Magazinë

Nicole fotografohet për herë të parë pas ndarjes nga Keith

Published

7 months ago

on

Nicole Kidman është parë për herë të parë pas ndarjes nga bashkëshorti prej 19 vitesh, këngëtari country Keith Urban.

Aktorja australiane, 58 vjeç, është fotografuar gjatë një shëtitjeje në natyrë në Nashville, e shoqëruar nga motra e saj Antonia, e cila, sipas burimeve, është bërë mbështetja kryesore e saj në këtë periudhë të vështirë.

E veshur me rroba sportive dhe syze dielli, Kidman përpiqej të ruante një profil të ulët.

Në një moment u duk e relaksuar dhe duke qeshur me motrën, me të cilën zhvilloi një bisedë të gjatë gjatë një shëtitjeje rreth 4 kilometrash pranë vilës së saj 4 milionë dollarëshe, ku jetonte më parë me Urban dhe vajzat e tyre, Sunday Rose, 17 vjeç, dhe Faith Margaret, 14 vjeç.

Divorci i papritur dhe thashethemet për një tjetër grua

Vetëm pak ditë më parë, Urban u zhvendos nga shtëpia e përbashkët në një banesë në të njëjtin qytet, duke nxitur spekulime për probleme në martesë dhe mungesë intimiteti. Vetëm 24 orë më vonë, Kidman dorëzoi kërkesën për divorc në qarkun Davidson të Tennessee.

Burime nga industria muzikore për “Daily Mail” kanë deklaruar se Urban mund të jetë tashmë në një lidhje me një grua më të re, me emrin që përflitet më shumë të jetë kitaristja 25-vjeçare Maggie Baugh, e cila shoqëron Urban në turne.

Gjatë një koncerti të fundit, ai dyshohet se ndryshoi tekstin e një kënge të dedikuar më parë Kidman, duke përmendur emrin e Baugh, gjest që shumë fansa e konsideruan “poshtërues”.

Baugh postoi momentin në Instagram me përshkrimin: “A e tha me të vërtetë këtë?”, vetëm një ditë para se lajmi i ndarjes të bëhej publik.

Të afërmit e Kidman thonë se ajo është ndjerë thellësisht e poshtëruar nga zërat për një tjetër grua. “Ajo gjithmonë kujdesej për pamjen e saj, jo vetëm për rolet në film, por edhe për Keith,” tregon një mik i afërt. “Pyeste shpesh nëse ishte ende ‘tërheqëse’ për të, dhe ai gjithmonë i thoshte ‘po’. Por së fundmi dukej sikur ai ishte lodhur nga nevoja e saj për siguri.”

Edhe pse e tronditur, Kidman nuk ka ndërmend të dorëzohet. Pas divorcit me Cruise më 2001, ndërtoi jetë të re me Urban iu përkushtua martesës së tyre. Përkundër sfidave, përfshirë një qëndrim të Urban në rehabilitim disa muaj pas martesës, Kidman qëndroi pranë tij.

Burime pranë Urban thonë se ai përpiqet të qëndrojë i stabilizuar dhe fokusohet tek vajzat. “Ai nuk po qan për martesën që dështoi. Synimi është të jetë një prind i mirë,” thotë një mik i tij.

Urban nuk ka konfirmuar as mohuar thashethemet për lidhje të re, ndërsa rrjet janë mbushur me spekulime. /A.Z/UBT News/

Related Topics:
Continue Reading

Magazinë

Samsung reagon pas padisë së Dua Lipës për përdorim të paautorizuar të imazhit

Published

2 hours ago

on

May 13, 2026

By

Samsung ka reaguar ndaj padisë së ngritur nga këngëtarja shqiptare me famë botërore, Dua Lipa, e cila akuzon gjigantin teknologjik për përdorim të paautorizuar të imazhit të saj në paketimet e televizorëve.

Në një deklaratë për Billboard, kompania ka bërë të ditur se imazhi i artistes është përdorur gjatë vitit 2025 në kuadër të përmbajtjeve të partnerëve të palës së tretë të shërbimit “Samsung TV Plus”.

Sipas Samsungut, partneri përkatës kishte dhënë “garanci të qartë” se ishin siguruar të gjitha lejet e nevojshme për përdorimin e fotografisë, përfshirë edhe përdorimin në paketime.

“Imazhi i zonjës Lipa është përdorur vetëm pas sigurimit të qartë nga partneri i përmbajtjes se leja ishte marrë. Bazuar në këtë garanci, ne i hedhim poshtë pretendimet për keqpërdorim të qëllimshëm”, thuhet në reagimin e kompanisë.

Samsung ka theksuar gjithashtu se ka respekt për Dua Lipën dhe të drejtat e pronësisë intelektuale të artistëve, duke shtuar se mbetet i hapur për një zgjidhje konstruktive të rastit me ekipin ligjor të këngëtares.

Ndërkohë, avokatët e Dua Lipës kanë ngritur padi në gjykatën federale në Los Angeles, duke pretenduar se imazhi i artistes është përdorur pa autorizim në kutitë e televizorëve Samsung, pa leje dhe pa kompensim financiar.

Sipas tyre, përdorimi i fotografisë ka vazhduar edhe pas kërkesave për ndalimin e menjëhershëm të saj.

Ekipi ligjor i artistes kërkon 15 milionë dollarë dëmshpërblim, duke argumentuar se fotografia e Dua Lipës është përdorur në një fushatë të gjerë marketingu në SHBA gjatë viteve 2025 dhe 2026, duke përfituar në mënyrë të padrejtë nga imazhi i saj.

Në padi thuhet se Dua Lipa nuk ka qenë në dijeni dhe nuk ka dhënë asnjëherë pëlqim për përdorimin e imazhit të saj, ndërsa rasti është cilësuar nga avokatët si shkelje serioze e të drejtave të pronësisë intelektuale dhe identitetit personal.

Continue Reading

Lajmet

Shqipëria nesër në skenën e Eurovision 2026, Alis Kallaci përfaqëson vendin me këngën “Nan”

Published

2 hours ago

on

May 13, 2026

By

Shqipëria do të ngjitet nesër në skenën e madhe të Eurovision Song Contest 2026, ku do të përfaqësohet nga këngëtari Alis Kallaci me këngën “Nan”.

Performanca shqiptare pritet të sjellë emocion, ndjeshmëri artistike dhe interpretim vokal të fuqishëm, ndërsa fansat shqiptarë kanë shprehur mbështetje të madhe për këngën që do të prezantohet para publikut europian.

Alis Kallaci do të performojë më 14 maj në një nga netët më të rëndësishme të kompeticionit muzikor europian, duke synuar kualifikimin në finalen e madhe të Eurovisionit. Ndërkohë, delegacioni shqiptar tashmë ka mbërritur në Vjenë të Austrisë për të mbështetur përfaqësuesin e Shqipërisë në këtë edicion të festivalit.

Eurovision Song Contest mbetet një nga ngjarjet më të ndjekura muzikore në Evropë, ku artistë nga vende të ndryshme konkurrojnë për trofeun prestigjioz dhe vëmendjen e publikut ndërkombëtar.

Continue Reading

Magazinë

10 shtetet e para finaliste të Eurovision 2026

Published

2 hours ago

on

May 13, 2026

By

Mbrëmja e parë gjysmëfinale e Eurovision Song Contest 2026 ka sjellë emocione, spektakël dhe performanca të fuqishme në skenën europiane, ndërsa janë përzgjedhur 10 shtetet e para që sigurojnë kalimin në finalen e madhe të kompeticionit.

Sipas rezultateve të shpallura në fund të natës, Greqia ishte shteti i parë që u kualifikua, duke u pasuar nga Finlanda dhe Belgjika. Ndërkohë, Suedia siguroi vendin e katërt në listën e finalistëve, ndërsa Moldavia përmbylli pesëshen e parë të shteteve të kualifikuara.

Në mesin e vendeve që vazhdojnë garën janë edhe Izraeli, Serbia dhe Kroacia, të cilat arritën të fitojnë mbështetjen e publikut dhe jurive me performancat e tyre në skenë.

Listën e 10 finalistëve të parë e kompletuan Lituania dhe Polonia, duke siguruar kështu një vend në natën finale të Eurovisionit. Performancat energjike, skenografia spektakolare dhe votat e publikut krijuan një natë të mbushur me rivalitet artistik dhe emocione për fansat e festivalit më të madh muzikor në Evropë.

Eurovision Song Contest 2026 vazhdon të mbetet një nga ngjarjet më të ndjekura muzikore ndërkombëtare, ku artistë nga e gjithë Evropa konkurrojnë për trofeun prestigjioz dhe famën në skenën globale.

Continue Reading

Botë

Izraeli kualifikohet në finalen e Eurovisionit mes reagimeve të përziera

Published

4 hours ago

on

May 13, 2026

By

Izraeli është kualifikuar në finalen e Eurovision Song Contest me këngën “Michelle”, të interpretuar nga këngëtari 28-vjeçar Noam Bettan.

Performanca e tij në gjysmëfinale u shoqërua me reagime të përziera nga publiku. Disa persona brohoritën kundër Izraelit dhe fishkëllyen gjatë performancës, ndërsa të tjerë mbështetën këngëtarin duke thirrur emrin e tij.

Kontroversat lidhur me veprimet ushtarake të Izraelit në Gaza kanë ndikuar edhe këtë vit në atmosferën e Eurovisionit, ku pesë shtete, përfshirë Irlandën, kanë bojkotuar edicionin 2026.

Organizatorët dhe transmetuesi austriak ORF deklaruan se nuk do të censurojnë reagimet apo protestat e publikut gjatë performancave.

Continue Reading

Të kërkuara