Sport

Një natë e errët për Romën: Tifozët tregojnë se janë me fanellën dhe jo me lojtarët

Published

2 years ago

October 4, 2024

UBT News

Tifozët e Romës kanë shprehur hapur pakënaqësinë e tyre ndaj skuadrës pas humbjes 1-0 ndaj Elfsborg në Europa League, duke fishkëlluar lojtarët dhe duke bërë të qartë se mbështetja e tyre tani është vetëm për fanellën, jo për futbollistët.

Ishte një natë e vështirë për trajnerin e ri të Romës, Ivan Juric, i cili pësoi humbjen e tij të parë në stolin e “Giallorossi”. Pas një ndeshjeje të dobët, skuadra italiane dështoi të shënonte, duke lënë tifozët të zhgënjyer me performancën e tyre.

Më shumë se 600 tifozë udhëtuan nga Roma për të mbështetur ekipin, por u kthyen të pakënaqur. Pas përfundimit të ndeshjes, shpërthimi i zemërimit ishte i papërmbajtshëm, me tifozët që fishkëllenin lojtarët në shenjë proteste. Të pranishmit përdorën një shprehje të fortë italiane, duke treguar se ishin “ngopur” me paraqitjet e ekipit.

Pas ndeshjes, të gjithë lojtarët shkuan për të falënderuar tifozët, por atmosfera ishte kaq toksike saqë shumë prej tyre u kthyen shpejt në dhomat e zhveshjes. Kapiteni Lorenzo Pellegrini ishte i vetmi që qëndroi më gjatë përballë tifozëve, pavarësisht fishkëllimave të ashpra që dëgjoheshin.

Ndeshja e ardhshme e Romës në Serie A do të jetë kundër Monza-s në “U-Power Stadium”. Tifozët shpresojnë që skuadra të tregojë një reagim të fortë dhe të kthehet në rrugën e duhur, për të rikuperuar besimin e tyre. Kjo është një kohë sfiduese për klubin, dhe është e qartë se mbështetjeja e tifozëve është në pikëpyetje./UBTNews/

Lajmet

Zhegrova shënon nga penalltia

Published

4 hours ago

September 27, 2026

UBTNews

Kosova ka ngushtuar epërsinë ndaj Austrisë. Edon Zhegrova ka realizuar nga pika e bardhë, duke rikthyer shpresën për “Dardanët” në këtë përballje të Ligës së Kombeve.

D.L

Sport

Austria shënon edhe golin e tretë ndaj Kosovës

Published

6 hours ago

September 27, 2026

UBTNews

Përditësim

Kombëtarja e Austrisë realizon golin e tretë në këtë përballje, duke thelluar edhe më tej epërsinë ndaj Kosovës.

Austria ka realizuar golin e dytë në përballjen ndaj Kosovës, duke thelluar epërsinë në këtë ndeshje.

Austria ka shënuar golin e parë në përballjen ndaj Kosovës, duke kaluar në epërsi në ndeshjen e vlefshme për Ligën e Kombeve, në kuadër të Ligës B.

D.L

Sport

Kosova përballet sot me Austrinë

Published

9 hours ago

September 27, 2026

UBTNews

Përfaqësuesja e Kosovës zhvillon sot ndeshjen ndaj Austrisë, me fillim nga ora 18:00. Dardanët synojnë të shënojnë rezultat pozitiv në këtë përballje, në të cilën pritet një garë e fortë mes dy përfaqësueseve.

D.L

Sport

Krasniqi: E merituam fitoren, ndaj Austrisë mund të fitojmë

Published

2 days ago

September 25, 2026

UBTNews

Sulmuesi i Kosovës, Ermal Krasniqi, ka folur për faqen zyrtare të FFK-së pas fitores 1-0 ndaj Irlandës, duke vlerësuar paraqitjen e “Dardanëve” dhe duke folur për sfidën e radhës ndaj Austrisë.

Krasniqi tha se Kosova e kishte të vështirë të gjente golin në pjesën e parë, pasi Irlanda ishte e tërhequr në mbrojtje. Megjithatë, ai theksoi se skuadra krijoi raste dhe e meritoi fitoren.

“Ishte e vështirë që në pjesën e parë të shënonim gol, sepse kundërshtari qëndronte vetëm në mbrojtje dhe ne luanim kryesisht me topa të gjatë. Por, bëmë një paraqitje të mirë dhe shumë pozitive, krijuam raste dhe ishte vetëm çështje minutash se kur do të vinte goli. Në fund, ai erdhi dhe ne e merituam fitoren”, ka deklaruar Krasniqi.

Sulmuesi kosovar foli edhe për rëndësinë e lojtarëve që inkuadrohen nga banka, duke theksuar se secili duhet të jetë i gatshëm për të dhënë kontributin e tij.

“Të gjithë lojtarët që janë në bankë duhet të jenë gati. Edhe unë isha i gatshëm gjatë gjithë kohës, sepse mendoj se lojtarët që vijnë nga banka mund ta ndryshojnë lojën. Kështu ndodhi edhe dje dhe jam i lumtur që isha pjesë e golit. Më e rëndësishmja ishte fitorja”, u shpreh ai.

Krasniqi u ndal edhe te ndeshja e radhës ndaj Austrisë, të cilën e sheh si një prej skuadrave më të forta të grupit. Megjithatë, ai beson se Kosova mund të synojë fitoren edhe në Vjenë.

“Normalisht, Austria mund të themi se është favorite e grupit, por nëse luajmë si grup dhe siç luajtëm dje, besoj se edhe atje mund të arrijmë një fitore. Pse jo?”, përfundoi Krasniqi.

D.L