Sport

Odegaard: Nuk brengosemi fare çfarë bën City

“Topçinjtë” kanë pesë pikë më shumë se City në krye të tabelës.

Published

2 years ago

January 23, 2023

UBT news

Ylli i Arsenalit, Martin Odegaard, ka mohuar fjalët se Arsenali ndjen ndonjë presion në garën për titull, duke këmbëngulur se ata nuk brengosen fare për atë që bën Manchester City.

“Topçinjtë” kanë pesë pikë më shumë se City në krye të tabelës falë një fitoreje dramatike 3-2 kundër Manchester United. Ishte një fitore që erdhi vetëm pak orë pasi City kishte zvogëluar diferencën në vetëm dy pikë pas fitores 3-0 ndaj Wolves në “Etihad Stadium”.

Por Odegaard ishte i bindur se fitorja e Cityt nuk kishte ndikim te Arsenali përpara ndeshjes së tyre me United dhe këmbëngul se ai dhe shokët e skuadrës po i kushtojnë pak vëmendje asaj që po bën skuadra e Pep Guardiolës.

“Sinqerisht, ne nuk na intereson City apo ndonjë ekip tjetër”, tha kapiteni i “Topçinjve”. “Ne prisnim që ata të fitonin, kështu që nuk ishte një surprizë e madhe. Ne thjesht u fokusuam në lojën tonë, për të ardhur këtu dhe për të fituar dhe këtë bëmë. Mënyra se si e fituam këtë lojë na jep një ndjenjë të veçantë që do të na ndihmojë shumë në vazhdim”, shtoi ai.

Fitorja e Arsenalit ndaj United e çoi skuadrën e Artetas në kuotën e 50 pikëve në gjysmë të ligës, diçka që asnjë skuadër tjetër në historinë e klubeve nuk ka arritur ta bëjë. Ata janë tani 11 pikë larg nga vendi i tretë, por Odegaard beson se është shumë herët për t’u shpallur si kandidatët më të fortë në luftën për titull.

“Është një sezon i gjatë. Jemi vetëm në gjysmë të rrugës”, theksoi ai. “Ka shumë ndeshje për të luajtur, ndaj duhet të qëndrojmë të qetë dhe të përulur. Është shumë herët për të menduar për këtë tani. Duhet të qëndrojmë në moment dhe të gjithë duhet ta shijojnë momentin. Po ecim shumë mirë, por është një rrugë e gjatë për të bërë dhe ne duhet të vazhdojmë të punojmë dhe të përmirësohemi”, tha Odegaard në fund.

Arsenali udhëton në “Etihad” të premten mbrëma në raundin e katërt të FA Cup.

Lajmet

Superliga e Kosovës: Ballkani barazon 1-1 me Feronikelin

Published

9 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

12 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

12 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

13 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.