Kronika e zezë

Një i plagosur me lopatë pas kokës, si nisi sherri për shezlonget në Shëngjin

Në këtë situatë ka nisur edhe konflikti ndërmjet vëllezërve Armando e Erjon Marku dhe bashkëshortes se Paris Deda.

Publikuar

2 vjet më parë

më

Hapësirat për vendosjen e shezlongeve solli një konflikt me një të plagosur në Shengjin një ditë më parë.

Bëhet e ditur se dy poseduesit e hapësirës se plazhit Paris Deda dhe Armando Marku kishin dakorduar për mbajtjen e një distance ne korridorin ndërmjet tyre ku do te kalonin pushuesit.

Vendosja e shezlongëve ne kufinjtë e kufirit gjë qe pengonte kufitarin tjetër që të bënte të njëjtën gjë është shoqëruar me debat fillimisht. Në këtë situatë ka nisur edhe konflikti ndërmjet vëllezërve Armando e Erjon Marku dhe bashkëshortes se Paris Deda.

Sipas burimeve nga policia e Lezhes, ky debat është shoqeruar me shtyrjen dhe rrëzimin neë toke të gruas qe ishte aty për të pare stacionin e plazhit. Pasi ka pare gruan e rrëzuar, Paris Deda ka marrë një lopate dhe ka qëlluar ne pjesën e kokës ndaj Armando Markut duke e plagosur, ndërsa i vëllai Erjon Marku nuk mori lëndime.

Pas ngjarjes Paris Deda u largua dhe policia e shpalli në kërkim, po kështu është proceduar me akuzën e plagosjes dhe kryerjes se veprimeve të tjera me dashje Erjon Marku, vëllai i të plagosurit.

Njoftimi i policisë:

Në vijim të informacionit paraprak për konfliktin e ndodhur ditën e djeshme, në Kune, Shëngjin, ju informojmë se:

Nga specialistët për Hetimin e Krimeve në Komisariatin e Policisë Lezhë, pas veprimeve hetimore, u bë zbardhja e plotë e dinamikës së këtij konflikti për motive pronësie, në të cilin u përfshinë shtetasit A.(P). D. dhe E. D. me shtetasit A. M. dhe E. M.

Në vijim të veprimeve procedurale u bë shpallja në kërkim e shtetasit A.(P). D., 48 vjeç, banues në Shëngjin, pasi ka goditur me sende të forta shtetasin A. M., 45 vjeç, banues në Shëngjin, i cili ndodhet jashtë rrezikut për jetën.

Gjithashtu, në lidhje me këtë konflikt, u referuan materialet procedurale në Prokurori dhe filloi procedimi penal në gjendje të lirë për shtetasit E. M., 41 vjeç (vëllai i shtetasit A. M.), banues në Shëngjin, pasi ka goditur shtetasen E. D., 46 vjeçe, banuese në Tiranë.

Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme, për veprën penale “Plagosja e rëndë me dashje”, në ngarkim të shtetasit A.(P).D., dhe për veprën penale “Dëmtime të tjera me dashje”, në ngarkim të shtetasit E. M.

Etiketa
Vazhdo të lexosh

Kronika e zezë

Raportohen shtatë raste të dhunës brenda një dite

Rastet kanë ndodhur në Prishtinë, Pejë, Fushë Kosovë, Lipjan, Viti.

Publikuar

3 ditë më parë

më

26 Prill, 2024

nga

Shtatë raste të dhunës në familje janë raportuar brenda 24 orëve në Kosovë. Viktimat të gjitha ishin femra, të cilat i kanë raportuar burrat për dhunë. Rastet kanë ndodhur në Prishtinë, Pejë, Fushë Kosovë, Lipjan e Viti.

Raportet e plota të Policisë:

Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

Prishtinë/ 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

Viti/ 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje./UBTNews/

Vazhdo të lexosh

Kronika e zezë

Në Viti u sekuestruan 300 kg duhan dhe 500 pako cigare

I dyshuari, një 47-vjeçar nga komuna e Vitisë, është dërguar në mbajtje për 48 orë.

Publikuar

3 ditë më parë

më

25 Prill, 2024

nga

Në komunën e Vitisë, Policia e Kosovës ka ndaluar një automjet me targa vendore, në të cilin ka gjetur dhe sekuestruar 500 pako cigare të gatshme dhe 300 kg duhan të grirë refuz, të cilat dyshohet se i kishte kontrabanduar nga Maqedonia Veriore përmes rrugëve malore në fshatin Lubishtë të Vitisë.

Gjithsej janë sekuestruar 500 kg duhan me vlerë mbi 6.000 € ndërsa shmangiet doganore janë mbi 20.000€.

I dyshuari, një 47-vjeçar nga komuna e Vitisë, është dërguar në mbajtje për 48 orë./UBTNews/

Vazhdo të lexosh

Kronika e zezë

Arrestohet një person i dyshuar për sulm seksual në Ferizaj

I njëjti ishte në lidhje dashurie me viktimën e moshës se mitur tani e një vit.

Publikuar

3 ditë më parë

më

25 Prill, 2024

nga

Prokuroria Themelore në Ferizaj, me vendim të Prokurorit të Shtetit, ka ndaluar një person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së.

Në njoftim thuhet se ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj me këto veprime dyshohet se ka kryer veprën penale “Sulmi seksual” nga neni 229 të Kodit Penal të Republikës së Kosovës.

“Prokuroria Themelore në Ferizaj, ndaj të dyshuarit Xh.I., brenda afatit ligjor do të parashtrojë kërkesë për caktimin e masës së paraburgimit në Gjykatën kompetente”, thuhet në komunikatë.

Vazhdo të lexosh

Kronika e zezë

Gjuajtje me armë në Prishtinë pas një mosmarrëveshje në komunikacion

Rasti është duke u hetuar.

Publikuar

5 ditë më parë

më

24 Prill, 2024

nga

Policia e Kosovës ka dhënë detaje për të shtënat me armë zjarri në Hajvali. Siç bën të ditur policia në raportin 24-orësh pas një mosmarrëveshjeje në komunikacion, një person ka shtënë me armë zjarri në drejtim të tjetrit.

Në vendin e ngjarjes njësia e hetimeve dhe krimteknikës ka sekuestruar një gëzhojë. Rasti është duke u hetuar.

 “Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në raportin e Policisë së Kosovës.

Vazhdo të lexosh

Të kërkuara