Lajmet

“Njerëzit që vishen mirë ndihen më të fuqishëm”

Published

on

Edhe pse shprehja thotë ‘Mos i shiko gunën, por shikoi punën,’ studimet e fundit kanë treguar se lidhja midis këtyre të dyjave qenka më e fortë.

Siç e thekson dhe Wall Street Journal, mënyra se si visheni në punë ka një vlerë të veçantë.

Studimet tregojnë se mënyra se si visheni ndikon në mënyrën se si njerëzit ju vlerësojnë, sa vetbesim keni dhe sa i aftë jeni për të menduar në mënyrë abstrakte.

Në një studim të kryer në Yale në vitin 2014, u përzgjodhën 128 burra nga mosha 18 deri në 32, të cilët duhet të bënin negociata për shitjet dhe blerjet.

Ata që ishin veshur keq (tuta dhe sandale plastike) morën një përfitim prej 680 000 dollarësh, ndërkohë grupi i veshur me kostume grumbulloi 2.1 milionë dollarë. Grupi i veshur thjesht mori një përfitim mesatarisht prej 1.58 milionë dollarësh.

Në një studim tjetër, pjesëmarrësit e veshur mirë ishin më të angazhuar te qëllimi, duke i menduar gjërat si një CEO, ndërkohë që ata të veshur jo-mirë shqetësoheshin vetëm për detajet e vogla.

“Njerëzit që vishen mirë ndihen më të fuqishëm”, thotë Michael L. Slepian, bashkautor i studimit dhe asistent pedagogu në Shkollën e Biznesit të Kolumbisë. “Kur ndihesh më i fuqishëm, ti nuk fokusohesh në detaje”.

Si ju duket kjo këshillë për stilin tuaj të përditshëm? Në kodin e sotëm të veshjes së zyrës, paraqitja e jashtme mund të ketë një efekt edhe më të madh.

Por sigurohuni që të ndiqni rregullin “plus ose minus një” për veshjen në kompani. Për shembull, në qoftë se shumica e njerëzve në zyrë veshin këmisha serioze, ju mund të vendosni një xhaketë sportive. Nëse shumica e njerëzve veshin xhaketë dhe xhinse, ju mund të vishni një kostum. Dhe kështu me radhë.

Lajmet

Një shtetas turk arrestohet për keqpërdorim të kartelave bankare në Prishtinë

Published

on

Policia e Kosovës ka njoftuar se të enjten është arrestuar një shtetas turk, i dyshuar për lëshim të çeqeve pa mbulesë ose të rreme dhe keqpërdorim të kartelave të bankës apo kreditit.

Arrestimi ka lidhje me një rast që ka ndodhur më 20 shkurt të këtij viti, kur ishin arrestuar edhe tre shtetas të huaj për këtë vepër. Si rezultat i hetimeve të mëtejshme dhe angazhimeve të njësive policore, më 3 prill 2025, është arrestuar shtetasi turk, i cili është dërguar në mbajtje me vendim të prokurorit.

“Si rezultat i angazhimeve të njësive policore lidhur me rastin me datë 03.04.2025 është arrestuar i dyshuari mashkull shtetas i Turqisë. Me vendim të prokurorit i njëjti është dërguar në mbajtje”, thuhet në raportin e Policisë.

Në shkurt të këtij viti, Policia e Kosovës kishte njoftuar se kishte arrestuar tre persona nën dyshimin se kishin keqpërdorur kartela bankare. Gjatë hetimeve, Drejtoria e Hetimit të Krimeve Kibernetike kishte kryer kontrolle në tri lokacione në Prishtinë, ku dy nga të dyshuarit ishin shtetas turq dhe një shtetas i Maqedonisë së Veriut.

Continue Reading

Lajmet

Lirohet në procedurë të rregullt i dyshuari për shitje të paautorizuar të armëve

Published

on

Policia e Kosovës ka njoftuar se në Skenderaj është arrestuar dhe më pas është liruar në procedurë të rregullt një i dyshuar për import, eksport, furnizim, transportim dhe shitje të paautorizuar të armëve dhe materieve plasëse.

I dyshuari, një mashkull kosovar, është arrestuar të enjten dhe është intervistuar nga autoritetet. Pas intervistimit, dhe në përputhje me vendimin e prokurorit, ai është liruar.

“Është arrestuar i dyshuari mashkull kosovar nën dyshimin se ka kryer veprën penale të lartpërmendur. Lidhur me rastin është njoftuar prokurori dhe, pas intervistimit, me vendim të tij i dyshuari është liruar në procedurë të rregullt”, thuhet në raportin 24-orësh të Policisë së Kosovës.

Continue Reading

Bota

Scholz: Nuk mund ta imagjinojë Netanyahun të arrestohet në Gjermani

Published

on

Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.

Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”

Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.

Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Continue Reading

Bota

Çmimi i naftës bie pas tarifave të Trump

Published

on

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.

Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.

Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.

Continue Reading

Të kërkuara