Kulturë

Njerëzit e kënaqur nuk ua prishin jetën të tjerëve

Nuk kanë arsye të përpiqen të sabotojnë rrugët e njerëzve të tjerë.

Published

3 years ago

on

Njerëzit që janë të kënaqur me ekzistencën e tyre, ata që kanë një ndërgjegje të pastër dhe që përballen me ditët me një buzëqeshje, nuk e shkatërrojnë jetën e të tjerëve, nuk kanë arsye të përpiqen të sabotojnë rrugët e njerëzve të tjerë.

Njerëzit e kënaqur me ekzistencën e tyre, me siguri nuk përpiqen as të shkatërrojnë jetën e të tjerëve. Shumë njerëz të cilët janë të mërzitur gëzojnë kur pengojnë të tjerët, duke i bërë ata të ndjehen të paaftë. Në realitet kjo sjellje pasqyron jetën e tyre të trishtuar, sepse ata që janë të lumtur nuk e humbasin kohën duke u përpjekur të sabotojnë ata që takojnë.

Me siguri do të humbnim një ditë të tërë nëse secili prej nesh fillon të llogarisë se sa njerëz përpiqen për të na distancuar nga qëllimet tona. Për fat të keq, shumë nuk kanë drejtim, ata nuk kanë asnjë ide se çfarë të bëjnë me jetën e tyre. Pra, në vend që të përdorin kohën e tyre për t’u rritur, ata preferojnë të provokojnë ata që bëjnë diçka produktive në një përpjekje për të minuar besimin e tyre.

Dhe është trishtuese, sepse çdo herë që jemi të lumtur për diçka të mirë, pothuajse nuk e shijojmë momentin për shkak të dikujt që përpiqet të minimizojë suksesin tonë. Dhe ai e bën atë qëllimisht, për të na ndotur me energjitë e tij negative. Dhe është e kuptueshme të ndihemi të zemëruar, por duhet të përpiqemi të jemi më të fortë, të buzëqeshim dhe të shkojmë përpara në rrugën tonë.

Në fakt, shumica e këtyre njerëzve nuk e kanë kuptuar ende atë që dëshirojnë në jetë, ata nuk e dinë se cilën rrugë të marrin, zgjohen në mëngjes dhe nuk dinë se për çfarë të buzëqeshin. Ata nuk janë armiq për t’u mposhtur, por njerëz që duhet të kërkojnë ndihmë për të mposhtur këtë pakënaqësi të përjetshme që i godet ata. Për veten tonë, ne nuk mund të bëjmë asgjë, por vetëm t’i injorojmë ato.

Dhe është e vërtetë, duhet shumë durim për të jetuar nën shoqërinë e tyre, por duhet të mendojmë se provokimet e tyre të vazhdueshme, gërmimet e tyre, janë një simbol i qartë i suksesit tonë, se po bëjmë diçka të mirë. Njerëzit të cilët janë të kënaqur dhe të fokusuar në vetvete zhvillojnë një forcë që nuk mund të shkatërrohet nga askush dhe që i sjell ato më afër qëllimit tjetër. Të frustuarit kanë ekzistuar dhe do të ekzistojnë gjithmonë, varet nga ne nëse do t’i lejojmë që të vjedhin paqen tonë apo jo.

Related Topics:
Continue Reading

Magazinë

Jeff Bezos nuk plotëson ‘TEKAT’ e Lady Gaga-s, këngëtarja nuk performoi në dasmën e miliarderit

Published

15 hours ago

on

July 3, 2025

By

Një nga thashethemet më të përhapura ishte se Lady Gaga kishte kërkuar një tarifë prej pesë milionë eurosh…

Jeff Bezos dhe Lauren Sánchez i thanë “Po” njëri-tjetrit në një ceremoni madhështore në Venecia të Italisë.

Ndërkohë, mungesa e këngëtares Lady Gaga, në këtë dasmë ka shkaktuar shumë spekulime dhe thashetheme në media. Në fillim, u tha se këngëtarja 39-vjeçare ishte planifikuar të performonte gjatë kësaj ceremonie madhështore.

Kjo ka ngjallur shumë dyshime, duke bërë që mediat dhe fansat të spekulojnë për arsyet e mungesës së saj.

Një nga thashethemet më të përhapura ishte se Lady Gaga kishte kërkuar një tarifë prej pesë milionë eurosh për të performuar në dasmën e Bezos, një shumë që thuhet se themeluesi i Amazon nuk e ka pranuar.

Megjithatë, një burim i afërt me çiftin i ka thënë “Daily Mail”-it se këto spekulime janë të pabaza dhe që mungesa e Lady Gaga nuk ka të bëjë me çështjen e pagesës. Sipas këtij burimi, asnjë ofertë serioze nuk e ka joshur këngëtaren për t’u angazhuar në dasmë.

Continue Reading

Magazinë

Përplasja ligjore Blake Lively – Justin Baldoni – Aktorja kërkon prova nga emra të famshëm

Published

15 hours ago

on

July 3, 2025

By

Aktorja e famshme, Blake Lively, ka nisur veprime të reja ligjore në betejën e saj kundër aktorit dhe regjisorit, Justin Baldoni.

Blake ka nisur veprime të reja ligjore në betejën e saj kundër aktorit dhe regjisorit Baldoni, të cilin e akuzon për ngacmim seksual dhe hakmarrje.

Të gjitha këto akuza janë hedhur poshtë nga Baldoni. TMZ shkruan se avokatët e Lively-t kanë nisur thirrje zyrtare ndaj tre emrave të njohur në rrjet: Perez Hilton, Candace Owens dhe Andy Signore, për të mbledhur prova për një fushatë të mundshme njollosjeje nga Baldoni.

Candace Owens reagoi, tha se nuk ka marrë asnjë thirrje dhe ironizoi faktin që lajmi u publikua para se të njoftohej. Hilton dhe Signore nuk kanë komentuar. Padia kundërpërgjigje prej 400 milionë dollarësh e Baldonit ndaj Lively dhe bashkëshortit Ryan Reynolds, u hodh poshtë muajin e kaluar nga gjykata.

Çështja vazhdon të përfshijë edhe emra të tjerë të njohur, përfshirë Scooter Braun, Taylor Swift dhe Hugh Jackman, të cilët janë përfshirë përmes thirrjeve ose komunikimeve të përmendura në proces.

Continue Reading

Magazinë

Lauren Sanchez zbulon fustanin e nusërisë që u qep për 900 orë

Published

19 hours ago

on

July 3, 2025

By

Mes bujës ekstreme që rrethoi dasmën e saj italiane me Jeff Bezos, Sanchez më në fund zbuloi fustanin e saj të shumëpritur të nusërisë.

Ajo zgjodhi miqtë e saj, stilistët italianë Domenico Dolce dhe Stefano Gabbana të Dolce & Gabbana, për të krijuar fustanin, dhe në vend që të shtynte kufijtë me një siluetë moderne, Sanchez donte një shkëlqim të përjetshëm. Kështu që, ajo iu drejtua të së kaluarës.

Më konkretisht, nusja u rikthye në vitet ’50-të për frymëzim.

Fustani është bazuar në atë që Sophia Loren veshi për t’u martuar me Cary Grantin në filmin e vitit 1958 ”Houseboat” .

Ndërkaq, e gjithë velloja që mund ta shihni në fotografi u realizua për mbi 900 orë punë.

Continue Reading

Kulturë

Shote Galica, Heroina e Popullit dhe simboli i qëndresës shqiptare

Published

19 hours ago

on

July 3, 2025

By

Në fillim të muajit korrik, shënohet 98-vjetori i ndarjes nga jeta e Qerime Galicës, e njohur si Shote Galica, Heroinë e Popullit dhe simbol i qëndresës shqiptare dhe luftës për liri.

Shote Galica luftoi për 12 vjet si pjesëmarrëse në mbi 40 aksione të rëndësishme luftarake, në të cilat humbi 22 anëtarë të familjes. Ajo ishte luftëtare për çlirimin e Kosovës nga pushtuesit serbë, austro-hungarezë, bullgarë e jugosllavë.

Shote Galica lindi në katundin Radishevë të Drenicës. Mori pjesë në kryengritjet kundër osmanëve në vitet 1909-1912 dhe në qëndresën e armatosur kundër serbëve në vitet 1912-1915. Në vjeshtën e vitit 1915, u rreshtua në çetën e kryengritësve të Drenicës përkrah bashkëshortit të saj Azem Galica. Mori pjesë në luftimet e vjeshtës 1918 për çlirimin e Drenicës, Podgorit dhe Pejës. Pas Luftës I Botërore e vazhdoi qëndresën kundër politikës serbomadhe të dhunës e shkombëtarizimit në Kosovë. Në prill-qershor 1919 mori pjesë përkrah Azemit, në Kryengritjen e Rrafshit të Dukagjinit e të Drenicës. Në vitet 1921-1923 luftoi për mbrojtjen e Zonës Neutrale të Junikut dhe në vitin 1923-1924 të zonës së lirë të Drenicës, në Arbaninë e Vogël.

Në ballafaqimet politike në Shqipërinë e viteve 1921-1924, ishte përkrahëse e opozitës demokratike dhe mbështetëse e qeverisë së Fan Nolit. Në dhjetor 1924 mori pjesë në radhët e luftëtarëve të Bajram Currit duke pritur me armë në kufi forcat e Ceno bej Kryeziut. U rikthye në Kosovë, ku mbajti gjallë në popull frymën e qëndresës antiserbe.

Më 1926, e plagosur dhe e sëmurë, u vendos në Shqipëri, në Shullaz, pranë Milotit dhe më pas në Derven të Fushë-Krujës. Ndonëse në gjendje të vështirë dhe pa burime ekonomike, u kujdes për tre fëmije jetimë të bashkëluftëtareve të vrarë. Ndërroi jetë në Fushë-Krujë, aty ku prehet edhe sot e kësaj dite.

Continue Reading

Të kërkuara