Aktualitet

Një juri e madhe do të analizojë mundësitë e paditjes së Trumpit

Published

5 years ago

May 26, 2021

Betim Gashi

Prokurori i qarkut të Manhatanit Cyrus Vance ka mbledhur një juri të madhe, e cila pritet të vendosë nëse do ta padisë ish-presidentin amerikan Donald Trump, dikë afër tij, apo kompaninë e tij, ka raportuar e përditshmja amerikane Washington Post më 25 maj.

Vance ka hetuar bizneset e Trumpit për gati dy vjet, para se ai të bëhej president dhe mbledhja e jurisë sugjeron se prokurorët besojnë që kanë mjaft të dhëna për të siguruar padinë.

Duke cituar dy persona të afërt me këto zhvillime, Washington Post e ka përshkruar hetimin e Vance si të “zgjeruar”.

Hetimi përqendrohet në praktikat biznesore të Trumpit para se të fitonte pozitën e presidentit, duke përfshirë edhe hetimet nëse Organizata Trump është përfshirë në mashtrime me taksa dhe falsifikim të dokumenteve biznesore.

Vendimi i jurisë së madhe për padinë pritet të marrë disa muaj, pasi paneli duhet të dëgjojë të dhënat e siguruara, ka raportuar Washington Post.

Trump më herët ka kritikuar hetimet për marrëveshjet e tij biznesore.

Ndaras këtij rasti, Zyra e Përgjithshme e Prokurorit në Nju Jork, ka thënë javën e kaluar se një hetim i gjatë civil ka rezultuar me nisje të hetimeve penale për kompaninë e Trumpit.

Prokurorja e Nju Jorkut Letitia James nuk ka treguar se çfarë ka nxitur hetimet panale, mirëpo një vendim i tillë rrit mundësitë për veprime ligjore kundër Trumpit, partnerëve të tij apo Organizatës Trump.

Ky hetim shtetëror është duke u zhvilluar në koordinim me Vance.

Lajmet

Tërmet në Greqi, lëkundjet u ndjenë edhe në Maqedoninë e Veriut

Published

8 minutes ago

September 25, 2026

UBTNews

Një tërmet me intensitet prej III gradësh sipas Shkallës Evropiane të Makroseizmikës është ndier mbrëmë rreth orës 22:18 në Manastir, Resnjë dhe zonat përreth.

Sipas Observatorit Sizmologjik në Shkup, epiqendra e lëkundjeve ishte në Greqi, rreth 120 kilometra në jugperëndim të Shkupit.

Deri më tani nuk raportohet për dëme materiale apo të lënduar nga ky tërmet.

Lajmet

Asambleja e Përgjithshme e OKB-së, kryeministri Rama mban sot fjalimin

Published

24 minutes ago

September 25, 2026

UBTNews

Asambleja e Përgjithshme e OKB-së, kryeministri Rama mban sot fjalimin e tij në hapje të debatit

Kryeministri Edi Rama ndodhet në Shtetet e Bashkuara të Amerikës për të marrë pjesë në Asamblenë e Partishme të OKB.

Sot, në rreth 17:00, sipas orës lokale, ai pritet të mbajë fjalimin në Asamblenë e Përgjithshme të Kombeve të Bashkuara.

Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.

Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombtare.

Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.

Gjatë qëndrimit në SHBA një grup shqiptarët kanë protestuar në momentin që kalonte delegacioni shqiptar. Autoritetet amerikane qe garantonin sigurinë e kryeministrit dhe të pranishmeve te tjerë; kane ndaluar një prej protestuesve, i cili hodhi veze në drejtim të delegacionit.

Lajmet

Kanosje me thikë në Prishtinë

Published

1 hour ago

September 25, 2026

UBTNews

Policia e Kosovës ka intervistuar dy persona të dyshuar në lidhje me një rast të kanosjes, ndërsa në vendin e ngjarjes ka konfiskuar një thikë.

Pas intervistimit, me vendim të prokurorit, njëri nga të dyshuarit është dërguar në mbajtje, ndërsa i dyshuari tjetër është liruar dhe rasti ndaj tij do të vazhdojë në procedurë të rregullt. /E.A/