Lajmet

Një zyrtar i OKB-së paralajmëron konflikt të brendshëm dhe thellim të varfërisë në Afganistan

Potzel tha se situata ekonomike gjithashtu “mbetet e dobët”.

Published

4 years ago

October 2, 2022

Betim Gashi

Një zyrtar i lartë i OKB-së paralajmëroi të martën një konflikt të mundshëm të brendshëm dhe përkeqësim të varfërisë në Afganistan nëse talibanët nuk u përgjigjen shpejt nevojave të shoqërisë, duke thënë se goditja e tyre ndaj të drejtave të vajzave dhe grave sinjalizon indiferencë për mbi 50% të popullsisë së Afganistanit dhe gatishmërisë për të rrezikuar izolimin ndërkombëtar.

Markus Potzel, zëvendëspërfaqësuesi i OKB-së për Afganistanin i tha Këshillit të Sigurimit se disa nga “arritjet e pretenduara dhe të pranuara” të talibanëve po i kontribuojnë situatës.

Sipas tij, Afganistani po përballet me rritje të vazhdueshme të përleshjeve të armatosura, aktiviteteve kriminale dhe sulmeve terroriste të profilit të lartë, veçanërisht nga grupi ekstremist i Shtetit Islamik, i cili sipas Potzel, dëshmoi muajt e fundit se mund të kryejë vrasje të figurave pranë talibanëve, të sulmojë ambasadat e huaja, të hedhë raketa kundër fqinjve të Afganistanit dhe të vazhdojë fushatën e gjatë kundër myslimanëve shiitë dhe pakicave etnike.

Potzel tha se situata ekonomike gjithashtu “mbetet e dobët”, për shkak se siguria ushqimore po përkeqësohet dhe dimri po afrohet./UBTNews/

Lajmet

Chelsea po insiston për Granit Xhakën, Sunderlandi s’e lëshon

Published

1 hour ago

June 29, 2026

UBTNews

Chelsea nuk ka hequr dorë nga transferimi i Granit Xhakës gjatë kësaj vere.

Sipas gazetarit Florian Plettenberg, klubi londinez pritet të zhvillojë një raund të ri bisedimesh me Sunderlandin të hënën, pasi oferta e parë prej 8 milionë eurosh u refuzua menjëherë.

Sunderlandi ka bërë të qartë se kapiteni i tyre nuk është në shitje dhe nuk kanë ndërmend të shqyrtojnë oferta të tjera. Megjithatë, Xhaka mbetet i interesuar për kalimin në “Stamford Bridge”, ku dëshiron të ribashkohet me trajnerin Xabi Alonso.

Plettenberg ka bërë të ditur se transferimi mbetet i vështirë, por nuk ka dështuar. Ndërkohë, mesfushori aktualisht është i fokusuar në Botërorin 2026, ku me Zvicrën ka kaluar në fazën e eliminimit direkt dhe do të përballet me Algjerinë. /E.A/

Lajmet

Policia gjen armë AK-47 në veturën e një të aksidentuari në Gllogoc

Published

1 hour ago

June 29, 2026

UBT News

Policia e Kosovës ka konfiskuar një armë zjarri të tipit AK-47 me 20 fishekë, pasi ndërhyri në një aksident trafiku në Gllogoc.

Sipas policisë, i dyshuari, një mashkull kosovar, ishte vetaksidentuar, ndërsa gjatë intervenimit në vendin e ngjarjes, zyrtarët policorë gjetën armën brenda veturës së tij.

Arma dhe municioni janë konfiskuar, ndërsa i dyshuari, pas intervistimit, është liruar në procedurë të rregullt me urdhër të prokurorit./A.K/

Lajmet

Motoçiklisti humb jetën pas aksidentit me veturë në Gjakovë

Published

1 hour ago

June 29, 2026

UBT News

Një motoçiklist ka humbur jetën si pasojë e një aksidenti trafiku që ka ndodhur në Gjakovë.

Sipas Policisë së Kosovës, aksidenti ka ndodhur mes një motoçiklete dhe një veture, të cilat drejtoheshin nga dy meshkuj kosovarë.

Si pasojë e përplasjes, motoçiklisti pësoi lëndime të rënda dhe u dërgua në Emergjencë, ku më vonë ndërroi jetë.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i veturës është ndaluar për 48 orë. /A.K/

Lajmet

Aksident me fatalitet në Vërmicë, humb jetën një këmbësor

Published

2 hours ago

June 29, 2026

UBT News

Një person ka humbur jetën si pasojë e një aksidenti trafiku që ka ndodhur në Pikën e Kalimit Kufitar në Vërmicë.

Sipas Policisë së Kosovës, viktima është goditur nga një veturë që drejtohej nga një shtetas i Shqipërisë.

Në vendin e ngjarjes kanë dalë njësitë përkatëse, ndërsa mjeku kujdestar ka konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i automjetit është ndaluar për 48 orë./A.K/