Lajmet

Opozita s’do të ftojë seancë për Dick Marty-n, konsiderohet ndërhyrje në punën e Speciales

Kjo po konsiderohet të jetë ndërhyrje në rastet me të cilat po merret Gjykata Speciale.

Published

4 years ago

on

Opozita po kërkon nga krerët e institucioneve që të trajtojnë me seriozitet rastin e ish-senatorit zviceran Dick Marty, por ata nuk kanë plan të ftojnë seancë plenare për trajtimin e kësaj çështjeje, pasi kjo është përgjegjësi institucionale. Përfshirja e organit më të lartë legjislativ në këtë rast, po konsiderohet të jetë ndërhyrje në rastet me të cilat po merret Gjykata Speciale.

Institucionet e vendit, sipas deputetit të Partisë Demokratike të Kosovës (PDK), Hajdar Beqa nuk janë të interesuara të merren me këtë çështje.

“Unë mendoj që është përgjegjësi institucionale. Ne nuk e pamë asnjë fjalë nga ministrja e Drejtësisë, nuk e pamë asnjë fjalë nga kryeministri. Besoj që në këtë rast nuk janë të interesuar të merren me këtë çështje. Partia Demokratike e Kosovës në vijim do t’i bëjë veprimet e saj kushtetuese në raport me këtë rrethanë. Mendoj që është shumë e rëndësishme që Kosova ka qëndrim në këtë rast, pasi që ne e dimë çfarë dëmi i ka krijuar Dick Marty Kosovës me dosje të fabrikuara nga Beogradi dhe tash thotë që kemi pasur një tentim-vrasje. Po shihet, unë flas si deputet, që ka pasur pazare mes tij dhe Serbisë”, tha ai.

E pyetur nëse do të ftojnë seancë për trajtimin e rastit të ish-senatorit zviceran, Dick Marty, deputetja nga Aleanca për Ardhmërinë e Kosovës, Time Kadriaj thotë se me këtë duhet të merren krerët e qeverisë.

“Janë krerët e qeverisë që duhet të merren me këtë çështje, sepse ajo çfarë e dëgjuam është që kanë dashur ata që të kryejnë një sulm Serbia, sepse nuk është hera e parë që ata kërcënojnë në këtë mënyrë, duke e ditur se senatori Dick Marty është ai që ka ngritur aktakuza për krerët e UÇK-së me supozimet e tij që kanë kryer gjenocid. Janë institucionet e Kosovës, kryeministri dhe presidenti ta ngrenë në nivele më të larta këtë shqetësim. Sepse, arsyeja u pa që ka qenë që shërbimet sekrete serbe kanë dashur ta eliminojnë Dick Marty-n, në mënyrë që kjo t’u lihet shqiptarëve”, tha ajo.

Në anën tjetër, Ehat Miftaraj nga Instituti i Kosovës për Drejtësi shprehet se Kosova duhet të sensibilizojë opinionin ndërkombëtar në lidhje me kërcënimet që Dick Marty ka marrë nga shërbimi sekret serb.

“Unë dyshoj që Kuvendi i Kosovës do të duhej të merrej me këtë temë. Kuvendi i Kosovës nuk është adresa e duhur që kjo të bëhet qoftë publike, qoftë të ngrihet informacioni te partnerët ndërkombëtarë. Unë besoj që kryeministri, ministrja e Jashtme me theks të veçantë, ambasadorët tanë në Evropë dhe shtete tjera të botës, do të duhej që këtë çështje ta ngrenë dhe të informojnë shtetet e ndryshme. Në mënyrë që të sensibilizohet sa më shumë opinioni ndërkombëtar në lidhje me këtë ngjarje”, tha Miftaraj.

Ai thotë se Kosova duhet të presë informacionet zyrtare nga shteti i Zvicrës lidhur me rastin.

“Kuvendi i Kosovës nuk do të duhej të ishte adresa e duhur, sepse mund të konsiderohej edhe si ndërhyrje në rastet që janë në Gjykatën Speciale apo ndërhyrje të tjera të cilat nuk do të ishin të përshtatshme për publikun e Kosovës”, tha Miftaraj.

Presidentja Vjosa Osmani ka njoftuar se ka kërkuar nga autoritetet kosovare për të marrë informacione mbi rastin e Dick Marty.

Televizioni publik zviceran ka raportuar se ish-raportuesi në Këshillin e Evropës, Dick Marty, është duke u mbrojtur që 16 muaj nga policia zvicerane, pas kërcënimeve për likuidim nga shërbimi inteligjent serb. 

Related Topics:
Continue Reading

Lajmet

​Rooney: Xhaka është transferimi i sezonit në Angli

Published

35 minutes ago

on

November 11, 2025

By

Wayne Rooney ka vlerësuar Granit Xhakën si nënshkrimin e sezonit pas paraqitjeve të tij mbresëlënëse me Sunderlandin në Premier League.

33-vjeçari u rikthye në Angli pas dy sezonesh të suksesshme te Bayer Leverkusen, ku ndihmoi klubin gjerman të fitonte titullin e parë në Bundesligë. Që nga ardhja e tij, Xhaka është bërë një nga lojtarët kryesorë të Sunderlandit, që aktualisht renditet në vendin e katërt në kampionat.

“Kur kthehet në Premier League, pyet veten nëse mund ta bëjë përsëri. Por ai ndoshta ka qenë transferimi i sezonit. Ka qenë i shkëlqyer.”, tha Rooney.

Ish-ylli i Manchester United shtoi se përvoja e Xhakës po ndihmon shumë edhe jashtë fushës.

“Sunderland ka një skuadër të re, dhe Xhaka është si një figurë atërore. Ai ndihmon trajnerin dhe lojtarët e rinj me përvojën e tij.”, shtoi ai./S.K/KP/

Continue Reading

Lajmet

Shtatë raste të dhunës në familje brenda 24 orëve

Published

1 hour ago

on

November 11, 2025

By

Vetëm në 24 orëshin e fundit, janë raportuar shtatë raste të dhunës në familje si dhe një lëndim i lehtë trupor, ka njoftuar Policia e Kosovës. Në raport bëhet e ditur se rastet kanë ndodhur në Obiliq, Fushë Kosovë, Lipjan, Prishtinë, Ferizaj dhe Gjakovë.

Lëndim i lehtë trupor

Mitrovicë Veri 10.11.2025 – 02:00. Është raportuar se viktima femër kosovare është sulmuar fizikisht nga bashkëshorti i saj. Viktima ka pësuar lëndime të lehta trupore dhe ka pranuar tretman mjekësor. I dyshuari është arrestuar dhe me vendim të prokurorit është dërguar në mbajtje.

Dhunë në familje

·         Obiliq 10.11.2025 – 04:30. Ka ndodhur rasti ‘dhunë në familje’, ku të përfshirë kanë qenë bashkëshortët,  lëndime ka pësuar bashkëshorti dhe të njëjtit i është ofruar tretman mjekësor. Palët janë intervistuar dhe në konsultim me prokurorin janë liruar në procedurë të rregullt.

Fushë Kosovë 10.11.2025 – 10:00. Është arrestuar i dyshuari mashkull kosovar, nën dyshimin se ka sulmuar fizikisht tre anëtarë të familjes. Me urdhër të prokurorit i dyshuari është liruar në procedurë të rregullt.

Lipjan 10.11.2025 – 11:00. Është raportuar se viktima femër kosovare ka pësuar dhunë nga i dyshuari mashkull kosovar, me të cilin bashkëjeton. Viktima është strehuar në strehimore, ndërsa i dyshuari është liruar në procedurë të rregullt.

Prishtinë  09.11.2025 – 15:00 – 18:00. Me 10.11.2025 viktima e mitur femër kosovare, ka raportuar se një ditë më parë babai i saj, i dyshuari mashkull kosovar kishte ushtruar dhunë fizike. Si pasojë e dhunës viktima ka pranuar tretman mjekësor. Lidhur me rastin është intervistuar i dyshuari i cili më pas me urdhër të prokurorit është liruar në procedurë të rregullt.

Prishtinë  10.11.2025-13:00. Janë shoqëruar dy meshkuj (vëllezër) njëri si i dyshuar dhe tjetri viktimë, në stacion policor për intervistim, pasi të njëjtit për shkak të një mosmarrëveshje janë rrahur në mes vete. Rasti duke u hetuar.

Ferizaj 10.11.2025 – 15:00. Është arrestuar i dyshuari mashkull kosovar, për shkak se në gjendje të dehur në shtëpi kishte ushtruar dhunë fizike ndaj bashkëshortes së tij, viktimës femër kosovare. Si pasojë e dhunës viktima ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.

Gjakovë  10.11.2025 – 14:30. Është arrestuar i dyshuari mashkull kosovar, nën dyshimin se i njëjti në gjendje të dehur ka sulmuar fizikisht viktimën-bashkëshorten e tij. Viktima ka refuzuar tretmanin mjekësor, ndërsa me vullnetin e saj është kthyer tek familja e vet. Me vendim të prokurorit, i dyshuari është dërguar në mbajtje./S.K/PK/

Continue Reading

Lajmet

Osmani merr pjesë në Forumin “25 vjet kur gratë transformojnë paqen dhe sigurinë në Kosovë”

Published

2 hours ago

on

November 11, 2025

By

Misioni i Bashkimit Evropian për Sundimin e Ligjit në Kosovë (EULEX), në bashkëpunim me Shoqatën e Grave në Policinë e Kosovës, do organizoj një forum diskutimi me temën “Nga Rezoluta në veprim: 25 vjet nga kur gratë transformojnë paqen dhe sigurinë në Kosovë”.

Ky aktivitet shënon 25-vjetorin e miratimit të Rezolutës 1325 të Këshillit të Sigurimit të OKB-së, dokument i cili njohu rolin e grave në parandalimin e konflikteve, ndërtimin e paqes dhe vendimmarrjen në sektorin e sigurisë.

Në forum do të marrin pjesë Presidentja e Kosovës, Vjosa Osmani-Sadriu, Shefi i Misionit EULEX, Giovanni Pietro Barbano, Drejtori i Përgjithshëm i Policisë së Kosovës, Gazmend Hoxha, si dhe Drejtori i Përgjithshëm i Shërbimit Korrektues të Kosovës, Ismail Dibrani./S.K/EO/

Continue Reading

Lajmet

Pas takimit Trump-Al-Sharaa, Siria do t’i bashkohet koalicionit kundër ISIS-it

Published

2 hours ago

on

November 11, 2025

By

Siria do t’i bashkohet koalicionit ndërkombëtar për ta luftuar grupin ISIS, duke shënuar një ndryshim në politikën e jashtme të Shteteve të Bashkuara në Lindjen e Mesme, ka konfirmuar një zyrtar i lartë i administratës së presidentit amerikan, Donald Trump.

Njoftimi erdhi kur presidenti Trump e priti në Shtëpinë e Bardhë homologun e tij sirian, Ahmed al-Sharaa – vizita e parë e tillë nga një udhëheqës sirian në historinë e vendit.

Në një intervistë në televizionin “Fox News”, presidenti sirian tha se vizita e tij është pjesë e një epoke të re në të cilën Siria do të bashkëpunojë me Shtetet e Bashkuara.

Siria tani do të jetë shteti i 90-të që bëhet pjesë e koalicionit global që i ka për qëllim eliminimin e elementeve të mbetura të ISIS-it dhe pengimin e shkuarjes së militantëve të huaj në Lindjen e Mesme.

Pas takimit mes dy presidentëve, një zyrtar i lartë i administratës amerikane gjithashtu konfirmoi se Departamenti i Thesarit i ShBA-së, bashkë me Departamentin e Shtetit dhe Departamentin e Tregtisë, do të njoftojnë masa të reja për heqjen e kufizimeve ekonomike ndaj Sirisë dhe për ofrimin e qartësimit të pëlqimeve për investitorët.

Si pjesë e masave, administrata amerikane gjithashtu do të lëshojë një pezullim 180-ditor të Aktit të Cezarit, me të cilin që nga viti 2019 është sanksionuar ish-qeveria siriane.

Duke folur para gazetarëve në Zyrën Ovale disa orë pas takimit me homologun sirian, Trumpi tha:

“Ne duam që ta shohim Sirinë duke u bërë një shtet që është shumë i suksesshëm dhe mendoj se ky udhëheqës [Al-Sharaa] mund ta bëjë këtë. Vërtet mendoj ashtu.”

Ky ishte takimi i tretë mes dy presidentëve, pasi fillimisht ishin takuar në maj, në margjinat e Këshillit të Gjirit Persik për Bashkëpunim dhe më pas në një darkë gjatë Asamblesë së Përgjithshme të OKB-së në shtator.

Vetëm javën e kaluar, Departamenti i Thesarit i ShBA-së e largoi presidentin sirian nga lista e terroristëve globalë të përzgjedhur në mënyrë speciale./S.K/BBC/

Continue Reading

Të kërkuara