

Lifestyle
Nuk e dini çfarë lëkure keni? Zbuloni tani!
Published
2 months agoon
By
UBT News90% e femrave nuk janë të afta të përcaktojnë me saktësi se ç`lloj lëkure kanë. Këtë e thonë edhe sondazhet.
Gratë e pyetura në grupmoshën 25-44 vjeç nuk arrijnë të dallojnë nëse lëkura e tyre është e yndyrshme, e thatë, e ndjeshme apo mikse. Në mungesë të njohurive bazë, ato rrezikojnë të përdorin produkte të papërshtatshme që mund ta përkeqësojnë gjendjen e lëkurës.
Përcaktimi i saktë i tipit të lëkurës është hapi i parë drejt kujdesit të shëndetshëm e të suksesshëm për fytyrën. Një lëkurë e trajtuar mirë jo vetëm që duket bukur, por është edhe më rezistente ndaj plakjes dhe ndotësve të ambientit.
Testet për lëkurën
Disa kompani kanë zhvilluar testime të thjeshta në shtëpi, që ndihmojnë për të identifikuar tipin e lëkurës e për të sugjeruar produkte të përshtatshme. Këto teste mund të kryhen dhe në farmaci apo qendra estetike me pajisje të specializuara që matin lagështinë, yndyrën dhe ndjeshmërinë e lëkurës.
Si reagon lëkura kur përdoren kremra të gabuar?
Kur përdoren produkte të papërshtatshme, lëkura aktivizon mekanizmat e saj mbrojtës, duke shfaqur simptoma të ndryshme:
▪ Lëkura e yndyrshme zhvillon akne kozmetike: pika të zeza, të bardha, puçrra dhe skuqje.
▪ Lëkura e ndjeshme reagon me skuqje të përhapura, kruarje dhe ndjesi djegieje.
▪ Lëkura e thatë irritohet shpejt, duke krijuar ndjesi shtrëngimi dhe zbokth të lehtë në sipërfaqe.
Gjëja e parë që duhet bërë është ndërprerja e menjëhershme e produktit, larja me ujë të bollshëm dhe, nëse shenjat vazhdojnë, konsultimi me një dermatolog.
Udhëzime për të identifikuar llojin e lëkurës
▪ Lëkura e yndyrshme është e lehtë për t’u dalluar: shkëlqen, ka pore të zgjeruara dhe shpeshherë puçrra. Por, mund të mashtrojë, duke u dukur e thatë, kur poret janë të bllokuara dhe yndyra nuk del në sipërfaqe.
▪ Lëkura e thatë është e varfër në ujë dhe yndyra, prandaj irritohet lehtë dhe rigjenerimi i qelizave është i ngadalësuar. Ndjesia e shtrëngimit pas larjes është një nga shenjat kryesore.
▪ Lëkura mikse është një kombinim: zona T (balli, hunda dhe mjekra) janë të yndyrshme, ndërsa faqet mund të jenë normale ose të thata
▪ Lëkura e ndjeshme reagon me skuqje të menjëhershme, kruarje a djegie pas ekspozimit në produkte të caktuara apo faktorë të jashtëm
Produktet që duhen shmangur dhe ato që rekomandohen:
▪ Për lëkurë të yndyrshme: zgjidh produkte pa vajra, jo-komedogjenike pa parafinë apo vajra mineralë. Ideal janë përbërësit si acidi salicilik dhe niacinamide, që ndihmojnë në kontrollin e yndyrës.
▪ Për lëkurë të thatë: kërkohen vajra me bazë bimore, si vaji i jojobës ose bajames, që hidratojnë dhe forcojnë barrierën e lëkurës. Përbërës si acidi hialuronik, glicerina dhe ceramidet janë thelbësorë.
▪ Për lëkurë të ndjeshme: shmang alkoolin, acidet agresive dhe aromatizuesit. Kërko produkte me aloe vera a kamomil që kanë veprim qetësues.
▪ Për lëkurë mikse: përdor krem të lehtë hidratues gjatë ditës dhe një krem ushqyes në mbrëmje që nuk ngarkon zonat e yndyrshme.
Këshillë shtesë:
▪ Mos e mbingarko rutinën me shumë produkte njëherësh.
▪ Bëj patch test para çdo produkti të ri: vendos sasi të vogël në pjesën e brendshme të parakrahut dhe vëzhgo për 24-48 orë.
▪ Kujdes nga ekspozimi i tepërt në diell, sidomos nëse lëkura është e ndjeshme ose përdoren acide (AHA, BHA).
Lifestyle
Nuk dini çfarë të bëni në fundjavë? Ja disa sugjerime për ju!
Published
1 week agoon
August 23, 2025By
UBT News
Ka shumë mënyra për ta kaluar fundjavën në mënyrë të këndshme, varësisht nga preferencat dhe nevojat e tua.
Ja disa ide që mund t’ë ndihmojnë të bësh fundjavën më të bukur:
Kaloni kohë për t’u relaksuar, duke bërë dush të ngrohtë, duke lexuar një libër që të pëlqen, ose duke dëgjuar muzikën tënde të preferuar.
Përdorimi i disa minutave për të medituar ose bërë ushtrime yoga mund të ndihmojë në uljen e stresit dhe përmirësimin e mirëqenies.
Nëse ke mundësi, një shëtitje në natyrë ose një ngjitje në një mal mund të jetë mundësi e shkëlqyer për të shkarkuar energjitë e akumuluara dhe për të shijuar bukuritë e natyrës.
Pasi ta kesh gjetur vendin e bukur, bëj piknik, të kalosh kohë me miqtë ose familjen, ose të shijosh vakt të thjeshtë në ajër të pastër.
Mund të organizosh një darkë të thjeshtë me miqtë ose një aktivitet të veçantë për familjen, si një film ose një lojë.
Mund të telefonosh dikë që nuk e ke takuar për një kohë të gjatë e të kalosh kohë duke biseduar për jetën, kujtime dhe planet.
Vizita në muze, galeri arti ose një shfaqje mund të jetë mundësi për të mësuar diçka të re dhe për të pasuruar jetën tënde kulturore.
Mund të mësosh diçka të re, si të luash një instrument, të bësh pikturë ose të përpiqesh me një hobby tjetër që e ke lënë mënjanë.
Lifestyle
Si ndikon mbajtja e një ditari në shëndetin tonë mendor dhe emocional?
Published
1 week agoon
August 23, 2025By
UBT News
Një studim i University of Texas ka treguar se shkrimi i përditshëm i emocioneve dhe mendimeve në një ditar ka ndikim të madh në shëndetin mendor.
Pjesëmarrësit që mbajtën ditar për 3 javë raportuan ulje të stresit, më pak ankth dhe një gjumë më të qetë.
Studiuesit shpjegojnë se shkrimi ndihmon tru-n të organizojë mendimet dhe të përpunojë emocionet negative, duke ulur ngarkesën mendore. Përveç kësaj, mbajtja e ditarit është një mënyrë për të reflektuar mbi përvojat ditore e gjetur zgjidhje më të qeta ndaj problemeve.
Shkrimi të bëhet për 10-15 minuta në ditë, pa u përqendruar te gramatika apo forma, por vetëm te lirimi i mendimeve dhe emocioneve.
Lifestyle
Shampo pa sulfate: Pse dhe kur duhet t’i zgjidhni ato?
Published
1 week agoon
August 22, 2025By
UBT News
Procesi i zgjedhjes së një shampoje dhe zbutësi/balsami të ri është blerje e lehtë që e bëjmë një herë në muaj. Megjithatë, kur flokët yndyrosen shpejt ose janë më të thatë se zakonisht, mendojmë me kujdes për zgjedhjet e produkteve tona.
Me kaq shumë premtime për gjithçka, nga nxitja e rritjes së flokëve tek ruajtja e ngjyrës, gjetja e shampos së duhur duket sfidë më vete, pasi nuk është e lehtë të kuptosh cilët përbërës të duhen dhe cilët duhet t’i shmangësh.
Një përbërës që duhet shmangur pavarësisht nga lloji i flokëve janë sulfatet. Ato janë përbërës pastrues që mund të shkaktojnë probleme. Sulfatet e zakonshme, si lauril, sulfati i natriumit, janë pastrues që heqin hidratimin nga flokët, duke i lënë të thatë dhe “pajetë”.
Edhe pse sulfatet ofrojnë pastrim të thellë, mund të bëjnë më shumë dëm sesa mirë. P.sh përdorimi i tyre shkakton njollë në flokët e lyer e lë skalpin e kokës të dehidratuar. Sulfatet pengojnë rritjen e shëndetshme, pasi thatësia e tepërt mund të ndikojë negativisht në lëkurën tonë.
Gjetja e shampos që nuk do t’i zhvesh flokët nga vajrat natyralë është e rëndësishme. Finn pranon se gjetja e ekuilibrit për këtë çështje është e vështirë për konsumatorin. Gjëja më e rëndësishme, është kujdesi për skalpin e kokës, i cili është baza për rritjen e shëndetshme të tyre.
Është thelbësore që skalpi të mbahet i pastër dhe i hidratuar që flokët të mbeten të shëndetshëm. Kur skalpi është në gjendje të mirë, ndihmon në parandalimin e rënies së flokëve. Në blerjen e radhës bëni kërkimin e duhur mbi problematikën që keni dhe merrni kohën tuaj për të lexuar përbërësit e produktit, ku mos harroni të evitoni produktet me sulfat.

Derisa rritemi, jemi të kushtëzuar të gjejmë një punë të mirë dhe të fitojmë një rrogë mujore. Kur zhvillojmë aftësi për të fituar para, ne nuk jemi të pajisur me mjetet dhe aftësitë se si të kursejmë para nga paga.
A zbrazet llogaria juaj bankare brenda pak ditësh nga marrja e pagës? A preokupoheni shpesh me mënyrën se si të kurseni para nga paga juaj çdo muaj?
Ky artikull ofron ide për fillimin e këtij udhëtimi drejt qëndrueshmërisë financiare.
Sa rrogë duhet të kurseni çdo muaj?
Sa më shumë të kurseni, aq më mirë është. Derisa nuk mund të bëni kompromis për nevojat thelbësore, ndjekja e rregullit 50-30-20 është një fillim i mirë. Sipas këtij rregulli: 50% e pagës suaj mund të shkojë për nevoja si qiraja, shërbimet komunale, transporti, ilaçet, sendet ushqimore dhe veshjet. Ju mund të buxhetoni 30% të pagës tuaj për dëshirat tuaja si vizitat në sallon, blerjet luksoze dhe pushimet e shtrenjta.
Ndërsa mund të mos kualifikohen si nevoja thelbësore, mund të jenë vendimtare për ndjenjën e mirëqenies dhe përmbushjes. Përdorni 20% të pagës për të ndërtuar kursime dhe investime. Derisa përparoni në rrugën e karrierës me të ardhura më të larta, rrisni përqindjen që shkon drejt kursimeve dhe investimeve, duke përshpejtuar rritjen e parave që kurseni.
Si të kurseni para nga paga juaj çdo muaj?
Kursimi nuk është shkencë e vështirë. Ndërtimi i zakoneve konstruktive është baza për të qenë më të përgjegjshëm në udhëtimin financiar. Krijimi i zakoneve ditore, mujore dhe vjetore mund të rrisë ndjeshëm kursimet e Ju ndihmoN të bënI jetë pa stres dhe financiarisht të qëndrueshme.
Ja disa hapa si të kurseni para nga paga çdo muaj
Bëni një plan buxhetor mujor
Shumë profesionistë vazhdojnë të pyesin si të kursejnë para nga paga mujore. Hapi i parë është të identifikoni sa para mund t’ia dilni t’i vendosni në një anë çdo muaj për kursime. Krijimi i një buxheti mujor mund t’ju japë një kuptim realist të shpenzimeve tuaja. Ky hap do t’ju ndihmojë gjithashtu të kuptoni se sa shumë po shkon drejt nevojave, dëshirave, shlyerjes së borxhit dhe kursimeve.
Përcillni shpenzimet tuaja
Një hap tjetër kritik është të dini sa shpenzoni në çdo kategori çdo ditë. Shumat e vogla shtohen në shuma të mëdha. Mund të shkarkoni një aplikacion për gjurmimin e parave dhe të automatizoni ushtrimin tuaj për të treguar shpenzimet tuaja.
Duhet ta përditësoni një herë në ditë . Gjatë kësaj periudhe, të dhënat e krijuara në aplikacion do t’ju japin njohuri nëse buxhetiduhet të rishqyrtohet.
Ju ndihmon të identifikoni fushat ku duhet të kontrolloni shpenzimet. P.sh mund të kuptoni se po shpenzoni më pak për fruta dhe shumë për të ngrënë jashtë. Korrigjimi i kursit është një pasojë e natyrshme.

Basha mbyll seancën konstituive, asnjë deputetë serbë nuk merr votat për nënkryetar

Murati: Sot është dita vendimtare për konstituimin e Kuvendit të Kosovës

Balje: Procesi për nënkryetarin e pestë kërkon vendim nga Gjykata Kushtetuese

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Lista Serbe dërgon ankesë në Gjykatën Kushtetuese për “shkelje të të drejtave të popullit serb” në Kuvend

Zemaj: VV po zvarrit konstituimin e Kuvendit për shkak të mungesës së numrave për qeveri

Qalaj: Nuk e votoj Nenad Rashiqin, nuk dua të jem pjesë e shkeljeve kushtetuese

Albulena Haxhiu: Nëse dështon shorti, nuk ka arsye për mbledhje pas 48 orëve

Luka Modric: “Serie A është një ligë shumë e vështirë, por e shijoj çdo moment”
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA