Google dhe një grup i botuesve francezë kanë arritur marrëveshje në lidhje me të drejtat autoriale.

Sipas kësaj marrëveshje, gjiganti amerikan i teknologjisë, Google do të paguajë botuesit francezë për përmbajtjen online të tyre, njofton Reuters.

Deri më tani Google kishte nënshkruar vetëm marrëveshje individuale me pak publikues duke përfshirë këtu të përditshmet nacionale franceze “Le Monde” dhe “Le Figaro”.

Marrëveshja e nënshkruar përfshinë kriteret si volumi ditor i publikimeve, trafiku mujor në internet dhe “kontributin në informacionin politik dhe të përgjithshëm”, thuhet në njoftimin e përbashkët.

Kjo marrëveshje vjen disa muaj pas bisedave që janë zhvilluar mes Google, publikuesve francezë dhe agjencive të lajmeve franceze se si të aplikohen rregullat e riorganizuara të Bashkimit Evropian në lidhje me të drejtën autoriale, të cilat lejojnë botuesit të kërkojnë një tarifë nga platformat online që tregojnë ekstrakte të lajmeve të tyre.

BMW kishte një rënie të shitjeve në Shtetet e Bashkuara vitin e kaluar, me rreth 17.7 për qind ose 278,732 njësi, por vazhdon të jetë automjeti më i kërkuar.

Në vendin e dytë është Lexus me 275.041 automjete të shitura, dhe i treti ishte Mercedes me 274.916 njësi të makinave të shitura.

Interesante, i vetmi me një rezultat pozitiv është Volvo, i cili u rrit me 1.8% krahasuar me 2019.

Sa i përket modeleve, BMW më e shitur ishte X3 (59.941), ndërsa Mercedesi më i njohur ishte gjithashtu një SUV, GLC me 52.626 njësi të shitura.

Nga ana tjetër, Lexus mbajti shitje të larta dhe kaloi para Mercedes, falë RX me deri në 101.059 automjete të shitura.

YouTube është rrjeti i fundit social që ka pezulluar llogarinë e presidentit Donald Trump.

Kjo kompani nën pronësi të Google ka parandaluar llogarinë e tij nga ngarkimi i videove të reja ose materialeve live për minimum shtatë ditë, dhe thuhet se mund ta zgjasë këtë periudhë.

Kjo u bë për shkak të shkeljes së rregullave kundër nxitjes së dhunës./UBTNews

Presidentit Donald Trump iu lejua qasja në Twitter sërish, pas 12 orësh prej kur iu bllokua llogaria e tij.

Para se t’i bllokohej llogaria, ai shkroi disa postime të mërkurën duke i quajtur protestuesit ‘patriotë’.

Trump u paralajmërua nga rrjetet sociale se llogaritë e tij do t’i bllokohen për një kohë më të gjatë nëse i shkel rregullat e plaftormave.

Faqet e tjera të mediave sociale si Facebook, Instagram dhe platforma e njohur e lojrave, Twitch, kanë qenë më të rrepta. Twitch ka vendosur një ndalim të pacaktuar në kanalin e Trumpit, ndërsa Facebook ka pezulluar presidentin nga faqja e tij, dhe nga Instagrami për dy javët e ardhshme./UBTNews