Lajmet

OBSH: Sëmundjet infektive mund të vrasin më shumë njerëz sesa bombat

Infrastruktura kritike në Gaza është gjymtuar si pasojë e mungesës së derivateve dhe furnizimeve të tjera.

Published

3 years ago

on

Më shumë njerëz mund të vdesin si pasojë e sëmundjeve infektive sesa nga bombardimet në Rripin e Gazës nëse sistemet shëndetësore dhe sanitare nuk përmirësohen, njoftoi Organizata Botërore e Shëndetësisë (OBSH).

Infrastruktura kritike në Gaza është gjymtuar si pasojë e mungesës së derivateve dhe furnizimeve të tjera, si dhe pas sulmeve që kanë në shënjestër spitalet dhe objektete e Organizatës së Kombeve të Bashkuara (OKB), qëkur Izraeli nisi sulmet ajrore në Gaza që nga 7 tetori.

“Eventualisht ne do të përballemi me vdekjen e njerëzve nga sëmundjet sesa nga bombardimet nëse nuk arrijmë ta rikthejmë sistemin shëndetësor”, deklaroi Margaret Harris, zëdhënëse e OBSH-së.

Sipas saj, kolapsi i spitalit al-Shifa në veri të Gazës është “tragjedi” dhe shprehu shqetësimin e saj në lidhje me ndalimin e disa personave të stafit mjekësor nga forcat izraelite. Ajo përsëriti edhe shqetësimet për rritjen e shpërthimeve të sëmundjeve infektive në Gaza, veçanërisht sëmundjeve diarreike./UBTNews/

Related Topics:
Continue Reading

Lajmet

Mjet i pashpërthyer gjendet në Bjeshkët e Junikut, intervenon FSK dhe KFOR

Published

12 minutes ago

on

July 3, 2026

By

Një mjet i dyshuar i pashpërthyer është gjetur të enjten në Bjeshkët e Junikut, kanë bërë të ditur autoritetet.

Sipas raportit policor, rasti është raportuar më 2 korrik 2026, rreth orës 14:00, pasi në një zonë pyjore është hasur një mjet i dyshuar shpërthyes.

Menjëherë pas pranimit të informatës, njësitë e Policisë së Kosovës kanë dalë në vendin e ngjarjes dhe kanë siguruar perimetrin për të shmangur rrezikun për qytetarët.

Më pas, në vendin e ngjarjes kanë intervenuar njësiti për deminim i Forcës së Sigurisë së Kosovës (FSK) dhe forcat e KFOR-it, të cilët kanë bërë largimin e mjetit pa incidente./A.K/

Continue Reading

Lajmet

Dogana e Kosovës ndalon 23,500 euro të padeklaruara në Merdarë

Published

16 minutes ago

on

July 3, 2026

By

Dogana e Kosovës ka zbuluar 23,500 euro të padeklaruara gjatë kontrollit të një automjeti në dalje të Pikës së Kalimit Kufitar në Merdarë.

Sipas njoftimit zyrtar, automjeti ishte përzgjedhur për kontroll bazuar në analizën e riskut dhe më pas ishte dërguar në vijën e dytë për kontroll të detajuar nga zyrtarët doganorë dhe Policia Kufitare.

Gjatë kontrollit janë gjetur 10 mijë euro në çantën personale të udhëtarit, ndërsa 13,500 euro të tjera ishin të fshehura në zarfe brenda një ndarjeje të automjetit, duke e çuar shumën totale në 23,500 euro të padeklaruara.

Autoritetet kanë bërë të ditur se personi kishte dokumente që dëshmojnë prejardhjen e ligjshme të mjeteve monetare, përfshirë kontratë noteriale për shitblerje prone dhe dëshmi të tërheqjes bankare.

Rasti i është referuar Hetimeve Doganore për procedura të mëtejshme, ndërsa në bazë të ligjit është mbajtur 25 për qind e shumës së padeklaruar, kurse pjesa tjetër i është kthyer poseduesit.

Dogana e Kosovës ka rikujtuar se çdo person që hyn ose del nga vendi me 10 mijë euro e më shumë është i obliguar t’i deklarojë ato, në të kundërtën përbën kundërvajtje dhe mund të sjellë masa ligjore./A.K/

Continue Reading

Lajmet

Turqia ndalon ankorimin e anijes turistike LGBTQ+ me mbi 1,000 pasagjerë amerikanë

Published

33 minutes ago

on

July 3, 2026

By

Autoritetet turke kanë ndaluar ankorimin në portet e vendit të një anijeje turistike që u shërben udhëtarëve amerikanë LGBTQ+, duke përmendur “standardet morale” dhe “vlerat familjare”, sipas drejtuesit ekzekutiv të kompanisë organizatore Atlantis Events.

Anija turistike “Athinë–Venecia”, e cila ishte planifikuar të nisej nga Greqia më 5 korrik dhe të ndalonte në qytetin portual Kuşadasi, si dhe më pas në Stamboll, nuk është lejuar të ankorohet në Turqi. Anija, e quajtur “Scarlet Lady” dhe në pronësi të Virgin Voyages, pritej të transportonte mbi 1,000 pasagjerë nga SHBA.

Sipas kompanisë organizatore, autoritetet lokale në Turqi e kanë anuluar ndalimin e planifikuar, duke e arsyetuar vendimin me pretendime se aktiviteti i organizuar nga grupi është “i papajtueshëm me strukturën shoqërore dhe vlerat morale”.

Pas këtij vendimi, itinerari i lundrimit është ndryshuar dhe pritet të përfshijë ndalesa në Kajro të Egjiptit dhe në ishullin grek të Kretës, në vend të Turqisë./A.K/

Continue Reading

Lajmet

Xhelal Sveçla paraqitet në Gjykatë për rastin e gazit lotsjellës në Kuvendin e Kosovës

Published

36 minutes ago

on

July 3, 2026

By

Ministri në detyrë i Punëve të Brendshme, Xhelal Sveçla, është paraqitur në Gjykatë në lidhje me rastin e përdorimit të gazit lotsjellës në Kuvendin e Kosovës në mars të vitit 2018.

Gjykata më herët kishte vendosur që të ndajë procedurën penale ndaj Sveçlës nga ajo e të pandehurve të tjerë në këtë rast, ku përfshihen ish-deputetët Salih Zyba, Fitore Pacolli-Dalipi dhe Drita Millaku.

Sipas aktakuzës, më 21 mars 2018, gjatë një seance plenare në Kuvendin e Kosovës ku po diskutohej ratifikimi i demarkacionit me Malin e Zi, është përdorur gaz lotsjellës brenda sallës nga ora 12:10 deri në 15:40, duke detyruar ndërprerjen e seancës dhe largimin e deputetëve.

Prokuroria pretendon se si pasojë e veprimeve të të akuzuarve është pamundësuar vazhdimi i punës së Kuvendit gjatë seancës së jashtëzakonshme./A.K/

Continue Reading

Të kërkuara