Kulturë

Kur nuk mund t’i realizoni pritjet në punë…

Gjithmonë qëndroni në shërbim.

Published

5 years ago

on

Tejkalimi i pritshmërive është një gjë shumë e vështirë për ta bërë vazhdimisht. Mendoj se ne e kemi më mirë të sigurohemi se të paktën i përmbushim ato pritshmëri. Shumica e njerëzve kanë qëllime të mira kur është fjala tek ofrimi i asaj që pritet. Ata bëjnë premtime ose paraqitje të vlerës që do ta ofrojnë. Ata japin premtime me besim të mirë, pa menduar për pasojat të cilat ndodhin kur nuk janë në gjendje t’i realizojnë ato. Në realitet, përmbushja e pritshmërive është mjaftueshëm e vështirë, e lëre më tejkalimi i tyre.

Çfarë prisni?

Arsyeja se pse është kaq e vështirë të përmbushim dhe të tejkalojmë pritshmëritë është sepse ne jemi njerëz. Kjo do të thotë se ne jemi joefikasë dhe statistikisht jo të suksesshëm. Dikur mendoja se përmbushja e pritshmërive kishte të bënte më dëshirën dhe vullnetin e lirë, por kjo nuk është e vërtetë. Ajo që ndodh është se ne premtojmë të ofrojmë vlerë, bëjmë paraqitje të asaj që do të bëjmë dhe përfundojmë duke krijuar një zbrazëti për t’a mbushur. Për shkak të joefikasiteteve tona natyrale dhe mungesës së suksesit statistikor, ne kemi tendenca të provojmë të shesim më shumë se sa kemi për të takuar ose tejkaluar ato pritshmëri. Me këtë mënyrë të të menduarit, ne nuk do të kemi kurrë mjaftueshëm.

Unë provoj të ndryshoj shembullin që të përmbush dhe të tejkaloj pritshmëritë që të mos brengosem për shitjen e tepërt ose gënjeshtrat, si shumica. Mos bieni në kurthin e fajit, turpit dhe arsyetimeve. Jetoni me të vërtetën dhe qëndroni të përgjegjshëm. Ju do të jeni më mirë kështu.

Gjithmonë qëndroni në shërbim

Unë fokusohem vetëm në ofrimin e vlerës dhe të jem në shërbim. Shumë ndërmarrës bëjnë prioritet fitimin e parave mbi gjithçka tjetër, por nëse drejtojmë fokusin tonë në ofrimin e shërbimeve dhe të ndihmojmë njëri tjetrin, ne mund të kuptojmë se ka mjaftueshëm gjithçka për të gjithë. Kur e bëjmë këtë, ne jetojmë më afër të vërtetës, dhe lëmë atë zbrazëti, jo që t’a mbushim, por që universi t’a mbushë. Dhe gjëja më e mrekullueshme është se ndryshe nga njerëzit të cilët janë të prirur ndaj gabimeve, universi është i saktë. Kur jemi nën shërbim dhe ofrojmë vlerë pa asnjë pritshmëri, përfaqësim ose premtime, universi na ofron atë që ua kemi dhënë të tjerëve. Fuqia e universit është ajo që na jep thënie të mrekullueshme si, Sa më shumë që jepni, aq më shumë do të merrni, ose, Çfarëdo që jap, pranoj 10 herë më shumë se aq.

Tejkaloni pritshmëritë tuaja

Ne duhet të tejkalojmë pritshmëritë tona duke ofruar vlerë dhe duke qenë nën shërbim. Ndani veten nga rezultati dhe mos u brengosni për premtimet, shitjen e tepër ose gënjeshtrat. E vërteta gjithmonë do të vijë në një mënyrë ose tjetër. Ndaloni së koncentruari në para dhe filloni të jeni nën shërbim dhe t’ia jepni veten të tjerëve. Paraja do të vijë në fund. Besoni universit dhe gjithçka do ju vijë shpejtë. Kështu tejkaloni edhe pritshmëritë tuaja!

Related Topics:
Continue Reading

Lajmet

DioGuardi, Cloyes DioGuardi dhe Steven Powles vizitojnë Bibliotekën Kombëtare të Kosovës

Published

15 minutes ago

on

August 25, 2026

By

Drejtoresha e Bibliotekës Kombëtare të Kosovës, Dr. Blerina Rogova Gaxha, ka pritur në takim ish-kongresmenin amerikan dhe themeluesin e Ligës Qytetare Shqiptaro-Amerikane (AACL), Joseph J. DioGuardi, këshilltaren për çështjet e Ballkanit në këtë organizatë, Shirley Cloyes DioGuardi, si dhe juristin britanik Steven Powles KC, specialist i së drejtës penale ndërkombëtare, krimeve të luftës dhe të drejtave të njeriut.

Sipas Bibliotekës Kombëtare, takimi ishte një mundësi për të shprehur mirënjohje për kontributin shumëvjeçar të tyre në mbështetje të Kosovës dhe të drejtës së popullit të saj për liri, demokraci dhe pavarësi.

Joseph dhe Shirley DioGuardi, që nga themelimi i Ligës Qytetare Shqiptaro-Amerikane në vitin 1989, kanë luajtur rol në sensibilizimin e institucioneve amerikane dhe opinionit publik për çështjen e shqiptarëve të Kosovës.

Ndërkaq, Steven Powles KC kishte punuar në Kosovë në vitin 1999 me International Crisis Group, në kuadër të angazhimeve për hetimin e krimeve të luftës të kryera gjatë konfliktit.

Përmes angazhimit të tyre me Kongresin e Shteteve të Bashkuara, institucione të ndryshme dhe figura politike, ata kanë kontribuar në forcimin e vëmendjes ndërkombëtare ndaj çështjes së Kosovës.

Biblioteka Kombëtare e Kosovës e ka vlerësuar takimin si një moment kujtese, nderimi dhe mirënjohjeje për personalitetet që, sipas saj, i kanë qëndruar pranë Kosovës në rrugëtimin drejt lirisë dhe pavarësisë./A.K/

Continue Reading

Lajmet

Ka vdekur Eqrem Kryeziu, ish-kryetar i Prizrenit dhe ish-deputet i Kuvendit të Kosovës

Published

3 hours ago

on

August 25, 2026

By

Ka ndërruar jetë Eqrem Kryeziu, ish-kryetar i Komunës së Prizrenit, ish-nënkryetar i Lidhjes Demokratike të Kosovës dhe ish-deputet i Kuvendit të Kosovës.

Lajmin për vdekjen e tij e ka konfirmuar përmes një postimi në Facebook drejtori i Bujqësisë dhe Zhvillimit Rural në Komunën e Prizrenit, i cili ka shprehur dhimbjen për ndarjen nga jeta të Kryeziut.

Ai e ka vlerësuar Kryeziun si një prej figurave të rëndësishme të jetës politike dhe publike të Prizrenit dhe të LDK-së.

“Për vite me radhë, ai dha kontributin e tij në shërbim të qytetit, qytetarëve dhe vendit”, ka shkruar ai, duke theksuar se Kryeziu, përmes angazhimit të tij politik dhe institucional, ka lënë gjurmë në historinë e Prizrenit dhe të LDK-së.

Eqrem Kryeziu ka mbajtur disa poste politike dhe institucionale, ndërsa ka qenë deputet i Kuvendit të Kosovës në disa mandate.

Për vdekjen e tij janë shprehur ngushëllime për familjen, të afërmit, miqtë, bashkëpunëtorët dhe strukturat e LDK-së./A.K/

Continue Reading

Lajmet

Kalaja e Prizrenit mbyllet përkohësisht për vizitorët

Published

4 hours ago

on

August 25, 2026

By

Ministria e Kulturës dhe Turizmit ka njoftuar se Kalaja e Prizrenit do të mbyllet përkohësisht për vizitorët, për shkak të fillimit të punimeve për zbatimin e masave emergjente.

Sipas njoftimit, mbyllja do të zgjasë dy javë, duke filluar nga 25 gushti 2026.

Vendimi është marrë nga Njësia Menaxhuese e Kalasë së Prizrenit, me miratimin e Institutit Arkeologjik të Kosovës, me qëllim krijimin e kushteve të sigurta gjatë zhvillimit të punimeve.

Ministria ka bërë të ditur se për çdo ndryshim sa i përket afatit të mbylljes dhe rihapjes së kalasë për vizitorë, publiku do të njoftohet me kohë./A.K/

Continue Reading

Lajmet

Bibliotekës Kombëtare të Kosovës i shtohet botimi i ri “La Scanderbeide”

Published

23 hours ago

on

August 24, 2026

By

Koleksioneve të Bibliotekës Kombëtare të Kosovës u është shtuar botimi i vitit 2025 i veprës “La Scanderbeide: Edizione integrale commentata” të Margherita Sarrocchi-t.

Botimi është përgatitur nga Olimpia Gargano dhe është publikuar nga Centro di Cultura e Storia Amalfitana, në serinë Biblioteca Amalfitana.

“La Scanderbeide” konsiderohet një vepër e rëndësishme e letërsisë italiane të shekullit XVII dhe poema e parë epike e shkruar nga një grua në letërsinë italiane të asaj periudhe. Vepra e Sarrocchi-t e vendos figurën e Gjergj Kastriotit – Skënderbeut në kontekstin e letërsisë evropiane dhe dëshmon jehonën e tij përtej botës shqiptare.

Botimi i vitit 2025 ka rëndësi të veçantë pasi sjell një edicion të ri dhe më të qasshëm të veprës për lexuesit dhe studiuesit.

Sipas Bibliotekës Kombëtare të Kosovës, ky pasurim i koleksioneve përbën një burim me interes të veçantë për studiuesit e letërsisë, historisë, albanologjisë dhe marrëdhënieve kulturore shqiptaro-italiane./A.K/

Continue Reading

Të kërkuara