Lajmet
Nis mbledhja e Kryesisë së Kuvendit, në rend dite dhjetëra pika
Do të shqyrtohen pikat e papërfunduara nga seancat e kaluara.
Drejtoria e Doganave ka njoftuar se, nga 1 prilli 2025, transportuesit rrugorë dhe hekurudhorë do të kenë detyrimin të paraqesin të dhëna për mallrat që dërgojnë në ose përmes BE-së, përpara mbërritjes së tyre, përmes një Deklarate Përmbledhëse të Hyrjes (ENS). Ky detyrim vlen gjithashtu për transportuesit postarë dhe postat e shpejta, si dhe për palët e tjera që ofrojnë shërbime logjistike.
Eksportuesit shqiptarë duhet të komunikojnë me partnerët e tyre në BE për t’u përshtatur me këto rregulla të reja të sistemit ICS2 përpara datës së afatit, 1 prill 2025, për të shmangur pengesat në kalimin e mallrave që eksportohen në BE ose përmes saj.
Rreth Sistemit ICS2
Sistemi i Kontrollit të Importit 2 (ICS2) i BE-së ka për qëllim të rrisë sigurinë e mallrave që hyjnë në BE, duke zbatuar një procedurë doganore të standardizuar përpara mbërritjes së mallrave, për të gjitha mënyrat e transportit, përfshirë transportin rrugor dhe hekurudhor. Ky sistem do të mundësojë autoriteteve doganore të vlerësojnë më mirë rreziqet që lidhen me mallrat dhe të sigurojnë një mjedis tregtar më të sigurt, duke parandaluar kundërvajtjet doganore.
Çfarë duhet të bëjnë operatorët ekonomik?
Operatorët ekonomikë që kanë një numër EORI dhe janë regjistruar në vendet e BE duhet të sigurohen që të mbledhin të dhëna të sakta dhe të plota nga klientët e tyre dhe të përditësojnë sistemet e IT-së dhe proceset operacionale për të përmbushur kërkesat e ICS2. Ata gjithashtu duhet të kryejnë një test të vetëpërputhshmërisë përpara se të lidhen me sistemin.
Pasojat e mospërmbushjes së kërkesave
Nëse nuk përmbushen kërkesat e ICS2 deri në afatin e caktuar, mund të ndodhin vonesa në kufijtë e BE-së, dhe mallrat mund të ndalohen, duke shkaktuar probleme në procesin doganor.
Për më shumë informacion dhe udhëzime mbi implementimin e ICS2, operatorët ekonomikë mund të vizitojnë faqen e internetit të Komisionit Europian dhe të marrin pjesë në webminarët e organizuara për këtë sistem./UBTNews/
Sipas një sondazhi të Dhomës së Tregtisë dhe Industrisë të Gjermanisë (DIHK), më shumë se gjysma e kompanive gjermane që kryejnë aktivitet jashtë vendit kanë hasur në barriera tregtare shtesë kohët e fundit. Këto pengesa përfshijnë kërkesa të shtuara për siguri dhe sanksione, që po e bëjnë punën e eksportuesve edhe më të vështirë.
Një shqetësim i veçantë ka të bëjë me zhvillimet tregtare në SHBA, ku administrata e Presidentit Donald Trump ka nxitur një politikë proteksioniste, duke krijuar vështirësi për kompanitë gjermane. Sipas Drejtorit të Drejtorisë për Tregtinë e Jashtme në DIHK, Volker Treier, pengesat tregtare në rritje dhe qëndrimet proteksioniste nga Uashingtoni po ndikojnë negativisht në bizneset gjermane, duke përfshirë mosmarrëveshjet tregtare me BE-në, Kinën, si dhe me fqinjët e SHBA-së, Kanada dhe Meksikën.
Në sondazh, 70% e kompanive gjermane të anketuara shprehën shqetësimin se politika tregtare e SHBA-së do të ketë efekte negative për bizneset e tyre. Vitin e kaluar, SHBA ishte një treg me mundësi për kompanitë gjermane, por tani situata është përkeqësuar, sidomos për ato që kanë aktivitete në këtë vend.
Për më tepër, DIHK ka shprehur frikën se, pas njoftimit për tarifat shtesë prej 25% për importet e makinave, eksportet gjermane mund të pësojnë një rënie edhe më të theksuar në vitin 2025./UBTNews/
Komisionerja për Zgjerim e Bashkimit Evropian, Marta Kos, shprehu besimin se integrimi i Ballkanit Perëndimor në Bashkimin Evropian (BE) mund të shërbejë si një mënyrë për të arritur pajtimin në rajon. Gjatë një konference në Gorizia të Italisë dhe Nova Goricë të Sllovenisë, Kos theksoi se ëndrra e saj është që të gjithë vendet e Ballkanit Perëndimor të bëhen pjesë e BE-së, duke zhdukur kufijtë dhe konfliktet dypalëshe, ashtu siç ka ndodhur në pjesë të tjera të Evropës.
Ajo shprehu zhgënjimin për potencialin e parealizuar të rajonit për shkak të tensioneve dhe mosmarrëveshjeve të pazgjidhura. Kos gjithashtu e vlerësoi programin Intereg, që mbështet bashkëpunimin ndërkufitar, si një mundësi për forcimin e lidhjeve mes shteteve të Ballkanit dhe për reduktimin e tensioneve.
Një tjetër hap i rëndësishëm që ajo përmendi ishte përfshirja e Serbisë, Shqipërisë, Bosnjës dhe Hercegovinës, Moldavisë, Malit të Zi, Maqedonisë së Veriut dhe Ukrainës në programin Intereg, i cili ofron financime për projekte bashkëpunimi. Kos gjithashtu nënvizoi iniciativat për të përmirësuar qarkullimin në kufijtë e Ballkanit Perëndimor, siç është plani për korsi të gjelbra që do të ndihmojnë në uljen e kohës së pritjes.
Kos përfundoi duke theksuar rëndësinë e bashkëpunimit rajonal dhe besimit ndërmjet komuniteteve, duke e konsideruar këtë si një shans real për integrimin e më shumë vendeve të Ballkanit në BE dhe për të siguruar një të ardhme më të qëndrueshme dhe të paqes në rajon./UBTNews/
Reshjet e dendura të shiut, të cilat kanë përfshirë Bosnjën veriore dhe Kroacinë, kanë shkaktuar vështirësi të mëdha, përfshirë përmbytje dhe ndërprerje të trafikut. Situata mbetet e ndërlikuar, me nivele të larta uji që po rrisin rrezikun për përmbytje edhe më të mëdha, dhe meteorologët parashikojnë vazhdimësi të reshjeve në ditët në vijim.
Në qytetin e Cazin, Bosnjë-Hercegovinë, reshjet kanë krijuar vështirësi në qarkullimin e automjeteve, veçanërisht në vendbanimin Tatari, ku disa ura janë mbyllur për shkak të rritjes së niveleve të ujit. Po ashtu, në Sanski Most, nivelet e ujit në lumenjtë Sana dhe Dabar kanë vazhduar të rriten, duke kërcënuar seriozisht popullsinë dhe infrastrukturën lokale. Situata ka arritur në një pikë alarmante, veçanërisht në Skuçani Vakuf, ku ura e improvizuar është shembur për shkak të përmbytjeve, duke ndërprerë qarkullimin.
Në Laktashi, një gjendje emergjente është shpallur për shkak të reshjeve të shiut dhe vërshimeve të lumenjve, përfshirë lumit Bukovica. Po ashtu, në Derventë, shkollat janë mbyllur për shkak të rritjes së nivelit të ujit të lumit Ukrina. Në zonat e tjera të Bosnjës, nivelet e ujit të lumenjve Sana dhe Gomjenica kanë kaluar nivelet e alarmit, duke shtuar kërcënimin e përmbytjeve.
Në Kroaci, në Rahovicë, reshjet kanë shkaktuar vështirësi të mëdha në lëvizjen e automjeteve, ndërsa niveli i ujit në lumenjtë Vuçicë dhe Vojllovicë është rritur, duke kërcënuar edhe shtëpitë. Për të përballuar situatën, janë aktivizuar ekipet e mbrojtjes civile.
Ndërkohë, në Sarajevë, situata duket se po përmirësohet me ulje të niveleve të ujit, por ende ka probleme në disa zona të qytetit, veçanërisht në zonat kodrinore dhe afër lumit Bosna, ku ka pasur dalje nga brigjet.
Për shkak të këtyre kushteve atmosferike, autoritetet kanë shpallur masa emergjente dhe kanë kërkuar që qytetarët të jenë në gatishmëri maksimale për të shmangur pasojat e mundshme./UBTNews/
Prej 1 prillit ndryshon procedura e hyrjes së mallrave në BE
Kompanitë eksportuese gjermane para kohësh të vështira
Superliga e basketbollit, java e 26-të sjell duele vendimtare
Komisionerja Marta Kos: Hyrja në BE, receta për pajtim në Ballkanin Perëndimor
Dy përballje interesante sot në Superligë
Reshjet e shiut shkaktuan probleme të shumta në Bosnjën veriore dhe Kroacinë
Me këtë këshillë të thjeshtë mund të shpëtoni nga problemi i fryrjes
Ende nuk ka vendim për tarifat e reja të energjisë
26 vjet nga masakra në Izbicë
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota2 months agoTrump zbulon listën e zezë të Shtëpisë së Bardhë