Lajmet

Nushi i PSD-së: Vendimi për dhënien e tokës së Manastirit të Deçanit, është zbatim i marrëveshjes me Serbinë

Ndonëse dhënia e tokës për Manastirin e Deçanit u tha se nënkupton anëtarësim në Këshill të Evropës, Nushi e sheh këtë edhe në planin franko-gjerman.

Published

2 years ago

on

Anëtari i Partisë Socialdemokrate, Nol Nushi, konsideron se vendimi i Qeverisë për dhënien e 24 hektarëve tokë Manastirit të Deçanit, është implementim i marrëveshjes së Brukselit.

Ndonëse dhënia e tokës për Manastirin e Deçanit u tha se nënkupton anëtarësim në Këshill të Evropës, Nushi e sheh këtë edhe në planin franko-gjerman. Prandaj, këmbëngul se ky vendim është zbatim i marrëveshjes me Serbinë.

“Urdhri i Kurtit ndaj Agjencisë Kadastrale të Kosovës që t’ia regjistrojë 24 hektarë Manastirit të Deçanit nuk mund të analizohet asnjë vendim jashtë kontekstit në të cilin ndodhet Kosova. Nëse e shohim strategjinë e Kurtit prej opozitës e deri tek këto tri vite pushtet është njëra taktike rezistence e vazhdueshme karshi vendimeve por të cilat në fund përfundojnë duke i bë të gjitha ato vendime të cilat po i reziston, por përshtypja në popull po duket që është se ky megjithatë bëri më të mirën, këtë nuk mundemi me e pa ndryshe përveç plan i Kurtit sepse integrimi në organizata ndërkombëtare si është Këshilli i Evropës është pjesë po ashtu e planit franko-gjerman e marrëveshjes së Ohrit dhe sigurisht sekuencat e ndryshme brenda këtij rrugëtimi herë duken fitore e herë humbje të Kosovës, por të gjitha janë pjesë e këtij plani andaj nuk kemi si e shohim ndryshe përpos si vazhdim i zbatimit të marrëveshjes ndërkombëtare të dialogut”, u shpreh Nushi.

E nëse Kosova mund të fitoj diçka nga ky vendim, Nushi thotë se nuk ka asnjë garanci. Thotë se do të ketë kushtëzime tjera për anëtarësim në këtë organizatë.

“Premtimi është që futesh në Këshillin e Evropës por ne kemi parë shpesh e herët të fundit që Kurti në marrëdhëniet me këta që na ndihmojnë të futesh në Këshill nuk i ka aq të mira dhe jam i bindur se do ketë kushte tjera e Kurti do i zbatoj duke thënë që s pata çare, e këtë nuk duhet me lejua ne sepse argumenti s pata qare kanë qenë tjerët, e ky nuk mundet me qeverisë me argumente të qeverive të kaluara, ky që pretendon se është politikan i së ardhmes”, thotë ai.

Ndërkaq për vizitën e të dërguarit nga ShBA-të, Grabriel Escobar, Nushi thotë se arsyeja është e qartë, Rregullorja e re e BQK-së mbi dinarin serb.

“Vizita është shumë e qartë konkrete, e koncentruar në çështjen e dinarit si taktikë destabilizuese e dialogut  që prehu në besë miqtë apo partnerët e Kosovës. Escobar ka takuar të gjithë akterët relevantë të këtij procesi e të fundit e ka lërë Kurtin mirëpo  porosia është e qartë Kurti duhet ti bëj të gjitha ato që është zotuar, po i gënjen qytetarët kur po thotë se ska pranuar marrëveshje e edhe ndërkombëtarët kur po ua pranon në tavolinë  marrëveshjet e pastaj po u shkakton probleme në zbatimin e saj”, u shpreh Nushi.

Sipas tij me vendimet aktuale të qeverisë Kurti, raporti i Kosovës me partnerët është duke ndryshuar, duke thënë se dinari nuk do duhej të ishte arsye e prishjes së raporteve.

“Escobari ishte i qartë, partneriteti nuk është si ka qenë po dëshirojmë me u kthye ashtu si ka qenë, dhe unë se kam hallin që po prishemi me partnerë por për çka po prishemi, ne po prishemi për vendimin e dinarit, puna e cila do zgjidhej me asociacion, kjo punë do zgjidhej me asociacion Kurti është dakorduar ashtu”.

Related Topics:
Continue Reading

Lajmet

KQZ-ja me detaje për verifikimin e rezultateve, përmbyllet procesi në 13 komuna

Published

2 hours ago

on

October 16, 2025

By

Zëdhënësi i Komisionit Qendror të Zgjedhjeve, Valmir Elezi ka thënë se deri më tani janë verifikuar rezultatet për 1 mijë e 531 vendvotime nga votimet për kryetarë të 12 tetorit.

Ai njëherësh ka treguar edhe për verifikimin e rezultateve për asamble.

“Sipas informacioneve nga Qendrat Komunale të Numërimit, deri në orën 10:00 të ditës së sotme, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjektet politike nga zgjedhjet për Kuvende Komunale nga 1,494 vendvotime”.

“Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale. Pra, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025”, tha ai.

Elezi bëri me dije më tutje se deri më tani aktivitetet në Qendrën Komunale të Numërimit sa i përket numërimit të votave janë përmbyllur në 13 komuna.

“Deri më tani (e enjte, ora 10:00), aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Obiliq, Istog dhe Skenderaj (e mërkurë). Në përgjithësi, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale”, shtoi Elezi.

Në zgjedhjet e së dielës votuan 811 mijë e 984 qytetarë nga 2milionë e 25mijë e 105 me të drejtë vote./EO

Continue Reading

Lajmet

Kapen dy kosovarë me mbi 27 mijë euro të padeklaruara në kufi me Shqipërinë

Published

3 hours ago

on

October 16, 2025

By

Dy shtetas nga Kosova janë kapur në Pikën e Kalimit Kufitar në Morinë, teksa tentonin të futnin në territorin e Shqipërisë 27 mijë e 550 euro pa i deklaruar në doganë.

Policia shqiptare bëri të ditur se në hetim janë vënë dy persona me inicialet A. G., njëri 51-vjeçar nga Kosova me vendbanim në Suedi, të cilit iu gjetën 12 mijë e 550 euro, dhe tjetri 44-vjeçar nga Suhareka, me 15 mijë euro në posedim.

Shuma e parave është sekuestruar, ndërsa ndaj të dyve janë nisur procedurat hetimore në Prokurorinë pranë Gjykatës së Kukësit për veprime të mëtejshme.
“Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”./EO

Continue Reading

Lajmet

Gjashtë të arrestuar pas një përleshjeje në Viti, në vendngjarje konfiskohet drogë

Published

3 hours ago

on

October 16, 2025

By

Gjashtë persona janë arrestuar në Viti pasi dyshohen se u përleshën mes vete. Të gjithë të dyshuarit pësuan lëndime dhe pranuan ndihmë mjekësore.

Në raportin 24-orësh të Policisë, thuhet se rasti ka ndodhur të mërkurën në Viti dhe u iniciua si “Lëndim i lehtë trupor”.

“Viti 15.10.2025-14:30. Janë arrestuar gjashtë të dyshuar meshkuj kosovarë, pasi që të njëjtit pas një mosmarrëveshje janë rrahur në mes veti. Si pasojë e rrahjes lëndime trupore kanë pësuar të gjithë personat të cilët kanë pranuar tretman mjekësor. Në vendin e ngjarjes është gjetur dhe konfiskuar edhe 5.38 gram substancë të dyshuar narkotike. Me vendim të prokurorit gjashtë të dyshuarit dërgohen në mbajtje”, thuhet në njoftim./EO

Continue Reading

Lajmet

Verifikohen dhe numërohen rreth 60% e vendvotimeve në nivel vendi, 13 komuna përmbyllin procesin

Published

3 hours ago

on

October 16, 2025

By

Të enjten në mëngjes, Komisioni Qendror i Zgjedhjeve ka përditësuar të dhënat nga aktivitetet që janë duke u zhvilluar në Qendrat Komunale të Numërimit në komuna të ndryshme të Kosovës.

Sipas Zëdhënësit të KQZ-së, Valmir Elezi, rreth 60% e vendvotimeve kanë përfunduar procesin e numërimit të votave të kandidatëve për Kuvende Komunale si dhe të verifikimit të rezultateve nga zgjedhjet për Kryetarë të Komunave dhe rezultateve të subjekteve politike nga zgjedhjet për Kuvende Komunale.

“Sipas informacioneve nga Qendrat Komunale të Numërimit, deri në orën 10:00 të ditës së sotme, e enjte, janë verifikuar rezultatet për 1,531 vendvotime nga zgjedhjet për Kryetarë të Komunave dhe rezultatet për subjetet politike nga zgjedhjet për Kuvende Komunale nga 1,494 vendvotime. Nga po kaq vendvotime, 1,494, janë numëruar votat e kanidatëve nga zgjedhjet për Kuvendet Komunale”, tha Elezi.

Sipas tij, deri më tani, nga 5,142 kuti votimi që i takojnë dy llojeve të zgjedhjeve, janë procesuar 3,025 të tilla.

Më tej, ai ka bërë të ditur se nga e hëna deri të enjten në mëngjes, aktivitetet në QKN janë përmbyllur në 13 komuna: Hani i Elezit (e hënë), Junik, Mamushë, Zveçan (e martë), Mitrovicë e Veriut, Zubin Potok, Deçan, Shtime, Klinë, Shtërpcë, Istog dhe Skenderaj (e mërkurë) dhe Obiliq.

Sipas ligjit për zgjedhjet e përgjithshme dhe akteve nënligjore të KQZ-së, në Qendrat Komunale të Numërimit zhvillohen 3 aktivitete të rëndësishme: verifikimi i rezultateve nga zgjedhjet për Kryetarë të Komunave; verifikimi i rezultateve të subjekteve politike nga zgjedhjet për Kuvende Komunale; dhe numërimi i votave të kandidatëve për anëtarë të Kuvende Komunale.

Në platformën e KQZ-së për rezultate https://resultslocal2025.kqz-ks.org/ janë duke u prezantuar rezultatet nga QKN-të, vendvotim pas vendvotimi./EO

Continue Reading

Të kërkuara