Lajmet

Nisin punimet për ndriçim në Shtime, Krasniqi: Qytetarët po përfitojnë nga Granti i Performancës

Publikuar

6 ditë më parë

më

Sot është përuruar fillimi i punimeve të projektit “Zgjerimi i ndriçimit publik në qytet dhe në fshatra”, në Carralevë të Shtimes, me ç’rast do të përfitojnë 13 fshatra dhe disa lagje të qytetit. Ky projekt është financuar nga Ministria e Administrimit dhe Pushtetit Lokal dhe Helvetas Swiss Intercooperation pas përfitimit të Grantit të Performancës të vitit 2023 në vlerë afro 400 mijë euro.

Me rastin e vënies së gurëthemelit të hapësirave për vendosjen e shtyllave të ndriçimit në Carralevë, ministri i Administrimit të Pushtetit Lokal, Elbert Krasniqi e konsideroi si të rëndësishëm faktin që projektet e financuara në komunën e Shtimes nga granti i performancës po marrin formën e saj dhe qytetarët po përfitojnë. Ai potencoi se ndriçimi i qytetit të Shtimes dhe fshatrave ndikon në zhvillimin e përgjithshëm të kësaj komune.

“E rëndësishme që tashmë projektet e financuara në komunë nga granti i performancës po marrin formën e saj dhe qytetarët po përfitojnë. Sigurisht që ndriçimi i qytetit të Shtimes dhe të fshatrave ndikon edhe në sigurinë në bashkësi dhe mandej ndihmon zhvillimin e përgjithshëm në këtë komunë. Granti i përformancës është i planifikuar që të jetë në mbështetje të komunave, e komunat në mbështetje të qytetarëve”, tha Krasniqi.

Ndërkaq, kryetari i Komunës së Shtimes, Qemajl Aliu tha se është vendosur që e tërë shuma prej rreth 400 mijë eurove e përfituar nga granti i përformancës, të investohet në ndriçimin publik të kësaj komune.

Aliu potencoi se nga ky projkt do të përfitojnë 13 fshatra dhe disa pjesë të qytetit, derisa shtoi se do të vendosen rreth 600 ndriçues. Ai theksoi se ky projekt pritet që të përfundojë në fund të muajit nëntor të këtij viti.

“Sot jemi këtu në fshatin Carralevë me ministrin Elbert Krasniqi për të përuruar fillimin e një projekti që është i financuar nga MAPL, ministri Krasniqi, përkatësisht përfitimin e Grantit të Performacës që e kemi pasur ne si komunë e Shtimes. Është një shumë afër 400 mijë euro që është përfituar nga grandi i përformancës dhe kemi vendosur që ketë grant ta investojmë të tërin në ndriçimin publik në Komunën e Shtimes. Do të përfitojnë diku 13 fshatra dhe qyteti. Do të jenë diku mbi 600 trupa ndriçues në total dhe ky projekt pritet që të përfundojë nga fundi i nëntorit…E dini që fshati Carralevë graviton rreth rrugës magjistrale që e lidh qytetin e Shtimes dhe Suharekës. Qytetarët e këtij qyteti janë të rrezikuar. Para pak kohësh e kemi ndërtuar edhe trotuarin tani po ia shtojmë ndriçimin”, potencoi Aliu.

Zgjerimi i ndriçimit publik në Shtime përfshinë fshatrat Godanc i Poshtëm, Godanc i Epërm, Lagja e Pajtimit, Belinc, Carralevës, Pjetërshticë dhe Petrovë. Fshatra të tjera përfituese të këtij projekti janë Davidoc, Rashnicë, Gllavicë, Gjyrkoc, Reçak dhe Mollopolc.

Etiketa
Vazhdo të lexosh

Lajmet

Rohde: Procesi i Berlinit e forcon mbështetjen për Kosovën dhe Ballkanin Perëndimor

Publikuar

8 minuta më parë

më

19 Shtator, 2024

nga

Ambasadori i Gjermanisë në Kosovë, Jorn Rohde, ka folur rreth Procesit të Berlinit, që për një dekadë po organizohet nga vendi që ai përfaqëson.

Për këtë ai u shpreh tejet krenar.

Diplomati gjerman tha se nga 2014-ta, ky proces ka krijuar lidhje më të forta, në mes të gjashtëshes së Ballkanit Perëndimor dhe Bashkimit Evropian.

“Bashkë jemi të përkushtuar për rritjen e bashkëpunimit dhe mbështetjen në rritje në Kosovë dhe krejt regjionin”, tha diplomati gjerman.

 

Vazhdo të lexosh

Bota

Fitore post-mortem për Silvio Berlusconin

Publikuar

14 minuta më parë

më

19 Shtator, 2024

nga

Silvio Berlusconi ka shënuar një fitore të rëndësishme në Gjykatën Evropiane të Drejtësisë (ECJ), lidhur me një mosmarrëveshje të gjatë mbi pronësinë e aksioneve të tij në Banca Mediolanum, pas vdekjes së tij vitin e kaluar. Gjyqtarët e ECJ-së shpallën se banka qendrore evropiane nuk mund të pengonte legjitimisht pronësinë e Berlusconi mbi aksionet, duke lejuar kështu që trashëgimia e tij të vazhdojë të ketë një rol në sektorin bankar italian.

Gjykata e theksoi se Berlusconi kishte vazhduar të zotëronte aksione të kualifikuara në Banca Mediolanum përpara se të implementoheshin ndryshimet ligjore që ishin në bazë të kërkesave të Bankës Qendrore Evropiane (BQE). Kjo vendimmarrje vjen pas një debati të gjatë, pasi BQE kishte ngritur shqetësime mbi reputacionin e Berlusconi pas dënimit të tij për mashtrim tatimor në vitin 2013.

Në vitin 2016, BQE e kishte sfiduar pronësinë e Berlusconi në bankë, duke kërkuar që ai të shiste aksionet e tij, pasi kishte kaluar një periudhë problematike për të. Megjithatë, vendimi i fundit i ECJ-së përmbysi një vendim të mëparshëm të Gjykatës së Përgjithshme nga viti 2022, e cila kishte gjetur në favor të BQE-së.

Gjyqtarët e ECJ-së shprehen se BQE nuk kishte autoritet të hetonte një transaksion që ndodhi para ndryshimeve ligjore dhe se Berlusconi kishte të drejtë të vazhdonte të zotëronte aksionet e tij, duke i dhënë kështu mundësi të vazhdueshme për ndikim në sektorin bankar.

Kjo fitore juridike vjen në një kohë kur familja dhe trashëgimtarët e Berlusconi po përballen me sfida të tjera lidhur me pasuritë e tij. Ndërsa kjo çështje përfundon në nivelin ligjor, ajo tregon për kompleksitetin e regulatoreve financiarë evropianë dhe ndikimin e trashëgimisë së një figure të njohur si Berlusconi në sistemin bankar italian./UBTNews/

Vazhdo të lexosh

Lajmet

Gavi do të blejë 500 mijë vaksina kundër mpoxit për Afrikën

Publikuar

16 minuta më parë

më

19 Shtator, 2024

nga

Republika Demokratike e Kongos është shteti ku po raportohet rritja më e madhe e rasteve me virusin mpox. Aty u shfaq një mutacion i ri i virusit në vitin 2023, por vendet tjera po merren me shpërthimin e virusit.

Më shumë se 26 mijë e 500 raste me mpox dhe 724 vdekje janë raportuar në 15 vende afrikane që nga fillimi i këtij viti, sipas Qendrave Afrikane për Kontrollin dhe Parandalimin e Sëmundjeve (Africa CDC), dhe mungesa e vaksinave ka penguar reagimin e shëndetit publik.

Gavi, i cili është një partneritet publik-privat për t’i mundësuar vaksinimin vendeve me të ardhura të ulëta, tha se do të paguajë për dozat përmes Fondit të tij të Përgjigjes së Parë, një fond urgjence prej 500 milionë dollarësh (468 milionë euro) i krijuar në fillim të këtij viti për të siguruar shpejt vaksinat për vendet pa programe të fuqishme vaksinash gjatë krizave shëndetësore./UBTNews/

Vazhdo të lexosh

Lajmet

​Aksioni i PSD-së te Ura e Ibrit, Molliqaj: Veprimet e Kurtit çojnë në izolim

Publikuar

31 minuta më parë

më

19 Shtator, 2024

nga

Kryetari i Partisë Socialdemokrate (PSD), Dardan Molliqaj gjatë një aksioni simbok të mbajtur pranë Urës së Ibrit, ka kritikuar veprimet e deritashme të Qeverisë dhe të Albin Kurtit.

Molliqaj duke theksuar se veprimet e Kurtit çojnë në izolim, ka potencuar se shëtitjet e Kurtit nëpër vendet e caktuara në veri nuk janë asgjë tjetër veçëse fotografi për vota. Ai tha po ashtu se Ura e Ibrit hapet vetëm me pëlqimin e ndërkombëtarëve dhe KFOR-it.

Vazhdo të lexosh

Të kërkuara