Kronikë e zezë

‘Nusja xhihadiste’ britanike tregon si përdori huanë e studentit për të shkuar të luftonte me ISIS

Tareena Shakil kishte përdorur huanë e saj të studentes prej 400 paundë për të blerë biletat drejt luftës.

Published

4 years ago

on

Një e re që shkoi bashkë me djalin e saj të vogël në Siri për t’iu bashkuar ISIS, duke i njohur masakrat e grupit terrorist, thotë tashmë se “pranon se zgjodhi rrugën e gabuar”.

Tareena Shakil kishte përdorur huanë e saj të studentes prej 400 paundë për të blerë biletat drejt luftës në Lindjen e Mesme, për vete dhe djalin 14 muajsh.

Ajo rezervoi fillimisht një javë pushime në Turqi para se të kalonte kufirin në Siri, për të shkuar në bastionin e ISIS, Raka.

Rrjedhimisht pas përfundmit të luftës ajo u kthye në Britani ku u gjykua dhe dënua me gjashtë vjet burg për pjesëmarrje në organizatë terroriste.

Në gjyqin e saj në Birmingham u treguan foto të Shakil ku ajo pozonte me krenari me automatik AK-47 në njërën dorë, dhe me beben në tjetrën. Kësaj të fundit i kishte vënë një kapele me emblemën e ISIS.

Në gjykatë u tha se Shakil u kishte shkruar dhe të afërmve të saj duke i inkurajuar të vinin në Siri, teksa shfaqte foto të armëve dhe bashkëshortit të saj në Jemen.

Kësaj jave në një intetvistë Tareena tha: “Isha thjesht dikush që humbi rrugën e saj të jetës, ndoqa një rrugë të gabuar”.

Shakil pranon e kishte dëgjuar për brutalitetin e ISIS, edhe përpara se të planifikonte udhëtimin e saj në zemër të të ashtuquajturit ‘Shteti Islamik’.

“Isha në dijeni të dhunës që ndodhte nga duart e ISIS. Nuk mund të gënjej e të them se nuk e dija apo se besoja se ishte tjetërkund”.

Nëna e vetme e një fëmije nga qyteza e Burton thotë se i vjen keq për veprimet e saj: “Të shikosh gjëra të tmerrshme dhe të shkosh bashkë me fëmijën tënd në një vend nga i cili të gjithë largohen”.

“E kuptoj që është e vështirë që njerëzit ta kuptojnë. Nuk është diçka që jam e lumtur ta kujtoj. E vetmja gjë që mund të them është se nuk isha në versionin më të mirë të vetes”.

E pyetur për gra të tjera që shkuan në Siri për t’u kthyer në ato që njihen si “nuse të ISIS” si për shembull britanikja tjetër Shamima Begum, ajo thotë se nuk e di nëse duhet të lejohen të kthehen në Britani.

Ajo thotë: “Unë nuk mund të them ‘jo mos i lejoni të kthehen’ sepse do të isha hipokrite, pasi isha vetë në një situatë të tillë”.

“Por situata ime nuk është e njëjtë, unë vendosa të largohen nga ISIS kur ata ishin në kulmin e tyre, nuk prita rënien e ISIS dhe më pas të them ‘dua të kthehem në shtëpi’”.

“Por pasi ta kem thënë këtë, mund të ketë të tjera arsye që nejrëzit nuk largohen dot prej andej, unë e di këtë”, thotë Shakil.

“Duhet forcë dhe kurajo, është çështje jetë a vdekje”.

Shakil më parë përshkruhej si një vajzë që pëlqentë festat dhe jetën e natës, para se të vendoste të shkonte në Siri duke u kthyer në një islamiste radikale.

Related Topics:
Continue Reading

Lajmet

Mbi 2 mijë e 400 gjoba trafiku shqiptohen nga Policia e Kosovës në 24 orët e fundit

Published

1 day ago

on

October 31, 2025

By

Policia e Kosovës ka njoftuar se kanë shqiptuar 2412 gjoba për kundërvajtësit e trafikut brenda 24 orëve të fundit.

Gjithashtu, janë raportuar 34 aksidente trafiku me dëme materiale, dhe 18 aksidente trafiku kanë përfunduar me të lënduar.

Policia e Kosovës ka arrestuar 20 persona, 16 janë dërguar në mbajtje, kurse 1 person është në vuajtje të dënimit./S.K/PK/

Continue Reading

Lajmet

Arrestohet një serb në Prishtinë, kishte urdhërarrest ndërkombëtar

Published

1 day ago

on

October 31, 2025

By

Një shtetas serb është arrestuar dje në Prishtinë rreth orës 16:00 ka njoftuar Policia e Kosovës, i njëjti kishte edhe urdhër arrest aktiv.

Me vendim të prokurorit i dyshuari është dërguar në mbajtje.

URDHËRARREST NDËRKOMBËTAR

“Prishtinë / 30.10.2025 – 16:00. Është arrestuar i dyshuari mashkull shtetas serb pasi që i njëjti kishte urdhër arrest. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës./S.K/KP/

Continue Reading

Lajmet

Arrestohet një person i dyshuar për vjedhje të rëndë në Ferizaj

Published

1 day ago

on

October 31, 2025

By

Policia në Ferizaj ka njoftuar se dje më 30.10.2025 rreth orës 22:00 ka pranuar një informacion për një rast të vjedhjes së rëndë në rrugën “Mustafë Xhigolli”.

Sipas njoftimit pas daljes në vendngjarje nga ekzaminimet e para është dyshuar se personi/na të panjohur kanë depërtuar në shtëpinë e viktimës përmes thyerjes së xhamit të dritares së pasme, duke vjedhur stoli ari në vlerë rreth 10.000 euro, si dhe pajisjen DVR të kamerave të sigurisë.

“Gjatë zhvillimit të hetimeve, njësia hetimore ka identifikuar një automjet të dyshuar të tipit Audi A4, ngjyrë hiri, që drejtohej nga A. Xh.( 25 vjeç) .Gjatë kontrollit në automjet janë gjetur mjete të dyshimta, përfshirë një shpues elektrik dhe një palë këpucë, të cilat përputhen me gjurmët e lëna dhe pamjet nga kamerat e sigurisë nga kryesi i veprës”, thuhet në njoftim.

I dyshuari ka tentuar të largohet, por pas një ndjekjeje është arrestuar nga hetuesit policorë.

Me urdhër të prokurorit të rastit, i dyshuari është ndaluar për 48 orë, ndërsa automjeti është sekuestruar për procedura të mëtejshme hetimore./S.K/PK/

Continue Reading

Lajmet

Dogana: 250 kg kanabis u zunë bazuar në informacionet e AKI-së

Published

3 days ago

on

October 30, 2025

By

Një operacion i bazuar mbi inteligjencën e siguruar nga Agjencia e Kosovës për Inteligjencë, i ndërmarrë nga Dogana e Kosovës dhe Policia e Kosoves ka rezultuar me zbulimin dhe konfiskimin e rreth 250 kilogramëve të substancës narkotike të llojit kanabis, të fshehur me kujdes në një automjet transportues.

“Operacioni është realizuar gjatë orëve të pasdites, kur njësia e Antikontrabandës e Doganës ka ndalur për kontroll një kamion që po lëvizte në drejtim të Prishtinës në autostradën ‘Ibrahim Rugova’”, ka njoftuar Dogana e Kosovës.

Dogana njofton se gjatë inspektimit janë përdorur pajisjet e dhuruara nga Ambasada e Shteteve të Bashkuara të Amerikës (ShBA).

“Pas një inspektimi të detajuar, dhe duke përdorur pajisjet profesionale të dhuruara nga Ambasada e Shteteve të Bashkuara të Amerikës, zyrtarët doganorë kanë arritur të demontojnë panelet e fshehura të automjetit, ku ishin vendosur substancat narkotike. Në vendngjarje kanë dalur edhe njësia antidrogë e Policisë së Kosovës dhe Prokurorja kompetente. Personi përgjegjës është arrestuar nga Policia e Kosovës, ndërsa procedurat ligjore janë në zhvillim”, thuhet mes të tjerash në komunikatën për medie.

Dogana e Kosovës ka vënë theksin tek kontributi që AKI ka dhënë.

“Dogana e Kosovës vlerëson lartë kontributin dhe bashkëpunimin e Agjencisë së Kosovës për Inteligjencë në këtë rast, dhe thekson përkushtimin e saj për të vazhduar koordinimin e ngushtë me të gjitha institucionet në vend. Ky operacion paraqet një tjetër dëshmi të vendosmërisë së institucioneve tona për të luftuar kontrabandën dhe trafikimin e substancave të ndaluara, duke mbrojtur sigurinë e qytetarëve dhe integritetin ekonomik të Republikës së Kosovës”, thuhet në komunikatë./S.K/EO/

Continue Reading

Të kërkuara