Sport

Tronditet Arteta, Odegaard pëson lëndim të rëndë

Published

2 years ago

September 11, 2024

Betim Gashi

Kapiteni i Arsenalit, Martin Odegaard mund të mbetet për disa javë jashtë fushës pasi dëmtoi kyçin e këmbës së djathtë gjatë fitores së Norvegjisë në Ligën e Kombeve kundër Austrisë të hënën, sipas mjekut të ekipit norvegjez.

Odegaard u largua nga fusha dhe u fotografua duke përdorur paterica ndërsa hipi në një aeroplan për në Londër, ku iu nënshtrua skanimeve të mëtejshme për të zbuluar shkallën e lëndimit.

Arsenali do të përballet me rivalët e Londrës veriore Tottenham Hotspur në Premier Ligë të dielën, kur do të jetë pa mesfushorin Declan Rice, i cili është i suspenduar.

“Dëmtime të tilla të kyçit të këmbës shpesh zgjasin të paktën tre javë. Çdo gjë tjetër përveç kësaj është vetëm një bonus. Dhe pastaj mund të zgjasë më shumë,” u citua të thoshte mjekja Ola Sand nga VG e Norvegjisë.

“Lëndimet e kyçit të këmbës janë shumë të dhimbshme menjëherë. Me Martinin ishte jashtëzakonisht e dhimbshme. Ai u bë shumë i shqetësuar. Ajo që kemi marrë deri më tani nga ekzaminimi MRI në Londër është se ndoshta nuk ka frakturë në kyçin e këmbës. Në rast të një frakture, flasim për të qenë jashtë fushës për gjashtë javë e më tepër.”, shtoi ajo.

Odegaard është bërë një figurë kyçe në Arsenal dhe ka humbur vetëm një pjesë të vogël të ndeshjeve të Premier Ligës në tre sezonet e fundit nën drejtimin e Mikel Artetës.

Një mungesë e gjatë do të ishte një goditje e madhe për Artetën. Pas vizitës në Tottenham, Arsenali do të nisë të enjten e ardhshme rrugëtimin në Ligën e Kampionëve kundër Atalantës.

Related Topics:Martin Odegaard lendime Arsenali

Up Next

Kualifikueset për Botërorin 2026: Argjentina dhe Brazili në krizë

Don't Miss

Hysaj: E befasishme heqja ime nga lista, do flas kur të kthehem në Itali

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/