Kulturë

Ngritja e një kompanie, përqendrohuni në dy qëllime

“Ju duhet ta ndërtoni sikur do ta keni atë përgjithmonë”.

Published

4 years ago

on

Sipërmarrësit e rinj shpesh pyesin, cila është gjëja më e rëndësishme për t’u përqendruar teksa po ndërtoj një biznes? Ju themi: “Ju duhet ta ndërtoni sikur do ta keni atë përgjithmonë dhe në të njëjtën kohë ta ndërtoni në mënyrë që të mund ta shisni nesër për sa më shumë para të jetë e mundur edhe nëse nuk e keni ndërmend”. Një sipërmarrës i ri mund të pyesë si mund t’i bëjë të dyja. Në të vërtetë, ato janë pothuajse të njëjta.

Ndërtimi i një kompanie që do të zgjasë përgjithmonë do të thotë që nuk ndiqni një rrugë që i bie shkurt. Ju gjithmonë merrni vendime afatgjata të biznesit. Për shembull, ju nuk punësoni shitës nga konkurrentët. Është një tundim sidomos kur po fillon, pasi mund të mendoni se duke punësuar shitës të një konkurrenti kurseni kohë dhe para. Ata janë të trajnuar tashmë për një gjë dhe e njohin industrinë. Gjithashtu kanë shembuj që mund t’i përdorni, madje mund të jenë në gjendje të sjellin klientë.

Por, duhet të kuptoni se shitësit nga konkurrentët kanë shumë zakone të këqija që nuk mund t’i ndryshoni. Ata kanë mësuar të gjitha truket e tregtisë, duke përfshirë ato më të këqija, dhe do të bënin gjithçka që ishte e nevojshme për të bërë një shitje të shpejtë. Nëse përpiqesh t’u mësosh një pikëpamje më të gjatë, ata nuk do t’ju dëgjojnë. Madje, mund të mendojnë se e dinë më mirë se ju se si niset një biznes.

Me kohën mund ta kuptoni se nuk janë shitësit më të mirë se ata që mund të punësoni nga jashtë industrisë dhe i trajnoni vetë. Norm Brodsky, sipërmarrës shkruan për Inc se, “kur mora shitës të konkurrentëve, të cilët më treguan për gjëra të mëdha që ata kishin bërë në punët e tyre të mëparshme, mësova se nuk duhet t’i kisha besuar. Kam mësuar gjithashtu se çdo shitës që tradhëton një punëdhënës të mëparshëm duke vjedhur klientët, një ditë do të përpiqet të bëjë të njëjtën gjë me ju”.

Përvoja të tilla të mësojnë se nuk është ide e mirë të zgjedhësh rrugën më të shkurtër për të nisur një biznes. Sidoqoftë, ju nuk do të jeni të fokusuar në ndërtimin e një kompanie që mund të zgjasë përgjithmonë.

Nëse po e ndërtoni atë në mënyrë që ta shisni për sa më shumë para që është e mundur – e cila është në të vërtetë një ide e ngjashme me ngritjen e një kompania për ta pasur për vete- do të zbatoni praktikat më të mira. Me praktikat më të mira, nënkuptohen gjëra që i shtojnë vlerë kompanisë duke rritur mundësinë që çdo pronar i ardhshëm të jetë në gjendje të fitojë vlerën maksimale- edhe nëse pronari i ardhshëm do të jesh ti. Nuk ka rrugë shkurt për praktikat më të mira, të cilat do të ndihmojnë biznesin tuaj të lulëzojë, pavarësisht nëse vendosni ta shisni atë.

Një praktikë e mirë për shembull, është të qëndroni në kontakt të drejtpërdrejtë me klientët tuaj dhe të mbani marrëdhëniet e përditësuara, mundësisht në formën e kontratave të rinovueshme. Blerësit e zgjuar do t’i shqyrtojnë këto marrëdhënie nga afër, për arsye të thjeshtë se ata duan të jenë të sigurtë se konsumatorët do të qëndrojnë me kompaninë pasi të jetë shitur. Ju duhet të jeni të mençur të këmbëngulni për të njëjtin nivel sigurie në biznesin tuaj. Është shumë e lehtë të lejohet që këto lidhje të zbehen me neglizhencë dhe më pas të zbuloni për habinë tuaj se një klient i rëndësishëm ka humbur.

Një praktikë tjetër më e mirë është të siguroheni që keni financa të tilla të sakta që bankat dhe të aktorët e tjerë të jashtë, mund të kenë besim absolut në to. Natyrisht, të gjithë përfitojmë nga të pasurit financa të mira, thotë Brodsky, “por unë po flas për të marrë një hap më tej dhe për të certifikuar financat. Po! Procesi i certifikimit do t’ju kushtojë para e do t’ju marrë kohë, por financat e certifikuara rrisin vlerën e kompanisë. Një gjë, ata do ta bëjnë shumë më të lehtë për ju për të marrë një kredi në qoftë se papritmas keni nevojë. Ato gjithashtu e bëjnë biznesin shumë më tërheqës ndaj blerësve potencialë.

Ndiqni këto rregulla dhe do arrini të keni një biznes të mirëmenaxhuar dhe të vlefshëm që mund të vazhdojë të rritet dhe të përmirësohet për një kohë të gjatë. Injoroni ato, dhe ju do të kufizoni aftësinë e kompanisë tuaj për të arritur ndonjëherë potencialin e saj të plotë.

Related Topics:
Continue Reading

Kulturë

Atraksionet turistike më të rrezikshme në botë

Published

4 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

5 days ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Lajmet

Aktorja e njohur e viteve të 90-ta duket e panjohur në Los Angeles

Published

7 days ago

on

January 3, 2026

By

Aktorja e njohur e viteve të 90-ta, Penelope Ann Miller, është shfaqur thuajse e panjohshme gjatë një daljeje të rrallë në Los Angeles.

61-vjeçarja u pa duke mbajtur një profil të ulët në Beverly Hills, larg vëmendjes së zakonshme mediatike.

Miller u bë e famshme në fillim të viteve të 90-ta dhe ka ndërtuar një karrierë të pasur në film, televizion dhe teatër, shkruan DailyMail.

Ajo ka luajtur role të spikatura në filma si Awakenings, përkrah Robin Williams dhe Robert De Niro, Kindergarten Cop, The Relic, si dhe në serialin American Crime, që i solli një nominim për çmimin Primetime Emmy. Në teatër, ajo është nominuar dy herë për çmimin Tony për rolet në Our Town dhe All My Sons.

Në jetën personale, Miller ka folur hapur për lidhjen romantike që pati dikur me Al Pacino, me të cilin luajti edhe në filmin ikonë Carlito’s Way (1993).

Në një intervistë të asaj kohe, ajo deklaroi se nuk ishte e turpëruar për këtë marrëdhënie dhe se Pacino kishte ndikuar thellë në jetën e saj emocionale.

Aktorja është e martuar që nga viti 2000 me James Patrick Huggins, me të cilin ka dy vajza. Ajo ka treguar se e njeh bashkëshortin e saj që nga adoleshenca dhe se familja mbetet sot prioriteti i saj kryesor, larg shkëlqimit të vazhdueshëm të Hollywood-it./EkonomiaOnline/

Continue Reading

Lajmet

Beyonce shpallet miliardere

Published

7 days ago

on

January 3, 2026

By

Beyoncé është shpallur miliardere nga Forbes, duke e bërë atë muzikanten e pestë që i bashkohet njerëzve më të pasur në botë.

Ylli amerikan i është bashkuar një grupi elitar muzikantësh me pasuri 10-shifrore, raporton Forbes, përfshirë Taylor Swift, Rihanna, Bruce Springsteen dhe bashkëshortin e saj Jay-Z, të cilët revista e biznesit i rendit si me një pasuri neto prej 2.5 miliardë dollarësh, shkruan BBC.

Më parë këtë muaj, Forbes vlerësoi pasurinë neto të Beyoncé-s në 800 milionë dollarë dhe parashikoi se ajo do të kalonte pragun e miliarderes për herë të parë pas viteve të suksesit.

Turneu i saj botëror Renaissance 2023 fitoi gati 600 milionë dollarë, duke e bërë atë një nga ikonat më të mëdha të muzikës pop në botë së bashku me Taylor Swift. Beyoncé prodhoi një film të performancës në koncert, i cili ishte turneu i saj i parë solo në shtatë vjet, dhe e shpërndau atë direkt nëpërmjet një marrëveshjeje me rrjetin e teatrit AMC, i cili e pa atë të fitonte gati gjysmën e të ardhurave globale prej 44 milionë dollarësh.

Albumi i saj i vitit 2024, Cowboy Carter, i cili feston dhe kontekstualizon rrënjët e zeza të muzikës country, u prit me vlerësime kritike dhe fitoi çmimin e albumit të vitit në Çmimet Grammy – hera e parë që Beyoncé fitoi çmimin prestigjioz, pavarësisht se u nominua katër herë.

Forbes vlerëson se turneu Cowboy Carter – i cili përfshinte paraqitje të ftuar nga Jay-Z, dy nga tre fëmijët e tyre dhe ish-anëtarët e grupit Destiny’s Child – grumbulloi gjithsej më shumë se 400 milionë dollarë në shitje biletash dhe 50 milionë dollarë të tjerë në mallra të shitura në shfaqje.

Ndërsa turneu theu rekorde biletash në stadiumin Tottenham Hotspur në Londër dhe Stade De France në Paris, ai u shoqërua me shitje të ngadalta biletash me promotorët që ulën disa çmime në një përpjekje për të mbushur vendet.

Megjithatë, ishte bileta me çmimin më të lartë nga çdo artist që vizitoi Mbretërinë e Bashkuar në vitin 2025, me 950 paund, ndërsa më e lira kushtonte 71 paund.

Një shfaqje speciale në pushim për ndeshjen e parë të NFL-së të Netflix-it për Ditën e Krishtlindjeve mblodhi rreth 50 milionë dollarë, përveç 10 milionë dollarëve për një sërë reklamash të Levi’s, tha Forbes./EkonomiaOnline/

Continue Reading

Të kërkuara