikuara nga Beogradi dhe tash thotë që kemi pasur një tentim-vrasje. Po shihet, unë flas si deputet, që ka pasur pazare mes tij dhe Serbisë”, tha ai.

E pyetur nëse do të ftojnë seancë për trajtimin e rastit të ish-senatorit zviceran, Dick Marty, deputetja nga Aleanca për Ardhmërinë e Kosovës, Time Kadriaj thotë se me këtë duhet të merren krerët e qeverisë.

“Janë krerët e qeverisë që duhet të merren me këtë çështje, sepse ajo çfarë e dëgjuam është që kanë dashur ata që të kryejnë një sulm Serbia, sepse nuk është hera e parë që ata kërcënojnë në këtë mënyrë, duke e ditur se senatori Dick Marty është ai që ka ngritur aktakuza për krerët e UÇK-së me supozimet e tij që kanë kryer gjenocid. Janë institucionet e Kosovës, kryeministri dhe presidenti ta ngrenë në nivele më të larta këtë shqetësim. Sepse, arsyeja u pa që ka qenë që shërbimet sekrete serbe kanë dashur ta eliminojnë Dick Marty-n, në mënyrë që kjo t’u lihet shqiptarëve”, tha ajo.

Në anën tjetër, Ehat Miftaraj nga Instituti i Kosovës për Drejtësi shprehet se Kosova duhet të sensibilizojë opinionin ndërkombëtar në lidhje me kërcënimet që Dick Marty ka marrë nga shërbimi sekret serb.

“Unë dyshoj që Kuvendi i Kosovës do të duhej të merrej me këtë temë. Kuvendi i Kosovës nuk është adresa e duhur që kjo të bëhet qoftë publike, qoftë të ngrihet informacioni te partnerët ndërkombëtarë. Unë besoj që kryeministri, ministrja e Jashtme me theks të veçantë, ambasadorët tanë në Evropë dhe shtete tjera të botës, do të duhej që këtë çështje ta ngrenë dhe të informojnë shtetet e ndryshme. Në mënyrë që të sensibilizohet sa më shumë opinioni ndërkombëtar në lidhje me këtë ngjarje”, tha Miftaraj.

Ai thotë se Kosova duhet të presë informacionet zyrtare nga shteti i Zvicrës lidhur me rastin.

“Kuvendi i Kosovës nuk do të duhej të ishte adresa e duhur, sepse mund të konsiderohej edhe si ndërhyrje në rastet që janë në Gjykatën Speciale apo ndërhyrje të tjera të cilat nuk do të ishin të përshtatshme për publikun e Kosovës”, tha Miftaraj.

Presidentja Vjosa Osmani ka njoftuar se ka kërkuar nga autoritetet kosovare për të marrë informacione mbi rastin e Dick Marty.

Televizioni publik zviceran ka raportuar se ish-raportuesi në Këshillin e Evropës, Dick Marty, është duke u mbrojtur që 16 muaj nga policia zvicerane, pas kërcënimeve për likuidim nga shërbimi inteligjent serb. 

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

11 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

12 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

12 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

12 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara