

Botë
OKB refuzon rezolutën amerikane për Ukrainën, miraton atë të Evropës
Published
8 months agoon
By
UBTnewsOrganizata e Kombeve të Bashkuara hodhi poshtë të hënën rezolutën amerikane për të zbutur qëndrimin e Asamblesë së Përgjithshme ndaj luftës së Rusisë në Ukrainë. Presidenti amerikan Donald Trump po bën përpjekje të ndërmjetësojë paqen në Ukrainë, pas tre vjetësh luftë me forcat ruse. Votimi në OKB i jep Kievit dhe aleatëve evropianë një fitore diplomatike.
Asambleja e Përgjithshme prej 193 anëtarësh votoi mbi projekt-rezolutat rivale, një nga Uashingtoni dhe një e shkruar nga Ukraina dhe shtetet evropiane për të shënuar përvjetorin e tretë të sulmit rus në Ukrainë.
Shtetet e Bashkuara u detyruan të abstenonin në votimin e rezolutës së tyre, pasi vendet evropiane ndryshuan me sukses versionin e Uashingtonit për ta formuluar në një mënyrë të tillë që pasqyronte mbështetjen e OKB-së për Kievin gjatë luftës, përfshirë sovranitetin, pavarësinë, unitetin dhe integritetin territorial të Ukrainës.
“Kjo luftë nuk ka patur asnjëherë të bëjë vetëm për Ukrainën. Ka të bëjë me të drejtën themelore të çdo vendi për të ekzistuar, për të zgjedhur rrugën e tij dhe për të jetuar i lirë nga agresioni”, tha në fjalimin e saj përpara votimit zëvendësministrja e jashtme e Ukrainës, Betsa Mariana.
Përballja në Kombet e Bashkuara ndodhi pasi Presidenti Trump nisi përpjekjet për të ndërmjetësuar përfundimin e luftës, duke shkaktuar përçarje me Presidentin ukrainas Volodymyr Zelensky. Kjo përpjekje gjithashtu ka ngritur shqetësimin mes aleatëve evropianë se ata dhe Kievi mund të përjashtohen nga bisedimet e paqes. Zyrtarët amerikanë dhe rusë u takuan të martën e kaluar.
Rezoluta e ndryshuar e hartuar nga Shtetet e Bashkuara mori 93 vota pro, ndërsa 73 shtete abstenuan dhe tetë votuan kundër. Rusia dështoi gjithashtu të ndryshou tekstin e rezolutës së Shteteve të Bashkuara.
Përpara votimit për tekstin e Shteteve të Bashkuara, Ambasadorja amerikane në OKB, Dorothy Shea tha se ndryshimet e propozuara evropiane dhe ruse ishin “një luftë fjalësh në vend të përpjekjes të arrihet fundi i luftës”.
Votimi në Këshillin e Sigurimit
Asambleja miratoi rezolutën e hartuar nga Ukraina dhe vendet evropiane me 93 vota pro, 65 abstenime dhe 18 vota kundër. Së bashku me Shtetet e Bashkuara, disa vende të tjera që votuan kundër ishin Rusia, Koreja e Veriut dhe Izraeli.
“Sot kolegët tanë amerikanë e kanë parë vetë se rruga drejt paqes në Ukrainë nuk do të jetë e lehtë dhe do të ketë shumë që do të përpiqen të sigurohen që paqja të mos arrihet për aq kohë sa të jetë e mundur. Megjithatë, kjo nuk duhet të na ndalojë”, i tha asamblesë ambasadori i Rusisë në OKB, Vassily Nebenzia.
Teksti origjinal i propozimit amerikan ishte tre paragrafë, ku shprehej keqardhja për humbjen e jetëve gjatë “konfliktit Rusi-Ukrainë”, duke përsëritur se qëllimi kryesor i OKB-së është të ruajë paqen dhe sigurinë ndërkombëtare dhe të zgjidhë në mënyrë paqësore mosmarrëveshjet si dhe duke kërkuar një fund të shpejtë të konfliktit dhe një paqe të qëndrueshme.
Por amendamentet evropiane shtuan referenca për agresionin në shkallë të gjerë të Rusisë kundër Ukrainës dhe nevojën për një paqe të drejtë, të qëndrueshme dhe gjithëpërfshirëse në përputhje me Kartën themeluese të OKB-së dhe riafirmuan mbështetjen e OKB-së për sovranitetin, pavarësinë, unitetin dhe integritetin territorial të Ukrainës.
“Bota do paqe. Ukraina do paqe”, tha ambasadori i Kanadasë në OKB, Bob Rae. “Pyetja është: çfarë lloj paqeje do të jetë ajo? A do të jetë një paqe e bazuar në drejtësi dhe në kartën e OKB-së dhe në parimet për të cilat ne qëndrojmë? Apo do të jetë një paqe që është rezultat i një detyrimi?”.
Këshilli i Sigurimit prej 15 anëtarësh do të votojë gjithashtu për të njëjtin tekst të Shteteve të Bashkuara të hënën në mbrëmje. Një rezolutë e këshillit ka nevojë për të paktën nëntë vota pro dhe asnjë veto nga SHBA-të, Rusia, Kina, Britania ose Franca, për t’u miratuar.
Anëtarët evropianë të këshillit pritet të propozojnë një votim për të njëjtat amendamente në tekstin e Shteteve të Bashkuara që u paraqitën në Asamblenë e Përgjithshme. Një zyrtar i Departamentit të Shtetit tha se Shtetet e Bashkuara ishin të përgatitura për të vënë veton ndaj çdo amendamenti të propozuar.
Botë
Kina dhe ShBA do zhvillojnë bisedime në Malajzi
Published
5 hours agoon
October 23, 2025By
UBTnews
Ministria e Tregtisë e Kinës njoftoi të enjten se zëvendëskryeministri He Lifeng do të udhëheqë një delegacion në Malajzi nga e premtja deri të hënën për të zhvilluar bisedime tregtare me Shtetet e Bashkuara të Amerikës.
Bisedimet pritet të hedhin themelet për një takim javën e ardhshme mes presidentit të ShBA-së Donald Trump dhe udhëheqësit kinez Xi Jinping në margjinat e samitit të Bashkëpunimit Ekonomik Azi-Paqësor (APEC) në Korenë e Jugut, shkruan AP.
Sekretari i Thesarit i ShBA-së, Scott Bessent, ka thënë se delegacionet e udhëhequra prej tij dhe zëvendëskryeministrit kinez do të takohen në Malajzi, ndoshta të shtunën./EO
Botë
Britani e Madhe: Arrestohen tre të dyshuar për ndihmë ndaj shërbimit rus të inteligjencës
Published
5 hours agoon
October 23, 2025By
UBTnews
Mbretëri e Bashkuar, arrestohen tre persona dyshimin për ndihmë ndaj shërbimit rus të inteligjencës
Tre burra, të moshës 44, 45 dhe 48 vjeç, u arrestuan të enjten në mëngjes në pjesën perëndimore dhe qendrore të Londrës, nën dyshimin se kishin ndihmuar një shërbim të inteligjencës ruse, si pjesë e një hetimi të vazhdueshëm për sigurinë kombëtare, tha policia, sipas The Guardian, transmeton KosovaPress.
Ata u mbajtën sipas nenit 3 të Aktit të Sigurisë Kombëtare, bëri të ditur Policia Metropolitane, ndërsa vazhduan kontrollet në adresat ku u ndaluan, si dhe në një vend tjetër në perëndim të Londrës.
Shtetësia e burrave nuk u bë publike, por drejtuesi i komandës kundër-terrorizmit të Met-it tha se të akuzuarit dyshohen se kanë vepruar si përfaqësues të njërit prej shërbimeve të inteligjencës së Rusisë.
Komandanti Dominic Murphy, kreu i policisë kundër-terrorizmit në Londër, tha:
“Po shohim një numër gjithnjë e më të madh personash që ne i përshkruajmë si ‘prokurë’ të rekrutuar nga shërbimet e huaja të inteligjencës, dhe këto arrestime lidhen drejtpërdrejt me përpjekjet tona të vazhdueshme për të penguar këtë lloj aktiviteti. Kushdo që mund të kontaktohet dhe të tundohet të kryejë veprimtari kriminale në emër të një shteti të huaj këtu në Mbretërinë e Bashkuar, duhet të mendojë dy herë. Kjo lloj veprimtarie do të hetohet dhe kushdo që gjendet i përfshirë mund të presë të ndiqet penalisht, dhe ka pasoja shumë serioze për ata që shpallen fajtorë”./KP
Botë
Rusët vrasin dy gazetarë ukrainas me dron të fuqishëm antitank
Published
6 hours agoon
October 23, 2025By
UBTnews
Dy gazetarë ukrainas u vranë në një sulm me dron rus në qytetin lindor Kramatorskut sot, në një veprim që avokati i popullit për të drejtat e njeriut në Ukrainë e quajti krim lufte.
Guvernatori i rajonit Donetsk, Vadim Filashkin, tha se Olena Hubanova dhe Yevhen Karmazin nga kanali televiziv shtetëror Freedom u vranë. Kanali në gjuhën ruse konfirmoi vdekjen e tyre dhe tha se ata ishin në një makinë në një pikë karburanti në kohën e sulmit.
Filashkin tha se ata u goditën nga një Lancet, një dron i shtrenjtë dhe i fuqishëm që përdoret kundër tankeve dhe automjeteve të blinduara, raporton KosovaPress.
“Kjo tragjedi është një tjetër provë e krimeve sistematike të luftës të Rusisë kundër civilëve”, shkroi avokati i popullit Dmytro Lubinets, në Telegram.
Zyra e Prokurorit të Përgjithshëm tha kishte nisur një hetim për krime lufte. Zyra publikoi foto të një makine të kuqe të shkatërruar dhe dy jelekëve antiplumb me fjalën “shtypi” në bagazh.
Të paktën 20 gazetarë janë vrarë që nga fillimi i pushtimit rus të Ukrainës në shkurt 2022./KP
Lajmet
Lajm historik për futbollin e Kosovës
Published
8 hours agoon
October 23, 2025By
Driton Iseni
Me sloganin “Making Kosovo Heroes”, një nga akademitë më të njohura të futbollit në botë, S.L. Benfica, hap shkollën e saj të futbollit në Prishtinë.
Me shumë emocion ju njoftojmë për një arritje dhe një lajm të mrekullueshëm për botën e sportit në Kosovë!
Në mars të vitit 2026 do të inaugurohet Shkolla e Futbollit S.L. Benfica, një nga akademitë më prestigjioze të futbollit në botë, duke shënuar kështu një moment të rëndësishëm për futbollin në vendin tonë. Kjo do të jetë shkolla e parë nga disa që do të hapen në rajon, përfshirë Shqipërinë dhe Maqedoninë e Veriut si pjesë të këtij projekti.
Shkolla e Futbollit Benfica do të zhvillohet në partneritet me UBT-në, respektivisht në Prishtinë, një nga kryeqytetet më dinamike dhe më të gjalla në rajon.
Kjo akademi jo vetëm që do të sjellë njohuri dhe ekselencë në fushën e futbollit, por do të krijojë gjithashtu mundësi të reja për të rinjtë e Kosovës, duke u ofruar atyre një platformë për të zhvilluar talentin dhe për të ndjekur ëndrrat e tyre sportive.
Marrëveshja u formalizua në frymën e entuziazmit dhe miqësisë ndërmjet dy institucioneve, përmes një ceremonie të organizuar në Klubin Benfica në Lisbonë. Ajo u nënshkrua nga Drejtori i Zgjerimit Ndërkombëtar të Benfica-s, z. Bernardo Faria de Carvalho, dhe Rektori i UBT-së, Prof. Dr. Edmond Hajrizi.
Kjo akademi do t’u ofrojë të rinjve mundësinë për të mësuar nga trajnerë të njohur dhe të përkushtuar, me qëllim arritjen e standardeve që kërkon niveli i futbollit evropian për grupmoshat 4-16 vjeçare.
Për të siguruar mbikëqyrjen e projektit, klubi do të dërgojë një ekip koordinatorësh dhe trajnerësh që do të qëndrojnë në Prishtinë, për të monitoruar nga afër dhe për të zbatuar programin në përputhje me standardet më të larta.
Ky është një lajm i madh për të gjithë ne — për të gjithë ata që e duan sportin, dhe veçanërisht për fëmijët e talentuar. Ky projekt do të kontribuojë në zhvillimin e futbollit vendor dhe do të forcojë imazhin dhe pozitën e Kosovës në arenën ndërkombëtare.
Shkolla e Futbollit Benfica në Kosovë synon të bëhet një qendër ekselence për zhvillimin e atletëve të rinj, duke ofruar kushte sportive të cilësisë së lartë që do t’u mundësojnë atyre të përparojnë sipas strategjisë dhe metodologjisë së zhvillimit të Benfica-s.
Me një fokus të veçantë në zhvillimin e futbollit në vendet e Ballkanit Perëndimor dhe në prag të Kupës së Botës 2030, S.L. Benfica po forcon strategjinë e saj për të rritur praninë në Kosovë dhe për të mbajtur lidhje me një brez të ri talentesh.
Ky zgjerim gjithashtu synon forcimin e marrëdhënieve të klubit me tifozët rajonalë dhe thellimin e ndikimit të futbollit në vend në prag të këtij eventi madhor.
Benfica Campus në Kosovë, përveç angazhimit të saj të drejtpërdrejtë në Prishtinë për zbulimin e talenteve të rinj, do të ofrojë një gamë programesh të dizajnuara për të integruar dhe zhvilluar të gjitha aftësitë dhe njohuritë që kërkon futbolli modern, duke i kombinuar ato me:
- Kampet e trajnimit të ekipeve – Prishtinë
- Kampet në Benfica – Lisbonë
- Kampet e trajnimit elitar – Prishtinë & Lisbonë
- Turne ndërkombëtare të futbollit për të rinjtë – Evropë dhe SHBA
- Edukim dhe certifikim të trajnerëve
Ftojmë të gjithë dashamirët e futbollit që të bashkohen me ne në këtë rrugëtim të bukur, sepse futbolli në Kosovë po hyn në një dimension të ri! Ky është vetëm fillimi, dhe jemi të bindur se shumë talente do të lindin nga Shkolla e Futbollit Benfica në Prishtinë, e cila padyshim do të jetë një histori suksesi që do ta bëjë Kosovën krenare.

Rektori Hajrizi mori pjesë në Konferencën CIGRE Kosova mbi “Formësimin e fuqisë punëtore të së ardhmes: Perspektiva e universitetit mbi tregun e punës”

Studim i përbashkët UBT – Universiteti i Mynhenit publikohet në revistë ndërkombëtare shkencore

UBT organizon ligjëratë ndërkombëtare dhe hap Panairin e Materialeve në Arkitekturë dhe Konstruksione

Brigitte Bardot reagon ndaj raportimeve të rreme për vdekjen e saj

Kina dhe ShBA do zhvillojnë bisedime në Malajzi

Britani e Madhe: Arrestohen tre të dyshuar për ndihmë ndaj shërbimit rus të inteligjencës

Përfundon rinumërimi i 16 kutive të votimit nga 12 vendvotime

Studimi: Njerëzit inteligjentë vuajnë më shumë nga dhimbjet e kokës!

Thierry Henry kritikon Juventusin
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës