Sport

Oakley Cannonier – “djaloshi i topit” nënshkruan një kontratë profesionale me Liverpool-in

Oakley Cannonier e di se sa i veçantë mund të jetë Anfield nga përvoja e tij si ‘ballboy’ dhe tani ai do të jetë pikrisht një nga lojtarët e këtij klubi

Published

on

Një ditë për të mbajtur mend për adoleshentin, i cili njihet si ‘ballboy’, djaloshi që e ktheu topin shpejtë në fushë në përballjen mes Liverpool dhe Barcelonës në vitin 2019, në kuadër të Ligës së Kampionëve, kur kjo e fundit u mund 4:0.

Oakley Cannonier e di se sa i veçantë mund të jetë Anfield nga përvoja e tij si  ‘ballboy’ dhe tani ai do të jetë pikërisht një nga lojtarët e këtij klubi

17-vjeçari ka nënshkruar kontratën e tij të parë profesionale me Liverpool.

Në moshën 14 vjeçare, Cannonier ishte thjesht një ‘ballboy’, një djalosh i cili mblidhet topat që dilnin jashtë fushtës së gjelbër. Ai mbahet mend për ri-kthimin e shpejtë të topit në lojë në përballjen e fortë për Ligën e Kampionëve (2019) kur  Liverpool mundi Barcelonën 4-0. Ai ishte në këndin nga i cili Trent Alexander-Arnold ekzekutoi asistimin e tij të famshëm e të shpejtë për Origin, e ku pa ndihmën e Cannonier Liverpool do ta kishte shumë problem kualifikimin.

Tani, Cannonier është një nga perspektivat më interesante të klubit, pasi ka arritur nga Leeds në moshën 12 vjeç.

Lojtari ka përfaqësuar Anglinë në nivelin e të rinjve dhe bëri përshtypje sezonin e kaluar me Liverpool Under-18s, duke fituar po ashtu edhe kontratën  e tij të parë profesionale.

Duke mos harruar atë natë të famshme, The Telegraf vuri në dukje se puna e tij kundër Barcelonës nuk ishte thjesht spontane, duke shpjeguar se Jurgen Klopp kishte udhëzuar të gjithë djemtë e topit të përfitonin nga zakoni i Barcelonës për t’iu ankuar gjyqtarëve në topa të vdekur e duke e ri-kthyer topin shpejtë.

Olt Sveçla,

Student i Media dhe Komunikim në UBT

Pjesëmarrës i Akademisë Multimediale në kuadër të “Global Fest 2021”

Continue Reading

Lajmet

Miratohet projektligji për Lojërat Mesdhetare “Prishtina 2030”, hapet rruga për organizimin e ngjarjes madhore

Published

on

By

Qeveria e Kosova ka miratuar projektligjin për organizimin e Lojërat Mesdhetare Prishtina 2030, duke shënuar një hap të rëndësishëm drejt zhvillimit sportiv dhe afirmimit ndërkombëtar të vendit.

Institucionet e kanë cilësuar këtë nismë si projekt me interes të lartë publik dhe kombëtar, që pritet të ndikojë drejtpërdrejt në zhvillimin ekonomik, përmirësimin e infrastrukturës sportive dhe rritjen e imazhit të shtetit në arenën ndërkombëtare.

Kryeministri Albin Kurti theksoi rëndësinë strategjike të projektligjit, duke nënvizuar standardet që synohen me organizimin e kësaj ngjarjeje:
“Ky projektligj, i bazuar në marrëveshjen për organizimin e Lojërave Mesdhetare ‘Prishtina 2030’, është projekt me interes të lartë publik dhe kombëtar. Ai garanton që organizimi i kësaj ngjarjeje madhore të bëhet me përgjegjësi të plotë institucionale, me standarde të larta transparence, integriteti dhe menaxhimi efikas të fondeve publike. Ky është një investim në rininë tonë, në sportin tonë dhe në imazhin ndërkombëtar të shtetit”.

Nga ana tjetër, ministri i Rinisë dhe Sportit, Blerim Gashani, dha detaje mbi aspektin financiar dhe organizativ të projektit:
“Përmes këtij ligji, qeveria do të miratojë shfrytëzimin e fondeve publike në shumën prej të paktën 253 milionë euro. Burimi kryesor i financimit do të jetë buxheti i shtetit, ndërsa projektligji rregullon edhe kompetencat e institucioneve përkatëse, përfshirë Komitetin Olimpik të Kosovës dhe komunat që do të përfshihen në organizim”.

Projektligji përcakton qartë rolet dhe përgjegjësitë e institucioneve shtetërore, duke krijuar një kornizë të plotë ligjore për organizimin e kësaj ngjarjeje të madhe sportive.

Pas votimit në Kuvend, pritet të nisin përgatitjet konkrete për Lojërat Mesdhetare Prishtina 2030, me synimin që Kosova të radhitet ndër organizatorët e rëndësishëm të eventeve sportive ndërkombëtare.

Continue Reading

Kulturë

Shqiptarët “pushtojnë” NBA-n, valle dhe muzikë tradicionale në parketin e Chicago Bulls

Published

on

By

Një moment i veçantë dhe plot krenari për komunitetin shqiptar është shënuar në një nga arenat më të mëdha të basketbollit në botë, gjatë një ndeshjeje të NBA.

Para përballjes mes Chicago Bulls dhe Phoenix SunsUnited Center, ansambli i komunitetit shqiptar në Illinois dhuroi një performancë mbresëlënëse me këngë dhe valle tradicionale.

Tingujt e muzikës shqiptare pushtuan sallën, ndërsa valltarët të veshur me kostume kombëtare sollën energji dhe emocion në parket. Publiku amerikan mbeti i mahnitur nga ritmi dhe gjallëria e valleve, duke e kthyer këtë moment në një spektakël të rrallë në skenën e NBA-së.

Kjo natë e dedikuar komunitetit shqiptar dëshmoi edhe një herë se kultura shqiptare nuk njeh kufij  nga Shqipëria dhe Kosova deri në zemër të Chicago.

Momenti i veçantë tashmë po bën xhiron e rrjeteve sociale, duke treguar para botës bukurinë dhe pasurinë e traditave shqiptare.

Continue Reading

Sport

Final Four i Kupës së Kosovës në volejboll zhvillohet këtë fundjavë në Prishtinë

Published

on

By

Fundjava e parë e muajit prill sjell spektaklin e shumëpritur të volejbollit kosovar me organizimin e “Final Four” të Kupa e Kosovës në volejboll.

Katër ekipet më të mira në konkurrencën e meshkujve dhe katër të tjera në atë të femrave do të përballen për trofeun më të rëndësishëm në volejbollin vendor, në një vikend maratonik plot emocione dhe rivalitet.

Sipas programit, më 4 prill 2026 zhvillohen ndeshjet gjysmëfinale, ndërsa më 5 prill 2026 luhen finalet që do të përcaktojnë fituesit e këtij edicioni.

Të gjitha përballjet do të zhvillohen në palestrën Pallati i Rinisë dhe Sporteve “1 Tetori” në Prishtina, ku pritet një atmosferë festive dhe përkrahje e madhe nga tifozët.

Continue Reading

Sport

Dilema e Vedat Muriqi para Real Madrid

Published

on

By

Mediumi spanjoll Última Hora ka raportuar për situatën e Vedat Muriqi përpara përballjes së RCD Mallorca ndaj Real Madrid, duke theksuar dilemat e mëdha që ekzistojnë në kampin e ekipit.

Sipas “Última Hora”, rikthimi i Muriqit nga angazhimet me Kosovën ka qenë i vështirë si fizikisht ashtu edhe emocionalisht:
“Sulmuesi kosovar kthehet në ishull pas dy ndeshjeve që kanë peshuar shumë në aspektin fizik dhe emocional, pikërisht në prag të një faze vendimtare për Mallorcën në garën për mbijetesë”.

Mediumi shton se sulmuesi “nuk ka pushuar aspak gjatë dritares së FIFA-s, përkundrazi, ka luajtur çdo minutë”, duke e bërë situatën edhe më delikate për stafin teknik.

Po ashtu, theksohet zhgënjimi i tij pas dështimit për t’u kualifikuar në Botëror:
“Pas humbjes ndaj Turqisë, Muriqi u pa i dëshpëruar, duke mos arritur të realizojë një ëndërr që ai vetë e përshkroi si një ‘pavarësi e dytë’ për Kosovën”.

Në këtë kontekst, sipas raportimit, trajneri Martín Demichelis përballet me një vendim të vështirë:
“Duke marrë parasysh të gjitha këto, si gjendjen emocionale ashtu edhe lodhjen fizike pas 180 minutash loje dhe duke parë kalendarin e ngjeshur që e pret Mallorca-n, lind një dilemë për trajnerin: a duhet të aktivizojë sulmuesin kryesor nga minuta e parë ndaj Real Madridit, apo të zgjedhë alternativa të tjera, si për shembull Mateo Joseph, dhe ta ruajë Muriqin për ndeshjet e ardhshme në shtëpi ndaj Rayo Vallecano dhe Valencia CF, ku Mallorca ka më shumë shanse për pikë”.

“Última Hora” nënvizon gjithashtu se jo vetëm Muriqi, por edhe disa lojtarë të tjerë janë të ngarkuar fizikisht dhe në rrezik pezullimi, duke e bërë edhe më kompleks planifikimin për këtë ndeshje.

Në përfundim, mediumi spanjoll vlerëson se:
“Ka shumë në lojë dhe ka ardhur momenti kur nuk lejohet gabimi”, duke e cilësuar këtë periudhë si vendimtare për mbijetesën e Mallorcës në elitën e futbollit spanjoll.

Continue Reading

Të kërkuara