Aktualitet

Ngritja e çmimit të kafes – Gastronomët distancohen: Qeveria keqmenaxhoi me ndarjen e mjeteve

Published

on

Shoqata e Gastronomëve është distancuar nga veprimet e disa bizneseve për të cilat u raportua se kanë ngritur e çmimin e kafes, raporton Ekonomia Online.

Lidhur me këtë Autoriteti Kosovar i Konkurrencës ka paralajmëruar dënime.

Në një intervistë për Ekonomia Online, Arian Vranica, nga Shoqata e Gastronomëve, tha se brenda kësaj shoqate nuk ka të raportuar për ngritje të çmimit të kafes.

“Shoqata e Gastronomëve të Kosovës përveç që përfaqëson interesat sektoriale, të sektorit të gastronomisë ajo i ka 420 anëtarë, dhe brenda këtyre anëtarëve nuk ka të raportuar që ka ngritje të çmimeve por sido që të jetë është evidente që po flitet edhe po raportohet që ka ngritje të çmimeve në disa komuna, të çmimit të kafes po flasim”.

“Ne si shoqatë jemi distancuar nga këto veprime të cilat janë të kundërligjshme dhe bie ndesh me ligjin për mbrojtjen e konkurrencës, konkretisht me Autoritetin Kosovar të Konkurrencës, dhe marrëveshjet, dhe nuk është një gjë që lejohet, edhe pse e kuptojmë performancën e dobët të sektorit të gastronomisë ku prin në raport me çdo industri tjetër dhe do të kishte qenë evidente dhe e kuptueshme një ngritje e çmimit të kafes, sidomos gjatë periudhës së ramazanit që është një periudhë jo e mirë në afarizmin e gastronomisë, e sidomos pas barrierave”, tha Vranica.

Vranica potencoi që është më e rëndësishme dhe më shqetësuese që të hulumtohet rritja e produkteve ushqimore, dhe të iniciohet procedurë hetimore ndaj tyre, sesa të merren me gastronominë dhe bizneset.

“Është evidente që krahasuar me muajin mars dhe shkurt kemi pasur një rritje të çmimeve të ndryshme, sa i përket artikujve ushqimorë të konsumit, të cilat lidhen me 0.4% rritje nga muaji shkurt me muajin mars, dhe kjo është për t’u shqetësuar dhe kishte qenë temë shumë ma herët që të merremi, dhe e njëjta nuk ka ndodhur, andaj u bëjmë thirrje që të bëjë inicimin e procedurave hetimore në lidhje me produkte të ndryshme, si të vajit, miellit e produkteve tjera, që janë rritur dhe që është për tu shqetësuar”, deklaroi ai.

Ai tha që duhet të ketë qasje të barabartë tek të gjithë sektorët dhe jo t’i vihet gishti vetëm tek gastronomët, pasi sipas tij ky fenomen paraqitet edhe tek sektorë të tjerë.

“Pikërisht ne prandaj bëmë thirrje, edhe pse është e kuptueshme edhe shumë normale që të kishte një rritje të çmimeve, por këto janë vendime subjektive të secilit bizneseve i cili mund të ndërmarrë dhe jo kolektive me marrëveshje të caktuar. Gjithsesi duhet të ketë një qasje të barabartë tek të gjithë sektorët e jo t’i vëmë gishtin vetëm gastronomisë, kur e dimë që ky fenomen paraqitet tek sektorët e tjerë”, u shpreh tutje Vranica.

Vendimin e fundit për alokimin e mjeteve, dhe ndarjen e buxhetit për këta sektorë, Vranica  e konsideron jo proporcional dhe keqmenxhuese, pasi krahasimi me disa sektorë siç është barnatoret, furrat e bukës të cilat kanë punuar vazhdimisht, është i papranueshëm dhe që duhet anuluar.

“Ka qenë një ndarje jo proporcionale, dhe ka qenë një keqmenaxhim i buxhetit të Kosovës, ne e dimë që buxheti i Kosovës ka telashe të mëdha për me nda alokime të tilla, ka pasur ndarje me gjithë respektin, për barnatoret, për furrat e bukës që nuk ka pasur nevojë të bëhet një gjë e tillë, sepse atëherë kur bie fjala tek sektorët që kanë pësuar dëme, normalisht që edhe kompensimet nuk i kanë marrë të duhurat”.

“Andaj ne po shohim që edhe vendimi i fundit që u mor, është dashur të anulohet, andaj kjo është si pasojë e keq menaxhimit të buxhetit, dhe i njëjti është dashur të jetë në proporcion me dëmet e shkaktuara”, tha mes tjerash ai.

Këndellja e gastronomisë sipas tij do zgjasë mjaftë shumë, pasi sipas asnjë raporti hulumtues 36% e bizneseve iu duhet 3-12 muaj për t’u rikuperuar, ndërsa 50% iu duhet më shumë se një vit që të kthehen në gjendje normale.

“Këndellja e cila mund t’i bëhet sektorit të gastronomisë pasi që të përfundoj pandemia, 36% të bizneseve sipas raportit hulumtues do ju duhet 3-12 muaj për tu rikuperuar në gjendje normale, ndërsa mbi 50% të bizneseve ju duhet më shumë se një vit për tu kthyer në gjendje normale, dhe vendime të tilla andaj kanë qenë të papërgjegjshme, për ndarje të tilla buxhetore që veçse folëm”, përfundoi ai.

Continue Reading

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Bota

Vuçiq nuk tërhiqet nga pjesëmarrja në paradën e Putinit, pavarësisht presionit të BE-së

Published

on

By

Presidenti i Serbisë, Aleksandar Vuçiq, ka konfirmuar se do të marrë pjesë në paradën e Ditës së Fitores që do të organizohet nga presidenti rus, Vladimir Putin, më 9 maj në Moskë. Vendimi i tij vjen pavarësisht paralajmërimeve të qarta nga Bashkimi Evropian se pjesëmarrja në këtë ngjarje përkujtuese mund të dëmtojë seriozisht procesin e integrimit të Serbisë në BE.

Sipas agjencisë Associated Press, zyrtarët evropianë e kanë cilësuar këtë vizitë si shkelje të kritereve të anëtarësimit për vendet kandidate dhe si një mesazh mbështetës për luftën e Rusisë në Ukrainë.

Vuçiq, i njohur për qëndrimet e tij pro-ruse, ka deklaruar se një njësi ushtarake serbe do të marrë pjesë në paradë dhe se Serbia, për herë të parë, po merr pjesë në organizimin e saj “së bashku” me Rusinë. Ai shtoi se do të udhëtojë drejt Moskës së bashku me kryeministrin e Sllovakisë, Robert Fico – një tjetër lider që ka kritikuar qëndrimin e BE-së ndaj paradës. Udhëheqësi serb i Bosnjës, Milorad Dodik, gjithashtu ka paralajmëruar pjesëmarrjen e tij.

Shefja e diplomacisë së BE-së, Kaja Kallas, theksoi se blloku nuk dëshiron që asnjë vend kandidat të marrë pjesë në ceremoninë e 9 majit në Moskë, duke e parë këtë si një akt të papërshtatshëm në kohën kur Rusia vazhdon agresionin ndaj Ukrainës.

Në Serbi, Vuçiq përballet me tensione të brendshme. Protesta masive të udhëhequra nga studentët janë zhvilluar kundër korrupsionit dhe qeverisjes së tij autokratike 13-vjeçare. Shkak për këto protesta u bë shembja e një ndërtese në Novi Sad më 1 nëntor, ku humbën jetën 15 persona – një ngjarje që lidhet me kontrata të dyshimta me kompani ndërtimi, përfshirë edhe ato kineze.

Në këtë klimë tensioni, parlamenti serb ka miratuar një qeveri të re me ministra të profilit anti-BE. Ndër ta është edhe ministri i Informacionit, Boris Bratina, i cili është parë kohët e fundit duke djegur flamurin e Bashkimit Evropian dhe duke deklaruar: “Nuk duam BE, duam bashkim me Rusinë”.

Gjatë një konference për media, Vuçiq përmendi edhe një raport të shërbimit sekret rus, FSB, sipas të cilit akuzat për përdorimin e armëve zanore ndaj protestuesve në Beograd më 15 mars janë të pavërteta. Këto armë, që përdorin valë zanore për të shpërndarë turma, janë të diskutueshme dhe konsiderohen nga shumë organizata si mjete represive.

Continue Reading

Bota

Amnisti masive në Mianmar: Lirohen edhe të burgosur politikë

Published

on

By

Kreu i Qeverisë Ushtarake të Mianmarit, Gjenerali Min Aung Hlaing, ka shpallur një amnisti të gjerë me rastin e Vitit të Ri Tradicional, duke liruar rreth 4,900 të burgosur, përfshirë së paku 22 të burgosur politikë

Operacioni i lirimit ka përfshirë 19 autobusë që transportuan të burgosurit nga burgu famëkeq Insein në Jangon, ku familjarët e tyre prisnin me padurim jashtë mureve të burgut. Sipas Rrjetit të Mianmarit për të Burgosur Politikë – një organizatë e pavarur që monitoron situatën e të drejtave të njeriut – të paktën 22 të burgosur politikë janë liruar në kuadër të kësaj amnistie.

Gjenerali Min Aung Hlaing, i cili udhëheq Këshillin Ushtarak që mori pushtetin në vitin 2021, ka bërë të ditur se amnistia përfshin gjithsej 4,893 të burgosur, ndër ta edhe 13 shtetas të huaj, të cilët janë liruar dhe dëbuar nga vendi.

Megjithatë, personat e dënuar për vepra të rënda penale – si vrasje, përdhunim apo shkelje të sigurisë kombëtare – nuk janë përfshirë në këtë amnisti. Ndërkohë, për të tjerët që nuk janë liruar, është bërë ulje e dënimeve të tyre.

Autoritetet kanë paralajmëruar se të burgosurit e liruar janë të obliguar të respektojnë ligjin, përndryshe do të përballen me vuajtjen e pjesës së mbetur të dënimit, përveç ndonjë dënimi të ri në rast të shkeljeve të ardhshme.

Continue Reading

Bota

Fillojnë bisedimet SHBA–BE për paqen në Ukrainë

Published

on

By

Në Paris kanë nisur takimet mes përfaqësuesve të lartë amerikanë dhe evropianë, me fokus situatën në Ukrainë dhe sigurinë në rajon. I dërguari presidencial amerikan, Steve Witkoff, është takuar me zyrtarë francezë dhe këshilltarin e sigurisë kombëtare të Mbretërisë së Bashkuar, Jonathan Powell.

Kryeqyteti francez është bërë qendër e një sërë bisedimesh të rëndësishme, ku marrin pjesë sekretari amerikan i Shtetit, Marco Rubio, presidenti francez Emmanuel Macron, zyrtarë të lartë nga Ukraina, si dhe përfaqësues të tjerë nga vendet aleate. Rubio ka mbërritur në Paris në orët e para të mëngjesit të së enjtes.

Sipas zëdhënëses së Departamentit të Shtetit, Tammy Bruce, Rubio dhe Witkoff pritet të zhvillojnë bisedime me homologët e tyre evropianë për të avancuar objektivin e presidentit Donald Trump: ndërmjetësimin e një armëpushimi mes Rusisë dhe Ukrainës dhe dhënien fund të gjakderdhjes.

Këto takime zhvillohen në një kohë kur po rriten shqetësimet lidhur me qëndrimin e Trump-it ndaj Rusisë dhe qasjen e tij ndaj çështjeve globale. Përveç përpjekjeve për paqe në Ukrainë, vëmendje kanë tërhequr edhe politikat e administratës së tij mbi tarifat ndaj aleatëve, si dhe deklaratat për NATO-n dhe çështje të tjera si ajo e Grenlandës.

Continue Reading

Të kërkuara