Aktualitet

OEK partnere në zhvillimin dhe zbatimin e mësimit dual në Kosovë

Kroacia si vend mik i Kosovës tanimë implementon mësimin dual sipas modelit kroat dhe këtë përvojë do e zbatojnë edhe në Kosovë.

Publikuar

Oda Ekonomike e Kosovës dhe Oda Zejtare e Kroacisë, sot kanë nënshkruar marrëveshjen e bashkëpunimit, ku theks i veçantë do t’i jepet shkëmbimit të përvojave rreth zhvillimit dhe zbatimit të mësimit dual në Kosovë.

Kroacia si vend mik i Kosovës tanimë implementon mësimin dual sipas modelit kroat dhe këtë përvojë do e zbatojnë edhe në Kosovë së bashku me Odën Ekonomike të Kosovës.

“Oda Zejtare e Kroacisë shpreh gadishmërinë e vet, që gjithë përvojën e vet në zbatimin e mësimit dual ta shkëmbejë me kolegët e Odës Ekonomike të Kosovës. Mësimi dual është majft sfidues, mirëpo me rëndësi të jashtëzakonshme për zhvillimin e ekonomisë së një vendi”, ka thënë Dalibor Kratovil.

Nga ana tjetër, kryetari i Odës Ekonomike të Kosovës, Lulzim Rafuna ka deklaruar se arsimi dhe aftësimi profesional ka një rëndësi të veçantë në zhvillimin e ekonomisë së Kosovës dhe për këtë arsye Oda Ekonomike e Kosovës do t`i kushtojë vemendje të veçantë aktiviteteve në zhvillimin dhe zbatimin e mësimit dual në Kosovë.

Gjithashtu bazuar në Udhëzimin Administrativ për Mësimin në vendin e punës, Oda Ekonomike e Kosovës, siç është bërë e ditur në komunikatë, do të merret edhe me menaxhimin e të dhënave dhe përfshirjen e bizneseve në mësimin në vendin e punës në Kosovë.

Oda Zejtare e Kroacisë dhe Oda Ekonomike e Kosovës do të vazhdojnë me takimet bilaterale për të përcaktuar hapat e veprimit të metutjeshëm drejt realizimit të mësimit dual në Kosovë.

Aktualitet

“Rusia nuk ka kryer krime lufte”

Kështu deklaroi Sergei Karanov.

Publikuar

nga

Strategu rus i politikës së jashtme, Sergei Karaganov ka mohuar se Rusia ka kryer krime lufte në Ukrainë.

Ai tha për programin Hardtalk të BBC-së se krimet janë kryer nga Ukraina, duke thënë se “ne kemi një pamje të kundërt të mizorive të trupave ukrainase”.

Duke iu përgjigjur pretendimeve të ish-oficerit ushtarak rus, Konstantin Yefremov, se trupat ruse kanë torturuar ukrainasit, Karaganov tha: “Ne kemi shumë prova të sjelljes së kundërt të trupave ukrainase dhe ata do të paguajnë për këtë”./UBTNews/

Vazhdo të lexosh

Aktualitet

​Dyfishohet numri i shtretërve në Klinikën e Psikiatrisë

Më herët ishin vetëm gjashtë shtretër.

Publikuar

nga

Ushtruesja e detyrës së drejtorit të përgjitshëm të Shërbimit Spitalor Klinik dhe Universitar të Kosovës, Narqize Arënliu- Hoxhaj, ka vizituar Klinikën e Psikiatrisë, në të cilën së fundmi është bërë riorganizimi i reparteve dhe shtimi i kapaciteteve me shtretër.

Bëhet e ditur se drejtori i kësaj klinike, Faton Kutllovci, e njoftoi drejtoreshën, se në kuadër të riorganizimit, është hapur Reparti i ri i Sëmundjeve të Varësisë, me ç’rast është dyfishuar numri i shtretërve, nga gjashtë sa kishte, në 12 shtretër.

Sipas tij, në kuadër të ish-Repartit të Sëmundjeve të Varësisë, sot është hapur Reparti i ri, që nuk ka ekzistuar më parë, Reparti i Çrregullimeve Akute- Psikotike, i cili do te ketë 6 shtretër.

Drejtoresha Arënliu-Hoxhaj, përgëzoi stafin e klinikës për këtë riorganizim dhe hapjen e shërbimeve të reja, duke ofruar mbështetjen dhe përkrahjen e SHSKUK për zgjerim dhe avansim të mëtejmë të shërbimeve në Klinikën e Psikiatrisë.

Vazhdo të lexosh

Aktualitet

Cilat janë pengesat për anëtarësimin e Ukrainës në BE?

Ukrainës iu dha statusi zyrtar i kandidatit për në BE qershorin e kaluar.

Publikuar

nga

Presidenti Volodymyr Zelensky dëshiron që negociatat për anëtarësimin në BE të fillojnë “këtë vit” megjithëse duket se ka një sërë pengesash në rrugën e anëtarësimit të saj në bllok.

Ukrainës iu dha statusi zyrtar i kandidatit për në BE qershorin e kaluar, pas pushtimit të plotë të Rusisë në shkurt.

Por kjo nuk sjell asnjë garanci për një bashkim të shpejtë.

Vitin e kaluar, presidenti francez Emmanuel Macron tha se mund të duhen “dekada” që Kievi të arrijë anëtarësimin e plotë.

BE-ja dëshiron që Ukraina të luftojë korrupsionin, duke besuar se kjo është një çështje e rrënjosur. Presidenti Zelensky kohët e fundit nisi një përpjekje kundër korrupsionit.

Sa i përket Rusisë, ajo prej kohësh ka kundërshtuar çdo përpjekje të Ukrainës për të nxitur lidhje më të ngushta me Perëndimin. Presidenti Putin dikur i përshkroi rusët dhe ukrainasit si “një popull, një tërësi e vetme”./UBTNews/

Vazhdo të lexosh

Aktualitet

Kremlini thotë se raportet për propozim të paqes nga shefi i CIA-s janë ‘të rreme’

Pretendimi që përfshin drejtorin e CIA-s u raportua nga gazeta zvicerane Neue Zurcher të enjten.

Publikuar

nga

Kremlini i ka hedhur poshtë si “mashtruese” raportet se shefi i inteligjencës amerikane, William Burns, i kishte ofruar Moskës një marrëveshje të fshehtë paqeje që përfshinte dorëzimin e territorit ukrainas në Rusi.

Pretendimi që përfshin drejtorin e CIA-s u raportua nga gazeta zvicerane Neue Zurcher të enjten.

Ishte pretenduar se z. Burns i ofroi presidentit rus, Vladimir Putin, një të pestën e territorit të Ukrainës për t’i dhënë fund luftës menjëherë.

U pretendua, duke cituar burime të larta gjermane, se z. Burns e kishte paraqitur planin në mes të janarit.

Pretendimi është hedhur poshtë nga Uashingtoni si “plotësisht i rremë”.

Megjithatë, u raportua nga Washington Post muajin e kaluar se z. Burns udhëtoi në fshehtësi për në Kiev për t’u takuar me presidentin ukrainas Volodymyr Zelenskyy./UBTNews/

Vazhdo të lexosh

Të kërkuara