Aktualitet

“Nuk jeni të mirëpritur”: Protestuesit gjeorgjianë kërkojnë që qeveria të ndalojë hyrjen e rusëve

Mbi 53 mijë rusë kanë hyrë në Gjeorgji që nga java e kaluar.

Publikuar

2 vjet më parë

më

Radhë të mëdha rusësh, kryesisht burra të moshës ushtarake, janë krijuar që kur presidenti rus Vladimir Putin njoftoi se do të thirreshin më shumë rezervistë për të luftuar në Ukrainë.

Megjithatë, partia pro-perëndimore gjeorgjiane Droa, e cila organizoi protestën, thotë se numrat që vijnë përbëjnë një kërcënim të menjëhershëm për sigurinë kombëtare dhe ekonominë e vendit.

“Gjeorgjia është e pushtuar nga Rusia, në të njëjtën mënyrë që një pjesë e Ukrainës është ende e pushtuar nga Rusia, prandaj ata nuk janë të mirëpritur këtu si miq apo vëllezër”, tha aktivisti ukrainas, Mikhail Ulianin.

“Nëse ata duan të ndryshojnë diçka në vendin e tyre nëse nuk pajtohen, dhe nëse janë kundër luftës dhe mobilizimit, ata duhet t’i trajtojnë këto probleme në shtëpi”.

Giga Lemonjava, sekretarja ekzekutive e Droa, tha: “Qindra e mijëra qytetarë rusë kalojnë kufirin ruso-gjeorgjian çdo ditë.

“Pala gjeorgjiane nuk ka informacion të saktë se cilët janë ata individë dhe cili është qëllimi i tyre i vërtetë gjatë mbërritjes në Gjeorgji. Qeveria gjeorgjiane, e cila shumë hapur bashkëpunon me FSB-në ruse nuk bën asgjë për t’iu përgjigjur kërcënimeve dhe sfidave që vijnë nga Rusia”.

“Ne besojmë se një lloj i tillë migrimi nga Rusia në Gjeorgji përbën një kërcënim të menjëhershëm për sigurinë kombëtare të Gjeorgjisë, ekonominë dhe stabilitetin e Gjeorgjisë në përgjithësi”.

‘Lotë, britma dhe një numër i madh njerëzish’

Ministria e Brendshme e Gjeorgjisë tha se mbi 53,000 rusë kanë hyrë në vend që nga java e kaluar.

Megjithatë, rusët që po ikin nga mandati thonë se autoritetet nga Moska kanë krijuar pika kontrolli në anën ruse dhe kanë ngritur një zyrë rekrutimi në pikën kufitare Verkhy Lars, duke kërkuar të kapin ata që përpiqen t’i ikin shërbimit ushtarak.

“Mendimi im është se (në Rusi) situata është shumë e paqëndrueshme, më saktë është shumë e keqe dhe po kërcënon jetën e njerëzve”, tha Kiril Kuznetsev, i cili është nga Shën Petersburg.

“Asgjë e mirë nuk po ndodh për fat të keq kur njerëz si (qeveria aktuale) po mbajnë pushtetin”.

Ndërsa, Aleksandr Kamisentsev, shtetas rus nga Saratov, tha se vendosi në momentin e fundit të largohej duke thënë se“nuk do të vras ​​vëllezërit e mi ukrainas apo të shkoj në burg”.

“Gjithçka është shumë e frikshme (në anën ruse të pikës kufitare) – lot, britma, një numër i madh njerëzish. Ka një ndjenjë që qeveria nuk di ta organizojë”.

“Duket se ata duan të mbyllin kufirin, por në të njëjtën kohë kanë frikë se mund të pasojnë protesta”, tha Kamisentsev.

Osetia e Veriut, një rajon rus që kufizohet me Gjeorgjinë, shpalli gjendjen e “gadishmërisë së lartë” dhe tha se ushqimi, uji, stacionet e ngrohjes dhe ndihma të tjera duhet të sillen për ata që kanë kaluar ditë në radhë.

Vullnetarët në anën gjeorgjiane të kufirit kanë sjellë gjithashtu ujë, batanije dhe ndihmë të tjera./UBTNews/

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

5 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

2 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

2 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara