Aktualitet

Një qasje e re për strategjinë e ardhshme për parandalimin e ekstremizmit të dhunshëm dhe radikalizimit në Kosovë

Published

4 years ago

on

Strategjia aktuale për Parandalimin e Ekstremizmit të Dhunshëm dhe Radikalizmit që shpie në Terrorizëm 2015 – 2020 ka përfunduar vitin e kaluar, dhe kjo paraqet një mundësi për një qasje të re, e cila fokusohet në zgjidhjen e faktorëve që krijojnë cenueshmëri në shoqëri, siç janë mungesa e mundësive për të rinjtë, papunësia, mungesa e fokusit në edukimin dixhital dhe mediet sociale, cilësia e dobët e arsimit sidomos në shkollat e mesme, mungesa e mbështetjes për zhvillimin e mendimit kritik për të rinjtë dhe izolimi i vendit. Qasja e re duhet të bazohet në komunitet, duke mbështetur udhëheqësit lokalë dhe shoqërinë civile për të forcuar rezistencën kundër ideve radikale si dhe ekstreme.

Në thelb, qasja e re duhet të jetë bashkëpunuese me shoqërinë civile, akademinë, institucionet fetare dhe udhëheqësit në komunitet, në lagje e fshtara, dhe të shmangën gabimet e së kaluarës, kur individë që thjesht kanë praktikuar fenë nga bindja e tyre janë promovuar si radikal. Kosova duhet të jetë e hapur dhe tolerante, dhe më e rëndësishmja laike. Kjo do të thotë të mos margjinalizohen njerëz të cilët janë të përkushtuar ndaj besimeve të tyre fetarë, por të mbështeten ata të mbrojnë kornizën e tyre normative ndaj cenimeve të jashtme për për të ri-definuar domethënien e besimeve dhe simboleve fetare.

Një tjetër tipar i rëndësishëm i një qasjeje të ndryshmë në zhvillimin e strategjisë së ardhshme për ballfaqim me ekstremizimin e dhunshëm është të avancohet policimi në bashkësi. Qeveria e Kosovës tashmë ka zhvilluar një dokument strategjik për sigurinë në bashkësi. Strategjia Nacionale për Siguri në Bashkësi dhe Plani i Veprimit 2018 – 2023 thekson bashkëpunimin me institucionet vendore si dhe koordinimin ndërinstitucional në të gjitha nivelet dhe bashkëpunimi me qytetarë si një qasje thelbësore për të trajtuar ato që strategjia i quan “dukuri negative”. Duhet të analizohet nëse një strategji e tillë duhet të jetë një dokument strategjik i pavarur ose i integruar në një strategji të përgjithshme për sigurinë kombëtare ose strategjinë e ardhshme kundër ekstremizmit të dhunshëm. Policia e Kosovës tashmë ka kapacitetet dhe përvojën e nevojshme për të avancuar më tej qasjen e policimit në bashkësi si një mekanizëm i paralajmërimit të hershëm.

Sidoqoftë, policimi në komunitet nuk duhet të jetë vetëm përgjegjësi e policisë. Është e rëndësishme të angazhohen dhe legjitimohen liderët dhe qytetarët lokalë për të kontribuar për sigurinë e bashkësisë. Përdorimi i tepërt i mekanizamve të sigurisë në qasjen institucionale të punës me bashkësinë mund të ndikojë negativisht në përpjekjet e de-radikalizimit.

Një aspekt tjetër i rëndësishëm për strategjinë e ardhshme duhet të jetë një zhvendosje konceptuale e kuptimit të radikalizimit dhe ekstremizmit të dhunshëm. Shoqëria në Kosovë duhet të ketë kujdesë që të mos i fusin të gjithë ata që praktikojnë ose respektojnë bindjet e tyre fetare ose kulturore në të njëjtën shportë dhe t’i markojnë si radikalë. Të kesh ide radikale nuk është e paligjshme në Kosovë dhe në vende demokratike, por zgjedhja për të vepruar për arritjen e këtyre ideve përmes mjeteve jo-institucionale dhe të paligjshme, pra përmes dhunës është një akt kriminal ose terrorist. Strategjia e Shqipërisë ofron një perspektivë interesante në këtë drejtim. Strategjia kombëtare e Shqipërisë kundër ekstremizmit të dhunshëm në mënyrë të qartë thekson se “Radikalizimi në dhunë” është “një vendim për të anashkaluar proceset politike apo metodat jo të dhunshme të nxitjes së ndryshimit, duke favorizuar përdorimin e metodave të dhunshme për të sjellë ndryshimin.” Ndërsa “Ekstremizëm i dhunshëm”, është “përdorimi i dhunës për arritjen e objektivave politikë”. Pra, na duhet një zhvendosje konceptuale se si e kuptojmë se çfarë është radikalizimi dhe kur paraqitet si një problem që kërkon ndërhyrje nga sektori publik, ose qeveria.

Promovimi i deradikalizimit duhet të përqendrohet në premisën e ruajtjes së kohezionit shoqëror. Kjo mund të bëhet duke promovuar respektimin e kornizave normative, përfshirë traditat. Po ashtu, kjo mund të arrihet duke integruar një qasje të bazuar në bashkësi.

Ky artikull botohet në kuadër të projektit të përbashkët CBM/KIP që promovon fuqizimin e ndikimit në trajtimin e ekstremizmit të dhunshëm, përkrahur nga Ambasada e Mbretërisë së Holandës. Sidoqoftë, mendimet e shprehura në këtë artikull nuk pasqyrojnë ato të Ambasadës Hollandeze në Kosovë.

Related Topics:
Continue Reading

Aktualitet

Vendimi i gjykatës: Popoviq dëbohet nga Kosova

Published

2 hours ago

on

August 8, 2025

By

Igor Popoviq është shpallur fajtor dhe është dënuar nga Gjykata Themelore në Prishtinë me gjobë prej 3 mijë eurosh dhe me masën plotësuese të dëbimit nga territori i Kosovës për një periudhë dyvjeçare, pas arritjes së marrëveshjes për pranimin e fajësisë me Prokurorinë Speciale të Republikës së Kosovës.

Sipas aktakuzës së ngritur më 4 gusht 2025 nga PSRK-ja , Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, me dashje dhe me qëllim ka nxitur dhe përhapur publikisht urrejtje dhe mos durim midis grupeve etnike.

Në atë mënyrë që i njëjti me datën 18 korrik 2025, rreth orës 12:00 në Rahovec ka mbajtur një fjalim publik me të cilin i është drejtuar një mase të gjerë të qytetarëve, ku mes tjerash ka përdorur gjuhë me përmbajtje nxitëse dhe urrejtëse.

Kryetari i trupit gjykues, gjyqtari Kujtim Krasniqi, tha se i akuzuari Igor Popoviq, me është shpallur fajtor për veprën penale “nxitja e përçarjes dhe mosdurimit” nga neni 141, paragrafi 1 i Kodit Penal të Republikës së Kosovës.

Sipas tij, gjykata, në përputhje me dispozitat penale dhe procedurale, e ka dënuar Popoviqin me 6 muaj burgim, dënim i cili, me pëlqimin e të akuzuarit, zëvendësohet me gjobë në shumën prej 3 mijë eurosh.

Krasniqi tha se gjykata ka shqiptuar edhe dënim plotësues, dëbimin e Popoviqit nga territori i Republikës së Kosovës dhe ndalimin e hyrjes së tij për një periudhë prej dy vitesh.

“I akuzuari Igor Popoviq me shënime personale si në shkresë të lëndës është fajtor për veprën penale nxitja e përqarjes dhe mos durimit nga neni 141, paragrafi 1 i kodit penal të Republikës së Kosovës. Andaj gjykata konform dispozitave penale dhe procedurale të njëjtin e gjykon me dënim me burgim me kohëzgjatje prej 6 muajve, i cili dënim me pëlqimin e të akuzuarit zëvendësohet me dënim me gjobë në shumën prej 3 mijë eurove… Koha e kaluar në masën e paraburgimet nga data 18.07.2025 deri më datën 08.08.2025 i llogaritet në dënimin me burgim të shqiptuar. Po ashtu, Gjykata i shqipton edhe dënim plotësues. Urdhërohet dëbimi i të pandehurit Igor Popoviq nga territori i Republikës së Kosovës dhe i ndalohet hyrja për dy vite”, tha Krasniqi.

Mëngjesin e sotëm, më 8 gusht, Prokuroria Speciale i propozoi gjykatës që ndaj Popoviqit të shqiptohet i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.

Sot, prokurorja e rastit, Fikrije Krasniqi-Zejnullahu i propozoi gjykatës që ndaj Popoviqit të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.

Avokati i Popoviq, Millosh Delliviq tha se i qëndrojnë mbrapa marrëveshjes së arritur me Prokurorinë Speciale.

Kujtojmë se arrestimi i Popoviq ndodhi pas mbajtjes së një fjalimi në Hoçë të Madhe të Rahovecit, ku ai u shpreh kundër Ushtrisë Çlirimtare të Kosovës.

Prokuroria vlerësoi se përmes këtyre deklaratave, Popoviq ka ndikuar negativisht në marrëdhëniet ndërmjet komuniteteve, duke nxitur mosbesim dhe tensione ndëretnike, dhe duke rrezikuar bashkëjetesën në shoqërinë kosovare.

Continue Reading

Aktualitet

​Qeveria në detyrë merr këto vendime në mbledhjen e radhës

Published

2 hours ago

on

August 8, 2025

By

Qeveria në detyrë e Kosovës ka mbajtur sot mbledhje elektronike në të cilën ka marrë disa vendime.

Kabineti qeveritar në detyrë ka miratuar vendimin për shqyrtim të mëtejmë të kërkesës me vetiniciativë për shpronësim për interes publik të pronave të paluajtshme të cilat janë të nevojshme për realizimin e Projektit Infrastrukturor për Interes Publik- Ndërtimi i Urës mbi lumin Ibër që lidh Mitrovicën e veriut dhe Mitrovicën e jugut.

Po ashtu, janë caktuar zonat e shërbimit për ofruesit e shërbimeve të ujit në Kosovë, si dhe është miratuar ndryshimin e Statutit të Kompanisë Rajonale të Ujësjellësit “Mitrovica” sipas vendimit të bordit të drejtorëve.

Continue Reading

Aktualitet

​Kurti takoi ambasadorët e QUINT-it dhe shefin e Zyrës së BE-së në Kosovë

Published

3 hours ago

on

August 8, 2025

By

Kryeministri në detyrë Albin Kurti ka pritur në takim ambasadorët dhe përfaqësuesit diplomatikë të shteteve të QUINT-it dhe shefin e Zyrës së Bashkimit Evropian në Kosovë.

Aty u diskutua mbi rrugën e integrimit të vendit tonë në BE, mos konstituimin e Kuvendit dhe arrestimet e qytetarëve të Kosovës nga Serbia.

Kurti informoi ambasadorët dhe përfaqësuesit diplomatikë për performancën ekonomike të vendit dhe rezultatet e politikave të qeverisë përgjatë pjesës së parë të këtij viti.

Ai tha se qarkullimi i bizneseve për gjashtë muajt e parë të vitit ka arritur vlerën 10.7 miliardë euro, duke shënuar një rritje 10.3%. Shpenzimet kapitale të qeverisë gjatë këtyre gjashtë muajve të parë janë 24% më të larta sesa në gjysmën e parë 2024.

Në çerekun e parë 2025, ekonomia është rritur për 3.61% të Bruto Produktit Vendor, tha ai.

Kurti ka folur edhe mbi numrin e bizneseve të reja të regjistruara këtë vit, si dhe veçoi të dhënat e fundit nga skema e punësimit “Qeveria për Familjet”, anëtarësimin e Kosovës në Regjistrin Evropian për Cilësi të Arsimit të Lartë dhe në Aleancën Evropiane për Praktikën Profesionale.

Continue Reading

Aktualitet

Ministri Sveçla priti në takim të ngarkuarin me punë në Ambasadën e Japonisë në Kosov

Published

4 hours ago

on

August 8, 2025

By

Ministri i Punëve të Brendshme, z. Xhelal Sveçla, ka pritur në takim, z Tanigaki Hiroyasu, i ngarkuar me punë në Ambasadën e Japonisë në Kosovë.

Fillimisht ministri Sveçla i uroi mirëseardhje në Kosovë, z Hiroyasu, të cilin e falënderoi për mbështetjen e vazhdueshme që ka dhënë Japonia në të gjitha hapat e shtet ndërtimit të Republikës së Kosovës, si dhe për rolin aktiv në anëtarësimin e Republikës së Kosovës në organizata të rëndësishme ndërkombëtare.

Me këtë rast, ministri Sveçla e njoftoi edhe për situatën e përgjithshme të sigurisë në Kosovë, si dhe situatën e fundit me zjarre. Ndërkohë ministri Sveçla e falënderoi Hiroyasu për përkrahen e vazhdueshme që ka dhënë përmes projekteve të ndryshme për ngritjen e kapaciteteve të Agjencisë për Menaxhim të Emergjencave thuhet në njoftimin nga MPB-ja.

Ndërsa, i ngarkuari me punë në Ambasadën e Japonisë në Kosovë, z. Tanigaki Hiroyasu, vlerësoi të arriturat në vitet e fundit në Kosovë dhe u shpreh i gatshëm në thellimin e bashkëpunimit në mes të dy vendeve.

Ambasadori japonez u zotua se edhe në të ardhëm shteti i Japonisë do të vazhdojë të përkrahë Republikën e Kosovës.

Continue Reading

Të kërkuara