Fisnik Laha, dekan i Fakultetit Biokimi Mjekësore dhe Kimi aplikative në UBT, në një bisedë për mediat e UBT-së, flet për punën që po bëhet për regjistrimin e studentëve të rinj dhe sidomos për përparësitë që mundësitë që ofron studimi në  Biokimi Mjekësore, si dhe në Kimi aplikative, që është një drejtim i ri në këtë institucion 

UBT News: UBT ka filluar regjistrimin e studentëve të rinj për vitin akademik 2025/2026. Si po ecin regjistrimet në fakultetin tuaj?

Laha: Procesi i regjistrimit përcillet me angazhim shtesë të stafit drejt realizimit të suksesshëm të këtij procesi. Ne i kemi bërë të gjitha përgatitjet për këtë fazë.

Interesimi është mjaft i madh, sepse drejtimet janë tejet atraktive për tregun e punës dhe është një e ardhme e ndritur e të gjithë studentëve që do të jenë pjesë e jona.

UBT News: A ka interesim të shtuar në krahasim me vitet e kaluara?

Laha: Është një interesim i shtuar në krahasim me vitet paraprake. Kjo reflekton në radhë të parë angazhimin e stafit dhe investimet e tjera shtesë që kanë kryer në infrastrukturë laboratorike. Është një vlerësim i përgjithshëm i të gjithë neve, rruga të cilën ne nëpër vite po e ndjekim tregon që është rrugë e suksesshme – me regjistrime të reja, me vlerësime të reja në nivel ndërkombëtar për fakultetet respektive brenda UBT-së dhe është një zhvillim i hovshëm.

UBT News: Kimia aplikative është një drejtim i ri në UBT. Çka e bën të veçantë atë?

Laha: Sa herë që marrim iniciativa për drejtime të tjera, ne ndjekim tri orientim bazë, mbi të cilat ndërtojmë programe të qëndrueshme.

Një prej drejtimeve që na siguron qëndrueshmëri programore dhe karrierë të suksesshme për studentë është bashkëpunimi ynë direkt me industrinë vendore.

Elementet që i marrin si të dhëna nga ekonomia vendore i analizojmë në kontekstin global të zhvillimeve për fushat respektive dhe bëjmë vlerësime të infrastrukturës sonë dhe të kapacitetit aktual akademik dhe hulumtojmë në qoftë se ka nevojë për përmirësime shtesë.

Te Kimia aplikative, është vlerësim i përgjithshëm se është një kërkesë në rritje për njohjen e një morie të fenomeneve, që e mbështesin industrinë vendore, zhvillimin e saj të mëtutjeshëm.

E kemi kontekstualizuar edhe  nga perspektiva e përgatitjes sonë infrastrukturore dhe akademike . Po ashtu, i kemi shikuar edhe bashkëpunimet tona ndërkombëtare, që zhvillojnë programe të ngjashme dhe kemi ardhë në përfundim se përmbajtja kurikulare e këtij programi është e garantuar për studentë që do të jenë pjesë e jona. Është e garantuar në kuptimin e karrierës së tyre profesionale, në kuptimin e zhvillimit të tyre të gjithmbarshëm edhe pas përfundimit të ciklit të parë të studimeve.

Brena Fakultetit të Biokimisë Mjekësore dhe Kimisë aplikative në UBT kemi edhe programe të tjera të akredituara, që vazhdojnë me një ritëm të qëndrueshëm dhe është një progresion në rritje nëpër vite dhe sigurisht edhe ato eksperienca të programeve të tjera, edhe ato eksperienca shkencore që gjenerohen nga puna hulumtuese në veçse i kemi në dispozicion për gjeneratën e re që vjen në Kimi aplikative.

UBT News: Çfarë laboratorësh ka në UBT dhe a mundem këta laboratorë që profesionalisht t’i zhvillojnë studentët?

Laha: Qendra e Laboratorëve testues në UBT është qendra më e madhe rajonale e laboratorëve testuese, që janë në përdorim nga arsimi i lartë vendor dhe rajonal. Tri qasje që ne i ndjekim në raport me përdorimin e këtyre kapaciteteve janë të orientuara në hulumtim, ngase konsiderojmë se shtylla kryesore e zhvillimit të arsimit të lartë hulumtimi, veçanërisht orientimi ynë si UBT në fushat me aplikim të shkencave të natyrës, sigurisht edhe të shkencave të tjera.

Orientimi i parë i zhvillimit të metodologjive testuese ka shkuar drejt hulumtimeve, pra investimeve infrastrukturore në pajisje dhe në hapësira që sigurojnë hulumtim të qëndrueshëm për stafin dhe për studentët.

Qasja e dytë që ne ndjekim në vlerësimin e kapaciteteve dhe ngritjen e tyre nëpër vite lidhet me përdorimin e metodologjive jostandarde dhe të dizajnuara ekskluzivisht për studentët tanë.

Në fazat e para të studimeve i rregullojmë asisoj funksionet laboratorike, sa që japim njohuritë fillestare për studentët.

Në fazat e avancuara të studimeve të tyre, pastaj, është qasja e tretë, që ne e quajmë qasje standarde, qasja zyrtare e metodave të zbatuara në nivel ndërkombëtar.

Pra, gjithmonë flasim për përdorimin e metodologjive testuese, të aprovuara në nivel ndërkombëtar.

Stafi dhe studentët e UBT-së, pas kalimit të këtyre fazave, janë të gatshëm të ofrojnë testime për palë të treta.

UBT News: Si qëndron bashkëpunimi me industrinë?

Laha: Pikë kyçe e zhvillimit tonë është zhvillimi dhe promovimi i bashkëpunimit me industrinë, me kompanitë vendore, me industritë specifike.

Kur krijojmë  programet e reja, kurikulat e i hartojmë ekskluzivisht bazuar në kërkesat që i ka industria.

Është një bashkëpunim i qëndrueshëm, që rritet vazhdimisht, në kuptimin e akterëve që involvohen aty dhe kjo po jep rezultate të qëndrueshme në të gjitha nivelet.

UBT News: Cilat janë rezultatet konkrete, a mund të na përmendni shifra të studentëve që regjistrohen?

Laha: Sapo studentët tanë shkojnë për praktika profesionale në industrinë vendore, ata bëhen pjesë shumë shpejt e asaj industrie. Ky është një vlerësim për krejt angazhimin që bën stafi akademik në raport me studentët tanë.

Bashkëpunimet ndërkombëtare na mundësojnë që të kemi shkëmbime të studentëve dhe të stafit. Parë nga kjo perspektivë, ne gjithmonë e analizojmë “feed-backun” që na vjen nga universiteti partner.

Është tejet motivuesve të shohësh që studentët tanë janë ndër më të mirët, kudo që janë nëpër universitete të botës.

UBT News: Cili është profili i stafit në Biokimi Mjekësore dhe Kimi aplikative?

Laha: Ne qëndrojmë më së miri me staf në republikën tonë, si për nga metodologjia në mësimdhënie, si për nga numri i hulumtimeve që stafi i zhvillon dhe i publikon në revista me impakt faktor.

Intervistoi: Driton Hyseni

Dekani i Fakultetit Media dhe Komunikim, prof.dr.Ferid Selimi, në një bisedë për mediat e UBT-së, thekson se një numër i madh i studentëve të diplomuar në UBT (më saktë 93 për qind), gjejnë punë menjëherë në media, si në mediat e UBT-së, ashtu edhe në mediat e tjera. Ai fton të rinjtë që të studiojnë Media dhe Komunikim në UBT, që të bëhen pjesë e profesionistëve më të mirë në vend

UBT News: D: UBT ka nisur tash përgatitjet për fillimin e regjistrimeve të studentëve të rinj, si po ju ecin këto regjistrime në fakultetin tuaj, a po ecin mbarë dhe a ka interesim të të rinjve për t’u regjistruar?

Selimi: Po, UBT çdo vit me përfundimin e vitit akademik paraprak nis përgatitjet për pritjet e studentëve të rinj, të cilët e synojnë UBT-në për të regjistruar në cilindo fakultet. Fakulteti Media dhe Komunikim është pjesë e UBT-së, prandaj edhe në këtë fazë i ka bërë të gjitha përgatitjet për pritjen e studentëve të rinj, të mundshëm, në Media dhe Komunikim. Sivjet, deri më tani, edhe pse ende nuk ka nisur zyrtarisht themi koha e regjistrimit të studentëve, janë paraqitur një numër i studentëve të cilët duan që të regjistrojnë fakultetin Media dhe Komunikim në Bachelor dhe në  Master në UBT.

Themi se ky interesim i studentëve na bën më optimistë në këtë vit mbase do të kemi një numër më të madh të studentëve të Fakultetit Media dhe Komunikim, sepse në këtë fazë duke i krahasuar me fazën e viteve paraprake, ka numër paksa më të madh të të interesuarve për këtë drejtim dhe meqenëse numri i tyre është paksa më i madh se i viteve të tjera është një shpresë se do të kemi një numër paksa më të madh.

UBT News: Çka ka luajtur rol që këtë vit interesimi të zgjohet te të rinjtë për të studiuar Media dhe Komunikim?

Selimi: Po, që nga themelimi në vitin 2013 deri më tani, UBT është përkujdesur gjithmonë edhe për teknologjinë edhe për stafin në fakultetin Media dhe Komunikim, kështu që këtë vit është bërë një ripërtëritje ose themi një rritje e stafit akademik në Media dhe Komunikim, po ashtu edhe të laboratorëve dhe redaksive. Besoj që asnjë fakultet nuk do të mund të mirëmbahej po qe se nuk i ka ato pjesët përbërëse të tij, pjesët përcjellëse siç janë Media grupi,  është zyra e redaksisë, zyra e regjisë, laboratorët e tjerë ku bëhet montazhi i fotografisë, montazhi i emisioneve të cilat edhe janë pjesë të kurrikulës së fakultetit Media dhe Komunikim, që nënkupton se kemi lëndë të caktuara për to. Prandaj, duke parë edhe zhvillimet e të themi trendeve të UBT-së, të rinjtë e Kosovës dhe jashtë Kosovës, sepse studentë kemi edhe nga Maqedonia edhe nga Mali i Zi, edhe nga Shqipëria edhe nga Presheva, Bujanoci dhe Medgjeva të cilët janë pjesë e fakultetit Media dhe Komunikim, dhe një promovim të cilin ne e bëjmë çdo vit, me ato themi teknologjitë më të avancuara të cilat i kemi në UBT, kanë bërë që edhe studentët ose të rinjtë të kenë besim më tepër në UBT. Sepse, UBT është një nga institucionet me një impakt më të lartë në trojet shqiptare.

Në qoftë se i shohim rankimet të cilat bëhen në platformat e ndryshme të universiteteve edhe të Ballkanit edhe të rajonit edhe të botës, edhe themi të trojeve shqiptare, UBT është i pari dhe prin për teknologjinë, për risitë dhe inovacionet. Normalisht, që të rinjtë duan diçka më të mirë, dhe ajo më e mira gjendet në UBT.

UBT News: Po, meqenëse na përmendët pak edhe stafin, a mund të na tregoni cili është profili i stafit të angazhuar në Fakultetin e Medias dhe Komunikimit?

Selimi: Në Fakultetin Media dhe Komunikim në UBT, stafi përgjithësisht është doktor me gradë që kanë ose gazetarinë ose komunikimin. Ndërkohë që secili fakultet apo program ka edhe staf përcjellës të cilët vijnë nga fakultetet e tjera. Ta zëmë, në qoftë se është një lëndë që ka të bëjë me ekonominë politike, normal që ne do ta marrim një doktor të fushës, kështu që UBT meqenëse i ka mbi 30 fakultete dhe mbi 80 specializime, ka staf të mjaftueshëm të profileve të ndryshme, pse mos të themi i ka diku 400 doktorë shkencash të fushave të ndryshme, dhe kjo na ka ndihmuar neve që të mos ngecim në profesionalizëm. Pra, secili staf që jep mësim në fakultetin Media dhe Komunikim, që është bartës i lëndës, është me gradë shkencore dhe doktor. Kemi një numër shumë të vogël të angazhuarish të cilët janë me Master. Ata janë kryesisht asistentë.

UBT News: Meqenëse e shohim parasysh edhe interesimin e të rinjve që janë më tepër kah industria, ndoshta të fillojnë praktika të ndryshme, a kemi ndoshta pjesëtarë të industrisë përbrenda UBT-së, ndoshta gazetarë me përvojë të gjatë në media, a kemi të kyçur në këtë fakultet?

Selimi: Po, akademia kërkon një bashkëpunim me industrinë dhe një teori pa praktikë nuk do të ishte e plotë, qysh nuk është e plotë as praktika pa teori. Prandaj, ne jemi përpjekur dhe jemi angazhuar që, në kuadër te akademisë të fakultetit, të angazhojmë edhe studentë ose staf të cilët janë të industrisë, të cilët janë në industrinë tonë. Ne kemi studentë tanë të cilët punojnë në media grup, në marrëdhënie me publikun dhe në sfera të ndryshme, të cilët na ndihmojnë në promovimin e fakultetit. Prandaj, studentët apo ish-studentët që kanë diplomuar dhe punojnë në UBT, janë ata të cilët unë do t’i quaja edhe shtyllë e bashkëpunimit mes teorisë dhe praktikës, dhe edhe pse mbase shumë pak janë të angazhuar në pjesët teorike por na ndihmojnë shumë në atë pjesën praktike, sidomos kur studentët tanë duan që të shohin se si punohet në një media.

UBT News: Përgjatë këtyre viteve prej që është themeluar fakulteti Media dhe Komunikim e deri tash, a keni ndonjë shifër konkrete të punësimit të studentëve të UBT-së, qoftë përbrenda UBT-së, por edhe në mediat e industrisë ose në industri?

Selimi: Po, interesant është që Fakulteti Media dhe Komunikim në UBT ka nxjerrë kuadro shumë të mira si në media ashtu edhe në marrëdhënie me publikun, dhe diku rreth 93 për qind të studentëve të UBT-së janë angazhuar ose në UBT ose në mediat e ndryshme vizive dhe të shkruara. Pjesa dërrmuese e media grupit në UBT janë ose kanë qenë studentë të UBT-së.

UBT News: Meqenëse jemi te kjo pjesa e dallueshmërisë nga institucionet e tjera, a luan rol infrastruktura që ka UBT për ta dalluar edhe tek institucionet e tjera, për shembull mediat e UBT-së a ofrojnë gatishmëri apo infrastrukturë moderne për studentë të rinj?

Selimi: Gjithsesi infrastruktura ka një rol të madh edhe në teorinë e medias edhe në industrinë, do të thotë ne nuk do të mund të nxirrnim kuadro kualitative në qoftë se nuk do të ofronim teknologjitë e duhura në këtë program. Në qoftë se ne vazhdojmë  ose të kishim nisur punën me makinë shkrimi dhe të vazhdonim shkrimin me makinë shkrimi, atëherë ne do të ishim në atë fazën e viteve 80-ta të shekullit XX. Por, meqenëse çdo gjë po lëviz, çdo gjë në jetë lëviz edhe teknologjia, dhe ne gjithmonë përpiqemi që ta kemi të parët teknologjinë më të re në UBT, sepse studenti vetëm nëpërmjet teknologjisë, po flas për media dhe komunikimin, do të ishte në atë rangun më të lartë të shoqërisë, themi të atyre konkurrentëve të tregut të punës, sepse një student që nuk di të përdor kamerën, ta zëmë, ose nuk di të përdor mikrofonin ose nuk di të shkruaj një fjali ose nuk e di ç’është piramida e përmbysur, ajo që është më e thjeshta në media dhe komunikim, ai nuk do t’i plotësonte kriteret që të punojë në media. Prandaj, ne, duke u bazuar në teknologjinë më të re, e cila dita ditës po shkon duke u avancuar, jemi në atë fazën themi e grumbullimit të teknologjisë apo të aparateve apo të mjeteve të duhura  të cilat ia lehtësojnë studimet dhe punën studentit të media dhe komunikimit, i cili nesër do të bëhet një nga gazetarët ose profesionistët e marrëdhënieve me publikun e kështu me radhë.

UBT News:  Aktualisht jam të ueb-sajtin kryesor të UBT-së dhe po e shoh që ka laramani në strukturën e programit, do të thotë ka laramani lëndësh nga historia e gazetarisë , shkathtësitë e shkrimit e deri te teknologjia informative ose deri tek komunikimi televiziv, do të thotë a është edhe kjo një çështje që të rinjtë do të thotë do të mësojnë do të përgatiten për gjitha gjërat që i mundëson tregu ose industria e medias dhe komunikimit, do të thotë nuk është e fokusuar vetëm në gazetarinë tradicionale?

Selimi: Po pra, kjo është ajo që e kërkojnë jo vetëm të rinjtë por e kërkon edhe koha. Unë thash zhvillimi i teknologjisë ndikon në gjithçka, në të gjitha sferat jetësore, prandaj edhe vet emërtimi i programit Media dhe Komunikim nënkupton një larushi jo vetëm të lëndëve  por edhe të profesionit të cilit e zgjedh nesër gazetari. Ta zëmë, ne e nisim me historinë e gazetarisë, që thatë ju, pastaj vazhdojmë me format e komunikimit, vazhdojmë me sociologjinë e komunikimit, vazhdojmë me mediat e shkruara, me teknologjinë informative, me mediat vizive, me organizim dhe menaxhim, me marrëdhënie me publikun si lëndë dhe normal që studenti në fund kur të dali në atë fazën e fundit themi të temës së diplomës, ai do të ketë një pasqyrë të qartë jo vetëm të medias, por edhe të komunikimit. Kur e marrim median dhe komunikimin dhe i ndajmë përgjysmë atëherë na dalin edhe ato pjesët e tjera siç është marrëdhënia me publikun, aftësitë komunikuese të individit ose të studentit për informim e kështu me radhë, dhe kur ta detajojmë pak më tepër atëherë dalin edhe pjesët teknike, që i thash pak më parë siç është montazhi, regjia e kështu me radhë.

Pra, është një dizajnim i strukturës së programit në atë mënyrë që studenti të dalë i kompletuar në tregun e punës, që është një treg jashtëzakonisht i madh dhe është i vështirë. Por, unë, me sa po e shoh, për studentët tanë nuk po ka vështirësi, do të thotë kudo që po konkurrojnë, kudo që po aplikojnë, ata i kanë dyert e hapura, jo vetëm për punë por edhe për studime të mëtejshme.

Të mos harrojmë që studentët e Fakultetit Media dhe Komunikim i kanë dyert e hapura kudo në Evropë dhe në botë, edhe në nivelin e studimeve master edhe në nivelin e studimeve të doktoratës. Ta zëmë, një student i yni ka kryer master në Seul me diplomën bachelor të fakultetit Media dhe Komunikim në UBT, tre studentë të tjerë të cilët e kanë kryer bachelor dhe master ose vetëm master në UBT, kanë regjistruar doktoratën në Shkup dhe në Universitetin e Turqisë. Do të thotë kjo na lë neve të shpresojmë edhe të flasim lirshëm që puna e cila bëhet në UBT është një punë profesionale

UBT News: Të jemi pak te epoka digjitale te kjo periudha e tranzicionit themi të teknologjisë, si po ja dilni ndoshta ta përgatisni një student të aftë për të gjitha këto lëmi që folëm deri tani?

Selimi: E thamë në fillim kur fola rreth stafit, do të thotë staf që kemi të angazhuar, sa i përket teorisë të gazetarisë, medias ose komunikimit, kemi doktor shkence të cilët japin lëndët në mënyrë profesionale dhe teorike. Në kuadër të këtyre lëndëve kemi edhe lëndë të tjera të cilat lidhen drejtpërdrejt me median ose me teknikën dhe aty kemi përzgjedhur stafin teknik, i cili ka së paku gradën master dhe që ka punuar profesionalisht me vite të tëra nëpër media të ndryshme, të cilët e njohin teknologjinë, duke nisur nga kompjuteri që është paksa më i thjeshtë e  deri tek ato miksetat të cilat bëhen ose nevojiten për montazhin, regjinë, për multimediat edhe kështu me radhë.

Do të thotë, për çdo fushë, duke nisur nga nga komunikimi televiziv, radiogazetaria, teknologjia multimediale, mediat audiovizive, i kemi njerëzit e caktuar, të cilët janë profesionistë dhe kanë punuar në media mbi 20 vite e më tepër dhe ata atë përvojën e tyre e delegojnë te studentët tanë.

UBT News: Për fund, profesor, cili është mesazhi juaj për të rinjtë që janë ndoshta në mëdyshje për profesionin e së ardhmes ose ndoshta edhe për ata që duaj e kanë dëshirë të studiojnë në gazetari ose në media?

Selimi: Po, për ata që duan ta regjistrojnë gazetarinë ose mediat, unë do t’i kisha ftuar në UBT që të vijnë së paku ta vizitojnë UBT-në, të vizitojnë laboratorët, të vizitojnë redaksitë, të vizitojnë Radio Campus-in, të vizitojnë Media Grupin, të vizitojnë zyrën për marrëdhënie me publikun dhe të shohin të gjithë teknologjinë të cilën ato do të kishin dashur ta shihnin. Do t’i inkurajoja që të regjistrojnë Media dhe Komunikim, pavarësisht që dikush do të thoshte që unë gazetar do të bëhem edhe pa fakultet. Po, është e vërtetë se dikush ka dhunti, ka afinitet në të shkruarit ose të të moderuarit dhe mbase nuk i duhet edhe fakulteti fare për t’u bërë gazetar, por për t’u bërë një profesionist me letër që thonë tek ne, me diplomë, do ta kisha ftuar të vinte në UBT sepse vërtet kanë çka të shohin dhe vërtet kanë çfarë të mësojnë. Prandaj, i bëj ftesë nga këtu ku jemi bashkë që çdo i ri e çdo e re, e cila synon të bëhet pjesë e medias në Kosovë, në Maqedoni, në Mal të Zi, në Shqipëri, në Preshevë, Bujanoc dhe Medvegjë dhe në vende të tjera ku flitet shqip, le të vijnë në UBT sepse aty është vendi ku ata do t’i marrin të gjitha informacionet e duhura dhe të gjitha njohuritë dhe kompetencat për media dhe komunikim.

Intervistoi: Driton Hyseni

Agjencia për mbrojtje civile në Gazë tha më 19 korrik se sulmet izraelite kanë vrarë të paktën 26 persona dhe kanë lënë të plagosur më shumë se 100 të tjerë pranë dy qendrave të ndihmës në jug të territorit palestinez.

Zëdhënësi i agjencisë, Mahmud Basal i tha AFP-së se 22 persona u vranë pranë një qendre të ndihmës në jugperëndim të Han Junisit, ndërkaq katër të tjerë afër një qendre në veriperëndim të Rafahut, duke fajësuar “sulmet izraelite” për të dyja rastet.

Ushtria izraelite tha se po heton këto pretendime.

Për shkak të kufizimeve të vendosura ndaj mediave ndërkombëtare, raportimet për numrin e viktimave dhe detajet për sulmet e raportuara nga agjencia për mbrojtje civile dhe palë të tjera nuk mund të konfirmohen në mënyrë të pavarur.

Lufta në Gazë, që u nxit nga sulmi i Hamasit – grupi palestinez i shpallur organizatë terroriste nga Shtetet e Bashkuara dhe Bashkimi Evropian – ndaj Izraelit më 7 tetor 2023, ka shkaktuar një krizë të rëndë humanitare në enklavën palestineze.

Mbi 2 milionë persona që jetojnë në Gazë po përballen me mungesë të furnizimeve ushqimore dhe furnizimeve të tjera elementare, teksa mjekët kanë raportuar për rritje të madhe të rasteve të kequshqyerjes.

Raportimet për sulmet ndaj personave që kërkojnë ndihma pranë qendrave të shpërndarjes janë ditore, teksa autoritetet palestineze fajësojnë Izraelin për këto raste.

Një ditë më parë, agjencia për mbrojtje civile në Gazë raportoi se nëntë persona u vranë pranë qendrës për shpërndarjen e ndihmës në veriperëndim të Rafahut.

Fondacioni Humanitar për Gazën – që mbështetet nga SHBA-ja dhe Izraeli – mori përsipër shpërndarjen e ndihmës në Gazë në fund të majit. Ky fondacion tha se të mërkurën 20 persona vdiqën në Han Junis. Por, për vdekjen e tyre fondacioni fajësoi “personat e armatosur të lidhur me Hamasin” që pretendoi se shkaktuan “skena katoike dhe të rrezikshme” dhe “qëlluan drejt personave që kërkonin ndihma”.

Më herët gjatë javës, Kombet e Bashkuara thanë se kanë regjistruar 875 të vrarë në Gazë, të cilët po tentonin të merrnin ndihma, përfshirë 674 “në afërsi të qendrave të Fondacionit Humanitar për Gazën” që kur ky fondacion nisi operacionet për shpërndarjen e ndihmës./REL

Presidenti i SHBA-së, Donald Trump, nënshkroi të premten legjislacionin historik për kriptovalutat, duke vendosur kuadrin e parë rregullator federal për stablecoin-et.

Trump, një ish-skeptik ndaj kriptovalutave, është përpjekur të riformulojë veten si një mbrojtës i kriptovalutave në mandatin e tij të dytë, duke shtyrë përpara miratimin e legjislacionit për të forcuar pozicionin e SHBA-së në tregun dixhital.

“Këtë pasdite, ne bëjmë një hap gjigant për të çimentuar dominimin amerikan të teknologjisë globale të kriptovalutave, ndërsa nënshkruajmë Aktin historik GENIUS në ligj. Pra, urime të gjithëve. Është një gjë e madhe“, tha ai në një ceremoni nënshkrimi në Shtëpinë e Bardhë me anëtarë të industrisë së kriptovalutave të pranishëm.

“Unë u zotova se do të rikthenim lirinë dhe lidershipin amerikan dhe do ta bënim Shtetet e Bashkuara kryeqytetin e kriptovalutave në botë, dhe kjo është ajo që kemi bërë. Dhe nën administratën Trump, kjo vetëm sa do të shkojë më tej, do të bëni shumë mirë“, shtoi ai.

Akti Udhëzues dhe Vendosës Kombëtar i Inovacionit për Monedhat Stablecoin të SHBA-së (GENIUS) u miratua nga Senati muajin e kaluar, por iu drejtua tavolinës së Trump për t’u nënshkruar si ligj pasi Dhoma e Përfaqësuesve votoi 308-122 për të miratuar legjislacionin në baza dypartiake të enjten.

Ligji ua lehtëson bankave emetimin e monedhave stablecoin, ose kriptovalutave të lidhura me një aset si dollari amerikan. Ai gjithashtu synon të rrisë transparencën dhe llogaridhënien e tregut të monedhave stablecoin.