Aktualitet

Numër rekord i fëmijëve të pashoqëruar të ndaluar në kufirin meksikan

Published

5 years ago

August 3, 2021

UBT news

Numri i fëmijëve që udhëtonin vetëm, të cilët u kapën në kufirin meksikan nga autoritetet amerikane të emigracionit, ka të ngjarë të ketë arritur maksimumin e të gjitha kohërave në korrik, dhe numri i njerëzve që hynë me familjet ka të ngjarë të ketë arritur rekordin dytë më të lartë, tha të hënën një zyrtar amerikan, duke cituar të dhënat paraprake të qeverisë.

Rritja e madhe e numrave nga muaji qershor ishte e habitshme, meqë kalimet zakonisht ngadalësohen gjatë vapës mbytëse, shpesh me pasoja fatale.

Autoritetet amerikane kapën më shumë se 19 mijë fëmijë të pashoqëruar në korrik, duke tejkaluar numrat e mëparshëm më të lartë që ishin regjistruar në muajin mars me 18 mijë e 877, tha David Shahoulian, ndihmës sekretar për politikat e kufirit dhe emigracionit në Departamentin e Sigurisë Kombëtare. Numri i përgjithshëm në qershor ishte 15 mijë e 253.

Numri i personave që udhëtonin me familjet gjatë korrikut duket të jetë rreth 80 mijë tha Shahoulian. Kjo është më e ultë nga niveli më i lartë i të gjitha kohërave prej 88 mijë e 857 që ishin regjistruar në maj të vitit 2019, por shumë më i latë se numri prej 55 mijë e 805 sa ishin në qershor.

Në përgjithësi, autoritetet amerikane ndaluan emigrantët rreth 210 mijë herë në kufi në muajin korrik, nga 188 mijë e 829 herë në qershor. Por, numrat nuk janë të krahasueshëm sepse shumë veta kalojnë në mënyrë të përsëritur për shkak të një ndalimi të lidhur me pandeminë që mundëson dëbimin menjëherë pa u dhënë atyre një shans për të kërkuar strehim.

Në sektorin e Luginës Rio Grande, “epiqendra e rritjes aktuale”, agjentët ndaluan emigrantët rreth 78 mijë herë në korrik, tha Shahoulian, ndryshe nga 59 mije 380 herë në qershor dhe 51 mijë e 149 në muajin maj.

Njoftimet e qeverisë u publikuan gjatë një debati në gjykatë, disa orë pasi grupet për mbrojtjen e emigrantëve rifilluan një betejë ligjore për t’i dhënë fund autoritetit të qeverisë për të dëbuar familjet në kufi, me arsyetimin se parandalojnë përhapjen e koronavirusit.

Të hënën, Qendrat për Kontrollin dhe Parandalimin e Sëmundjeve ripërtërinë kompetencat emergjente, të njohura si ‘Titulli 42″ dhe të emëruara sipas një ligji për shëndetin publik të vitit 1944. Departamenti i Sigurisë Kombëtare tha se do të vazhdojë të zbatojë mosdhënien e strehimit për të rriturit beqarë dhe familjet pavarësisht trysnisë në rritje nga grupet pro-emigracionit. Fëmijët e pashoqëruar janë të përjashtuar.

Numërimi përfundimtar i arrestimeve kufitare të korrikut nuk pritet për disa ditë, por numrat paraprakë zakonisht janë shumë të përafërt.. Gjatë 29 ditëve të para të korrikut, autoritetet hasën në një mesatare ditore prej 6,779 njerëzve, përfshirë 616 fëmijë të pashoqëruar dhe 2,583 të ardhur me familje, tha Shahoulian./VOA

lajme

Rektori Hajrizi diskuton për rolin e AI-së në edukim dhe inovacion në AI4Youth

Published

16 hours ago

September 9, 2026

ubtnews

Rektori i UBT-së, Prof. Dr. Edmond Hajrizi, mori pjesë në aktivitetin “AI4Youth: From Learning to Building”, në kuadër të panelit “Empowering the Next Generation of AI Innovators”, të organizuar me ftesë të The Foundation House, ku u diskutua roli i inteligjencës artificiale në edukim dhe përgatitjen e të rinjve për profesionet e së ardhmes.

Duke sjellë perspektivën e arsimit të lartë dhe inovacionit, Rektori Hajrizi theksoi rëndësinë e kalimit nga mësimi i inteligjencës artificiale te përdorimi i saj për krijimin e zgjidhjeve konkrete, duke nënvizuar rolin që universitetet duhet të kenë në këtë transformim.

Në këtë kontekst, UBT është institucioni i parë në rajon që ka implementuar një ekosistem të integruar të inteligjencës artificiale në edukim dhe fusha të tjera, duke e shtrirë përdorimin e AI-së në mënyrë gjithëpërfshirëse në mësimdhënie, kërkim, inovacion dhe proceset universitare.

AI4Youth është një program që synon fuqizimin e të rinjve përmes zhvillimit të njohurive dhe aftësive në inteligjencën artificiale, teknologjinë e informacionit dhe komunikimit, si dhe zhvillimin e aplikacioneve, duke i orientuar ata nga të mësuarit drejt krijimit të zgjidhjeve konkrete.

Lajmet nga UBT

UBT dhe Instituti Yunus Emre nënshkruajnë marrëveshje bashkëpunimi

Published

19 hours ago

September 9, 2026

ubtnews

UBT dhe Instituti Yunus Emre në Kosovë kanë nënshkruar një marrëveshje bashkëpunimi, me qëllim të promovimit dhe avancimit të mësimdhënies së gjuhës turke, si dhe organizimit të aktiviteteve të përbashkëta akademike dhe kulturore.

Marrëveshja u nënshkrua nga Rektori i UBT-së, Prof. Dr. Edmond Hajrizi, dhe Drejtori i Institutit Yunus Emre, Ramazan Yılmaz.

Në kuadër të bashkëpunimit parashihet organizimi i kurseve të gjuhës turke, punëtorive, ligjëratave të hapura dhe aktiviteteve kulturore, duke krijuar mundësi të reja për studentët, stafin akademik dhe komunitetin.

Një fokus i veçantë do t’i kushtohet Institutit të Gjuhëve të Huaja në UBT, përmes të cilit synohet zgjerimi i mundësive për mësimin dhe certifikimin e gjuhës turke.

lajme

UBT ofron 20% bursë për profesionistët përmes iniciativës ENGAGED SCHOLARSHIP

Published

19 hours ago

September 9, 2026

ubtnews

UBT ka lansuar iniciativën ENGAGED SCHOLARSHIP, përmes së cilës profesionistët e angazhuar në tregun e punës mund të përfitojnë 20% bursë për studimet Master, duke krijuar mundësi për avancim të mëtejshëm akademik dhe profesional.

ENGAGED SCHOLARSHIP është konceptuar si një mundësi që lidh drejtpërdrejt përvojën profesionale me avancimin akademik, duke u mundësuar profesionistëve të thellojnë njohuritë në fusha që lidhen me profesionin e tyre dhe të zhvillojnë kompetenca të reja që mund t’i aplikojnë në vendin e punës.

Në kuadër të kësaj iniciative, mund të përfitojnë 20% bursë profesionistët që angazhohen në programet Master të UBT-së, sipas profileve dhe kategorive profesionale përkatëse:

Menaxhment, Biznes dhe Ekonomi – për punonjësit në institucionet bankare, sektorin privat dhe publik, si dhe kontabilistët.
Shkenca Politike, Politika Publike dhe Menaxhim – për punonjësit në administratën publike, komuna, institucione publike, organizata joqeveritare, si dhe koordinatorët e projekteve vendore dhe ndërkombëtare.
E Drejta Penale, E Drejta Civile dhe e Pronës, E Drejta Komerciale – për punonjësit në institucionet e drejtësisë, avokatët, noterët, zyrtarët ligjorë, zyrtarët e burimeve njerëzore dhe profesionistët në institucione të tjera publike e private.
Shkencat dhe Teknologjia e Ushqimit – për teknologët e ushqimit, nutricionistët, infermierët, kontrollorët e cilësisë, inspektorët ushqimorë dhe laborantët ushqimorë.
Shëndeti dhe Aktiviteti Fizik – për sportistët, fizioterapeutët, infermierët, instruktorët e fitnesit dhe punonjësit në qendrat e rehabilitimit.
Studime të Sigurisë – për pjesëtarët e Forcës së Sigurisë së Kosovës (FSK), Policisë së Kosovës, zjarrfikësit dhe profesionistët e tjerë të fushës së rendit dhe sigurisë.
Gjuhë, Media dhe Komunikim – për gazetarët, punonjësit e mediave, zyrtarët për komunikim dhe marrëdhënie me publikun, menaxherët e mediave sociale, si dhe profesionistët e marketingut dhe komunikimit.

Një nga elementet që e bën këtë iniciativë të përshtatshme për profesionistët është fleksibiliteti i orarit të studimeve. Ligjëratat zhvillohen kryesisht në orët e pasdites, duke krijuar mundësi që angazhimi profesional dhe studimet Master të zhvillohen paralelisht. Në këtë mënyrë, profesionistët mund të vazhdojnë punën e tyre, ndërsa njëkohësisht investojnë në ngritjen e tyre akademike dhe profesionale.

Përmes ENGAGED SCHOLARSHIP, UBT synon të mbështesë profesionistët që janë të gatshëm të bëjnë hapin e radhës në karrierën e tyre, duke u ofruar atyre mundësi për arsimim të avancuar, zhvillim profesional dhe specializim në fushën përkatëse.

Aplikimi është i hapur.