Lajmet

“Njerëz, planeti po mbytet nga ndryshimet klimatike”, thotë zyrtari i OKB-së për raportin e ri

Ndryshimet klimatike prekin pothuajse çdo aspekt të jetës në Tokë.

Published

4 years ago

on

Ndërsa bota po vërshohet nga lajmet rreth pushtimit rus të Ukrainës këtë javë, një grup shkencëtarësh ndërkombëtarë paralajmërojnë botën se nuk duhet të largojë vëmendjen nga një kërcënim tjetër i madh, ndryshimi i klimës.

Ndryshimet klimatike prekin pothuajse çdo aspekt të jetës në Tokë, zbuloi një raport i ri nga Paneli Ndërqeveritar i Kombeve të Bashkuara për Ndryshimet Klimatike.

Për më tepër, disa komunitete dhe ekosisteme po goditen aq shumë, saqë mund të mos jenë në gjendje të përshtaten, sipas raportit.

“Raporti i sotëm i IPCC është një atlas i vuajtjes njerëzore dhe një aktakuzë mallkimore e lidershipit të dështuar të klimës. Në fakt, ky raport zbulon se si njerëzit dhe planeti po goditen nga ndryshimet klimatike”, tha Sekretari i Përgjithshëm i OKB-së, Antonio Guterres, në komentet gjatë një konference për shtyp të hënën në mëngjes.

“Dëshmitë shkencore janë të qarta. Ndryshimet klimatike janë një kërcënim për mirëqenien njerëzore dhe shëndetin e planetit“, tha mes tjerash paneli.

Ky raport është publikuar të hënën është pjesë e një serie raportesh nga IPCC, një grup ekspertësh të shkencës së klimës që këshillojnë qeveritë për çështje të lidhura me klimën, siç është Marrëveshja e Parisit.

Të gjitha palët në Marrëveshjen e Parisit janë planifikuar të takohen në Egjipt në nëntor të këtij viti për të diskutuar se si do të përmbushin qëllimet për të reduktuar në mënyrë dramatike emetimet e gazeve serrë dhe si të përmbushin angazhimet për të ofruar mbështetje financiare për vendet që tashmë po përjetojnë ndikime shkatërruese si pasojë e ndryshimeve klimatike.

“Ky raport përmban me të vërtetë informacion i cili po na tregon realisht se sa urgjente është kjo çështje”, tha Sarah Cooley, drejtore e shkencës klimatike në Ocean Conservancy dhe autorja kryesore e kapitullit të raportit mbi oqeane.

“Por është gjithashtu plot me informacione se çfarë opsionesh të mira i kemi në dispozicion tani, të cilat tashmë po tentohen, por duhet të institucionalizohen dhe zgjerohen, në mënyrë që të mund të shfrytëzojmë sa më shumë mundësitë që mbeten para nesh”, shtoi ajo./UBTNews/

Related Topics:
Continue Reading

Lajmet

Dëmtohet objekti në Kompleksin Memorial “Zahir Pajaziti”

Published

5 minutes ago

on

July 8, 2026

By

Policia e Kosovës ka njoftuar për një rast të asgjësimit ose dëmtimit të pasurisë së huaj në Kompleksin Memorial “Zahir Pajaziti”, në Orllan të Podujevës.

Sipas raportit 24-orësh të Policisë, rasti dyshohet të ketë ndodhur në periudhën nga 30 maji deri më 30 qershor të këtij viti.

Pas pranimit të informatës, njësitet policore kanë dalë në vendin e ngjarjes, ku në objektin përcjellës të kullës kanë konstatuar disa dëmtime në tavan dhe në korridor.

Lidhur me rastin është njoftuar prokurori kompetent, ndërsa Policia e Kosovës ka bërë të ditur se rasti është iniciuar si “Asgjësim apo dëmtim i pasurisë së huaj”. Hetimet për zbardhjen e plotë të rrethanave të ngjarjes janë duke vazhduar./A.K/

Continue Reading

Lajmet

Dy raste të dhunës në familje brenda një dite në Pejë, arrestohet një person

Published

57 minutes ago

on

July 8, 2026

By

Brenda një dite, në qytetin e Pejës janë regjistruar dy raste të ndryshme të dhunës në familje, të cilat kanë kërkuar ndërhyrjen e menjëhershme të Policisë së Kosovës.

Rasti i parë ka ndodhur pasditen e së martës, rreth orës 16:50, ku është arrestuar një burrë. Sipas policisë, ai ka sulmuar fizikisht bashkëshorten e tij pas një mosmarrëveshjeje të çastit. Viktima nuk ka pranuar tretman mjekësor dhe, për shkaqe sigurie, është dërguar në strehimore së bashku me fëmijët e saj. I dyshuari, pas intervistimit nga organet e rendit, me vendim të prokurorit është dërguar në mbajtje.

Ndërkaq, rasti i dytë është raportuar më vonë gjatë mbrëmjes, rreth orës 22:10. Një burrë ka njoftuar policinë se pas një mosmarrëveshjeje është sulmuar fizikisht nga njerka e tij. Viktima po ashtu nuk ka pasur nevojë për tretman mjekësor, ndërsa e dyshuara është shoqëruar në stacionin policor. Pas përfundimit të procedurave të intervistimit, prokurori ka vendosur që ajo të lirohet dhe rasti të vazhdojë në procedurë të rregullt. /E.A/

Continue Reading

Lajmet

Galeria Kombëtare e Kosovës rihap dyert pas rinovimit dhe zgjerimit më të madh pas luftës

Published

1 hour ago

on

July 8, 2026

By

Galeria Kombëtare e Kosovës do të rihapë dyert për publikun më 9 korrik, në orën 19:00, pas përfundimit të procesit të rinovimit dhe zgjerimit, i cilësuar si më i rëndësishmi në historinë e saj të pasluftës.

Si institucioni qendror i vendit për artin modern dhe bashkëkohor, Galeria Kombëtare e Kosovës do ta shënojë këtë moment me një ceremoni të hapur për të gjithë qytetarët.

Rihapja pritet të shënojë një kapitull të ri për institucionin, duke ofruar hapësira të përmirësuara për ekspozita, aktivitete artistike dhe programe kulturore, në funksion të zhvillimit dhe promovimit të artit bashkëkohor në Kosovë.

Ngjarja do të mbahet më 9 korrik, duke filluar nga ora 19:00, ndërsa hyrja do të jetë e lirë për të gjithë të interesuarit./A.K/

Continue Reading

Lajmet

Zhduket një burrë në Gjilan

Published

1 hour ago

on

July 8, 2026

By

Në raportin 24 orësh të Policisë së Kosovës është raportuar për zhdukjen e një burri në Gjilan.

Rasti është raportuar nga bashkëshortja e personit të zhdukur, e njëjta i ka thënë Policisë se nga data 05.07.2026 është larguar nga shtëpia personi dhe me nuk ka pasur kontakte me familjaret.

Lidhur me rastin, është informuar edhe prokurori, ndërsa njësitet policore janë duke hetuar rastin. /E.A/

Continue Reading

Të kërkuara