Lajmet nga UBT
Nis aktivitetet Akademia Ndërkombëtare Verore e Inxhinierisë së Energjisë
Dita e parë e këtij edicioni u karakterizua me pjesëmarrjen e drejtorit të Termokosit, Arsim Fetahut.
Ka nisur me aktivitete të ndryshme Akademia Ndërkombëtare Verore e Fakultetit Inxhinieri e Energjisë dhe Menaxhment, në kuadër të “Global UBT Fest 2022”, e cila do të ketë për qëllim trajtimin e temave të ndryshme rreth kogjenerimit dhe energjisë së ripërtëritshme.
Hapjen e këtij edicioni të Akademisë Ndërkombëtare Verore të Inxhinierisë së Energjisë dhe Menaxhmentit, e bëri koordinatorja e fakultetit, profesoresha Besa Veseli, e cila i njoftoi pjesëmarrësit rreth objektivave të përgjithshme të zhvillimit të njohurive ne tërë procesin e programit të akademisë.
Ndër të tjera, dita e parë e këtij edicioni u karakterizua me pjesëmarrjen e drejtorit të Termokosit, Arsim Fetahut, i cili diskutoi rreth temave aktuale që ndërlidhen me menaxhimin dhe burimin e energjisë së ripërtëritshme, kogjenerimin dhe benefitet e tij, për ngrohjen e qytetit të Prishtinës, Lidhja Termokos – Termocentrali Kosova B, Ndërtimi i dy stacioneve: SNN(HES) 2*70MWter dhe SPN(HRS) 3*50MWter, Tubacioni i transmetimit 11.5 km (DN600/800),
Ndërkaq, profesori Vehebi Sofiu, diskutoi për rëndësinë e veçantë në këtë proces që ka avantazhi i kogjenerimit, përveç efikasitetin e saj të lartë të energjisë, është se si nxehtësia e gjeneruar ashtu edhe energjia elektrike mund të përdoren në një proces të vetëm.
Akademia Ndërkombëtare Verore e Fakultetit të Inxhinierisë së Energjisë dhe Menaxhmentit, do të vazhdojë me aktivitete, ku do të ligjërojnë profesorë ndërkombëtarë me tema të ndryshme, duke ndarë eksperiencat dhe profesionalizmin e tyre, po ashtu do të zhvillohen edhe vizita studimore në sektorin e Industrisë.
Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.
Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.
Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.
Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.
- Prezantime nga përfaqësues të lartë të institucioneve relevante,
- Diskutim të hapur dhe mundësi për rrjetëzim profesional,
- Përmbyllje me përmbledhje të konkluzioneve kryesore.
/UBT News/
Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.
Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.
Të ftuar të tjerë janë po ashtu ekspertë të fushës së energjisë elektrike në vend.
UBT News do të ju sjell informacionet kryesore të kësaj konference me rëndësi.
Vlen të përmendet se edhe studentët e UBT-së po e ndjekin këtë ngjarje.
Lajmet nga UBT
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.
Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.
“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.
Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.
Lajmet nga UBT
Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës
Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.
Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.
“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.
Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.
Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.
Kryetari i Prishtinës Përparim Rama mirëpret Ambasadorin e ri të Japonisë në Kosovë
Avokatët kërkojnë që të akuzuarit në rastin Banjska të dënohen me burgim të përjetshëm
Studimi: Fëmijët e dytë kanë më shumë gjasa të shfaqin probleme sjelljeje
Sulmi në Banjskë: Tre të akuzuarit nuk pranojnë fajësinë
Aktorja e “Gossip Girl”: Zbulohet shkaku i vdekjes së Michelle Trachtenberg
Haradinaj kujton viktimat e Masakrës së Poklekut në 26-vjetorin e saj
William Levy flet pas arrestimit: “Njoha njerëz të rinj në qeli”
Nis gjykimi i të dyshuarve për sulmin terrorist në Banjskë
Carlo Ancelotti pas eliminimit nga Championsi: “Ne jemi ende në garë për tituj”
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months agoPërgatituni për të udhëhequr politikën e të ardhmes me Fakultetin e Shkencave Politike në UBT