Presidentja e Republikës së Kosovës, Justina Shiroka Pula, ka pritur sot në takim drejtorin e Agjencisë së Kosovës për Inteligjencë (AKI), Petrit Ajeti.

Gjatë këtij takimi, drejtori Ajeti i ka shprehur urimet presidentes Shiroka Pula me rastin e marrjes së detyrës së re, si dhe e ka njoftuar me hollësi mbi situatën e përgjithshme dhe aktuale të sigurisë kombëtare në vend.

Po ashtu, gjatë bisedës u vendos theksi te rëndësia e bashkëpunimit dhe bashkërendimit të vazhdueshëm ndërmjet institucioneve të sigurisë, me synim mbrojtjen e rendit kushtetues dhe garantimin e një mjedisi të sigurt për të gjithë qytetarët e Republikës së Kosovës. /E.A/

Presidenti i Këshillit Evropian, António Costa, ka ftuar zyrtarisht krerët e shteteve anëtare të Bashkimit Evropian në samitin dyditor që do të mbajë punimet më 15 dhe 16 tetor në Bruksel, njofton KosovaPress.

Takimi i nivelit të lartë do të nisë të enjten në orën 10:00 dhe pritet të përmbyllet të premten pas një dreke pune. Në fokus të agjendës do të jenë menaxhimi i krizave, reformat e brendshme institucionale lidhur me zgjerimin e BE-së, si dhe situata e sigurisë në Lindjen e Mesme.

Në letrën e ftesës, Costa nërmori se ndonëse masat ekzistuese po japin rezultate, shtetet anëtare duhet të ruajnë vigjilencën dhe të forcojnë kapacitetet mbrojtëse e reaguese ndaj krizave dhe instrumentalizimeve gjeopolitike.

Lidhur me zgjerimin, debati strategjik bazohet në dokumentin e Komisionit Evropian “Përgatitja për një Bashkim më të gjerë”, me theks të veçantë te progresi i arritur nga Mali i Zi në procesin e anëtarësimit. Po ashtu, liderët do të analizojnë zhvillimet e fundit në Lindjen e Mesme dhe ndikimin e tyre në stabilitetin global. /E.A/

Ndërtoni një karrierë të suksesshme dhe me ndikim të drejtpërdrejtë në drejtësi përmes programit të studimeve Master në programin –E Drejta Civile dhe e Pronës në UBT. Nëse ende jeni në dyshim për hapin e radhës profesional apo po kërkoni një dritare të re për t’u dalluar në tregun e punës, ky program është zgjedhja më e mirë për t’u shndërruar në një ekspert bashkëkohor ligjor.

E Drejta civile dhe ajo e pronës përbëjnë vetë shtyllën kurrizore të sistemit tonë juridik dhe të gjithë ekonomisë së tregut, ndaj kërkesa për juristë të profilizuar në këtë fushë po rritet çdo ditë e më shumë, si në sektorin publik ashtu edhe në atë privat. Programi është hartuar posaçërisht për t’iu përgjigjur nevojave reale të juristëve të rinj, duke u ofruar njohuri të thella teorike dhe praktike në çështje që përcaktojnë cilësinë e jetës ekonomike dhe juridike në vend e më gjerë.

Për t’ju mbështetur fuqishëm në këtë udhëtim profesional, UBT u ofron të gjithë studentëve të regjistruar bursën e veçantë Engaged Scholarship prej 20% zbritje për gjatë gjithë periudhës së studimeve master. Kjo mbështetje financiare e garantuar është një mundësi e shkëlqyer për të lehtësuar investimin tuaj në arsimim dhe për t’ju mundësuar përqendrim të plotë në ngritjen tuaj akademike.

Përmes këtij programi, ju do të fitoni një pasqyrë të konsoliduar mbi fusha me rëndësi kritik si e drejta e pronës, detyrimet dhe kontratat, proceset gjyqësore tregtare, ligji i konkurrencës, prona intelektuale si dhe marrëveshjet ndërkombëtare për tregti të lirë.

Në kushtet kur legjislacioni i Kosovës po kalon në një proces të vazhdueshëm të përafrimit me të drejtën e Bashkimit Evropian, juristët e rinj përballen me nevojën për të zotëruar konceptet e së drejtës private ndërkombëtare dhe ligjet e reja të falimentimit e pronësisë.

Përveç anës teorike, UBT vendos një theks të veçantë te zhvillimi i aftësive hulumtuese, të menduarit kritik, analiza doktrinore dhe interpretimet e zgjeruara ligjore. Studentët trajnohen për zgjidhjen praktike të kontesteve reale dhe aplikimin e saktë të dispozitave ligjore. Një përparësi e jashtëzakonshme është edhe praktika e obligueshme gjatë semestrit të dytë, e cila shërben si ura më e mirë lidhëse me tregun e punës.

Kjo periudhë praktike ju mundëson të vendosni kontakte të drejtpërdrejtë me pjestarë të shquar të komunitetit ligjor, gjyqtarë, avokatë dhe përfaqësues të tjerë të sistemit të drejtësisë. Zgjidhni të investoni në dijen tuaj me një program akademik që integron në mënyrë perfekte standardet evropiane, përvojën praktike dhe kushtet më të favorshme financiare.

Të paktën tre qytetarë sauditë kanë humbur jetën dhe disa të tjerë janë plagosur si pasojë e dy sulmeve në aeroportin ndërkombëtar “Mbreti Khalid” në kryeqytetin saudit, Riad, ka njoftuar autoriteti i aviacionit civil të mbretërisë.

Sipas raportimeve, sulmi i parë kishte në shënjestër objektet e aeroportit, ndërsa i dyti goditi një aeroplan të linjës ajrore “Saudia”. Burime nga aeroporti bëjnë të ditur se mbetjet e raketave të kapura nga sistemi mbrojtës kanë rënë mbi njërin nga terminalet. Në rrjetet sociale janë publikuar pamje të një avioni Airbus A320 duke u djegur në pistë, i cili sipas raportimeve të medieve ishte i parkuar dhe pa pasagjerë.

Si pasojë e këtyre zhvillimeve dhe situatës së sigurisë në Lindjen e Mesme, kompania ajrore “Lufthansa” ka njoftuar pezullimin e të gjitha fluturimeve drejt Riadit deri më 16 tetor.

Përgjegjësinë për sulmet dyshohet se e mbajnë kryengritësit Huthi të mbështetur nga Irani, të cilët së fundmi kanë paralajmëruar se objektet e naftës dhe infrastruktura strategjike në Arabinë Saudite mund të jenë shënjestra të ardhshme të goditjeve të tyre. /Reuters/