Lajmet

Një në pesë të rinj në qytetet kineze janë të papunë, Pekini ka një plan

Rreth 11 milionë të rinj janë të papunë në qytetet dhe qytezat e Kinës.

Published

3 years ago

on

Derisa shkalla e papunësisë në mesin e të rinjve në Kinë po rritet, provinca më e pasur e vendit ofroi një zgjidhje të diskutueshme: Dërgoni 300 mijë të rinj të papunë në fshat për dy deri në tri vjet për të gjetur punë.

Guangdong, centrali prodhues që i afrohet Hong Kongut, njoftoi muajin e kaluar se do të ndihmojë të diplomuarit në kolegje dhe sipërmarrësit e rinj të gjejnë punë në fshatra. Gjithashtu inkurajoi të rinjtë që vijnë nga zonat rurale që të kthehen atje për të gjetur punë.

Njoftimi erdhi pas thirrjes së presidentit Xi Jinping gjatë muajit dhjetor të vitit të kaluar, i cili ftoi të rinjtë nga qytetet që të kërkojnë punë në zonat rurale në përpjekje për të “rigjallëruar ekonominë rurale”, në jehonë të një fushate të mëparshme të nisur dekada më parë nga ish-udhëheqësi Mao Ce Dun, në të cilën dhjetëra miliona të rinj urbanë u internuan efektivisht në zona të largëta të Kinës.

Plani i Guangdong, i cili u pasqyrua gjerësisht në rrjete sociale, përkoi me shkallën e papunësisë urbane midis 16-24-vjeçarëve që u rrit në 19.6%, niveli i dytë më i lartë në rekord.

Kjo përkthehet në rreth 11 milionë të rinj të papunë në qytetet dhe qytezat e Kinës, sipas llogaritjeve të CNN-it bazuar në të dhënat e fundit të disponueshme nga Byroja Kombëtare e Statistikave.

Shkalla e papunësisë në mesin e të rinjve mund të rritet edhe më tej, meqë 11.6 milionë studentë të kolegjeve pritet të diplomojnë këtë vit dhe do të kërkojnë punë në treg.

“Nëse mund të nxjerrim një mësim nga protestat e mëparshme lidhur me COVID-19, një numër i madh i të rinjve të zemëruar dhe të arsimuar në qytetet e Kinës mund të paraqesin probleme të mëdha për Partinë Komuniste e cila është në pushtet”, tha Alex Capri, studiues në Fondacionin Hinrich, duke iu referuar protestave të nëntorit të vitit 2022.

“Shpërndarja e tyre në fshatra më të vogla në krahinën e vendit mund të zbusë këtë rrezik dhe ndoshta, të ndihmojë në zvogëlimin e pabarazive të të ardhurave midis qyteteve të nivelit 1 dhe nivelit 2 të Kinës dhe zonave më të varfra të vendit”, deklaroi ai tutje.

Rritja e papunësisë te të rinjtë vjen si rezultat i ngadalësimit ekonomik të Kinës.

Politika drakoniane e qeverisë për Covid-in, tashmë e pafuqishme, preku shumë shpenzimet e konsumatorëve dhe goditi rëndë bizneset e vogla në tri vjetët e fundit. Goditja ndaj internetit, kompanive të pasurive të paluajtshme dhe arsimit, dëmton edhe sektorin privat, i cili siguron mbi 80% të vendeve të punës në Kinë.

Të rinjtë e Kinës janë më të arsimuarit në dekada, me një numër rekord të të diplomuarve nga kolegjet dhe shkollat profesionale. Por ata gjithashtu përballen me një mospërputhje në rritje midis pritjeve dhe mundësive të tyre pasi ekonomia po ngadalësohet ndjeshëm.

Të frustruar nga pasiguritë në rritje dhe mungesa e lëvizshmërisë sociale, të rinjtë po humbasin gjithnjë e më shumë shpresën se një diplomë kolegji mund të sjellë të njëjtat përfitime si dikur./UBTNews/

Related Topics:
Continue Reading

Vendi

Justina Shiroka-Pula zgjidhet presidente e Kosovës

Published

1 hour ago

on

October 7, 2026

By

Justina Shiroka-Pula është zgjedhur presidente e Republikës së Kosovës.

Në votimin e zhvilluar në Kuvendin e Kosovës, për Shiroka-Pulën kanë votuar 81 deputetë, ndërsa dy fletëvotime janë shpallur të pavlefshme. Një votë i është dhënë deputetes Eliza Hoxha.

Pas zgjedhjes në këtë pozitë, presidentja e re ka mbajtur fjalimin e saj para deputetëve të Kuvendit, duke thënë se e pranon detyrën me nder dhe përgjegjësi.

“Sot e pranoj me nder të madh dhe me përgjegjësi të plotë detyrën e presidentes së Republikës së Kosovës. Ky mandat nuk i përket vetëm një personi; ai i përket qytetarëve tanë, institucioneve tona dhe shtetit për të cilin shumë breza sakrifikuan”, tha Shiroka-Pula.

Ajo u zotua se do të jetë presidente e të gjithë qytetarëve, pavarësisht përkatësisë politike, etnike apo shoqërore.

“Do të jem presidente e të gjithë qytetarëve, do të dal pa dallim politik, etnik apo shoqëror. Do të punoj për unitet, drejtësi, zhvillim dhe përforcimin e institucioneve tona”, u shpreh ajo.

Në fjalimin e saj, Shiroka-Pula theksoi edhe orientimin euroatlantik të Kosovës dhe rëndësinë e marrëdhënieve me aleatët.

“Do ta mbroj Kushtetutën, interesin e Republikës dhe dinjitetin e qytetarëve tanë. Besoj në Kosovën, besoj në njerëzit e saj dhe besoj se së bashku mund të ndërtojmë një të ardhme më të mirë për brezat që vijnë”, tha presidentja e re./A.K/

Continue Reading

Vendi

Kurti propozon për presidente ish-ministren e PDK-së, Justina Shiroka-Pulën

Published

10 hours ago

on

October 6, 2026

By

Në orët e fundit para përfundimit të afatit kushtetues për zgjedhjen e kryetarit të shtetit, Kryeministri Albin Kurti ka bërë një lëvizje të re drejt PDK-së.

Kurti ka deklaruar se është i gatshëm të votojë ndryshimin e Ligjit për Dhomat e Specializuara – një kërkesë kjo e kahershme e PDK-së.  

Përmes kësaj oferte, Kurti i ka bërë thirrje PDK-së që të hyjë në seancë, duke propozuar si kandidate për presidente ish-deputeten dhe ish-ministren nga radhët e PDK-së, Justina Shiroka-Pula.  

Ky propozim vjen pasi kryetari i PDK-së, Bedri Hamza, refuzoi emrat e propozuar më parë, si Feride Rushiti dhe Glauk Konjufca. Kurti iu drejtua opozitës me thirrjen për bashkëpunim në Kuvend për të votuar së pari ligjin e kërkuar dhe më pas kandidaturën e Shiroka-Pulës për të shmangur zgjedhjet e jashtëzakonshme.

Continue Reading

Vendi

Rritet numri i protestuesve, protesta vazhdon në sheshin “Skënderbeu”

Published

11 hours ago

on

October 6, 2026

By

Është shtuar numri i qytetarëve që po marrin pjesë në protestën në sheshin “Skënderbeu” në Prishtinë.

Protestuesit po vazhdojnë të qëndrojnë në shesh, ndërsa protesta po vijon përpara institucioneve të vendit.

Protesta e sotme është thirrur lidhur me kërkesat për ndryshimin e Ligjit për Dhomat e Specializuara dhe zhvillimet rreth Gjykatës Speciale në Hagë.

Continue Reading

Lajmet

Hamza e refuzon ofertën e dytë të Kurtit për presidentin dhe Specialen: Po tentohet të shndërrohet në pazar

Published

12 hours ago

on

October 6, 2026

By

Kryetari i Partisë Demokratike të Kosovës (PDK), Bedri Hamza, i është përgjigjur negativisht propozimit të kryeministrit Albin Kurti për votimin e Projektligjit për Dhomat e Specializuara dhe zgjedhjen e presidentit.

Në një konferencë për media, Hamza ka kritikuar qasjen e deritanishme, duke thënë se çështja e Ligjit për Dhomat e Specializuara nuk është përgjegjësi vetëm e PDK-së.

Çështja e Ligjit për Dhomat e Specializuara nuk është çështje që i takon vetëm PDK-së, po flasim për historinë, për të tashmen dhe për të ardhmen”, është shprehur Hamza.

Ai ka thënë se kjo çështje, sipas tij, po tentohet të përdoret për pazare politike në momentet e fundit.

“Kjo temë po tentohet me u shndërru në pazare të minutave të fundit. Ju kam thënë dhe po e përsëris. Çështja e ligjit për Dhomat e Specializuara nuk është temë që i takon vetëm PDK-së. Po flasim për historinë, të kaluarën, të tashmen dhe të ardhmen e vendit tonë”, ka deklaruar ai.

Hamza ka theksuar se pjesëtarë të UÇK-së janë të lidhur me subjekte të ndryshme politike, ndërsa ka akuzuar për tentim të përdorimit të kësaj çështjeje për arritjen e qëllimeve politike.

“UÇK-ja ka pjesëtarë në të gjitha partitë politike dhe qëllimi i kësaj teme është si ta përdorim ligjin për shantazh dhe për të mbërritur qëllimin politik. Qëllimi politik është që me pasë një president politik dhe me e përmbyllë njëqind për qind kapjen e institucioneve”, ka thënë Hamza.

Ai ka shtuar se ka marrë pjesë në takime për tejkalimin e situatës, por ka kritikuar ndryshimet e shpeshta të qëndrimeve politike.

“Unë kam qenë në takim, po e shihni se sa shpesh ka ndryshime të qëndrimeve politike”, ka deklaruar Hamza.

Continue Reading

Të kërkuara